کوردۆ ئەحمەد نوێنەری #کۆمەڵی ئیسلامی#ی سەرجەم هاوڵاتیان و خوێنەرانی بەڕێز ئاگادار دەکاتەوە لەوەی‌ کە: هەندێک لەڕۆژنامەو هەواڵەکان و لاپەڕە (page) و ئەکاونت لەتۆڕە کۆمەڵایەتیەکاندا لەژێر ناوی جیاواز باسیان لە هەندێک هەواڵی چەواشەکاری کردووە سەبارەت بەدەرمانخواردنی جەنابی (مامۆستا #عەلی باپیر#) ئەمیری کۆمەڵی ئیسلامی کەلەئێستادا بە سەفەرێک گەیشتۆتە دەرەوەی ووڵات،
بەبڵاو بوونەوەی ئەم هەواڵە پەیوەندییەکی زۆرمان پێوە کراوە بۆ ڕاستی ئەم هەواڵە و بۆیە بە پێویستمان زانی ئێمەش هەموولایەک ئاگادار دەکەینەوە ئەم هەواڵە دوورە لەڕاستییەوەو خۆیان به و جۆرە بابەتانەوە سەرگەرم نەکەن.
کوردۆ ئەحمەد
بەرپرسی پەیوەندییەکانی ناوەندی ئەورووپا
مەڵبەندی هەندەران
07-11-2017

[1]

[1]

=KTML_Bold=ناونیشانی بابەت: بەپارەی باپیرم پڕۆژە ناکەم پارەی میللەتە، ئەم بەسەرهاتە بۆ عەلی باپیرعەلی باپیر بگێڕنەوە با تێبگات.=KTML_End=
نووسینی: #کارزان گلی#

سولەیمان دەمیڕاڵ، سەرۆک وەزیرانی پێشووتری تورکیا، قسەی بۆ گەل دەکرد، لە کاتی قسەکردندا دەیگوت ”ئێمە بەنداومان دروست کرد، ئێمە پردمان دروست کرد، ئێمە ڕێگەمان دروست کرد و کارگەی گەورەمان دروست کرد“ کەسێک لەناو ئاپۆرای جەماوەردا، بەدەنگی بەرز هاواری کرد ”ئەم پرۆژانەت بە پارەی باپیرت کردووە؟“
پۆلیس و پاسەوانەکانی دیمیڕاڵ، ئەو کەسەیان گرت و ویستیان دووری بخەنە، بەڵام دەمیڕاڵ گوتی، ڕاوەستن و لێیگەڕێن، ئەو پیاوە قسەیەکی ڕاستی کرد و با وەڵامی بدەمەوە.
دەمیڕاڵ گوتی ”کوڕم، بەپارەی باپیری تۆ و بەپارەی باپیری من و بەپارەی باپیری هەموو ئەوانەی لێرەن و پارەکان بهێنن و بیخەنە قاسەی دەوڵەتەوە، ئەو پرۆژانە دروست ناکرێن، ئەو پرۆژانە بەپارەی میللەت کراوە، بەو پارەیە کراوە کە ئێوە باجتان داوا، بەڵام پرسیارەکە ئەوەیە بۆ ئەوانەی پێشووتر نەیانکرد؟ بۆ ئەوان پارەی میللەتیان لە میللەت خەرج نەکرد؟ من ئەمەم کرد“
لە سۆیال میدیا خوێندمەوە، بەڕێز عەلی باپیر، لەبارەی ئەو پڕۆژانەی سەرۆکی حکوومەت ئەنجامی داوە، کە پڕۆژەی گەورە و ستراتیژین گوتویەتی ”خۆ بە پارەی باپیری نەکراوە و میراتی ئەوان نییە پڕۆژەی پێکردبێت“
عەقڵی باپیر و ئەو کەسەی هەمان شتی بە دەمیڕاڵ گوت یەک عەقڵە، وەڵامەکەی دەمیڕاڵیش پر بەپێستییەتی.
سەرۆکی حکوومەت، بەپارەی باپیری پڕۆژە ناکات، پارەی میللەتە و لە میللەتی خەرج دەکاتەوە، پارەکە نادزێت و بۆ بەرژەوەندی خۆی و پارتەکەی بەکاریناهێنێت، دەیداتەوە بە میللەت، بەڵام بە پرۆژەی ستراتیژی، ئەوەیە جیاوازییەکەی مەسروور لەگەڵ ئێوە.
