$باکووری کوردستان$
- #سیبەل ییگیتالب#، پەرلەمانتاری پارتی دیموکراتی گەلان- #هەدەپە# لە بەر دەرگای ماڵەکەی لەلایەن هێزەکانی پۆلیسی تورکەوە دەستگیرکرا.[5]
- #هەپەگە# ڕایگەیاند:لە قۆناغی دووەمی هەنگاوی شۆڕشگێڕانەی شەهید بەدران گوندیکرامۆ و شەهید نالین مووشدا، دوێنێ کاتژمێر 01:00ی نیوەڕۆ هێزەکانمان لە گردی کۆردینە و گردی شەهید دەرین لە شارۆچکەی #چەلێ#ی سەربە #جولەمێرگ# چالاکییان ئەنجامدا دژی سەربازەکانی دوژمن، ژمارەی کوژراو و بریندارەکانی سەربازەکانی سوپای تورک لە ئەنجامی ئەو چالاکییانەدا نەزانرا.[5]
$رۆژهەڵاتی کوردستان$
- سەرلەبەیانی ئەمڕۆ، هاووڵاتییەکی خەڵکی شاری #سەڵماس# بە تۆمەتی کوشتن لە شوێنی گشتی و لە پێش چاوی خەڵک لە سێدراە دا.[8]
- هەرێمی بناری #قەندیل# و ڕاپەرین-ی کۆمەڵەی گەنجانی وڵاتپارێزی کوردستان، لە گردبوونەوەیەکدا پشتیوانی خۆیان بۆ ڕێپێوانەکانی ڕۆژهەڵات ڕاگەیاند.[5]
$باشووری کوردستان$
- ئەگەرچی بڕیار بوو ئەمڕۆ کۆبوونەوەی #پەڕڵەمانی کوردستان# لە #هەولێر# ئەنجام بدرێت، بەڵام دواخرا بۆ ڕۆژی سبەینێ: 15-09-2017[1]
- لە کۆبوونەوەی سەرۆکایەتیی هەرێمی کوردستان لەگەڵ نوێنەری تایبەتی سەرۆکی ئەمەریکا و نوێنەری سکرتێری گشتیی UN و باڵیۆزانی ئەمەریکا و بریتانیا لەعێراق بەدیلی دواخستنی ڕیفراندۆم درایە #مەسعود بارزانی#.[1]
- مەسعود بارزانی لە نێوان هەزاران کەس لە خەڵکی #زاخۆ# لە یاریگای ئەو شارە ڕایگەیاند: ڕیفراندۆم تەنیا بۆ بەدیلی باشتر دوادەخەین و ئەگەر بەدیلی باشتر نەبێت لە 25-09-2017 دەچینە سەر سندووقەکانی دەنگدان و چی دەبێت با ببێت.[1]
- وەزارەتی دەرەوەی تورکیا داوا لە سەرکردایەتیی هەرێمی کوردستان دەکات لە بڕیاری ئەنجامدانی #ڕیفراندۆم# پاشگەزببێتەوە. هاوکات پێشوازی لە بڕیاری پەرلەمانی عێراق دەکات بۆ بە نایاسایی ناساندنی ڕیفراندۆم.[1]
- لەچەند ڕۆژی ڕابردوو، سوپای عێراق، هێزی ڕەوانەی چەند ناوچەیەکی سنووری #کەرکووک#، کردووە، و پێشمەرگەش ڕێگریکردووە، و لەبازگەی #سلێمان بەگ#-ی سنووری #خورماتوو# کاروانێکی سوپای عێراق ڕاگیراوە.[2]
- ڕەوەند مەلا مەحمود، جێگری لێپرسراوی مەڵبەندی دووی کەرکووکی #یەکێتی نیشتمانی کوردستان# ئەمڕۆ بە دواڕۆژی ڕاگەیاند ئێمە وەکو ئەنجومەنی مەڵبەند پێمانوایە مەترسی لە ئەنجامدانی ڕیفراندۆم هەیە بە تایبەت لە سنوری کەرکووک و ناوچە دابڕێنراوەکان، چونکە تائێستا لایەنەکان لەسەر ئه و پرسە کۆک نین.[3]
- #پارتی دیموکراتی کوردستان# لەبارەی مانەوەی نوێنەرانی کورد لەبەغدا پەیامێک بڵاودەکاتەوه و ڕایدەگەیەنێت، کە هیچ شەراکەتێک لەبەغدا نەماوە، پێویستە بگەڕێینەوە، پەرلەمانتارێکی ئه و حزبەش لەبەغدا دەڵێت:هەڕەشەیەکی جدی لەسەر هەرێم هەیە.[4]
- وەزیری دەرەوەی عێراق ڕایدەگەیەنێت، پێویستە بەرپرسانی کورد ئامادەی هەر سزایەک بن گەر سەربەخۆییان ڕاگەیاند، هەروەک جێبەجێکردنی سەربەخۆیی بە ئاستەم ناودەبات.[3]
- عەبادی بڕیاری لابردنی #نەجمەدین کەریم#-ی لە پۆستی پارێزگاری کەرکووک واژۆکردووە و ڕەوانەی پەرلەمانی عێراقی کرد بۆ دەنگدان لەسەری.[6]
- بەئامادەبوونی 173 پەرلەمانتار و بەکۆی دەنگی ئەندامەکانی، ئەنجومەنی نوینەرانی عێراق بەبێ ئامادەیی پەرلەمانتارە کوردەکان، بڕایر لەسەر کارلابردنی نەجمەدین کەریم- پارێزگاری کەرکووک-ی پەسەندکرد.[1]
