ناڤ: فائق
ناسناڤ: حەمە مەلا
ناڤێ باب: مەلا عەبدوڵلا
جهێ ژدایک بوونێ: #مەریوان#
ساڵا ژدایک بوونی: 1953
جهێ مرنێ: مەریوان
ڕوژا مرنێ: #14-05-2016#
$ژیاننامە$
ستران بێژ، بەندبێژ و نوکتەزانێ مەریوانی: فایەق ئیزەدی، کوڕێ حاجی مەلا عەبدوڵڵای بادەڵان، یێ بەرنیاس ب (حەمە مەلا) ساڵا 1953 ل گوندێ میراوا یا سەر ب مەریوانێ ژدایک بوویە.
ماڵباتا وی ل بنەجهدا خەڵکێ گوندێ ولەژێری یا مەریوانن. بابێ وی مەلا بوویە و ژبەر ڤێ ئەگەرێ ل گوندێن مەریوان و #پێنجوین#ێدا وەغەرێن زۆر کرینە.
کاک محەمەد لسەر دەستێ بابێ خوە دەست ب خوەندنا پەڕتووکێن ئایینی کرییە و زور بییە ب هوگرێ ئەدەبیات و هەلبەستان. گەلەک دڤی بوارەیدا هەڤکارییا وی کرییە.
ل ژی یێ 16 ساڵیدە و ب سترانان ل جەژنا 11ێ ئازارا 1970 ل باژێڕێ پێنجوین، ژیانا هونەرییا خوە دەستپێ دکەت و ل هەیامەکێ کێمدە ل ناوچەیا شلێر و خاومیراوادا ناڤبانگ دەردکەت. لدیف داب و نەریتا وی سەردەمی سترانبێژ د مەراسیماندە، شەڕە بەند و مونافەسە دناڤبەرا وانادا هەبوویە، حەمە مەلایێ لاویش هەمی جاران دڤێ ململانەیێدە یێ سەرکەفتی بییە.
هەلبەستا زوربەی زوری سترانان یا وی بخۆیە.
ڕوویەکێ دن یێ ناڤبانگێ حەمە مەلا؛ قسە و نوکتەیێن خوەش و مەتەڵ و چیڕوک بووینە وەک: هەنگ بڕین، ڕێوییەڕاو، کەروێشکەڕاو، سەنگ کولیەی بزن، زەماوەندی بزن، ڕێواس، کیسەڵ و...
ساڵا 1977 ژایانا هەڤژینی یێ پێک ئانییە و خودی یێ 5 زاروکانە، ماوێ ساڵەک و نیڤان مەلایێ گوندێ چنارە ل دەڤەرا سەرشیو بوویە.
ساڵانێن زور ماڵا وی ل گوندێ ولەژێردا بوویە، لێ بەلێ دوو ساڵێن ئەخیر یێن تەمەنێ خوە ل گوندێ پیرسەفا ل ڕیزەدێی بەری بەگزادە- بەری زرێبارا مەریوانێدە بوویە. سەرباری هەژاری و نەداریێ، چەند نەخوەشیەک و ب تایبەت هیپاتیت c هەبوویە. ب مخابنیڤه ل2016-05-14 وەغەرا داویێ کر و ل گوڕستانا گشتیی یا مەریوانێ (داسێران) هاتە بخاک سپاردن .[1]