بەڕێز باپیر، دەبێت ئەوە باش بزانیت، لە جیهاندا هەموو ئەو وڵاتانەی هەژارن و خەڵکەکەی برسین، وڵاتەکە لەڕووی داهاتەوە هەژار نییە، بەڵکوو ئەوەی وڵات بەڕێوە دەبات گەندەڵە و پارەی میللەت دەدزێت و پڕۆژەی پێ دروست ناکات، پارەی میللەت بۆ بەرژەوەندی خۆی بەکاردەهێنێت. هەر بۆ زانیاریت، زۆربەی وڵاتە ئیسلامییەکانن، خاکەکەیان دەوڵەمەندە و خەڵکەکەش هەژار، چونکە سەرۆکەکەیان دز و گەندەڵە.
کاک مەسروور، پارەی میللەت لە میللەت خەرج دەکات، تخوا لێی گەڕێن با بەرنامەکەی بۆ ئەم میللەتە جێبەجێ بکات، لێی گەڕێن تەنیا ئەوە دەیەوێت بمانگەیەنێتە خۆشی و وامان لێدەکات لە داهاتوویەکی نزیکدا، شانازی بکەین بڵێین خەڵکی هەرێمی کوردستانین.
واز لە عەقڵی بۆگەن و قین و ڕەخنەی پڕووپووچ بهێنن. [1]

=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=

دەقی پەیامەکەی عەلی باپیر:
بسم الله الرحمن الرحیم
بەڕێز کاک مەسعود بارزانی
سەرۆکی پارتی دیموکراتی کوردستان
السلام علیکم ورحمة الله
بەبۆنەی کۆتاییهاتنی کۆنگرەی چواردەیەمی پارتی دیموکراتی کوردستان و هەڵبژاردنەوەی جەنابتان بە سەرۆکی پارتیی، پیرۆزباییتان لێدەکەم، هەروەها لە هەردوو جێگرەکەت ، هیوادارم ئەم کۆنگرەیەتان هۆکاری وەرچەرخانیکی ئەرێنیی بێ لە سیاسەتی پارتیی و چاوپێداگێڕانەوەیەکی جیددیی بە بارودۆخی هەرێمدا، چ لەڕووی تەبایی سیاسیی، چ لەڕووی شێوەی ئیدارەدان و حوکمڕانییەوە.
براتان: عەلی باپیر
5/11/2022ز
11/4/1444ک[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بسم الله الرحمن الرحیم
جارێکی دیکەش ساخته و فرت و فێڵ، بەڵام بەمۆدێلێکی نوێ‌!!
خەڵک و جەماوەری کوردستان و عێڕاق!
بەداخ و حەسرەتێکی زۆرەوە، جارێکی دیکەش دەستی ساختەکاریی و تەزویرو کودەتا کردن بەسەر ئیراده و دەنگی ئازادانەی ئێوەدا، لەقۆڵی بڕیار بەدەست و خاوەن هێزەکان و وابەسته و دابەستەکانیانەوە، هاتەدەرو بەپێ‌ی ژمارەیەکی زۆر بەڵگه و دیکۆمێنتی سەلمێنەرو نکووڵیی لێنەکراو، بەچەندان شێوازی جۆراو جۆر، فێڵ و ساختەکارییەکی بێڕەزا، بەقازانجی خۆیان و بەزیانی ئەوانەی دەیانەوێ‌: کۆتایی بەستەم و گەندەڵیی و قۆرخکاریی و خۆسەپاندن بهێنرێ‌، لە هەڵبژاردنەکانی ئەمجارەی ئەنجوومەنی نوێنەراندا لە هەرچوار پارێزگای هەرێم: هەولێرو سلێمانیی و دهۆک و هەڵەبجەو، ناوچە جێناکۆکەکان، ئەنجامدراو، هەموولایەکیش دڵنیا دەکەینەوە کە وەک چۆن لەڕابردوودا بێ‌ دەنگ نەبووین، لەمەش بێدەنگ نابین‌و، هەرچی پێمان بکرێ‌ ئەنجامی دەدەین، بۆ ڕێگرتن لەستەم و ساختەکاریی و، بەرگریی کردن لە ئیراده و دەنگی ئازادانەی خەڵک و جەماوەر..
ۆسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
دڵسۆزی هەموولایەک
#عەلی باپیر#
هەولێر
28/ شەعبان/1439
#14-05-2018#

#عەلی باپیر#، سەرۆکی کۆمەڵی دادگەری کوردستان لەبارەی پەیامەکەی #عەبدوڵڵا ئۆجەلان#ەوە رایگەیاند، هیوادارم هەردوولا بە کردەوە بەدەم بانگەوازەکەوە بچن.
ئەمڕۆ پێنجشەممە، #27-02-2025#، شاندی دەم پارتی لە ئیستەنبووڵ پەیامی ئاشتیی ئۆجەلانیان راگەیاند. #ئەحمەد تورک# پەیامەکەی خوێندەوە. ئەوەش دوای ئەوەی شاندە حەوت کەسییەکە ئەمڕۆ سەردانی ئیمراڵییان کرد.
