ناوی سیانی: بەهرۆز جەعفەر جەبار
بەرواری لە دایکبوون: #05-04-1986#
شوێنی لە دایک بون: #چەمچەماڵ#
باری خێزانی: سەڵت
لە بنچینەدا خەڵکی گوندی گۆلەمەوی سەر بە عەشیرەتی جەبارین، گوندەکەیان ئەکەوێتە ناوچەی قادرکەرەمی کۆن، خاوەنی (64) شەهید و ئەنفالن. دووجار ڕاگوێزراون و، دوای ئەنفال هەر لەمناڵیەوە ئەچنەوە لادێ موحەڕەمەکەیان و درێژە بە کشتوکاڵ و مەڕداری ئەدەن.

$ئاستی خوێندن$
- دبلۆمی لە تەکنەلۆژیا خوێندووە- پەیمانگەی تەکنیکی #سلێمانی# (2006-2008).
‏‎- بەکالۆریۆسی لە کۆلێژی یاساو ڕامیاری - زانکۆی گەشەپێدانی مرۆیی تەواو کردوە (2008-2012).
- ماستەری لە پەیوەندییە نێودەوڵەتییەکان لە زانکۆی (Near East University) لە قوبرسی باکور تەواو کردووە (2014 – 2016). ماستەرنامەکەی سەبارەتە بە؛ پەیوەندییەکانی تورکیاو ئیسرائیل لەسەردەمی فەرمانڕەوایی پارتی دادوگەشەپێدانی تورکی دا (لە ماوەی 2002 بۆ 2015).
- دکتۆرای لە پەیوەندییە ئابوورییە نێودەوڵەتیەکان لە زانکۆی قوبرسی نێودەوڵەتی- Cyprus International University تەواوکردوە (2016 -2021). نامەی دکتۆراکەی بە ناونیشانی؛ The Political Economy of Hydrocarbon and its Impact on The Eastern Mediterranean: The new emerging regional order... ئابوریی سیاسیی هایدرۆکاربۆن و کاریگەریی بەسەر ڕۆژهەڵاتی دەریای سپی ناوەڕاست؛ سیستەمێکی هەرێمایەتی تازە پێگەیشتوو.