- وتەبێژی مەکتەبی سیاسی یەکێتیی نیشتمانیی کوردستان ڕایگەیاند، لابردنی پارێزگاری کەرکووک نا یاساییه و جێی قبوڵ نیە و بەتوندی لەدژی دەوەستنەوە.[1]
- دوای ئەوەی ئەمڕۆ پەرلەمانی عێراق بە زۆرینەی دەنگ نەجمەدین کەریم پارێزگاری کەرکووکی لە پۆستەکەی لادا، فراکسیۆنە کوردییەکان جەخت دەکەنەوە هەڵوێستی توندیان دەبێت و لە بایکۆتی دانیشتنەکان بەردەوام دەبن و لە #دادگای فیدڕاڵی# تانە لە بڕیارەکە دەدەن.[3]
- #یەکێتی پەرلەمانتارانی کوردستان# لە کۆنگرەیەکی ڕۆژنامەوانیدا ڕایگەیاند، پەرلەمانی عێراق لە دانیشتنی ڕۆژی 12ی ئەیلول لە کەشوهەوایەکی گوماناویدا دانیشتنی پەرلەمانیان ڕێکخست و تێیدا بە پیلانێکی دروستکراو بابەتی ڕیفراندۆمیان خستە بەرنامەی کارەوە و بڕیاری ڕەتکردنەوەی ڕیفراندۆمیان لەهەرێمی کوردستان دەرکرد.[3]
- نوسینگەی نەجمەدین کەریم پارێزگاری کەرکووک لەبەیاننامەیەکدا ئەو بڕیارەی ڕەتکردەوە کە لەلایەن پەرلەمانی عێراقەوە دراوە بۆ لادانی ناوبراو لە پۆستەکەی وبڕیارەکەی بە پوچەڵ ناوبرد.[1]
- نەجمەدین کەریم، پارێزگاری کەرکووک لە لیوانێکی ڕۆژنامەڤانیدا ئاشکرایدەکات، ئێوارەی ئەمڕۆ برێت مەکگۆرک، نوێنەری سەرۆکی ئەمریکا لە شەڕی دژی داعش تەلەفۆنی بۆ کردم و گوتی کە ئەمە بڕیارێکی هەڵەیە و نەدەبوایە کە ئەم بڕیارە بدرایە.[6]
- ئەنتۆنیۆ گۆتەرێز سکرتێری گشتیی نەتەوە یەکگرتووەکان لە کۆنگرەیێکی ڕۆژنامەوانیدا ڕایگەیاند: عێراق لە کاتێکی هەستیاری مێژوویدا تێدەپەڕێت و سەرباری ئەوەی بە هێواشی ناوچەکانی لە ژێر دەستی داعش کۆنترۆڵ دەکاتەوە، بەڵام هێشتا خاکی وڵاتەکەی بەتەواوی کۆنترۆڵ نەکردۆتەوە. ناوبراو لە درێژەدا داوای لە هەرێمی کوردستان و حکوومەتی فیدراڵی کرد کە لە ڕێی دیالۆگەوە کێشەکانیان چارەسەر بکەن و ڕاشیگەیاند کە ئامۆژگاری هەولێر و بەغدا دەکەن دیالۆگ بکەن بۆئەوەی بگەنە ڕێککەوتن. سکرتێری گشتیی نەتەوە یەکگرتووەکان هەرچەندە وتی هاوسۆزییێکی زۆری بۆ کورد هەیە، بەڵام جەختی کردەوە لەوەی دەبێت بە گفتوگۆ کێشەکانی لەگەڵ بەغدا چارەسەر بکات.[7]
- #زانا ڕۆستایی#، ئەندامی ئەنجومەنی نوێنەرانی عێراق لە فراکسیۆنی کۆمەڵی ئیسلامی ڕایدەگەیەنێت، دەوڵەتی یاسا واژۆ کۆدەکاتەوە بۆ لەسەر کارلابردنی سەرۆک کۆماری عێراق، بەڵام بە پێی یاسا کاری پێناکرێت.[5]
- کۆنسوڵی پێشووی فەرەنسا لە هەولێر لەبارەی قسەکانی نوێنەری دۆناڵد ترەمپ لە هاوپەیمانی نێودەوڵەتی دژ بە داعش لەبارەی گشتپرسی باشووری کوردستان هۆشداری بە کورد دەدات و دەڵێت: ئاگاداربن لە پشتەوە چەقۆتان لێ نەدرێت.[6]
- ئێوارەی ئەمڕۆ لە باخی گشتی #هەڵەبجە#، بە ئامادەبوونی ژمارەیەک لە بەرپرسانی حکومی و هاوڵاتیان، #ڕێکخراوی کوردستان فۆتۆ# بە چاودێری پارێزگاری هەڵەبجە ڕێکخراوی کوردستان فۆتۆ لە پێشانگایەکی تایبەتدا وێنەی 27 فۆتۆگرافەری چوارپارچەی کوردستان نمایشکران، وێنەکان گوزارشت بوون لە ژیان و سروشتی بەشەجیاوازەکانی کوردستان.[5]
- 25 جووتیار، باشترین جۆری ترێی خۆیان کە نزیکەی 50 جۆر ترێ بوو، لە 12یەمین پێشەنگای #دهۆک# بۆ ترێ نمایشکرد.[6]
$رۆژئاوای کوردستان$
- فەرماندەیەکی ئەو هاوپەیمانێتییە سەربازییەی پشتیوانی لەحکومەتی سوریا دەکات ڕایگەیاند، کاروانێکی چەکدارانی #داعش# گەیشتووەتە دێرەزوور.[2]
کوردیپێدیا، ڕۆژانە بێلایەنانە مێژووی کوردستان تۆماردەکات...
Hadisələrin xronologiyası