عەلی باپیر لەبارەی پەیامەکەوە دەڵێت، ئەو پەیامەی بەڕێز ئۆجەلان، کە دەبووایە زووتر بوایە، دڵخۆشبووم و ساڵانی زووش چەند جارێک بەهەردوو لایەنی تورک و کوردمان گووتوە: پێویستە بیر لە چارەسەری ئاشتییانە بکرێتەوە.
سەرۆکی کۆمەڵی دادگەری هەروەها دەڵێت، هیوادارم هەردوولا بەکردەوە بەدەم ئەو بانگەواز و پێشنیارە بچن و پەند و عیبرەت لە رابردوو وەربگرن.
پەیامەکەی ئۆجەلان لەلایەن شاندی دەم پارتی لە ئیستەنبووڵ راگەیێندرا. ئەحمەد تورک، سەرۆکی لەکارلادراوی شارەوانیی مێردین پەیامەکەی بە کوردی خوێندەوە. پەروین بوڵدان، پەرلەمانتاری دەم پارتی لە بازنەی وان پەیامەکەی بە تورکی خوێندەوە. ئەوەش دوای ئەوەی شاندە 7 کەسییەکە ئەمڕۆ سەردانی ئیمراڵییان کرد.
ئۆجەلان لە بانگەوازەکەیدا دەڵێت: داڕمانی سۆسیالیزمی واقیعی لەساڵی نەوەتەکاندا بە هۆکاری نێوخۆوە، کۆتاییهاتنی نکۆڵیکردن لە ناسنامەی کوردی لە وڵاتەکەدا، ئەو بەرەو پێشچوونانەی لە بواری ئازادیی رادەربڕیندا هاتوونەتە کایەوە، هەموو پێکەوە بوونەتە هۆکاری ئەوەی پەکەکە نێوەڕۆک و مانای بوونی خۆی لەدەستبدات و بەبەردەوامی خۆی دووبارە بکاتەوە. لەبەرئەوە پەکەکە تەمەنی کۆتایی پێهاتووە و هەڵوەشاندنەوەی بووەتە زەروورەت.
دەشڵێت: لە کەشوهەوای ئێستادا، کە بە بانگەوازی بەڕێز دەوڵەت باخچەلی دروست بووە و ئەو ئیرادەیەی کە بەڕێز سەرۆک کۆمار نیشانیداوە و هەڵوێستە ئەرێنییەکانی پارتە سیاسییەکانی دیکە بەرامبەر بەم بانگەوازە، من بانگەواز بۆ چەکدانان دەکەم و بەرپرسیارێتی مێژوویی ئەم بانگەوازە دەگرمە ئەستۆ.[1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بسم الله الرحمن الرحیم
ذلک ومن یعظم شعائر الله فإنها من تقوی القلوب
جەماوەری مسوڵمانی هەرێمی کوردستان و دەرەوەی هەرێمیش!
السلام علیکم ورحمة الله
بەبۆنەی هاتنەوەی جەژنی مانگی ڕەمەزانی پڕ پیت و پێزەوە، پیرۆزبایی لەهەموولایەکتان دەکەم و، لەخوای میهرەبان داواکارم خواپەرستیی و چاکەکاریی هەمووانی بەباشترین شێوە وەرگرتبێ و، لەهەڵه و پەڵه و کەم و کوڕییەکانمانی بوردبێ.
بێگومان ژیانی دنیای هەرکامێکمان تاکە دەرفەتێکە لەبەردەمماندا بۆ ئیسپاتی بەندایەتییمان بۆ خوا، ئه و ئامانج و حیکمەتەی کە خوا جینن و مرۆڤی تەنیا بۆ وی هێناونەدی: (وما خلقت الجن والإنس إلا لیعبدون) الذاريات -56-.
ئنجا مانگی ڕەمەزانیش وێستگەیەکی یەکجار گرنگ و بایەخدارە لەژیانماندا، کە ساڵانە دووبارە دەبێتەوەو، هەرکەس له و وێستگەیە بەهرەمەندبێ، بۆ بەخۆداچوونەوه و لەخوا نیزیک بوونەوە، بەهۆی خۆ پاک و چاککردن (تزکية النفس)ەوە، ئەوە نیشانەی عاقڵمەندیی و بەختەوەرییەتی (قد أفلح من تزکی. وذکر اسم ڕبه فصلی) الأعلی -15، 14-.
