ل ساڵا 1321 هتاڤی ئانکو 1942 یا زایینی ل باژێڕێ #سنە# یا #ڕوژهەڵاتێ کوردستان#ێ ژدایک بوویە. سترانبێژ و موسیقازانێ ئاوازێن کوردی و فارسییە. ئەو ل زاروکیڤە هوگر و شەیدایێ موزیکێ بوویە چونکی ل ماڵباتەکە موسیقازاندا ژدایک بوویە و مەزن بوویە. باپیرێ ئیرەج کوو ناڤێ وی #خەلیفە حاجی عەبدولسەمەدێ عەندەلیبی# بوو ژەنیارەکێ ناڤدارێ ئامیرێ دەفێ بوویە ل باژێڕێ سنە و دەنگەکێ خوەش هەبوویە، سترانا 'باز هوای وطنم آرزوست' کوو ب زمانێ فارسییە ژ شاهکارێن باپیرێ ئیرەجن. ئیرەج بابێ هونەرمەند و ژەنیارێ بارنیاسێ ئامیرێ نەی #شاهۆ عەندەلیبی#ە و پسمامێ #جەمشید عەندەلیبی# و #محەمەد جەلیل عەندەلیبیی#ە.
ئیرەج ل ساڵا1965 ڕە دەست ب کارێ ستران و موزیکێ کرییە و ل ئۆرکێسترایا ڕادیویا سنە ب سەرپەرشتیا #حەسەن کامکار# پتر ژ بیست سترانان گوتینە. ل دەمەکێ کوورتدا ناڤبانگێ وی ئێکەم باژێڕێ سنە و پشتڕە سەرتانسەرێ کوردستانێ گرتەڤە و ب ڕییا ڕادیویا سنە و پشتڕە ڕادیویا #کرماشان#ێ ناڤبانگێ هونەرمەند ئیرەج عەندەلیبی هند زوور بوو کو #باشوورێ کوردستان#ێ ژیک گرتەڤە، هەیا هندێ کوو پشکا کوردی یا ڕادیویا بەغدادێ ژی کەتە بەلاڤ کرنا سترانێن وی. ئێەکەمین سترانا وی شوانی شوانی بووە کو ل ئۆرکێسترایا ڕادیویا سنە ب سەرپەرشتیا #حەسەن کامکار# و #محەمەد ڕەزا لوتفی# هاتە تومار کرن.
هندەک ژ سترانێن وی ئەڤەنە: شوانی شوانی، ڕووناک، شیرین گیانی شیرینم، دەمێک ساقی، نەشمیل نەشمیل، عاشقان، ئەستێرەی بەیان و دایە دایە. ئیرەجێ عەنەدەلیبی هەلبەستێن هەلبەستڤانێن کورد وەکە ماموستا #هێمن# و #گۆران# و #دلدار#ێ شاعر و #وەفایی# و #قانع# کرینە ستران.
ب مخابنیڤە ل ڕۆژا ئێکشەمبی 15ی گوڵانێ#04-05-2008# کو دکەتە ساڵا 1387 یا هتاڤی دەمژمێر 2ێ بەرێ سپێدێ هونەرمەندێ سترانبێژ ل ژیێ 66 ساڵیدە ل باژێڕێ #هەمەدان# یا ڕوژهەڵاتێ کوردستانێ وەغەرا داویێ کر.[1]
خودانێ ڤی بابەتی مافا وەشانێ بابەتی دانە کوردیپێدیا، سوپاس!
تایبەت ژبۆ کوردیپێدیا هاتیە نڤیساندن!
ئەڤ بابەتە ژ لایێ: (
کامەران ئاکرەییک.ئـ.) ل:
05-05-2023 هاتیە تومارکرن
ئەڤ بابەتە ژ ئالێ: (
زریان سەرچناریز.س.) ل :
05-05-2023 پێداچوون ژبوو هاتییە کرن و ڕەها بوویە
ئەڤ بابەتە بو دویماهیک جار ژ لایێ: (
زریان سەرچناریز.س.)ڤە:
05-05-2023 هاتیە ڕاست ڤەکرن
ناڤ و نیشانێن بابەتی
ئەڤ بابەتە 1,934 جار هاتیە دیتن
QR Code