- پارێزەر سەحەر ئاجار، سەرۆکی کۆمەڵەی مافناسانی میزۆپۆتامیا و مەحمود بینگول، فەیزی ئاتسز و زیا باگی، پارێزەرانی ئەندامی کۆمەڵەی مافناسانی میزۆپۆتامیا بەتۆمەتی "ئەندامبوون لە ڕێکخستنی قەدەغە"دا دەستگیر کران.
- ئەمنستی ئینتەرناشناڵ بۆ ئازادی هەرچی خێراتری زەینەب جەلالیان، زیندانی سیاسی کورد، کەمپەینێکی کۆکردنەوەی واژۆی دروستکردووە و ڕایگەیاندووە: "ئێران دەبێت جەلالیان ئازاد بکات و هەموو پێداویستییەکانی بۆ چارەسەری پزیشکی بۆ دابین بکات".
- ڕێکخراوی ئەمنستی ئینتەرناشناڵ کەمپەینێکی بۆ پشتگیری گەڕەکی سوری ئامەد پێکهێناوە و ڕایگەیاندووە، کە ژمارەیەکی زۆر لە دانیشتوانی سووری ئامەد ئاوارە بوون و خانوەکانیان ڕووخاوە و لە ئەگەری گەڕانەوەیان بۆ ماڵەکانیان ژیانیان دەکەوێتە مەترسییەوە.
- ئەمشه و بەڕێوەبەرانی کەناڵی زارۆک تیڤی، کە تەلەڤزیۆنێکی تایبەت بە منداڵانە بە زمانی کوردی، ڕایانگەیاند، کە جارێکی تر دەست بە پەخش دەکەنەوە.
- فیگەن یوکسەگداغ هاوسەرۆکی پارتی دیموکراتی گەلان هەدەپە لە زیندان چاوی بە بنەماڵەکەی کەوت.