ئاشکراشە ئێمە لەهەرێمی کوردستان و عێڕاق و سەرجەم بەشەکانی کوردستان و وڵاتانی دراوسێ و دەورووبەریشماندا، لەبارودۆخێکی سەخت و دژواردا ئەم جەژنە دەکەین، چونکە لەگەڵ گەلێک قەیران و کێشەی جۆراو جۆردا دەسته و یەخەین، کە بەشێکیان دەرهاویشتەی پەتای (کۆڕۆنا)ن و، زۆربەشیان قووڵ و ڕیشەدارو لەمێژینەن و، بەوبۆنەیەشەوه دوای جەژنە پیرۆزە لێکردن، ڕوو دەکەمە حوکمڕان و بەرپرسانی هەرێم و دەڵێم:
یەکەم: پێویستە هەرچی زووترە هەنگاو بنێن و هیممەت بخەنە گەڕ بۆ گێڕانەوەی شکۆو ئیعتیبار بۆ دامەزراوەکانی هەرێم، بەجۆرێک کە خەڵک و جەماوەر متمانەی پێیان هەبێ و بەهی خۆییان بزانێ، نەک بەهی حیزب و شەخس و گرووپ، کە بێگومان دامەزراوه و دام و دەزگاکانی هەرێمەکەمان نیشانەی پرسیاری زۆریان کەوتۆتە سەرو لەکەدار کراون!
دووەم: چی دیکە لەکەوڵ و قاوغی تەسکی حیزبیی و شەخسیی و بەرژەوەندییە بچووک و تایبەتییەکاندا خۆتان قەتیس مەکەن و، وەرنە نێو بازنەی فراوانی دەوڵەتداریی و خزمەتی کۆمەڵگا بەگشتیی و، دڵنیابن ئامڕازی حوکمڕانیی سینگ فراوانییە (آلة الرئاسة سعة الصدر) بۆیه هەرگیز بەبێ عەقڵی گەوره و دڵی فراوان، حوکمڕانییەکی سەرکەوتوو ناکرێ.
سێیەم: ئەگەر دەتانەوێ ڕەخنەی هەقتان لێ نەگیرێ “ئەگەرنا هیچکەس لەڕەخنه و گلەیی ناهەق سەلامەت نابێ” پێویستە عەیب و کەم و کوڕییەکانتان چارەسەر بکەن، وەک گوتراوە: (الباب الذي یجیئک منه الریح سدّه، تستريح) ئەگەرنا بێگومان خەڵک هەتا عەقڵ و ویژدانیان زیندووبن، لە بەرانبەر ستەم و قۆرخکاریی و گەندەڵی و قڕیی و پڕیی و چینایەتییدا، کە لەم ڕۆژگارە لە هەرێمدا یەکجار زەقە، بێدەنگ نابن.
با هیچ بەرپرسێکیش پێی وانەبێ: چونکە خۆی و دەوروبەری تێروپڕن و بارودۆخەکەیان بە کەیفێیە، دنیا شامی شەریفە! تکای دڵسۆزانەتان لێدەکەم لە بورجە عاجییەکانتان وەرنە خوارێ و، بچنە نێو خەڵک و جەماوەر، تاکو بە چاوی سەرتان حاڵ و باڵی شپرزو مەینەتباریی زۆرکەس ببینن، نەک دەوروبەری سوود وەرگر، بە ڕاپۆرت و زانیاریی ناڕاست، چەواشەتان بکەن و ڕەشتان بە سپی پێشان بدەن و، دڵنیاشبن ئەم بارودۆخە بەم شێوەیە بەردەوام نابێ.
چوارەم: لە کۆتاییدا دەڵێم جەژن دەرفەتێکە بۆ ئاشتەوایی و تەبایی و نەهێشتنی تەم و مژی نێوانمان، بۆیە با حوکمڕان و دەسەڵاتدارانی هەرێم ئەو دەرفەتە بقۆزنەوە بۆ ئاشتەوایی لەگەڵ جەماوەری پەست و بێزارداو، خەمێکی جیددیی لە ژیان و گوزەرانی خەڵک بە گشتیی و بەتایبەت چینی هەژارو نەدار بخۆن و، گوێیان سووک بێ بۆ بیستنی دەنگی ئاخ و ناڵەو ناسۆریان و، بەره و بێ ئومێدیی و بێزاریی زیاتریان نەبەن، چونکە بێگومان هەموومان زیانی گەورەی لێدەکەین.
لەخوای پەروەردگارو بەخشەر داواکارم، دەرووی خێری خێرا بکاتەوە لە کۆی مرۆڤایەتی بە گشتیی و مسوڵمانان بە تایبەتیی و، بە تایبەتتر خەڵکی عێڕاق و هەرێمی کوردستان.
