[1]

#پارتى دیموکراتی کوردستان# پەیامێکى ئاراستەى محەمەد شیاع سودانى سەرۆک وەزیران کردووەو لە پەیامەکەش داواکراوە ڕێگرى لە هێرشەکان بۆ سەر فڕۆکەخانەى #هەولێر# بکات.
کە لە چەند ڕۆژى ڕابردووداو لەدواى چڕبوونەوەى هێرشەکان بۆ سەر فرۆکەخانەى هەولێر، پارتى پەیامێکى ئاراستەى سودانى کردووە.
سەرچاوەکە ئاشکراشیکرد، پەیامەکە تایبەت بووە بەو هێرشانەى لەلایەن گروپە چەکدارییەکان دەکرێتە فڕۆکەخانەى هەولێر و داواى لێکراوە کە چیتر ڕێگە بە بەردەوامى ئەو هێرشانە نەدات بۆ سەر فرۆکەخانەکە، چونکە زیانى زۆرى هەیە.
سەرچاوەکە باسى لەوەش کرد، بەرپرسانى پارتى چەند ناوچەیەکیان دیاریکردووە، کە ئەو گروپانە بۆ هێرشەکانیان بۆ سەر فرۆکەخانەى هەولێر بەکاریدەهێنن، ئاشکراشیکردووە، ئەو ناوچانە لەژێر کۆنترۆڵى هێزە ئەمنییەکانى عێراقە، بۆیە دەبێت ئەوان ڕێگرى لەو هێرشانە بکەن. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێز خانەوادەی خوالێخۆشبوو (مەدریک ڕۆستەم ئیبراهیم)
بە داخ و پەژارەیەکی زۆرەوە هەواڵی کۆچی دوایی خوالێخۆشبوو (مەدریک ڕۆستەم ئیبراهیم) مان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵان و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، جارێکی تر پرسە و سەرەخۆشی خۆمان دووپات دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت. [1]

مەکتەبی سیاسیی
#پارتی دیموکراتی کوردستان#
11ی کانوونی یەکەمی 2023
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#مەسعود بارزانی#، بەبۆنەی یادی 71 ساڵەی دامەزراندنی #یەکێتی ئافرەتانی کوردستان# پەیامێکی ئاراستەی سکرتێر و ئەندامانی مەکتەبی سکرتاریەتی یەکێتیی ئافرەتانی کوردستان کرد و ڕایگەیاند: ڕۆڵی لە خەباتی گەلەکەمان و هەروەها ناساندن و بەرگریکردن لە مافەکانی ئافرەت بەرچاو و دیارە.
=KTML_Bold=دەقی پەیامی سەرۆک بارزانی:=KTML_End=

بەناوی خودای بەخشندە و میهرەبان
بەڕێزان سکرتێر و ئەندامانی مەکتەبی سکرتاریەتی یەکێتیی ئافرەتانی کوردستان، به ‌بۆنەی حەفتاویەکەمین ساڵیادی دامەزراندنی یەکێتی ئافرەتانی کوردستان، پیرۆزبایی گەرم ئاراستەی ئێوە و هەموو ئەندامانی ڕێکخراوە تێکۆشەرەکەتان و سەرجەم ئافرەتانی کوردستان دەکەم.
یەکێتیی ئافرەتانی کوردستان، ئەزموونێکی دەوڵەمەند و بێوێنەی دەستپێکی بەشداری و پێگەیاندنی ئافرەتی کوردستانی لە ژیانی سیاسی بووە و ڕۆڵی لە خەباتی گەلەکەمان و هەروەها ناساندن و بەرگریکردن لە مافەکانی ئافرەت بەرچاو و دیارە.
هەمیشە ئەو چاوەڕوانییە لە یەکێتیی ئافرەتانی کوردستان هەیە کە سەرچاوەی هۆشیاریی نەتەوەیی و نیشتیمانی و پیشەیی بن بۆ سەرجەم ئافرەتانی کوردستان و کار بۆ پاراستنی مافەکانی ئافرەت لەنێو خێزان و شوێنی کار و گۆڕەپانی سیاسەت و کایەکانی تری کۆمەڵگەدا بکەن. [1]

