دەڵێی چاوی قڕژاڵە
ئەم ئیدیۆمە بە واتای ئەوە دێت: کە ئاوێک یان شتێک زۆر ساف و ڕون بێت، ئەمەش لە ئەنجامی ئەزمون و بینینی چاوی ئەم گیانلەبەرە و تاقیکردنەوەیدا گوتراوە، ئەوەی قرژاڵی نەدیتبێت، ناتوانێت ئەم خاسیەت و تایبەتمەندییە وەربگرێت و بە شتێکی دیکەی بچوێنێت، کە هەمان خاسیەت و تایبەتمەندی هەبێت، هەروەها گوێگریش، ئەگەر ئه و ئەزمونەی نەبێت، لە واتاکە تێناگات، هەندێکجار، قرژاڵ بە واتای تریش بەکاردێت و وەک ئیدیۆم بەرانبەر بە کەسێکی ناشیرن و دزێو بەکاردێت، بۆ نمونە دەگوترێت: (فڵانە کەس دەڵێی قرژاڵە)، واتە ئەم گیانلەبەرە بە هەردوو واتای ئەرێنی و نەرێنی لە ئیدیۆمدا بەکاردێت، هەم بە واتای سافی و ڕونی، هەم بە واتای ناشیرینی هاتووە.[1]