ب دەستووری خودێ

ھات چارشەمبووا فاخری
یا تاووسی مەلەک توی قادری
تە پیرانی داھر کر و کرە رکن ژ ئەولی

***

یا رەبی توی رەحیمی توی کەریمی
توی دایمی تو مەلکێ عەرشێ عەزیمی
ژ ئەزل دا یی قەدیمی
تو لایقی مەدح و سەنای
مەدح و سەنا بۆ تە د چاکن
عەزازەت و جەلالەت بۆ تە د چاکن

***
یارەبی تو وەحدل قەھاری
یی بێ شریکی و یی بێ ھەڤالی
یارەبی تو خودێ یەکی ب حەقی
تو کەسێ بێ کەسای
تو دەلیلێ حەیریای
جەبارێ شکەستیای

***
یا کەرەما سوارێ رۆژ ھلاتێ و رۆژئاڤایێ
تو بدەیە خاترا دۆتێ و دایێ
و چڕێ کانیا سپی تو مە خلاس بکەی ژ قەدایێ ژ بێ بەختیێ ژ نەبوویێ ژ بەلایێ

***
یارەبی تو بدەیە خاترا بەھشتێ و دارێ
کافێ و مغارێ
سوارێ ھێڤارێ
شێشمس خودانێ کریارێ
تو د بانگ و ھاوارێت مە بێی ڤێ جارێ

***
یارەبی تو بدەیە خاترا چەرخ و فەلەکا
و مێر و مەلەکا
و سوڕا تاووسی مەلەکە
تو دەرگەھێت خێرا ل بەر مەڤەکە

***
یا رەبی تو بدەیە خاترا دوڕا سپی یە
مەلەکێ بێرییە
عەردو عەسمان و زەڤی یە
ھێڤی و مەھدەرێت مە ل نک خۆ چێ کەیە

***
یا رەبی تو بدەیە خاترا دوڕا سۆرە
کورسی یا مۆھرە
لالش و قوبلەت بدۆرە
تو ل بانگ و ھاوارێت مە بێی ل ژۆرە

***
یارەبی تو بدەیا خاترا دوڕا زەرە
شێشمسێ تەتەرە
ئاخ و ئاڤ و ئاگرە عەرد و عەسمان و بەرە
ئێزدی ئەمیر و ھەر چار سوڕە
تو د بانگ و ھاوارێت مە وەرە

***

یا رەبی تو بدەیە خاترا کورسیا رەحمانە
نەفسا عنس و جانە
سوڕا شێخ مەندێ فەخرانە
ژ لالشێ بێت بۆمە ھانە

***
یارەبی تو بدەیە خاترا کورسیا جەبێرە
خەلکێ خودان خێرە و دوعایێت فەقیرە
کافێ و ھەر ھەفت مێرە
مەلک فەخرەدین و ھەر چار گێلە
تو ل بەر مە ڤەکەی دەریێت خێرە

***

یا رەبی تو ب قەدرێ دوڕێ کەی و ب قەدرێ کاسێ کەی
ب قەدرێ ئختیارێت مەخفی سوڕ ل پێ پرا سەراتێ ل بنێت بەحرێ کەی
ھێڤی و مەھدەرێت مە ل نک خۆ چێ کەی

***
یارەبی تو بدەیە خاترا سووکا مەعریفەتێ
مێرێت ھاتینە بەر وەختێ دەروێشێ دکێشت عەبادەتێ
مێرێ ب شەڤێ و ڕۆژێ دکەت خلمەتێ
ب پرسە ل حالێ مە و سوونەتێ

***

یا رەبی تو بدەیە خاترا : عزرائیل جبرائیل میکائیل شمقائیل دردائیل عزرافیل و عەزازیل
ئەون ھەر ھەفت مەلەکێت کبیر
د دەستێ وان دا مفتا و کلیل
ژ بەری ئادەم ب چەندی بەدیل
د راوەستاینە ل حزرەتا مەلکێ جەلیل

***
یا شەمسێ ئێزدینە
تو کلیل و مفتا بینە
ڤەکە دەڕیێت خزینا و بۆ مە خەلاتا دەرینە
ئەم ئێزدی ل ھێڤیێ نە

***
یا رەبی تو ل عەردا تو ل سەما
تو وێ ل شایا تو وێ ل خەما
تو وێ ل لەوحا تو وێ ل قەلەما

***
یارەبی تو وێ ل عەردا تو وێ ل سەما
تو وێ ل بەحرا تو وێ ل بنیانا
تو وێ ل زارا تو وێ ل زمانا
مرازا ژ تە د خوازین دین و ئیمانە

***
یا سولتان ئێزی توی میر
تو ل مە و ڤێ چڤاتێ بکەی سەخبیر
بدەیە خاترا تەختێ میر

***
یارەبی خۆزی من ھەبانە ھەزار سەرە
ھەر سەرەکی ھەزار رووە
ھەر رووەکی ھەزار دەڤە
ھەر دەڤەکی ھەزار زمانە
و ھەر زمانەکی ب ھەزار رەنگا مەدح و سەنا بۆ خودێ کربانە
یە کێمە و نە گەلەکە

***
یێ تەمام خودێ یە.[1]