دووبارە جەژنی هەموو لایەک موباڕەک و تەمەنتان پڕبەرەکەت و هەر شادو سەرفرازبن
عەلی باپیر
30/ ڕەمەزان/1441 ک
#23-05-2020#

هەشتاکان

جەمالی عەلی باپیر 1945 - 1981
ساڵی 1945 کۆرپەیەک لەناو ژیانی پرِ لەژان و کارەساتی کۆمەڵی کوردەواریدا، جەمال کورِی عەلی باپیر لەدایکبوو.عەلی باپیر لەبەر هەژاری و دەستکورتی پەنای بردە بەر ژیانی مەژی و مەمرەی پۆلیسی و بەوجۆرە بنەماڵەکەی بەخێوکردووە.
جەمالی بەخێوکراوی ئەم بنەماڵە هەژارە لەگەڵ ڕۆژگاردا کەوتە گرِوگاڵ و گەورەبوون و ساڵی 1952 بەجلوبەرگی درِاوی کورِە پۆلیسێکی هەژارەوە چۆتە قوتابخانەیەکی شارە بەوەفاکەی #سلێمانی#.ئەم کەڵەپیاوەی کورد هەر لەمنداڵییەوە گورج و گۆڵ و چوست و چالاک بووە، دەم بەپێکەنین و ئارەزووی گاڵتەو نوکتەو تەڵە میشکیتەی هەبووە.هەموو خولیاکانی لەبواری وەرزش و کوردایەتیدا بووە لەبەرئەوەی چینە هەژارەکەیی و نەتەوە زۆرلێکراوەکەی هەر لەکاتی لاوێتییەوە ڕایان کێشاوەتە کۆرِی خەبات.ئەوکاتانەی شەش حەوت ساڵان بوو خولیای وەرزشی هەبوو، بۆیە کۆڵانە تەسک و تروسکەکانی گەرِەکی شێخانی شاری سلێمانی بوونە گۆرِەپانی فوتیۆڵێنی و خولیا وەرزشییەکانی تری، یەکێک بوو لەئەندامە چالاکەکانی دیدەوانی شاری سلێمانی لەهەموو سەفەری دیدەوانیانەی سلێمانی بەشداریکردووە.جگە لەفوتبۆڵێن لەپێشبرِکێکانی ڕاکردن بەتایبەت ماوەی دوورودرێژدوو چەرخە سواری، لەرِێگەی وەرزشەوە تێکەڵاوی بزووتنەوەی کوردستان بووە، شەهید مامۆستا یاسینی وەرزشکار جگەلەوەی مامۆستای وەرزشی بووە، مامۆستای کوردایەتیشی بووە.وەڵامێکی زیرەکانەکاک فایەق قەساب هاندەری بووە بۆ کوردایەتی و لەیەکێتی قوتابیانی کوردستانەوە ساڵی 1959 لەدەزگاکانی بزووتنەوەی ڕزگاریخوازی کوردستانی داوە، ساڵی 1960 چۆتە ناو ڕیزەکانی #پارتی دیموکراتی کوردستان# لەدەستپێکی شۆرِشی ئەیلول و بڵێسەو گرِو کڵپەی خولیای شاخ بووە.ساڵی 1962 سەنگەری شاری گواستنەوە بۆ شاخ کاتێک تەمەنی حەڤدە ساڵی تەواونەکردبوو، لەبەر کەم تەمەنی لێپرسراوانی ئەوسای شۆرِش لەگەڵیدا خەریکبوون کەبگەرِێتەوە شارو خوێندن تەواوبکات، بەڵام شەهید جەمال وریایانە وەڵامی دابۆوەو پێی وتبوون: ئێوە چەند مافتان بەسەر کوردایەتی و کوردستانەوە هەیە منیش بەقەد ئێوە ئەو مافەم پێدەبرِێت.ئیتر ئێوە بە چ هەقێک داوای ئەوەم لێدەکەن بەرگری لەمافی ڕەوای خۆم نەکەم؟!ئەو وەڵامە زیرەکانەیە بەس بوو بۆ لێپرسراوانی ئەوسای شۆرِش کەدەستبەجێ لەپەلی شەهید مەجید شوانی (عەریف مەجید) سەرەتا وەک چایچییەک وەریبگرن و ئەویش بەشانازییەوە چایچێتی بەخزمەتزانی و درێغی نەکرد لەخزمەتکردنی برا #پێشمەرگە#کانیدا.