Navê Tevgerî: Kerîm Şirnex
Navê Rast: Zubeyir Akil
Navê Dayikê : Emîne
Navê Bav: Hacî
Cihê ji Dayikbûnê: Şirnex
Cih û Dîroka Şehadetê: #27-02-2016# Girê Sipî

Bajarê #Şirnexê# ya Bakurê Kurdistanê di sala 1939an de
[1]

$Agahiyên şehîd:$
Nasnav: Botan Şirnex
Nav paşnav: Naîl Olmez
Cihê jidayikbûnê: Şirnex
Dayik-Bav: Sarya-Adil
Dem û cihê şehadetê: 31'ê Cotmeha 2018 / Botan

Sehîd ewên ku meşeleya serhildana pêxistinê û temsila wê dikin, ji bo vê jî erka meye ku em mafê wan neçewsinin, ji ber ku xwîna wan ne erzane. Şehîd xwediyê dilên pak û zelalin, ew in yê ku têgihiştin heqiqetê û xwestin pêkbinin û bi pêkanina wê xwe feda kirin. Doza ku mezin dibe û bi xwîna şehîdan tê avdan tu mirov nikare zirarê bide. Bisaya şehîdên me, me li dijî mirinê serî hilda û me jiyaneke bê mirin afirand.[1]

$Agahiyên şehîd:$
Navê rast : Fuat Torsun
Navê tevgerî : Adil şirnex
Navê dayikê : Emîne
Navê bav : Sulêman
Cihhê ji dayikbûnê : Şirnex
Cih û dîroka ji destdayîna jiyanê: 31-05-2015 Serêkaniyê

Şehîd; ewên ku meseleya serhildanê pêşxistine û temsîla wê dikin, ji bo wê jî erka meye ku em mafê wan neçewisînin, ji ber ku xwîna wan ne erzane! Şehîd xwediyê dilên pak û zelalin, ewin yên ku têgihiştin heqîqetê û xwestin pêkbînin û bi pêkanîna wê xwe Fîda kirin. Doza ku mezin dibe û bi xwîna şehîdan tê avdan, tu mirov nikare zirarê bide. Bisaya şehîdên me, me li dijî mirinê serî hilda û me jiyaneke bê mirin afirand. [1]

$Agahiyên şehîd:$
Nasnav: Herekol #Şirnex#
Nav paşnav: Selîm Ongun
Cihê jidayikbûnê: Şirnex
Dayik-Bav: Mevlude-Yûsûf
Dem û cihê şehadetê: 2019 / Herêmên Parastinê yên Medyayê

$kurtejiyana şehîd:$
Hevreyê me Herekol li Şirnexê ku navenda berxwedana Botanê ye ji dayîk bû. Hevreyê me Herekol ê di nava malbateke welatparêz de mezin bû, têkoşîna me ya azadiyê di temeneke biçûk de nas dike. Hevreyê me ku şahidiya zext û qetlîamên #dewleta Tirk# a qirker kir, ji ber vê jî hêrsa wî ya li hemberî dijmin gelekî zêde bû. Hevreyê me Herekol ê bi xeyala çûyîna çiyayê pîroz ê Cûdî mezin bû, tevî temenê xwe yê biçûk gihişt asta hişmendiyeke kûr. Hevrêyê me ê ku di dema Berxwedana xwerêveberiyê de xwest li hemberî êrîşên hovane yên dewleta Tirk a dagirker bibe bersiv, piştî ku demeke di nava xebatên ciwanan de cih girt di sala 2015’an de li Cûdiyê tevlî refên #gerîla# dibe.
Hevreyê me Herekol ku perwerdeya bingehîn a gerîlatiyê bi serketî qedand, li herêmên Zap û Avaşînê dest bi pratîka xwe ya yekem kir. Ji roja yekem ve tevlîbûna bingeha milîtanî ji xwe re esas girt. Hevreyê me Herekol bi wêrekî û fedakariya xwe li eniyên pêş derbên giran li dijmin xist. Li her qadê bi enerjiya xwe re balê kişandiye li ser xwe û ji bo hevalan bibû çavkaniya bawerî û moralê. Hevrêyê me Herekol ku li Avaşînê li hemberî êrîşên dagirkeriyê yên #artêşa Tirk# a dagirker derbên giran li dagirkeran xist, di taktîkên gerîlatiya serdema nû de bûye pispor û ji bo berxwedana dîrokî kedeke mezin da. Hevrêyê me Herekol ku li Werxelê bi xwestekeke mezin tevlî amadekariyên şer bû, bi kesayeta xwe ya kedkar hezkirina û rêzdariya hevalên xwe bi dest xist. Hevreyê me ji bo di xeta milîtaniya #PKK#’ê de kûr bibe her tim lêhûrbûn kir û di demeke kin de gihişt asta pêşengiyê.
Mîrateya têkoşînê ya ku hevrê Herekol li pey xwe hişt wê her tim rêya hevreyên me ronî bike.[1]