مسعود بارزانی
11ی کانوونی یەکەمی 2023
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#مەسرور بارزانی# جێگری سەرۆکی #پارتی دیموکراتی کوردستان#، لە پەیامێکدا بە بۆنەی (71) مین ساڵیادی دامەزراندنی #یەکێتی ئافرەتانی کوردستان# پیرۆزبایی ئاراستەی سکرتێر و ئەندامانی مەکتەبی سکرتاریەت و سەرجەم ئافرەتانی کوردستان دەکات و ڕایدەگەیەنێت: یەکێتی ئافرەتان قوتابخانەیەک بووە بۆ پێگەیاندنی چەندین ئافرەتی بەتوانا و سەرکردە.
=KTML_Bold=دەقی پەیامی مەسرور بارزانی:=KTML_End=

لە (71) مین ساڵیادی دامەزراندنی یەکێتیی ئافرەتانی کوردستاندا، گەرمترین پیرۆزبایی ئاراستەی سکرتێر و ئەندامانی مەکتەبی سکرتاریەت و سەرجەم ئافرەتانی کوردستان دەکەم و ھیوای پێشکەوتن و سەرکەوتنی زیاتریان بۆ دەخوازم.
یەکێتی ئافرەتانی کوردستان، ڕۆڵێکی گرنگ و دیاری لە مێژووی بزووتنەوەی ڕزگاریخوازی گەلی کوردستاندا گێڕاوە و قوتابخانەیەک بووە بۆ پێگەیاندنی چەندین ئافرەتی بەتوانا و سەرکردە.
لەم بۆنەیەدا، پابەندبوونی خۆمان بە پاراستنی مافەکانی ئافرەتانی کوردستان و بەهێزکردنی ڕۆڵ و پێگەی ئافرەتان لە بەڕێوەبردن و پەرەپێدانی تواناکانیان دووپات دەکەینەوە.
ساڵیادی دامەزراندنی یەکێتیی ئافرەتانی کوردستان پیرۆز بێت.
سڵاو لە گیانی پاکی شەهیدانی یەکێتیی ئافرەتانی کوردستان و گشت شەهیدانی کوردستان. [1]

مەسروور بارزانی
جێگری سەرۆکی پارتی دیموکراتی کوردستان
#11-12-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#نێچیرڤان بارزانی#، سەرۆکی ھەرێمی کوردستان لە یادی 71 ساڵەی دامەزراندنی #یەکێتی ئافرەتانی کوردستان#دا، بە گەرمی پیرۆزبایی لە تەواوی ئافرەتانی کوردستان دەکات و دەڵێت، ھیوای سەرکەوتنی بەردەوامتان بۆ دەخوازم و‌ دڵنیا بن کە بۆ ھەمیشە لەپێناو مافەکانتان ھاوکار و پشتیوانتان دەبم.
=KTML_Bold=دەقی پەیامی سەرۆکی ھەرێمی کوردستان:=KTML_End=

یادی (71) ساڵەی دامەزراندنی یەکێتیی ئافرەتانی کوردستان بە گەرمی لە تەواوی ئافرەتانی کوردستان پیرۆز دەکەم. خەبات و قوربانیدان و تێکۆشانیان لەپێناو پاراستنی مافەکانی ئافرەتان و ئازادی و یەکسانیدا، بەڕێز و پێزانینەوە ھەڵدەسەنگێنم و ھیوای سەرکەوتنی بەردەوامیان بۆ دەخوازم.
یەکێتیی ئافرەتانی کوردستان وەک ڕێکخراوێکی پێشەنگی پاراستن و داکۆکیکردن لە مافەکانی ئافرەتان، لە ھەردوو سەردەمی شۆڕش و ئازادیدا، ڕۆڵێکی دیاری لە خەباتی مەدەنیی کۆمەڵگەی کوردستاندا گێڕاوە. وێرای پارێزگاریکردن لە مافەکانی ئافرەتان، بە سەدان ئافرەتی بەتوانای لە ھەموو بوارەکاندا و چەندین کادیر و سەرکردەشی پێگەیاندووە کە لە ھەموو کایەکانی ژیاندا خزمەتیان بە وڵات کردووە و دەکەن.
کۆمەڵگەیەکی کراوەی ئازاد و پێشکەوتووی مەدەنی، بێ ئازادیی ئافرەت و مسۆگەریی تەواوی مافەکانیان نایەتە دی، بۆیە لەم یادەدا ھەموو پشتگیرییەک لە خەباتی ئافرەتان دووپات دەکەمەوە. با یەکێتیی ئافرەتانی کوردستان و ھەموو ڕێکخراو و بزووتنەوەیەکی ژنان لە کوردستان دڵنیا بن کە بۆ ھەمیشە لەپێناو مافەکانیاندا، ھاوکار و پشتیوانیان دەبم. [1]

نێچیرڤان بارزانی
#11-12-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=