تا چەند مانگێک کارێکی ئەوتۆیان پێنەسپارد، بەڵام بەژیری و لێهاتوویی، خۆی بۆ لێپرسراوەکانی سەلماندو لای شەهید مەجید شوانی پێشمەرگەیەکی گورج و گۆڵ و ئازاو چاونەترس بووە، شەهید جەمال نموونەی پێشمەرگەی خوورِەوشت بەرزو دەست و دەم و داوێن پاک بووە، لەزۆربەی هەرە زۆری نەبەردەکانی ئەوکاتەی پێشمەرگە لەناوچەی شارباژێرو زۆربەی نەبەردەکانی تری کوردستان هاوبەشیکردووە، لەکۆتایی ساڵی 1962 لەگەڵ هێزێکی هەڵبژاردنی ناوچەکانی سلێمانی و #کەرکووک#دا نێردرا بۆ یارمەتیدانی پێشمەرگەکانی بادینان لەشەرِەکانی بازەگیرو ئەزمەرِو مۆکەبەو شەرِەکانی #پێنجوێن#دا بەشداریکردووە، هەر لەوسەردەمەوە خەباتی شۆرِشگێرِانەی گرتەبەرو بەشداری خەباتی قارەمانانەی گەلەکەمان بووە، لەدەیان نەبەردی قارەمانانەدا لەکەناری مردنەوە گەرِایەوە.لەژیانی خوێندکاری و لەرِیزەکانی پارتیدا، وەک پێشمەرگەو تێکۆشەرێکی زرنگی شۆرِشگێرِ بیری کردۆتەوەو هەردەم دژی تێگەیشتنە چەوت و نارِاستەکانی خەڵکانی ناو شۆرِش بووە، بەهۆی ئەو هەڵوێستەشەوە، تووشی چەندین تەنگ و چەڵەمەو تەنگ پێهەڵچنین بووە، بەڵام هەرگیز کۆڵدان پێی نەوێراوەو بەرگەی گرتووەو لەئەرک و فرمانەکانیدا پشووی نەداوە، کاتێک ناکۆکی کەوتە ناو ڕیزەکانی کوردایەتی، شەهید جەمال لەگەڵ باڵی مەکتەبی سیاسی ساڵی 1964 چووە دیوی ئێران و لەگەڵ شەهید مەجید شوانی و شەهید عەزیز گەزەڵانی و هەندێ پێشمەرگەی دیکە لەسەر سنوور ماوەیەک وەک هێزی گەرِۆک، لەناوچەی ئالانی ئێران لەهەموو لایەکەوە گەمارۆو ڕاودەنران، بەڵام بەلێهاتوویی و ئازایەتی خۆیان توانییان ئەرکە پێسپێردراوەکانی ئەو قۆناغەی خەبات بەباشی جێبەجێبکەن.جەمال و تیپی شەهید کەمال سەلیمساڵی 1965 کەگەرِانەوە بۆ کوردستان، شەهید جەمال وەک پێشمەرگەیەک لەناوچەی ماوەت مایەوە، پاشان لەبەر چەند ڕووداوێک بەناچاری ڕۆیشتەوە بۆ سلێمانی و چووەوە بەر خوێندن لەقۆناغی ناوەندی، لەهەمانکاتدا پێشمەرگەیەکی لەسەرخۆو سادەو دەم بەپێکەنینی باڵی مەکتەبی سیاسی (پ.د.ک) بووە.لەگەرِانەوەی بۆ سلێمانی دوو تیپی وەرزشی لەگەرِەکەکانی ئیسکانی سەروو و ئیسکانی خواروو دامەزراندو وەکو براو مامۆستای وەرزشکارەکان ئیشەکانی بەرِێوەدەبرد، ساڵی 1966 داوایکرد تیپەکان بکرێنە یەک تیپ و لەکۆبوونەوەیەکیشدا لەیاریگای ئیسکان ستایشێکی باشی شەهید کەمال سەلیم میران دەکات وەکو پێشمەرگەیەکی ئازاو وەرزشەوانێکی لێهاتووی شاری سلێمانی، ئەو هەوڵەشی بۆئەوە بوو ناوی کەمال سەلیم بەنەمری بهێڵێتەوە.شەهید جەمال لەناو یاریگا فێرکارێکی لێهاتوو لەدەرەوەی یاریگاش هاورِێی دڵسۆزی یاریزانەکان بووە، لەرِاکردنی 5000 مەترو ماوە دوورودرێژدا زۆر بەتوانا بووەو هیلاکیش نەبووە، لەبەرئەوە دەوترا کە سپڵی نییە، تیپی وەرزشی چوارچرا کە تیپی دووەمی کەمال سەلیم بوو، هەر شەهید جەمال ئەو ناوەی لێناو لەهەڵبژاردنی ناوی چوارچرا دوو مەبەستی هەبوو:یەکەم لەبەرئەوەی تیپی کەمال سەلیم ئەندامەکانی زۆربوون بۆئەوەی لەکاتی خولەکاندا مافی یاریزان نەفەوتێ و هاوبەشی بکەن.