ناڤ: عەبدولخالق
ناڤێ باب: مەعروف
روژا ژدایک بوونێ: #01-01-1935#
جهێ ژدایک بوونێ: #هەڤلێر#
روژا مرنێ: #10-04-1985#
جهێ مرنێ: هەڤلێر
$ژیاننامە$
نڤیسەرێ ب هەلوەست و ڕووناکبیرێ بەرنیاسێ کورد شەهید عەبدولخالق مەعروف، د ئێکەمین ڕۆژا مەها کانوونا دوویێ یا ساڵا 1935 ل ماڵباتەکە نیشتمان پەروەر یا باژێڕێ #هەڤلێر#ێ ژدایک بوویە، مەعروف پاش تمام کرنا قوناغێن سەرەتایی و ئامادەیی، ل ساڵا 1958ئان دە ژبو درێژەدان ب خوەندنا خوە ل زانینگەها ئەزهەر یا وڵاتێ مسڕێ بەرەف قاهیرەیا پایتەخت کەتە ڕی.
عەبدولخالق مەعروف هەر ل ژیێ لاوینی یێڤە حەز و خولیایەکە مەزن ژبو خوەندن و بەرفرەﮪ کرنا ئاستێ خوە یێ رەوشەنبیری هەبوویە و ل دەڤەرا خوەدا وەکە کەسەکە خوەندەوار و سەردەمیانە ناڤ بانگێ خوە هەبویە.
ل ساڵا 1963 تەڤلی #شۆڕەشا ئەیلول# بییە و ب دل و ب گیان ب هەمی کارینێن خوە یێن فکری و ڕەۆشنبیری و هونەری ڤە ل خزمەتا شۆڕەش و کوردایەتیێ بوویە.
ئەڤ مروڤێ مەزن، سەرباری هندێ کوو پێشمەرگەیەکێ ڕووناکبیر و نڤیسەرەکێ خودان شیان بوویە شەهرەزاییەکە زۆر د بوارێ ئەلەکتریکێ دە هەبوویە، ئەڤ بەهرەیەیا خوە ژی تەرخان کر ژبو خزمەت کرنا گەلێ خوە و ل سەرهلدانا شۆڕەشا نو یا خەلکێ کوردستانێ وێستگەهێ ڕادیۆیا #دەنگێ گەلێ کوردستان#ێ دامەزراند.
عەبدولخالق مەعروف نڤیسەر و ڕووناکبیر و نیشتمانپەروەر، کەسایەتییەکە کومەڵایەتی یێ خوشەویست بوو کو ل سەرتاسەرێ کوردستانێ دە و ب تایبەت د ناڤا ئەدیب و نڤیسەران و هێزێن سیاسی ب ڕێز و تەقدیرەکە مەزن ناڤێ وی دهات.
$بەلاڤوک$
ئەڤ کوردپەروەرە و دلسوز ژبوو کوردایەتی یێ سەرباری ئەدەب و فکر و زانست دە هەولا پێشخستنا کۆمەڵگەها کوردەواری دایە و ل ساڵا 1977 هەتا ساڵا 1985 پێنج بەرهەمێن گرنگ یێن پەرتووکی ئامادە کرینە، ژ وانا پەڕتووکا (#تەکنیکار#) کو ل ساڵا 1980 چاپ بییە و پەڕتووکا (#ئادەمیزاد لە کۆمەڵی کوردەواریدا#) .
سەبارەت ب بابەتێن زانستا فیزیک و ئەلەکتریکیش ساڵا 1979 نامیلکەیەک ب زمانێ عەرەبی چاپ کر و پەڕتووکەکە دن ژی دەربارێ (ترانزستۆر) ب دەست نڤیسا وی یا ئامادەیە.
شەهید عەبدولخالق مەعروف ڕۆژا 10-04-1985 ب دەستێ چەپەڵێ تەرۆرستان ل هەڤلێرێ هاتە شەهید کرن.[1]