باکووری کوردستان
- خانەوادەی عەبدوڵا ئۆجالان، ڕێبەری پارتی کرێکاری کوردستان و پارێزەرەکانی بەمەبەستی بینینی عەبدوڵڵا ئوجەلانعەبدوڵڵا ئوجەلان لە جەژنی ڕەمەزاندا سەردانی دادگایان کرد.[4][2]
- پارتی دیموکراتی گەلان - هەدەپەهەدەپە داواکارییەکی پێشکەشی دەستەی هەڵبژاردنەکانی تورکیا کرد بۆ ئەوەی سەڵاحەدین دەمیرتاشسەڵاحەدین دەمیرتاش کاندیدی هەدەپە بۆ هەڵبژاردنی سەرۆک کۆماری بەشداری بکات لە میتینگەکانی بانگەشەی هەڵبژاردن لە شارەکانی ئیستەنبووڵ، دیلۆک، ئیزمیر و مێردین. ئەمڕۆ داواکارییەکە لە لایەن دەستەی هەڵبژاردنەکانەوە پەسەند کرا.[5]
- بەهۆی دروستبوونی شەڕ و دەمەقاڵە لەنێوان شاندێکی پارتی داد و گەشەپێدان (ئەکەپە) و کۆمەڵێک دوکاندار لە شارۆچکەی پڕسوس (سوروچ)ی سەر بە شاری ڕحا (ئورفەئورفە) لە باکوری کوردستان سێ کەس کوژران و هەشت کەسی دیکەش بریندار بوون.[1]
- گرووپێک لە ناوچەی دەگیرمەندەرەی شاری کۆجائەلیی تورکیا هێرشیان کردە سەر خەباتکار و لایەنگرانی هەدەپە کە مێزی بانگەشەی هەڵبژاردنیان دانابوو. هاوکات لە مەڵەتی بە دار و بەرد هێرشکرایە سەر لایەنگرانی هەدەپە.[5]
رۆژهەڵاتی کوردستان
- لە ماوەی چەند ڕۆژی ڕابردوودا، ڕێبەرانی دوو حیزبی گەورەی ڕۆژهەڵات، حیزبی دێموکراتی کوردستانی ئێران و کۆمەڵەی شۆڕشگێری زەحمەتکێشانی کوردستانی ئێران لەگەڵ تینک‌تەنکەکانی واشینگتۆن دیدار و چاوپێکەوتنیان کردووە.[3]
باشووری کوردستان
- تەرمی عەبدولڕەزاق فەیلیعەبدولڕەزاق فەیلی لە سلێمانیسلێمانی بەخاک دەسپێردرێت.
- لە گەرمیانگەرمیان فەرمانگەیەکی حکومی لە ڕێگەی ڕێکخراوی (ICRC) کۆمیتەی نێونەتەوەیی خاچی سوور بە دابینکردنی دەستمایە 122 خێزانی کەمئەندام، بێوەژن، کەمدرامەت دەکاتە خاوەن پرۆژەی خۆیان بۆ ئەوەی بتوانن بژێوی خۆیانی پێ بەرێبکەن.[1]
- تادێت جموجوڵی چەکدارانی داعشداعش لە چەند ناوچەیەکی سنوری خانەقینخانەقین زیاتر دەبێت، بەرپرسێکی حزبیی ناوچەکەش دەڵێت، پێشتر بە شه و دەردەکەوتن، بەڵام ئێستا چەکداران لە ڕۆژیشدا بە ئاشکرا دەسوڕێنەوە و بەهۆیەوە ژمارەیەک گوندنشین ئاوارەبوون.[1]
- لەرێگەی پەرلەمانتارێکی بەغداوە، هەڵوێستی یەکێتی نیشتیمانی کوردستان سەبارەت بەرووداوی تەقەکردنەکەی شەوی ڕابردووی دژەتیرۆری عێراق لە کەرکوککەرکوک و شەهیدبونی هاوڵاتییەکی کورد خرایەڕوو، و داواشیکرد لێکۆڵینەوە لەرووداوەکە ئەنجامبدرێت، چونکە بابەتێکی هەستیارو مەترسیدارە.[1]
- سەرۆکی ئەنجوومەنی باڵای دادوەری فەرمانی دامەزراندنی سێ دادوەری دەرکرد بۆ بەڕێوەبردنی بەڕێوەبەرایەتی و نووسینگەکانی کۆمیسیۆنی باڵای سەربەخۆی هەڵبژاردنەکانی عێراق لە هەولێر، سلێمانی و دهۆک، کە لەلایەن ئەنجوومەنی دادوەری هەرێمی کوردستان کاندیدکرابوون.[6]
رۆژئاوای کوردستان
