$باکووری کوردستان$
- پارتی دیموکراتی گەلان (#هەدەپە#) ئیدانەی تەقینەوەکەی ئەنقەرە دەکات کە لە پارکێکی گشتیدا ڕوویدا و بەهۆیەوە زیاتر لە 100 کەس کوژران و برینداربوون.
- والی شرناخ لە بەیاننامەیەکدا ڕایگەیاند، ئەمڕۆ لە کاتژمێر 23:00ەوە قەدەغەی هاتوچۆ لە ناوەندی شاری شرناخ دەستپێدەکات و بۆ پاککردنەوەی شارەکە لە ئەندامانی #پەکەکە# دەست بە ئۆپەراسیۆنی سەربازی دەکەن.
$باشووری کوردستان$
- زانکۆی ئەمریکیی #دهۆک# - کوردستان لە پارێزگای دهۆک بەفەرمی دەکرێتەوە و #مەسعود بارزانی#، سەرۆکی هەرێمی کوردستان و ژمارەیەک کونسوڵی وڵاتانی جیهان ئامادەی مەراسیمەکە دەبن.
- کاژێر 04:00 ی بەرەبەیانی ئەمڕۆ فڕۆکەکانی تورکیا بناری #قەندیل#یان بۆردوومان کرد.
- #داعش#ێکی ئەمریکی بەڕەچەڵەک عەرەب، لەلایەن هێزەکانی پێشمەرگەوە لە میحوەری #شنگال# دەستگیرکرا.
- بەهەوڵی نووسینگەی ڕزگارکردنی ڕفێندراوان، 19 کوردی ئێزدی کە لەلایان داعشەوە بەدیل گیرابوون، ڕزگارکران.