لە ڕۆژانی (18-19-8-2018)، لە هۆڵی بۆنەکانی #پێنجوێن# و هۆڵی وەرزش و لاوان، 32 توێژینەوە پێشکەشکران، کۆنفڕانسەکە بە هاوبەشیی زانکۆی #سلێمانی# و قائیمقامییەتی شارۆچکەی پێنجوێن بەڕێوەچوو.
لەبەر ڕۆشنایی کۆنفڕانسدا، ئەم پێشنیاز و ڕاسپاردانە خرانەڕوو، هیوادارین لایەنە پەیوەندیدارەکانی میری و ئەکادیمیست و دڵسۆزان پێشنیاز و ڕاسپاردەکان بەهەند وەربگرن و کاری لێبڕاوانە بۆ سەرخستنیان بگرنەبەر.
پێشنیاز و ڕاسپاردەکان
بەڕێزان، توێژەران و میوانانی (کۆنفڕانسی زانستیی پێنجوێن)، لە ماوەی ڕۆژانی 18-19-2018دا؛ بەبەشداریی(32) توێژەر و بەهاوبەشیی زانکۆی سلێمانی و قائیمقامییەتی شارۆچکەی پێنجوێن، کۆنفڕانسی زانستیی موفتی پێنجوێنی بەڕێوەچوو، ئەمەش لەپای گرنگیدان بە ڕەوشی ڕۆشنبیری و پەرەپێدان بە توێژینەوەی زانستی، لەبەر ڕۆشنایی توێژینەوەکان و پێویستیی کاری زانستیی بۆ هەرێمی کوردستان و شاری پێنجوێن، ئەم پێشنیاز و ڕاسپاردانە دەخەینە بەردەم ناوەندە حکومی و زانستییەکان؛ تا کاری پێبکەن وسودیان لێوەربگرن:
１) بەردەوامبوونی (کۆنفڕانسی زانستیی پێنجوێن)، وەک کۆنفڕانسێکی ساڵانە و هەر ساڵە و کەسایەتی و بوارێکی گرنگ بکات بە بابەتی توێژینەوە.
２) موفتی پێنجوێنی لەبواری توێژینەوە ئەکادیمییەکاندا گرنگیی ئەتۆی پێنەدراوە، بۆیە پێویستە زیاتر بخرێتە بەر باس و توێژینەوەی زانستی.
３) کردنەوەی (ناوەندی توێژینەوەی پێنجوێن)، وەک ناوەندێکی زانستی، بۆ گرنگیدان بە وردەکلتوور و ڕۆشنبیری و زانستیی پێنجوێن.
４) کردنەوەی پەیمانگایەکی سەربەخۆ و شایستە لە پێنجوێن، تا ببێتە چرایەکی ڕۆشنکەرەوە لە شارەکە و خزمەتی خوێندکارانی ناوچەکە و دواجار هەرێمی کوردستانیش بکات.
５) دروستکردنی پەیوەندیی ڕۆشنبیری لەنێوان شارەکانی کوردستان و پێنجوێن بۆ پەرەپێدان بە پەیوەندیی ڕۆشنبیری و کردنی کاری پێکەوەیی لە بوارە ڕۆشنبیرییەکاندا.
６) دروستکردنی پەیکەرێکی شایستە بۆ موفتی پێنجوێنی و دانانی لە دەروازەی شاری پێنجوێن، ئەمەش وەک وەفایەک بۆ هەوڵە ڕۆشنگەرەکانی ئەم شاعیرە مەزنە.
لە کۆتاییدا، کۆنفڕانس سوپاسی نەبڕاوەی خۆی ئاراستەی هەموو ئەو کەس و لایەنانە دەکات کە بۆ ئامادکردن و بەئەنجامگەیاندنی ئەم کارە گرنگە دەستی هاریکارییان بۆ درێژکردین و لە ماندووبونیان سوپاس گوزارین. جارێکی تر سوپاسی هەموو توێژەران و زانکۆی سلێمانی؛ بەتایبەت کۆلێژی زمان-بەشی کوردی و قائیمقامییەتی شارۆچکەی پێنجوێن و میوانانی کۆنفڕانس دەکەین و دەستی هاوکارییان دەگوشین.
کۆنفڕانسی زانستیی پێنجوێن
#19-08-2018#