- پارتی یەکێتی دیموکرات- پەیەدەپەیەدە، بەبڵاوکردنەوەی ڕاگەیەندراوێک دەستدرێژییەکانی دەوڵەتی تورک بۆسەر باشوری کوردستانی شەرمەزارکرد و ڕایگەیاند، کە دەستدرێژی بۆ سەر باشور دەستدرێژییە بۆسەر هەموو کوردستان.[4]
- لە چوارڕیانی سەبای بەحرات لە منبج، تەقینەوەیەک ڕوویدا، بەهۆی ئەو تەقینەوەیە هاووڵاتیەک بەناوی بەسام بەشیری 49ساڵان و منداڵێک-ی 6ساڵان بەناوی یەزەن عەبدولحەلیم بریندار بوون. بریندارەکانیان گواستەوە بۆ نەخۆشخانەی فورات.[5]
دەرەوەی کوردستان
- فەرماندەیەکی هێزەچەکدارەکانی ئێران ئه و لێدوانانەی وەزیری بەرگری تورکیا ڕەتدەکاتەوە کە گوایە ئێران دەچێتە پاڵ تورکیا لە ئۆپراسیۆنی دژ بە پارتی کرێکارانی کوردستان (پەکەکەپەکەکە) لە باکوری عێراق.[1]

ناوەندی ڕاگەیاندنی هێزەکانی پاراستنی گەل - هەپەگەهەپەگە ئەمڕۆ ڕاگەیەندراوێکی بڵاوکردەوە و ئاشکرای کرد که گەریلاکان‌ لە چوارچێوەی هەڵمەتی شۆڕشگێڕیی شەهید پیرۆز و شەهید ئاگریدا، لە دژی سوپای کۆماری تورکیای داگیرکەر چەندین چالاکییان ئەنجامداوە.
چالاکی لە چەلێ
لە ڕاگەیەندراوەکەی هەپەگەدا هاتووە: (12ی حوزەیران\22ی جۆزەردان کاتژمێر 13:30، هێزەکانمان لە چەلێی جۆلەمێرگ لە گردی کورشینۆ و دۆڵی دەشتانێ لە دژی سوپای کۆماری تورکیای داگیرکەر چەند چالاکییەکیان ئەنجامدا. لە چالاکییەکاندا گورز لە ڕەبایە و شوێنی حەوانەوەی دوژمن درا. تەواو ڕوون نەبوویەوە کە چەند سەرباز کوژران و بریندار بوون. لە دوای چالاکییەکان فڕۆکەجەنگییەکانی هێزەکانی داگیرکەر دەوروبەری گوندی بەدەهێ-یان بۆردومان کرد.)
چالاکی لە شەمزینان
له درێژەی ڕاگەیەندراوەکەی هەپەگەدا ئاماژە بۆ چالاکیی گەریلاکان لە شەمزینان کراوە و ڕاگەیەندراوە: (13ی حوزەیران\23ی جۆزەردان کاتژمێر 15:00 هێزەکانمان لە شەمزینانی جۆلەمێرگ، لەنێوان گردی چەتا و گردی شەهید شەڤگەر، لە مەیدانی سەرەرۆ لە دژی یەکینەیەکی دوژمن چالاکییەکیان ئەنجامدا. ڕوون نەبوویەوە لەم چالاکییەدا چەند چەکداری هێزەکانی داگیرکەر کوژران و بریندار بوون.)
لە لێلیکان گورز لە داگیرکەران درا
ناوەندی ڕاگەیاندنی هەپەگە دەستنیشانی کردووە: (ڕۆژی هەینی کاتژمێر 15:50 هێزەکانمان لە باشووری کوردستان، لە گردی لێلیکانی هەرێمی برادۆستی دەڤەری سیدەکان لە دژی سەربازانی دوژمن چالاکییەکیان ئەنجامدا. لەم چالاکییەدا گورزی سەرکەوتوانە لە ڕەبایەکانی دوژمن درا، بەڵام بەباشی ڕوون نەبوویەوە چەند سەرباز کوژران و بریندار بوون.)
ئۆپەراسیۆن لە جۆلەمێرگ
لە کۆتایی ڕاگەیەندراوەکەی هەپەگەدا باس لەوە کراوە کە سوپای تورکیا ڕۆژی 6ی حوزەیران\16ی جۆزەردان لە جۆلەمێرگ، لە مەیدانەکانی دۆڵی مارینۆس، مەزا مارینۆس و کاتۆ مارینۆس دەستیان بە ئۆپەراسیۆن کردووە. هێما بۆ ئەوەش کراوە ئۆپەراسیۆنەکە ڕۆژی 12ی حوزەیران\22ی جۆزەردان بەبێ ئەنجام کۆتایی پێهاتووە.[1]
14-06-201814-06-2018