$باکووری کوردستان$
- پەرلەمانتارانی #هەدەپە# لەبەردەم دادگای دەستوری تورکیا لە ئەنقەرە دەستیان بەچالاکی ئێشکگری دادوەری کردو ناڕەزایبونی خۆیان لەبەرانبە دەستگیرکردنی هاوسەرۆک و پەرلەمانتارانی پارتەکەیان پیشاندا.[4]
- #کەماڵ ئۆزەر# هەواڵنێرێکی کوردی ناوچەی تۆنجەلی ڕۆژنامەی ئۆرەنسەڵی تورکیا لەلایەن جەندەرمەوە لە ڕێگای ئۆواجیک بۆ تۆنجەلی دەست بە سەرکرا.[6]
$رۆژهەڵاتی کوردستان$
- کاتژمێر 10ی سەرلەبەیانی ئەمڕۆ بە کاتی ڕۆژهەڵاتی کوردستان، لە #مەریوان# و 9:30 لە شاری #سەردەشت# گردبوونەوە بەڕێوەدەچێت بۆ پشتیوانیکردنی #بانە#.[2]
- #کەنەکە#، بە توندیی دڕندەیی ڕژێمی ئێران بەرامبەر بە #کۆڵبەر#انی کورد شەرمەزاردەکات و دڵنیایش دەداتە ڕژێم، کە بە ئەژمارکردنی هێزی ئەمنیی و پاسدار و سەرباز لە کوردستان ناتوانن دەنگ و هاواری خەڵکی کوردستان بۆ داواکردنی مافی ڕەوای خۆیان بخنکێنن.[2]
- داواکاری سەربازیی هێزە سەربازییەکانی ئێران لە پارێزگای #سنە# بە میدیا فەرمییەکانی ڕاگەیاندووە دوا بەدوای کوژرانی دوو کۆڵبەری کورد لە سنووری (هەنگەژاڵ)ی بانە لەلایەن هێزە سنوورپارێزەکانی ئێرانەوە، پێنج کەس بەو تاوانە دەستگیر کراون.[5]
$باشووری کوردستان$
- دوای سێ ساڵ لە شەهیدبوونیان ئەمڕۆ تەرمی سێ پێشمەرگە لە گوندێکی سەر بە ناحیەی عەیازییەوە گەڕێنرانەوە بۆ کەسوکارەکانیان و فەرماندەیەکی پێشمەرگەش ڕایدەگەیەنێت، چەکدارانی داعش ئەو شوێنەی کە تەرمی ئەو پێشمەرگانەیان لێ نێژرابوو بۆمبرێژیان کردبوو.[1]
- ڕۆژنامەی ڕیازی سعودی لەزاری بەرپرسێکی نزیک لەسەرۆک وەزیرانی عێراق ڕایدەگەیەنێت، بەمنزیکانە عەبادی بۆ گفتوگۆکردن لەسەر #ڕیفراندۆم#ی هەرێمی کوردستان چاوی بە بەرپرسانی باڵای ئەنقەرە دەکەوێت.[1]
- لە زۆرێک لە شار و شارۆچکەکانی کوردستان، بەتایبەتی لە #هەولێر# بانگەشەی گشتپرسی گەرمە و شەقام و کۆڵان و بازاڕ و باڵەخانەکان بە پۆستەرەکانی بەڵێ بۆ سەربەخۆیی داپۆشراون.[3]
- شەوی ڕابردوو لەسنووری قەزای #داقوق#، پێشمەرگە و هێزەکانی دژە تیرۆر، چەکدارانی #داعش#-یان لەسنوورەکە بەچەکی قورس بۆردومان کرد کە هەوڵیاندەدا هێرش بکەن.[4]
- دوو شاندی هەرێمی کوردستان کە پێکهاتوون لە شاندێکی حکومی و شاندێکی لایەنە سیاسییەکان، ماوەی چەند ڕۆژێکە دوور لە چاوی میدیاکان لەسەر پرسی ڕیفراندۆم و #نەوت# چوونەتە دەرەوەی وڵات.[1]