ŞIRNEX - Jinên li #Şirnex#ê di konên berxwedanê de jiyana xwe berdewam dikin bertek nîşanê tecrîda li ser Rêberê #PKK’ê# #Abdullah Ocalan# dan û gotin: “Rêber Apo damara me ye. dewlet bila sebra me nepîve. Bila demildest tecrîda li ser rabe.”
Jinên Şirnexê bertek nîşanê tecrîda li ser Rêberê PKK’ê Abdullah Ocalan dan û gotin bila dewlet baş bizane ger ev tecrîd bi vî awayî berdewam bike wê ti car bê deng nemînin.
‘Rêber Apo damara me ye’
Ayşe Abayê tecrîsa li ser Abdullah Ocalan bi van gotinan anî ziman: “Ev demek dirêje rêbertiya me girtiye. Ji eleya me ya ji bo wî ti tişt kêm nebû. Damarek mirovan çiqas girîng be Rêber Apo jî wisa girînge. Niha dewleta Tirk li damara me dîwaran çêdike. Dewlet lîstikên bi xeter dilîze. Divê demildest ev tecrîd rabe.”
‘Berxwedana Kurdan nayê şikandin’
Hanim Vargeyê jî got her zarok bi ‘serok Apo’ mezin dibe û got rêbertî ji bo gel ji 7’an heta 70’ê gelek girînge û ji ber dewlet vê dizane dixwaze Kurdan ceza bike. Hanimê got: “Ez bimrim zarokên min wê bo serokatiyê têbikoşin. Ez bang li dewletê dikim, hun nekarin têkoşîna me bişikînin.”
Gulê Ozmen jî got ewê di her şert û mercî de xwedî li Abdullah Ocalan derketin û li Şirnexê tevî evqas êrîşan berxwedana me neşkiya û niha jî tecrîd li ser Rêbertiyê pêk tê. Gulê got ev şert û merc wê serî bi wan nede tewandin.[1]

Bi tonan darên ku li gundê Navyan ê #Şirnex#ê kişandine kêleka rê, asta talankirina daristanên li bajêr radixe ber çavan.
Bi tonan darên ku li gundê Navyan ê Şirnexê kişandine kêleka rê, asta talankirina daristanên li bajêr radixe ber çavan.
Li Şirnexê birrîna daran a cerdevanan a bi hinceta “ewlehiyê” dewam dike. Li Çiyayê #Cûdî#, li herêma Besta û gundê Navyan ê li ser rêya Sêrtê her roj bi sedan dar tên birrîn. Darên li çoltera gundê Navyanê tên birrîn, bi traktoran vediguhêzin kêleka rê. Dîmenên darên ku li bajarên weke Riha û Dîlokê tên firotin ên nû hatin kişandin, asta talankirina daristanan raxist ber çavan. Di dîmenan de ji bilî wesayîtên cerdevanan, li kêleka rê bi tonan darên hatine birrîn tên dîtin.[1]

Li ser lûykeya Çiyayê Cûdî ya Şirnexê li Bakurê Kurdistanê, 2yemîn Festîvala Cudî hat hat lidarxistin.
Li herêma Sefîne ya Çiyayê Cûdî ya Şirnexê bi organîzasyona parêzgarî û şaredariyê 2. Festîvala Cûdî hat lidarxistin.
Wezîrê Navxwe yê Tirkiyê Suleyman Soylu, Serokê Karên Diyanetê Alî Erbaş, Parêzgarê Şirnexê Osman Bîlgîn, Şaredar Şirnexê Mehmet Yarka û hejmareke ji welatiyên beşdarî festîvalê bûn.
Di festîvalê de ekîba erbane ya navenda ciwanan a şaredariyê jî beşdarî bû û çend stran pêşkeş kir.
Soylu li vir axavtinek kir û got, “Ziman, reng, eslê me yê etnîkî, yek ji van hêza ku qet dê me ji hev cuda nekin. Sefîne vê yekê ji me re dibêje. Hz. Nuh vê yekê ji me re dibêje. Eger biratiya me biqede dê çi karesat bên serê me, minaka herî mezin Kerbela ye.”
Di festîvalê de bi pêşengiya Serokê Karên Diyanetê yê Tirkiyê Alî Erbaş nimêj kir.
Şaredarê Şirnexê Mehmet Yarka û Parlementerê Şirnexê yê AK Partiyê Rizgîn Bîrlîk jî her yekê axaftin kirin.
Di festîvalê de Koma Tillo û Koroya Şaristaniyên Hatayê konser dan.[1]

