ناونیشانی بابەت: کەڕووی زێ چییە؟
ئامادەکردن: د. #کەژان کاوە تەها#

هەوکردنی زێ بەهۆی کەڕووەوە، کە ئەم کەڕووە بە ڕێژەیەکی کەم و ئاسایی لە زێدا هەیە بەڵام لە کاتی کەمبوونەوەی بەرگری جەستەی خانمەکە بە هەر هۆکارێک بێت زیاد دەکات و دەبێتە هۆی هەوکردن لەوانە:-
1. خانمانی دووگیان.
2. هەبوونی شەکرە و بەباشی کۆنتڕۆڵ نەکردنی شەکرەکەی.
3. بەکارهێنانی حەبی مەنع
4. بەکارهێنانی دژەبەکتریاکان (antibiotic) .
5. کەمبوونەوەی بەرگری بە هەر هۆکارێکی دیکە وەک ئایدز و بەکارهێنانی چارەسەری کیمیای.
=KTML_Bold=لە نیشانەکانی هەوکردنی زێ بەهۆی کەڕووەوە:-=KTML_End=
1. هەبوونی دەردراوێکی خەستی سپی کە بۆنێکی ناخۆشی هەیە.
2. خوران و سووربوونەوە.
3. هەبوونی ئازار لەکاتی میزکردن.
=KTML_Bold=ڕێگاکانی خۆپاراستن بریتین لە:-=KTML_End=
1. بەکارنەهێنانی جلی ژێرەوەی تەسک.
2. پاک ڕاگرتن و وشک ڕاگرتنی ئەو ناوچەیە.
3. کەمتر خواردنی شیرینی.
لە کاتی هەبوونی نیشانەکان پێویستە سەردانی پسپۆڕی ژنان و منداڵبوون بکرێت بۆ وەرگرتنی چارەسەری گونجاو. [1]