لەوەها ڕۆژێکدا #03-05-1988# ڕژێمی #حیزبی بەعس# بەسەرپەرشتی فەريق ڕوکن(#سوڵتان هاشم#)لێپرسراوی فەيلەقی يەکی سوپای عێراق و27فەوجی جاش و سەدان خۆفرۆش و بەکرێگيراو لەئاسمان و زەوييەوە هێرشيان بردە سەر ناوچەکانی کەناری #زێی بچوک# و سەرەتای قۆناغی #ئەنفالی چوار# بۆ ناوچەکە دەستی پێکرد هەر لە(دۆڵی #خەلەکان# و #سورداش# و#چەمی ڕێزان# و قەلاسێوکه و #ئاغجەلەر# و #تەکيە# و#شێخ بزێنی# خوارو وسەروو و#شوان# و #تەقتەق# ودەشتی #کۆيە# و تاوەکو شارۆچکەی #پردێ#).
سەرەتای ئۆپەراسيۆنەکە لێدانی چەکی کيميايی بوو لە گوندەکانی قەلاسێوکە بەتايبەت(#گۆپتەپە# و عەسکەر) چونکە 2گوندی بەرز بوون لە دۆلی زێی بچوک بۆ بڵاوکردنەوەی ترس و دڵە ڕاوکێ و بەسەدان جوتيارو گوندنشينانی هەردوو گوندی شەهيد کرد، ئه و ناوچانەی کە زۆرترين زيانيان بەرکەوت(شێخ بزێنی سەروو) بوو کە زياتر لە(1658)ژن ومنداڵ و پير و گەنج ولاو بێ سەر و شوێن کران و دواتر(قەلاسێوکە)کە(1049)کەس تێيدا ئەنفالکرا، شێخ بزێنی خواروو بە سود وەرگرتن لەزيانەکانی قۆناغەکانی(1و2و3)ی ئەنفال و بەرێنمايی هێزی پێشمەرگە ناوچەکەيان چۆڵکردبوو وە ڕۆژئاوای کۆيە و سنوری کێڵگەی نەوتی تەقتەق بەهۆی ڕاگوێزانی 1980ەوە تاڕادەيەکی بەرچاو چۆڵ بوبوو، لەم قۆناغە ڕژێم سودی لەبەردانەوەی زێی بچوک وەرگرت تا هاتوچۆی هاوڵاتيان وپێشمەرگە بۆ پەڕينەوە قورس بێت و بکەونە دەست هێزەکانی سوپای عێراق، تێکرای ئۆپەراسيۆنەکە زياتر لە(4)هەزار هاوڵاتی ڕاپێچی زيندانەکانی #نوگرە سەلمان# و گۆرە بەکۆمەلەکان کران و گوندەکانی(قەسرۆکی ئاغجەلەر و کانی ڕەشی تەقتەق و کڵێسە و بۆگدی #ئاشتی#) زۆرترين هاوڵاتيان لێ ئەنفاڵکرا.[1]
کوردیپێدیا بەرپرس نییە ل ناڤەڕۆکا ئەڤێ تۆمارێ و خودیێ وێ ژێڕە بەرپرسیارە. کوردیپێدیا ب مەرەما ئەرشیڤکرنێ تۆمار کرییە.
ئەڤ بابەت ب زمانێ (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 12,899 جار هاتیە دیتن
ڕایا خو دەربارەی ڤی بابەی بنڤێسە!