Meşa li dijî daristanên parêzgeha #Şirnexê# ya Bakurê Kurdistanê ku ber bi Çiyayê Cûdî ve tê kirin hat ji aliyên hêzên ewlekariyê yên Tirkiyê ve tê astengkirin.
Peyamnêrê Rûdawê Abduselam Akincî ragihand ku bi serpereştiya Partiya Demokratîk a Gelan (HDP), Kongreya Civaka Demokratîk (KCD), Partiya Herêmên Demokratîk (DBP) û çend partî û rêxistinên din ên Kurdî, îro hejmareke xelkê ji bo protestokirina birîna dar û daristanan ber bi Çiyayê Cûdî ve dimeşin. Lê destpêkê ji ber ragihandina qedexeya çalakiyan li Şirnexê, koma partiyên siyasî û rêxistinên civaka sivîl, li bajarê Êlihê li hev kom bûn.
Ji bo meşê beşek çalakvan û xwepêşamder ji bajarên Serhedê û ji barên #Riha#, #Dîlok#, #Edene#, #Mêrsîn# û #Mêrdînê# giheştin hev û ber bi Şirenxê ve ketin rê.
Kesên ku beşdarî wê meşê bibûn, piştî navçeya Kercewsê, berê xwe dan Hezexê. Armanca meşê, protestokirina birîna darên çiyayê Cudî ye ku ev zêdetirî salekê ye têne birîn û bi barhilgiran têne firotin.
Herî dawiyê polîsan li sînorê navçeya Cizîrî ya Şirnexê rê li wê meşê girt û piştî demekê jî rê dan wan ku derbasî Cizîrê bibin û niha jî gihîştine navbera Cizîr û Şirnexê û li wê derê hêzên ewlekariyê bi wesayîtên zirxî rê li ber wan girtiye û diyar kirin ku dê destûra meşê nedin.
Girseya ku di navbera Şirnex û Cizîrê de kom bibû dirûşmên dijî birîna daristanên herêmê hatin berz kirin govendê gerandin û di meşa xwe de rijd e.
Ji bo destpêkirina meşê hevdîtin hatin kirin lê encamek jê derneket û pişt re jî hêzên ewlekariyê bi ava şid û bombeyên gazê êrişî girseyê kir.
Li ser vê yekê girseyê jî dest bi çalakiya rûniştinê kir û ligl êrişê heta niha jî girse belav nebûye.
Ozturk: Hûn nikarin me tûne bikin hûn dê têk biçin
Hevserokê Hevserokê Kongreya Civaka Demokratîk (KCD) Berdan Ozturk nerazîbûn nîşan da û got: “Armanca wan ev bû îro Cûdî, çiyayê Licê, Dêrsimê dişewitînin. Armanca wan qedandina gelê Kurd e. Em îro hatin Cûdî, ew çiqas bibêjin ku em ê we tube bikin em dibêjin em li vir in, em hene. We di dîrokê me neqedandiye hûn îro jî nikarin me tune bikin. Em azadiya xwe û azadiya hemû gelê Tirkiyeyê diparêzin. Li her çar parçeyê Kurdistanê dixwazin erdnîgariya Kurdan xirab bikin ku cihê ku Kurd lê bijîn nemîne.”
Ozturk bal kişan li ser êrişan û got: “Îro cardin êrişê meşa me, dayikan, ciwanan kirin. We berê encam negirt îro jî hûn encam nagirin. Riya me riya azadiyê ye. Darên ku hûn jê dikin em ê li dewsa wan sed daran biçînin. We di 90'î de jî Cûdî şewitand lê ew li ser koka xwe hêşin bû. Heya roja îro me gav paş de neavêt em îro jî paş de gav navêjin. Hûn çiqas êriş bikin hûn ê di êrişên xwe de bixeniqin. Serkeftin ya me ye.”
Ev çalakî di demekê de ye Parêzgariya Şirnexê çend roj berê bi biryarekê hemû cor meş, çalakî û xwepêşandan li sînorê wê parêzgehê di navbera 13ê Îlonê heta 27ê Îlonê de qedexe kiribûn.
Demeke dirêj e ku dar û daristanên parêzgeha Şirnexê ya Bakurê Kurdistanê tên talankirin û rewş gihiştiye asteke metirsîdar. Bi taybetî li Çiyayê Cûdî, Çiyayê Gebar û herêma Bestayê ya Şirnexê 2 sal in bi awayekî sîstematîk dar tên birîn.
Kongereya Civaka Demokratîk (KCD), Tevgera Jinên Azad (TJA), Partiya Heremên Demokratîk (DBP), Partiya Demokratîk a Gelan (HDP) û Tevgera Ekolojiyê ya Mezopotamyayê, li dijî birîna daristanê bi dirûşma “Em Dijî Talana Xwezayê û Wêrankirina Şer Dimeşin” banga tevlîbûna çalakiyê kiribû.[1]

