ناڤ: ئاراس
ناسناڤ: ئیلنجاغی
ناڤێ بابی: عومەر فەتحوڵڵا
ڕۆژا ژ دایکبوونێ: 01-07-1976
جهێ ژ دایکبوونێ: #کۆیە#
$ژیاننامە$
ناوی وی یێ تەواو « ئاراس عومەر فەتحوڵڵا کاوێس مەلاک»ە، نەڤیێ «بایەزید بەگێ شێخانیێ بن داسنی»یە. پتر ژ 200 ساڵان بەری نها باڤ و کالێن وی هاتینە گوندێ #ئیلنجاغی گەورە# و ئەڤ گوند ئاڤەدانکرینە. ئاراس ئیلنجاغی ل ساڵا 1976ێ ل گوندێ ئیلنجاغی گەورەی شێخانان، سەر ب باژێڕوکێ تەقتەق- کۆیە ل مالباتەک جۆتکار ژدایکبوویە. ل ژیێ 3-4 ساڵیێ ژبەر هەبوونا نەفتێ ل گوند و وارێ خوە دهێنە دەرکرن و ئاوارەیێ باژێرێ هەڤلێر و کۆیێ دبن، کو ل داویێدا ل ساڵا 1981ێ ڤە ل باژێڕوکێ تەقتەقێ ئاکنجی دبن. پەروەردە و بەشا گرنگ یا ژیانا وی ل وی باژێڕوکی دەستپێکرییە. قویناغێن بنەڕەتی(1982-1988)، ناڤنجی(1989-1991) و ئامادەیی(1992-1994) هەر ل ڤێرێ بدوماهی ئیناینە. هەروەسا باوەڕنامەیا بەکالۆریۆس ل زانکۆیا سەڵاحەدین، کۆلیژا ئاداب، بەشا جوگرافیا ل ناڤبەرا ساڵێن 1997-1998 بدەست ڤە ئینایە و ل ڕێکەفتا 20-10-1998ێ ل خواندنگەها «ناوەندی تەواوکاری ئیلنجاغی گەورە» وەک مامۆستا هاتییە دامەزراندن. [1]
$کارێ ڕۆژنامەنڤیسیێ$
• ل هاڤینا ساڵا 2000ێ ل ڕۆژنامەیا لۆکاڵی یا «هەنگاو»ێ کو ژ لایێ کۆمەک ژ گەنج و لاڤێن #حزبی زەحمەتکێشانی کوردستان# ل ناڤچەیا تەقتەقێ دهاتە وەشان، ئێکەم بابەتا خوە ب ناڤونیشانێ «تورک وسیاسەتی بەئاو کردنی کوردستان» پارڤەکرییە.
• ئێک ژ دەستەیا نڤێسەرێن هەیڤنامەیا «تەقتەق»ێ بوویە، کو ل ناڤبەرا ساڵێن 2001 –2002ێ ژ لایێ ڕێڤەبەرێ ناڤچەیا تەقتەقێ دهاتە وەشاندن.
• هەڤکار و پەیامنێرێ ڕۆژنامەیا «ڕێگای کوردستان» یا سەر ب حیزبا شیوعیا کوردستانێ بوویە ل ساڵا 2001-2002ێ.
• سەرنڤێسەرێ ڕۆژنامەیا «تاک» بوویە ل ناڤبەرا ساڵێن 2004-2008ێ کو ژ لایێ ناڤەندا ڕەوشەنبریا «تەقتەق»ێ، هەیڤانە بەڵاڤدکر.
• پەیامنێرێ «کوردستانی نوێ» یا سەر ب «یەکەتیا نیشتمانیا کوردستان»ێ بوویە، ل ناڤبەرا ساڵێن 2008-2011.
• پەیامنێرێ گۆڤارا «بەڵگە» بوویە ل ناڤبەرا ساڵێن 2010 – 2009.
• سەرپەرشتیارێ وەشانخانەیا «تەقتەقی نوێ» بوویە ل ساڵا 2009.