پێنجخشتەکی لەسەر هۆنراوەی #موفتی پێنجوێنی#

مەعلوومە لە لا ئەو کەسە وا ئەهلی حەیا بێ
گەر پیرە وەگەر گەنجە وەگەر شاﮪ و گەدا بێ
نابێ سەری بەرزی بە منەت کۆم و پەسا بێ
#قانع دەسی من دامەنی تۆ تاوەکوو ما بێ#
عەمرت لە حەیاتا عەمەلت سەنعەتی چابێ
کێ بێ لە جیهان ڕشتەیی نامووسی بەجێ بێ؟
چاوی لەدەسی پیرەژنی بێکەسی دێ بێ
ئومێدی دڵی سەر قەڵەمەی پوورە خەجێ بێ
نانێ کە بەگەڕ دەس بکەوێ گوی سەگی تێ بێ
سەگ لێت بوەڕێ و پیرەژنیش دەم بە دوعا بێ
هەرکەس لە جیهان خاوەنی خولقێکی شەریفە
یاخود کوڕی مەیدان و هونەرمەند و حەریفە
گوێ ڕاگرێ بۆ نەشئەیی ئەم شێعرە زەریفە
مەشهوورە حەیا قەترەیەکی شۆخ و لەتیفە
هەر کەس کە گەڕا لازمە ئەو قەترە تکابێ
باوەڕ مەکە هەرگیز بە مەقامات و بە عیشقی
بۆ جەلبی قلووبە کەرەم و ڕەئفەت و ڕفقی
ڕۆژێ دووهەزار تۆبە بکا زاهرە فسقی
مەهتووکە لە لا من بە شەڕی باعیسی ڕزقی
کەشکۆڵ و دەف و مێزەر و مەشاک و عەبا بێ
سا بێ لە بنا گویێ مەبڕە سەر زلی مل پان
دۆڕانە بڕۆ بێ هونەر و واعیزی ماڵان
گەر باوەڕم پێ ناکەی بە سی جزمەیی قورئان
ئەم سەنعەتە مەکر و هەلە بۆ کەس نییە قوربان
بۆ ئەو کەسەیە وا بە درۆ پیاوی خوابێ
تۆزاوی و ئارداوی ئەڵێی بەردە لە ئاشا
سک شۆڕە وەکوو هۆڕی کە خزابێ لە ماشا
سەد چاکەی لەگەڵ کەی کەچی بەدگۆیە لە پاشا
باپیرەی منیش خەلقەتی گەر وا بووە حاشا
تا ڕۆژی ئەزەل نامەوێ لەو جەددە ئەبا بێ
مەیتی بکەوێ دێنە سەری یەک یەک و کۆ کۆ
بۆ گرتنی میراس هەموو گریە و ڕۆ ڕۆ
قانع بەسە ئەم باسی «بەڕووی پیسی بە» بۆ سۆ
مفتی کەوەها بێ ئەدەبە مەنعی نەکەی تۆ
پەردەی دڵەکەی ڕەنگە لەسەد لاوە دڕا بێ

هۆزانەوان: #قانع#
پەرتووک: #چوارباخی پێنجوێن# [1]

