ئەردۆگان لە بری داوای لێ بوردن، نکۆڵی لە کۆمەڵکوژی #زاخۆ# دەکات، وەزیری بەرگری عێراقیش هەڕەشەی ڕووبەڕووبوونەوەی سەربازی لەگەڵ تورکیا دەکات.
ئەردۆگان، سەرۆک کۆماری تورکیا ڕایگەیاند ئەو هێرشە تیرۆریستییەی کرایە سەر پارێزگای #دهۆک# لە عێراق، هاوشێوەی ئەو هێرشانە بوو کە لەلایەن چەکدارانی پەکەکەوە ئەنجامدراون، لێدوانەکەی سەرۆکی تورکیا نکۆڵی کردنە لەوەی دەوڵەتەکەی ئەو کۆمەڵکوژیەی کرد بێت و لە هەمان کاتدا خۆی لادەدا لە ناوهێنانی هەرێمی کوردستان.
ئێوارەی ڕۆژی دووشەممە ئەردۆغان لە پەخشێکی ڕاستەوخۆدا لە کەناڵی ڕادیۆ و تەلەڤیزیۆنی تورکی (TRT) ڕایگەیاند: “ئەنقەرە داوای لە ئەمریکا و ڕوسیا و براکانمان لە عێراق کردووە کە نەکەونە داوی ئەوەی کە تورکیا بە بکەری ئەو کۆمەڵکوژیە بزانن”
سەرۆکی تورکیا ڕایگەیاند کە هێرشەکە هاوشێوەی ئەو هێرشانەیە کە لەلایەن شەڕڤانانی پەکەکە و یەپەگە و پەیەدەوە ئەنجامدراون.
وەزیری بەرگری عێراق جومعە عناد ڕایگەیاند کە سوپای عێراقی توانای ڕووبەڕووبونەوەی سەربازیی لەگەڵ تورکیا هەیە و ناچار دەبین کە بە سوپا هێرشەکانی تورکیا ڕابگرین، بەڵام ئێمە وەک عێراق چاوەڕێی چارەسەری سیاسی و دیپلۆماسین و ڕایگەیان کە شەڕ جگە لە وێرانکردن و خوێن ڕشتن هیچی تر بە دوایی خۆیدا ناهێنێت.
وەزیری بەرگری لە لێدوانە تەلەفیزیۆنییەکانی درەنگانی ڕۆژی دووشەممەدا وتی: “عێراق ڕۆژی سێشەممە، یەکەم شەڕی دژی تورکیا لە ئەنجومەنی ئاسایشدا دەکات و چاوەڕوانین عێراق لە بواری دیپلۆماسیەتی چی بەدەست دەهێنێت”
جومعە، وتیشی: بارودۆخی سەر سنووری تورکیا و عێراق زۆر مەترسیدارە و لەهەوڵی ئەوەداین هێزەکانی پاسەوانی سنووری فیدراڵی چەکدار و بەهێز بکەین و بەرەو سنورەکان جوڵەیان پێبکەین بۆ کۆتاییهێنان بە هاتنە ناوە و دەستدرێژیەکانی تورکیا لە عێراق
سوپای تورک ڕۆژی چوارشەممەی ڕابردوو گوندی (بەرخ)ەی گەشتیاریی سەر بە پارێزگای دهۆک تۆپباران کرد و لە ئەنجامدا کۆمەڵکوژییەکی هاوڵاتیانی مەدەنی لێکەوتەوە کە دەیان ژن و منداڵی تێدا کوژرا و بریندار بوون.[1]
کوردیپێدیا بەرپرس نییە ل ناڤەڕۆکا ئەڤێ تۆمارێ و خودیێ وێ ژێڕە بەرپرسیارە. کوردیپێدیا ب مەرەما ئەرشیڤکرنێ تۆمار کرییە.
ئەڤ بابەت ب زمانێ (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 2,897 جار هاتیە دیتن
ڕایا خو دەربارەی ڤی بابەی بنڤێسە!