• پەیامنێرێ ماڵپەڕا «پی یو کەی میدیا» بوویە، یا سەر «یەکەتیا نیشتمانیا کوردستان»ێ ل ناڤبەرا ساڵێن 2010-2011
• پەیامنێرێ ماڵپەڕا «وشە» بوویە ل ناڤبەرا ساڵێن 2014-2015
• پەیامنێرێ حەفتەنامەیا «وشە» بوویە ل ناڤبەرا ساڵێن 2014-2015
• سەرنڤێسەرێ گۆڤارا «دکتۆر ڕەئوف» یا پەروەردەیی بوویە ل ناڤبەرا ساڵێن 2015-2019
• ئێک ژ هەڤکارێن ڕێکخراوا کوردیپێدیایێ یە، ل ساڵا 2017ێ ڤە.
• حەتا نها لسەر بەڵاڤۆک و ڕۆژنامەیێن وەک: هەنگاو، تەقتەق، هاموون، خەرمان، تەقتەقی نوێ، ئامانج، ڕێگا، تاک، ڕێگای کوردستان، ڕزگاری، کوردستانی نوێ، ماڵپەری پیوکەی میدیا، ماڵپەری وشە، هەفتەنامەی وشە، گۆڤاری چاوی گەنج، گۆڤاری #کەکۆن#، گۆڤاری ساڵانەی دکتۆر ڕەئوف، کوردیپێدیا گەلەک بابەتێن جوڕبجوڕ بەڵاڤکرینە.
$ڕێکخراوەیی$
• ئێک ژ دامەزرێنەرێ «ناڤەندا ڕەوشەنبیریا تەقتەق»ێ یە.
• ئەندامێ «سەندیکایا ڕۆژنامەنڤێسێن کوردستان»ێ یە، یا لقا سلێمانیێ، ل ساڵا 2008ێ ڤە.
• ئەندامێ بنکەیا خێرخوازیا دکتۆر ڕەئوف بوویە ل ساڵا 2010ێ ڤە و هەروەسا ڕێڤەبەرێ هەمان بنکەیێ بوویە ناڤبەرا ساڵێن ساڵانی .2015-2019
• ئەندامێ «کۆمەڵەی ئینسایکلۆپیدیای کوردستان»َێ بوویە و لە هەردوو کۆنفراسێن ساڵێن 2012-2014 ئەڤی کۆمێ بەشدار بوویە.
• ئەندامێ بنکەیا ڕەوشەنبیریا گەلاوێژا کۆیێ یە ل ساڵا 2012ێ ڤە.
ژ بلی هندێ کو بابەتەک لسەر باژێڕوکێ تەقتەقێ بۆ ئینسکلۆپێدیایا باژێرێ هەڤلێرێ نڤێسییە، دەستنڤێسەک تایبەت ب هەردوو ناڤچەیێن سێگردکان و تەقتەقێ بۆ ئینسکلۆپێدیایا کۆیێ ئامادە کرییە.
$بەرهەمێن چاپکری$
• #تەق تەق پەلکەزێڕینەی کەنار زێی بچووک# - سلێمانی2007ز.
• #حاجی کرمانجێک لەوپەڕی مەزنیدا# - سلێمانی 2012ز.
• #کەسایەتی دکتۆر ڕەئوف؛ ژیان و کار و هەڵوێستی مرۆڤدۆستانەی# - سلێمانی 2012ز.
• #پارتیزانەکانی کەرکووک بەدواداچون وبیرەوەری# - سلێمانی 2012ز.
• #ساتوقەڵا هەرێمی ئیدۆ# سلێمانی 2013ز.
• #سێگردکان و سێبەرنشینەکانی# - سلێمانی 2014ز.
• #زێودەر#، ڤەکۆلینەک مەیدانی، دیرۆکی، جوگرافی، ئابووری و جڤاکییە. سلێمانی - 2014ز.
• #مێرجاڕ#، ڤەکۆلینەک دیرۆکی و سیاسی یە، لسەر 50ساڵ خەباتا ئیلنجاغییان (1940-1990) .
• #ئاراسنامە#، شرۆڤەیا پەند و ئیدیۆمێن کوردییە، لسەر ماڵپەڕا کوردیپێدیایێ هاتییە کۆمڤەکرن و ب شێوەیێ تۆمارەک دیجیتاڵی، ب هەڤکاریا هەڤکاران هاتییە بەڵاڤکرن.
• #سەرپەرشتیاری پەروەردەیی لە بەردەم گۆڕانکاری نوێدا#، ساڵا 2019 لسەر کوردیپێدیایێ هاتییە بەڵاڤکرن.