ِ$Agahiyên Şehîd:$
Nasnav: Rizgar #Şirnex#
Nav paşnav: Huseyîn Belge
Cihê jidayikbûnê: Şirnex
Dayik-Bav: Hatîce-Celal
Dem û cihê şehadetê: 2016 / Herêmên Parastinê yên Medyayê

$Kurtejiyana şehîd:$
Hevrêyê me Rizgar li Şirnex a ku bi welatparêzî û dilsoziya xwe ya ji bo Tevgera me ya #Kurdistan#ê tê naskirin, ji dayik bû. Gelê me yê Şirnexê ku bi hezaran kurên xwe yên leheng û hêja fedaî têkoşîna me ya azadiyê kirin, têkoşîn esas girt û ji sekin û helwesta xwe tu carî tawîz nedan. Dizanibû ku di her şehadetê de bi tevlîbûneke nû bersivê dide dagirkeran. Hevrêyê me Rizgar ku di malbateke welatparêz de ji dayik bû, di temenê xwe yê biçûk de bû şahidê polîtîkayên qirkirinê yên dijmin, bi taybet li ser gelê me yê Botanê. Hevrêyê me Rizgar ku gelek tevlîbûn û şehîd ji malbat û derdora wî heye, bi saya van tevlîbûn û şehîdan Tevgera me nas kir. Hevrêyê me yê ku bi dîtina zilm û zordariya dijmin a li ser #gelê Kurd# mezin bû, ti carî van nêzîkatiyan qebûl nekir. Bi xebatên xwe yên ciwantiyê li hemberî dagirkeran helwest girt û dest bi têkoşînê kir. Tevgera me ya ku ji zaroktiya xwe ve nas dikir, di xebata ciwanan de derfet dît ku hîn zêdetir Tevgera me nas bike û derxe zanabûnê. Tevî ku bi awayekî aktîf beşdarî xebatên ciwanan bû jî, têkoşîna ku dihat dayîn têr nedît û ji bo asta têkoşînê bilindtir bike tevlîbûna gerîla ji bo xwe kir armanca sereke. Hevrêyê me yê ku di lêgerîna azadiyê de ye, her tim di kesayetê de nûbûn afirandine. Hevrêyê me Rizgar ê ku fêm dike ku rêya têkoşîna çalak a li dijî dagirkeran têkoşîna çekdarî ye, di sala 2014’an de berê xwe da #çiyayên Kurdistanê#.
Derbasî Herêmên Parastinê yên Medyayê bû û perwerdeya bingehîn dît. Hevrêyê me bi îradeyeke mezin xwe perwerde kiriye, li hember astengiyên jiyanê xwe bi rêxistin kiriye. Hevrêyê me Rizgar ku lawê leheng ê gelê Botanê ye, di nava refên me de pratîkek ku layiqê gelê me be, meşand. Hevrêyê me Rizgar ku li çiyayên Kurdistanê tama jiyana azad girt, ji bo azadiya Rêber Apo û gelê Kurd bi fedekariyeke mezin beşdarî têkoşînê bû. Bi vê hişmendiyê berpirsyarî girtiye ser milên xwe û nêzî erkên serdemê bûye. Bû milîtanekî ku di nava hevrêyên xwe de bê hezkirin û her qada ku diçû moral dida. Hevrêyê me Rizgar ê ku her tiştê xwe ji gelê xwe re feda kir, li hemberî dijmin heta gihişte şehadetê bi qehremaniyeke mezin li ber xwe da.[1]