$کاری سیاسی و ڕێکخراوەیی$
-لە تەمەنی چواردە ساڵی دا بووە بە ئەندامی کۆمیتەی خوێندنگا ناوەندییەکانی کۆمەڵەی خوێندکارانی کوردستان.
-لە پێش پرۆسەی ئازادی (2003) بەرپرسی ڕیزەکانی کۆمەڵەی خوێندکارانی کوردستان بووە لە شارۆچکەی چەمچەماڵ و دەوروبەری، لە پرۆسەی ئازادکردنی #کەرکووک#دا برینداربووە، دوای پرۆسەی ئازادیش هەمان ئەرکی لە ڕیزەکانی خوێندکاراندا لە شاری کەرکووک و دەوروبەری لە ئەستۆ گرتووە.
دەستەی دامەزرێنەری کۆمەڵەی ڕۆشنبیری لاوانی زەنوور بووە ساڵی (2005)
-بەرپرسی کاروباری خوێندکارانی پەیمانگاکانی پارێزگای سولەیمانی بووە.
-کادری مەکتەبی پەیوەندییە نیشتیمانیەکانی یەکێتی نیشتیمانی کوردستان بووە.
-لە مەکتەبی کۆمەڵایەتی و چاودێری دارایی یەکێتی نیشتیمانی کوردستان بووە (2008 بۆ 2010)
-ئەندامی کۆنگرەی (3) ی یەکێتی نیشتیمانی کوردستان بووە لەساڵی (2010)
لە کۆتایی (2010) دەستی لە کاری حیزبی کێشاوەتەوە و تا هەنوکە لە دەرەوەی حیزب و لایەنە سیاسیەکان بەردەوامی بە هەڵوێست و کارەکانی داوە.
- لەگەڵ پێنج هاوڕێی دیکەیدا مۆڵەتیان بۆ خۆپیشاندانەکانی (17) ی شوباتی ساڵی 2011 و ڕۆژانی دوایی وەرگرتووە، پاشان بەهۆی ناکۆکیان لەگەڵ هێزەکانی ئۆپۆزسیۆن لە خۆپیشاندانەکان جیابوونەوە.
- ئەندامی کارایە لە سەندیکای ڕۆژنامەنووسانی کوردستان.
- ئەندامی فیدراسیۆنی ڕۆژنامەنووسانی نێودەوڵەتیە.
- لە ماوەی (2009 بۆ 2015) پارێزەر و داکۆکیکاری ڕاپۆرتەکانی چاودێری دارایی- سولەیمانی بووە لەگەڵ سەرۆکی دیوانی پێشوو (جەلالی عومەری سام ئاغا)
- لە نیسانی 2011 ەدا گروپی حەمرینی دروست کردو، بۆ یەکەمجار دەیان ئاڵای کوردستانیان لە دوا خاڵی سنوری جوگرافی کوردستان هەڵکردو، داوای جیابوونەوەی هەرێمی باشوری کوردستانیان لە عێراق کرد. هەمان ساڵ کاری لەسەر بە جیهانی کردنی پرسی ئەنفال کردوە و پرۆژەیەکی بەناونیشانی (چۆن ئەنفال ببەینە نەتەوە یەکگرتوەکان) لەگەڵ (2327) بەلگەنامەو وێنە داوەتە پەرلەمانی کوردستان- عێراق.
لە ساڵی (2006 ەوە بۆ 2018) بە بەردەوام لە تەواوی ڕۆژنامەو گۆڤارو وێبسایت و کەناڵەکانی کوردستان ئەرشیفی نووسین و چاوپێکەوتنی هەیەو، دەستەی نوسەران و دامەزرێنەری بەشێکیشیان بووە، گرنگترین ئه و ئامرازانەی میدیاش ئەمانەن:
کوردستانی نوێ، ئاسۆ، هاوڵاتی، ئاوێنە، خەبات، شەپۆل، سۆنگە، نێوەند، هەواڵ، چەتر، سڤیل، ئایدیا مەگەزین، خەندان، کوردستان نێت، پێنوسەکان، کوردیۆ، نەوا، گەشەپێدان، شەن، جەماوەر، وتاریکورد، ڕۆژنامەی زاری کرمانجی، درەو میدیا، زەمەن، پەیسەر پرێس، ناوەندی چاوی کورد، پۆلەتیک. سنورمیدیا، هەرێم نیوز، مالمۆ کورد، دەنگەکان، ڕووداو، سپی میدیا، بزاف پرێس، ڕێگای ئازادی، سنورمیدیا، ئێن ئاڕتی و.. تادوایی.
- سەرنوسەری ماڵپەری پێنوسەکان بووە.
- دەستەی دامەزرێنەری پێگەی ڕەهێڵ پۆست بووە.
- لەبەر ڕەخنەو نووسینەکانی (6) جار سکاڵای دادگای لەسەربووە، تا دواجار لە (22 ی ئابی 2011) دەستگا ئەمنیەکانی یەکێتی نیشتیمانی کوردستان ئۆتۆمبیل و کۆمپیوتەرو تەلەفۆنەکانیشی زەوت ئەکەن و بۆ هەرگیز نایدەنەوە.
- لە (22 ی سێپتەمبەری 2020) لەسەر سکاڵای سەرۆک کۆماری عێراق لەمەڕ وتارێک بۆ ماوەی (7) ڕۆژ لە لایەن دادگاوە لە شاری سولەیمانی زیندانی کراوە.
- دامەزراندنی پەیمانگەی مێدیتریانە بۆ توێژینەوەی هەرێمایەتی:
- ساڵی (2017) بە ئامانجی دامەزراندنی ئاژانسێکی جیهانی بۆ توێژینەوە سەردانی تورکیاو ئەردەن و لوبنان و عێراق و قوبرسی کردووە، دواتر (ئینستیوتی مێدیتریانە بۆ توێژینەوەی هەرێمایەتی- Mediterranean Institute for Regional Studies) دامەزراندووەو، تا هەنوکە سەرۆکی ئەو دەستگایەیە. کە بە سێ زمان کارەکانی خۆی پەخش ئەکات و، چوار کۆنفرانسی زانستی لەسەر پرسە هەستیارەکان بەستووە، لەگەڵ بڵاوکردنەوەی سەدان پەیپەر و ئەنەلایزی ئەکادیمی.

$میدیاو ناوەندە بیانییەکان:$
- ناوەندی لێکۆڵینەوەکانی خۆرهەڵاتی ناوەڕاست- ئۆرسام - ئەنکەرە.
- جێرۆزەلیم پۆست
- واشنتۆن ئینستیوت - Washington Inistitute
- زە گڵۆپ پۆست The Globe Post
- تودەی زەمان
- میزۆپی ئەڵمانی
- ڤۆیس ئۆف سایپرەس -Voice of Cyprus
- دەنگی ئەمریکا- VoA
- مێدیتریانە بۆ دیراساتی ئیقلیمی
- میهر
-ئاژانسی ئەنادۆڵ
- کردبرس