دووەم: چوارچرا ئەو گۆرِەپانە پیرۆزەیە کە قازی محەمەدی پێشەوای لێ لەسێدارەدرا.ساڵی 1968 بەبرِیاری سەرکردایەتی باڵی مەکتەبی سیاسی چووە دەورەیەکی تایبەتی مفەوزی پۆلیس و پاشان خوێندنی مفەوەزیەکەی لەکۆلێجی پۆلیس تەواوکردووە، ماوەیەک لەبەغدای پایتەخت مایەوەو لەهەر شارێک کەگوازرابێتەوە وەکو ملتەزمێک ئەرکەکانی کوردایەتی خستۆتە سەروو ئیشی ڕەسمیەوە، دواتر گواسترایەوە بۆ سلێمانی.لەپۆلیسی سلێمانی وەکو مفەوەزێکی وەرزش دەستبەکاربوو خەڵکێکی زۆری بۆ تیپی پۆلیسی سلێمانی پێگەیاندو پلەی باشیان لەسەرئاستی پارێزگاو وڵات بەدەستهێنا.خۆیشی لەهەمانکاتدا یاریزانێکی بزێوی یانەی پۆلیس بوو کەمفەوەزێکی ڕۆح سووک و خۆشەویستی سلێمانی بوو، لەناو خەڵکدا ڕێزی تایبەتی لێدەنرا.رێبازی نوێ و دەربازبوون لەتەڵەی دوژمنکۆتایی شەستەکان و سەرەتای هەفتاکانی سەدەی ڕابردوو لەرِێگەی گۆڤاری ڕزگاری و باڵی مەکتەبی سیاسی ئاشنای بیروباوەرِی چەپ بوو یەکێکیش بوو لەو گەنجانەی باوەرِی تەواوی بەچەپ هەبوو لەدروستبوونی کۆمەڵەی ڕەنجدەرانی کوردستان (مارکسی لینینی کوردستان) لەئەڵقە ڕۆشنبیرییەکانی ئەو کۆمەڵەیە وەرگیرا، پاشان چەندین کەسی بۆ کۆمەڵە ڕێکخست کەزۆر بەهێمنی و زیرەکانە چالاکییەکانی بۆ خزمەتی کۆمەڵە پەرەپێدەدا.کەبەیانی 11ی ئازار دەرچوو شەهید جەمال لەبەر مەیلی بەلای باڵی مەکتەبی سیاسیی دوورخرایەوە بۆ شاری حلە (بابل) ماوەیەکی زۆر لەوێ مایەوەو خەریکی ڕێکخستنی کۆمەڵە بوو.دیسان گواسترایەوە بۆ کوردستان بۆ پارێزگای #دهۆک#، پاشان گواسترایەوە بۆ سلێمانی و وەکو مفەوەزێکی وەرزش چالاکییەکانی دەستپێکرد، ئەو سەردەمە کۆمەڵە خەریکی گەشەکردن بوو شەهید جەمال لەپیاوە چالاکەکانی ڕێکخستن بوو وریایانە نەیدەهێشت لەلایەن لایەنە نەیارەکانی کۆمەڵەوە هەست بەجموجۆڵی بکرێت، تا شەرِ لەنێوان سەرکردایەتی پارتی و ڕژێمی بەعسدا ساڵی 1974 دەستیپێکردەوە لەسەر ڕەزامەندی کۆمەڵە شەهید جەمال دیسان بۆوە میوانی شاخ یەکێک بوو لەو پێشمەرگە کارامانەی ئەو سەردەمە، چونکە ئەزموونی زۆری هەبوو لەخەباتی پێشمەرگەیی، داوای تێبینی و سەرنجی لێکرابوو بۆ چۆنیەتی دەستپێکردنەوەی شۆرِش دەستنیشانکردنی پێویستیەکانی پێشمەرگەو شوێنە سەختەکان بۆ بنکەی نهێنی.لەشەرِەکانی شاخی زمناکۆو حەوزی ڕەواندزدا جێدەستی دیاربوو چالاکی بەرچاوی هەبوو، هەربۆیە زیاد لەهەموو هاورِێکانی و لەهێزی ئەزمەرِی ئەوسا کرایە سەر لق و لەلایەن سەرکردایەتی پارتییەوە خەڵات کرا.تا هەرەس یەکێک بوو لەپێشمەرگە چالاکەکانی هێزی ئەزمەرِو دوای هەرەس بەبرِیاری کۆمەڵە هاتەوە سلێمانی و دوورخرایەوە بۆ خوارووی عیراق، لەمفەوەزی پۆلیس دەرکراو کرایە کارمەندی پۆستەو گەیاندنی شاری بەسرە، دیسان هۆشیارانەو لێهاتووانە دەستیکرد بەچالاکی ڕێکخراوەیی بۆ کۆمەڵە، دوابەدوای گیرانی سەرکردایەتی کۆمەڵە خاڵە شیهاب و هاورِێکانی هەست بەجموجۆڵی شەهید جەمال کرا.