خەندان رەڤەند گوھەرزی
رێڤەبەریا ھاتن و چوونا پارێزگەھا دھوکێ ئامارا شەش ھەیڤێن بوری یێن رویدانێن ترافیکێ ب ھەمێ جوران (لێکدان و وەرگەریان و لێدانا کەسان) راگەھاندن و ئاشکەراکر" دشەش ھەیڤێن بوریدا ٥٧٦ رویدا ل پارێزگەھا دھوکێ ل پەی بونە و ١١٠ کەسان گیانێ خو ژدەست دایە".
ئازاد تاھا، بەرپرسێ راگەھاندنا رێڤەبەریا ھاتن و چوونا پارێزگەھا دھوکێ دیارکر: دشەش ھەیڤێن بوری دا ل پارێزگەھا دھوکێ ٥٧٦ رویدانێن "لێکدان و وەرگەریان و لێدانا کەسان" چێبوینە و بوینە ئەگەرێ بریندا بوونا ١٨٨٥ کەسا و گیان ژدەست دانا ١١٠ کەسان".
ئازاد تاھا گوت ژی : کوی گشتی یێ ترومبێلێت ھاتینە تومارکرن بھەمی جورێن خوڤە ل پارێزگەھا دھوکێ ١٣٣٤٦ ترومبێل بوینە وژ وانا ٩٠٣٣ ترومبیل تایبەت و ٦٤٥ کرێ و ٢٩٥١ بارھەلگیر.
بەرپرسێ راگەھاندنا ھاتن و چوونا پارێزگەھا دھوکێ دیار کر ژی: کوی گشتی یێ دەستویردانێن ھاتینە بەخشین بو شوفێران ١١٨٦٠ دەستویردان بوینە و ژ وانا ٤٣٦٠ دەستویردانێن تایبەت و ٦٢٩٨ دەستویردانێن گشتی و ٣٤ دەستویردانێن ماتورسیکلا و ٧٥ دەستویردانێن چاندنێ و ٦٣ دەستویردانێن ئامیرێن گران و ١٠٣٠ دەستویردانێن ئافرەتان.
ناڤھاتی ئەو ژی گوت: ژمارا وان سەرپێچیێن ھاتینە تومارکرن ١٠٦٣٦٩ سەرپێچی بوینە و ١٤٩٢ شوفێرێن بێ دەستویری ھاتینە رەوانەکرن بو دادگەھێ و ٢٩٣٦ ترومبێل ھاتنە دەستەسەرکرن و ب رێکا گومرکا ئیبراھیم خەلیل ٤٢٥٠٠ تومبێل ھاتینە ناف ھەرێما کوردستانێ.
- 24-07-2013