- کەمپەینی ڕێکخراوەکان بۆ هەڵوەشاندنەوەی سیستمی پاشەکەوتی #مووچە# بە گردبوونەوەیەک لە #سلێمانی# دوا هەڵوێستی خۆیان ڕاگەیاند و هۆشداریان دایە حکومەت و دەسەڵاتداران کەئەگەر ئەم دۆخە بەردەوام بێت، هانی هاوڵاتیان دەدەن بۆ بەشدارینەکردنی هەر پرۆسەیەک کە حکومەت پێی هەڵدەستێت.[2]
- لە شاری هەولێر ژمارەیەک لە مامۆستایانی ئاینیی بەمەبەستی دەربڕینی ناڕەزایی و نیگەرانییان لەو کوشتارەی بەرامبەر موسڵمانانی میانمار دەکرێت، گردبوونەوە.[2]
- شەوی ڕابردوو لە #هەڵەبجە# لە سەر شەقامی مامۆستای نەناسراو پەیکەری (مامۆستای نەناسراو) و هەروەها لە یەکێک لە باخچەکانی هەڵەبجەش پەیکەری شەهیدێک بەناوی شەهید ئەنوەر، شکێنران، دواتر پۆلیس تۆمەبارێکیان دەستگیرکرد.[3]
- بزوتنەوەی مەسیحییەکانی عێراق داوا لە مەسیحییەکانی هەرێمی کوردستان دەکات بە نەخێر دەنگ بە ڕیفراندۆم بدەن و پەرلەمانتارێکی مەسیحییش ئاماژە بەوەدەکات، مەسیحییەکانی کوردستان خۆیان یەکلایی کردۆتەوە بەبەڵی دەنگ بە ڕیفراندۆم دەدەن.[1]
- جێگری سەرۆکی #بەڵێندەرانی کوردستان# ڕایدەگەیەنێت، ئەو وەفدەی لە کۆڕبەندی ئابوری نێوان هانۆڤەر و هەرێمی کوردستان بەشدارە تەعبیر لە خاوەنکار و کۆمپانیاکان ناکەن، بەڵکو ئەوان تەنیا لە هاوردەکردنی (چپس و سۆندە و لوقم و کونجی و گوڵە بەڕۆژە و پسکیت) شارەزان.[1]
- بە مەبەستی دەربڕینی هاوسۆزیی و هاوخەمیی بۆ موسڵمانانی هەرێمی ڕاخینی بۆرما، ژمارەیەک لە چالاکوان و ڕێکخراوەکان و کەسایەتییە ئایینی و و کۆمەڵایەتیەکان، لە هەردوو شاری هەڵەبجە و سلێمانی گردبوونەوەیان ئەنجامدا.[2]
- بە مەبەستی مەحکوومکردنی کوشتنی کۆڵبەران و پشتیوانی کردن لە نارەزایەتییەکانی شاری بانه،‌ گردبوونەوەیەک لە یەکێک لە پارکەکانی شاری #کۆیە# بەڕێوەچوو.[3]
$رۆژئاوای کوردستان$
- کاتژمێر 4:30 خولەک-ی سەر لەبەیانی سوپای تورکیا و چەتەکانی سەر بە ئەوان، کە لە قەڵای سامان لە کانتۆنی #عەفرین# جێگیربوون، گوندی باسۆفان-ی سەر بە شارۆچکەی شێراوان-ی عەفرین-یان تۆپباران کرد. لە ئەنجامی ئەو تۆپبارانە زیانی مادیی-یان بەر ماڵی هاوڵاتیانی گوندەکە گەیاند.[2]
- #شەڕڤان#انی‌ هێزەکانی‌ سوریای‌ دیموکرات، سێ هێرشی‌ خۆکوژی‌ داعش لەرەققە تێکدەشکێنن و 31 چەکداری‌ ئه و ڕێکخراوە دەکوژن.[4]