لەپایزی 1975 لەلایەن دەزگاکانی ئەمنی سلێمانیەوە ڕاونراو زۆر ئازایانە خۆی دەربازکرد، ڕۆژێک پیاوانی ئەمن بەدوایدا دەگەرِان لەخۆی دەپرسن ئەرێ ماڵی جەمالی عەلی باپیر نازانی؟ ئەویش بەبێ ئەوەی بترسێ و بشڵەژێ ئاماژە بۆ ماڵێک دەکات ئەمنەکانیش بەپرتاو بەرەو ماڵەکە دەرِۆن شەهید جەمال بەرِاکردنە وەرزشکارییەکەی خۆی ڕزگاردەکات و دەچێتە ماڵی کاک کەمالی حەبێ لەگەرِەکی مەڵکەندی، لێرەوە خەباتی ژێرزەمینی دەستپێدەکات لەماڵەکانی کاک عومەر سەعیدو کاک عومەر کڵاولارو ماڵی کاک ئاوات قارەمانی و ماڵی حەمە خرِەی دارتاش لەکانێسکان و ماڵی عەزیز ئیسماعیل لەگەرِەکی تووی مەلیک ڕۆژانی خۆشاردنەوەی زۆر بێباکانە بەسەربردو ئەرکەکانیشی ئەنجامدەدا بەبێ ئەوەی ڕۆژێک لەرِۆژان نارِەزاییەک دەرببرِێ یان ڕەشبینی دایبگرێ.دووبارە بەرەو چیا، بەرەو خۆری شەهیدبوونکە#یەکێتیی نیشتمانیی کوردستان# دامەزرا شەهید جەمال کەوتە خۆئامادەکردن بۆ شۆرِشی چەکداری و لە 19-07-1976 لەگەڵ کاک سالار عەزیز یەکەم دەستەی چەکداری دۆڵی جافایەتیان دروستکردو ئەو چەکەی لەکاتی هەرەسدا شاردبویەوە کردیەوە شانی و بۆوە بەپێشمەرگە گورج و گۆڵەکەی ساڵی 1962ی جاران و پاشتریش پێشمەرگەیەکی نوێ و بەبیروباوەرِێکی شۆرِشگێرِانە، دوای یەک ڕۆژ چەککردنە شان هەڵیکوتایە سەر ڕەبایەی (باوی زاوێ)ی دەشتی کارێزەو بەمەش یەکەمین فیشەکی شۆرِشی نوێ لەلولەی تفەنگەکەیەوە تەقی و چەند داگیرکەرێکی بەسزای گەل گەیاندو هەر لەوساڵەشدا بەسەختی برینداربوو.شەهید جەمال یەکێک بوو لەکادیرە ئازاو چوست و چالاکەکانی هێزی پێشمەرگەی یەکێتیی نیشتمانیی کوردستان و مامۆستای شەرِی پارتیزانی بوو لەدەیان نەبەردی گەورەو بچووکدا هاوبەشیکردووە، پیاوێکی خۆشەویست بوو لەوناوچانەی کاری لێکردووە، لەگەڵ پێشمەرگە بەسۆزو بەزەیی بووە هەڵسوکەوتی لەگەڵیاندا هاورِێیانەو برایانە بووە لەسەرەتای بوونە پێشمەرگە لەشۆرِشی نوێ کرایە لێپرسراوی سەربازی ناوچەی ماوەت لەگەڵ شەهید ئەحمەد فەتحوڵڵا ئاغا کاریان پێکەوە دەکرد، ساڵی 1978 وەکو کادرو پێشمەرگەو وەک جێگری فەرماندەی هەرێم بەشداری کارەساتەکەی #هەکاری# کردووەو بەژیری و ئازایەتی و چاورِوونییەوە ڕابەری دەستەیەک پێشمەرگەی کردو سەرکەوتووانە گەرِانەوە بۆ بارەگای سەرکردایەتی لە#قەندیل#، هەر ئەوکاتە سەرکردایەتی یەکێتی لەقەندیل بۆ تەقدیری ئازایەتی پلەی فەرماندەی هەرێمی درایەو کرایە فەرماندەی هەرێمی چواری یەکێتی ینیشتمانیی کوردستان، هەروەها ئەندامی کۆنفرانسی #مالیمۆس# بووە کە #01-05-1981# کە لە مالیمۆس بەسترا. مەخابن لە 20-08-1981 لەگەڵ شەهیدان: حەسەن قارەمان و کاروان و ئیسماعیل گەورە دێیی و ئەنوەری عەبدوڵڵا مەلا ساڵح شەهیدکران و گەیشتنە کاروانی نەمران.