کاتێک خوێن مەیین لە مێشکدا ڕوودەدات یان ئۆکسجین بەهۆی گرفتێکەوە ناگات بە مێشک جەڵتەی مێشک ڕوودەدات و چەند نیشانەیەکی باو لە کەسەکەدا دەردەکەوێت، بەڵام هەندێک کات نیشانەکان باونین و ناناسرێنەوە کە ئاماژەن بۆ جەڵتەی مێشک، پێویستە پشتگوێیان نەخەیت.

1- تێنەگەیشتن لەوەی کەسانی دیکە چی دەڵێن و دەربارەی چی دەدوێن.
2- سڕبوونی دەموچاو یان مێروولەکردنی دەست و قاچ، کە لەناکاو ئیفلیج ببن بۆ ماوەیەکی کاتی یان سڕ ببن، هەندێک کاتیش لەلایەکی جەستە ڕوودەدات.
3- ناهاوسەنگی دەست کاتێک هەردو دەستت بۆ سەرەوە بەرز دەکەیتەوە.
4- کاتێک پێدەکەنیت لایەکی دەمت پێناکەنێت.
5- سەرئێشەی لەناکاو.
6- لەدەستدانی بینایی چاو یان گرفتی بینایی، کە دەکرێت لە یەک چاو یان هەردووکیان ڕووبدات.
7- درەنگ لەو بابەتانە تێدەگەیت پێشتر زۆر بە سادەیی لێی تێدەگەیشتیت. [1]