$چاپ و بڵاوکراوە$
بەهرۆز جەعفەر، خاوەنی سێ کتێبی چاپکراوە بەم ناوانە:
یەکەم: ململانێکانی نێو شۆڕشی ئەیلول (لێکۆڵینەوەیەکی مێژوویی سیاسیە) ساڵی 2010 چاپکراوە.
دووەم: لایەنە تیۆریی و پراکتیکیەکانی هەڵبژاردن (ساڵی 2013) چاپکراوە.
سێهەم: پەیوەندییەکانی تورکیاو ئیسرائیل لە سەردەمی حکومەتی دادو گەشەپێدانی تورکی دا (2002 بۆ 2015). ساڵی (2017) بەزمانی کوردی و ئینگلیزی چاپکراوە.
چوارەم : خاوەنی (63) پەیپەری ئەکادیمی پەبلیش کراوە لە ناوەندە زانستی و کاریگەرەکانی دونیا لە بواری ؛ ووزە (نەوت، گازی سروشتی، کێشەی ئاو، ووزە نوێبوەوەکان-Renewable Energy، ئاسایشی ووزە، جیۆپۆلەتیکی ووزە، هاوپەیمانێتیە هەرێمیەکان، سیستەمی هەرێمایەتی نوێ لە ڕۆژهەڵاتی دەریای سپی و...بابەتی دیکە.
$زمانەکان$
- کوردی (زمانی دایک)
- ئینگلیزی (ئیمتیاز)
- عەرەبی (زۆر باش)
- تورکی (باش)
- بە هەرسێ زمانی ئینگلیزی و عەرەبی و کوردی ئەنوسێت و قسە ئەکات.

$خول و ڕاهێنان$
- پەیمانگەی پەروەردەی مەدەنی (پلەی یەکەم- خولی چوار هەفتە- ساڵی 2007)
- پەیمانگەی کادیرانی یەکێتی نیشتمانی کوردستان (پلەی دووەم- ساڵی 2008)
- ئێن دی ئۆ -NDO ساڵی (2012)، خولی ڕاهێنانی ڕۆژنامەنووسی.
- خولی بنکۆڵکاری لە بواری سێکتەرەکانی نەوت و غازی سروشتی - #هەولێر#- 2013.
- بەشداری لە لوتکەو پلاتفۆرمە جیهانیەکانی وەک: ئەتلەنتیک، دوبارە پیاچونەوە بە ئاسایشی ڕۆژهەڵاتی ناوەڕاست، لوتکەی ووڵاتانی دەریای ناوەڕاست و لوتکەی ووزەی عێراقی و... زۆر کۆڕ و کۆڕبەندی دیکەدا کردووە لە ناوەوەو دەرەوەی عێراق.
- دبلۆمی بەریتانی بۆ بۆردی مامەڵەکردنی سەلامەتیانەو پیشەییانە لە کێڵگە نەوتییەکان National Examination Board in Occupational Safety and Health. بە (NEBOSH) ناسراوە.

$تایبەتمەندی$
بەهرۆز جەعفەر، سەرۆکی ناوەندی مێدیتریانە یە بۆ توێژینەوەی هەرێمایەتی، کە لە عێراق و هەرێمی کوردستان و قوبرص و فەڕەنسا تۆمارکراوەو، لە دوو ووڵات؛ هەردوو شاری نیکۆسیا-Nicosia و سولەیمانی ئۆفیسی هەیە، مێدیتریانە (دەریای ناوەڕاست- Mediterranean) وەک ناوەندێکی نا- حکومیی بەگشتی لە بواری ئابوریی سیاسیی و ووزەو بیناکردنی ئاشتی و دیالۆگدا کارئەکات و پارتنەرە لەگەڵ (11) ناوەندی عێراقی و بیانی هاوشێوەدا.
بە تایبەتیش لە بوارەکانی: ئاسایشی ووزەو، پەیوەندیتە ئابورییەکان و جیوپۆڵەتیک و، سیسیتەمی هەرێمایەتی نوێ و، دۆسیەی تورکیاو، مەسەلەی کوردو، مەلەفی عێراق دا ئەنوسێت و قسە ئەکات.[1]

$ئەدرێس:$
Bahrooz Jaafar
‏Email: Bahroz@Mirs.co
‏Jafarbahroz@gmail.com
‏Tel: 00 (90) 533 860 15 14
00964.770.195.17.36
00964.750.138.23.23
‏Office: Iraq- Sulaymaniyah- Rzgari- Opposite Ashti Sport Center
‏Cyprus- Nicosia- University of Nicosia. F2.
‏Web: www.mirs.co
[1][2]