ناڤ: دیاری
ناڤێ باب: حسێن
جهێ ژدایک بوونێ: #حەلەبچە#
ساڵا ژدایک بوونێ: 1962
$ژیاننامە$
دیاری حسێن عوسمان ساڵا 1962 ل باژێڕێ حەڵەبچە ژدایک بوویە. قوناغا ئامادەیی ل وڵاتێ ئێرانێ خوەندییە و باوەڕناما بەکالۆریۆسێ بدەست خوەڤە ئیناندییە. ژ دەرچووێن ساڵا 1986 یا خولا هەشتێ یا پەیمانگەها کادیران یا #پارتی دیموکراتی کوردستان#ە. شارەزایێ زمانێن کوردی و عەرەبی و فارسییە.
دیاری حوسێن ساڵا 1974 پەیوەندی ب پارتی دیموکراتی کوردستان ڤە کرییە و ساڵا 1975 ل پشتی نسکۆیا #شوڕەشا ئەیلوول# ئاوارەیێ ئیرانێ بوویە. ساڵا 1981 پەیوەندی ب هێزا پێشمەرگەهێ پارتی ڤە کرییە و ل لێژنەیا ناوچەیا حەلەبچە یا سەر ب لێژنەیا لقا چار یا پارتییا دەموکراتا کوردستانێ خزمەت کرییە. ساڵا 1982 پشکداییا شەڕێن ئەحمەدئاوا و تەپەسەرقوڵە یا سنوورێ حەلەبچە، دژی سوپایێ عیراقێ کرییە.
لە 30-10-1985 تەڤی 44 قوتابی یێن دن ل خولا هەشتێ یا پەیمانگەها کادرێن پارتی دیموکراتی کوردستان ل گوندێ ڕاژان یا ڕوژهەڵاتێ کوردستانێ هات وەرگرتن و ل 03-04-1986 کاری د وێ خولێ دە سەرکەتنێ بدەست خوەڤە بینیت.
ساڵا 1987 پشکدارییا شەڕێن قەرەداغ و هانەقوڵ و گرێ ئەحمەدئاوا ل سنوورێ پارێزگەهێن سلێمانی و حەلەبچەدا کرییە و ساڵا 1988 ل شەڕێ تەپەکوڕەیێ سنوورێ پارێزگەها سلێمانی بریندار بوویە.
نینەرێ کۆنگرەیێن دەهەم ساڵا (1988) و یازدەهەم (1993) یا پارتی دیموکراتی کوردستان بوویە.
ل ڕاپەرینا ساڵا 1991 دە ب فەرماندەیێ میحوەرا دوو یا دەربەندیخان و دەوروبەرێ سلێمانی ژ ئالێ بەرەیێ کوردستانی ڤە هاتییە دەست نیشان کرن. ل چەندین پێگە و پلەیێن حزبیدە خزمەت کرییە و ساڵا 1995 بوویە کارگێڕی لێژنەیا لقا دوازدە ل حەلەبچێ.
ساڵا 1999و ل کۆنگرەی دوازدێدە ب ئەندامی یەدەگێ کۆمیتەیا ناڤەندیا پارتی دیموکراتی کوردستان هاتیە هەلبژاردن و د هەمان ساڵ بوویە جێگری بەرپرسێ لێژنەیا لقا دوازدەیا حەلەبچێ یا پارتی دیموکراتی کوردستان. ساڵا 2004 بوویە جێگرێ بەرپرسێ مەکتەبا ناڤەندیا ڕێکخستنا پارتی و ساڵا 2005 بوویە ئەندامێ دەستەیا ناڤەندیا پشکنین و چاڤدێرییا پارتی دیموکراتی کوردستان. ساڵا 2006 بوویە بەرپرسی لێژنەیا لقا پازدەیا خانەقین یا پارتی دیموکراتی کوردستان.
ساڵا 2010 و ل کۆنگرەیا سێزدەمیندە ب ئەنداما ئەنجومەنا سەرکردایەتییا پارتی دیموکراتی کوردستان تێ هەلبژاردن و د هەمان ساڵ بوویە ئەندامێ ئەنجومەنا سەرکردایەتی یا پارێزگەها سلێمانی یا پارتی . ساڵا 2012 بوویە بەرپرسی لێژنەیا لقا 12 حەلەبچە و ئەنجومەنا سەرکردایەتییا پارێزگەها سلێمانی و ساڵا 2013 بوویە جێگرێ بەرپرسێ ئەنجومەنا سەرکردایەتی یا کەرکووک- گەرمیان یا پارتی دیموکراتی کوردستان[1] .