بەڕێوەبەری گەشتوگوزاری دووکان ڕایگەیاند، ڕێکخراوێکی بیانی دەستی کردووە بە نۆژەنکردنەوەی ڕێگەی ئەشکەوتی مێژوویی #جاسەنە#.
ڕێژین ڕەئووف، بەڕێوەبەری گەشتوگوزاری دووکان، بە (باسنیوز)ی ڕاگەیاند: لەلایەن ڕێکخراوی(UPP) ی ئیتاڵی و بە هەماهەنگیی لیژنەیەکی سەرپەرشتیاری لە بەڕێوەبەرایەتیی گشتیی گەشتوگوزاری سلێمانی دەست کراوە بە دروستکردنی قادرمە بە بەردی سروشتی و هێمای ڕێنیشاندان بۆ ئەشکەوتی مێژوویی جاسەنە لە سنووری قەزای دووکان''.
گوتیشی: لە پڕۆژەکەدا ڕەچاوی تێکنەدانی شوێنەواری سنووری ئەشکەوتەکە دەکرێت و سیما مێژووییەکەی وەک خۆی دەهێڵدرێتەوە''.
باسی لەوەش کرد: بڕیارە لە ماوەیەکی دیاریکراودا ئەو پڕۆژەیە تەواو بکرێت کە بەهۆیەوە ئاسانکاری بۆ هاتوچۆی گەشتیاران دەکرێت و ڕۆڵی لە بەرزکردنەوەی ژمارەی سەردانیکاران و گەشتیاران بۆ ئەشکەوتەکە دەبێت''.
ئەشکەوتی جاسەنە بە دووریی 50 کیلۆمەتر دەکەوێتە ناوچەی #سوورداش#، لەسەر ڕێگای سلێمانی بۆ دووکان بە بناری چیایەکی گەورەوەیە و پاش هێرشی فڕۆکەی سوپای ئینگلیز لە ساڵی 1923، #شێخ مەحموودی حەفید# ئەشکەوتەکەی کرد بە پەناگە و چاپخانەی تێدا دامەزراند و یەکەم ڕۆژنامەی تێدا بڵاو کردەوە بە ناوی ''#بانگی حەق#'' لە 2ی ئازاری 1923.
ئامادەکردنی: #سارا سەردار#
[1]
کوردیپێدیا بەرپرس نییە ل ناڤەڕۆکا ئەڤێ تۆمارێ و خودیێ وێ ژێڕە بەرپرسیارە. کوردیپێدیا ب مەرەما ئەرشیڤکرنێ تۆمار کرییە.
ئەڤ بابەت ب زمانێ (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 742 جار هاتیە دیتن
ڕایا خو دەربارەی ڤی بابەی بنڤێسە!