پێنج خشتەکییەکی قانع لەسەر شیعری #موفتی پێنجوێنی#

من خوڵامی ئەو کەسەم ئیشی هەموو مەردانە بێ
وەک گوڵی مەجلیس بە چەشنی نەرگس و ڕێحانە بێ
بێتە سەر بازاڕی نووسین گفت و گۆی پیاوانە بێ
#عەیبە شاعیر لەم زەمانە یاری زوڵف و شانە بێ#
یا سپاسی قامەت و گوڵزاری ڕووی جانانە بێ
بیر و هۆشی شوعلە دەربێ هەر وەکوو نووری قەمەر
هۆزی هەستێنێ لە ئەو لادێ لەسەر ڕێگەی خەتەر
دەستە ئەژنۆ دابنیشێ دڵ پڕی شین و چەمەر
هەرکەسی لامی ئەدیبی و شاعری بێنێتە سەر
حەیفە ئەشعاری خەرافی یا قسەی ئەفسانە بێ
بۆ ئەدیبان عارە ترسی بەند و کۆت و دار و گیر
هەر ئەبێ ئامادە بێ دایم لەبۆ زنجیر و شێر
عەیبە باسی قەوسی ئەبرۆ و چاوی مەست برژانگی تیر
شاعرێ بێ کەی بە کوردی، یافی خاوەن هۆش و بیر
چۆن ئەبێ هوشیار و زانا هۆنەری لەرزانە بێ
کاکی شاعر بۆ ژیانت بێرە بەزمی هات و چوو
تێبکۆشە بەشکوو بێیتە ڕیزی خەلقی زووبەزوو
لابە نەفس و ئارەزوو دەربێنە بۆ خۆت ئابڕوو
هەر ئەدیبێ خۆی لەسەر خاڵ و خەت و ئەگریجە بوو
من لەحەق داوا ئەکەم خوا بیبڕێ با هەر نەبێ
نامەوێ عەیبی زەمان دەرخەم لە کەم هەر تا بە زۆر
هەر بڵێم ئەم سوور و جوانە، ئەو سپی، ئەو شین و بۆر
هەر وتوومە و هەر ئەڵێم فکری دڵی پڕ شەوق و شۆر
تف لە چاوی خۆ پەسەند و خۆژیین و مفتەخۆر
ناحەزی خزم و برایی و نۆکەری بێگانە بێ
قەت نەڵێی داخی گرانم حاڵی گەنجیم چوو لەدەس
تازە پیر و داوەشاوم ناگەمە هاوشانی کەس
عەیبە بۆ خۆت حوڕ نەبی خۆت کەی بە تەیری ناو قەفەس
پیاو کەسێکە بۆ ژیان و جیفە تا ئاخر نەفەس
نۆکەری شێخ و خوڵامی بەگ لەر و ئاغا نەبێ
پیاو ئەبێ قەت کۆڵ نەدا هەرگیز لەسەر هەوڵ و تەلاش
قانع و ڕازی بە بەش بێ، چەکمەیی یاخۆ کڵاش
چەندە خۆشە ژینی هۆڕی دەس بەکار و دەم هەراش
عیززەتی نەفسی وەها بەرز و قەوی بێ بۆ مەعاش
چاوەڕوانی باخەڵ و دەستی وەزیر و شا نەبێ
نانی مەردانە بخۆ ئیقرار ئەکەم حاتەم کە تۆی
بۆ هەوانتە تێمەکۆشە، ئەو زەمانە هات و ڕۆی
لابە تێ هەڵدە براکەم نانی مننەت قەت نەخۆی
خۆشەویستی خوایە هەرکەس قاچ و شاون دەستی خۆی
تووشی زەحمەت کات و لا کەس ملکەچ و ڕیسوا نەبێ
دەستە دەستە دێن لە دووی، هەر وکوو مانگا بە کەڵ
هەر وەکوو بۆ پاشە خۆنی گورگ ئەچن ڕێوی و چەقەڵ
پان بە پان کوردی ئەڵێم خاڵی لە گشت ڕەمز و مەتەڵ
من لە حەق داوا ئەکەم بمرێ، نەژی پیاوی تەمەڵ
گەر وەکوو هاوڕێ بە کار و زیرەک و ئازا نەبێ
عادەتی دنیا وەهایە هەر لە عەسری ئادەما
پیاوی دانا گێژ ئەخوا دایم لە گێژی ماتەما
قەت نەبوو عاقڵ بژی ڕۆژێ بەدڵ لەم عالەما
تێگەییشتوو هەر ئەناڵێنێ لە ژێر باری خەما
بێ مەراقی بۆ کەسێکە سەرسەری و دێوانە بێ
قانعا لەم عەسرەدا هەرچی ئەڵێی باسی سەرە
سەد هەزار شاعر لەتۆ چاکتر لە گیتی نۆکەرە
بەینی بەینەڵڵا کەلامی مفتی شەهد و شەککەرە
مفتی هەرچەند تۆ کە هۆنەر نیت و ناوت هۆنەرە
تاوەکوو مردن ژیانت ژینی ئینسانانە بێ

هۆزانەوان: #قانع#
دیوان: #باخچەی کوردستان#
[1]

کۆکردنەوە و ئامادەکردنی: ئومێد ئاشنا
بەغدا: 1990 [1]

ناونیشانی پەڕتووک: دیوانی #موفتی پێنجوێنی#
ناوی نووسەر: #ئومێد ئاشنا# و کامیل عەبدوڵڵا کەریم
شوێنی چاپ: #سلێمانی#
دەزگای پەخش: ئەندێشە
ساڵی چاپ: 2016
ژمارەی چاپ: دووەم [1]

گەورەیەک بۆ کەس نەبێ سێبەری
خۆم بۆ بگێڕم لەدەوری سەری
بە وشکی بۆ چی بم بە مەیتەری
وەختێ دەرکەوێ هەستم لە بەری
هەر بۆ خۆی دایم هەوڵی ژیان بێ
یاخوا ئەو گەورە بەشی نەمان بێ

ناونیشانی توێژینەوە: زمان و ئەزموونی موفتی پێنجوێنی (1881-1952) لەنێو ڕەهەندی ڕۆشنبیریدا
ناوی توێژەر: #پەخشان سابیر حەمەد#
جۆری تیز: بەکالۆریۆس
شوێنی پێشکەش کردن: #زانکۆی سۆران#
ساڵی پێشکەش کردن: 2024 [1]

ناو: گێلاس
نازناو: گێلاس خان
ناوی باوک: عەبدوڵڵا کەریم #موفتی پینجوێنی#
شوێنی لە دایکبوون: #پێنجوێن#

$ژیاننامە$
کچی شاعیری گەورە موفتی پێنجوێنییە و خوشکی #ڕابیعە موفتی پێنجوێنی#یە، گێلاس خان کچی بچوک و ئاخیر منداڵ و نۆیەم منداڵی موفتی پێنجوێنییە، تا پۆلی پێبجەمی سەرەتایی لە پێنجوین خوێندووە و لە پۆلی شەشی سەرەتایی ماڵیان دەچێتە #سلێمانی# و لە شاری سلێمانی درێژە دەدا بە خوێندنەکەی تا پۆلی شەشی دوا ناوەندی لە سلێمانی ئەخوێنی و واز لەخوێندن دێنی و ژیانی هاوسەرگیری پێک دێنی و ماڵیان ئەچێتە شاری بەغداد دوای (12) ساڵ ژیانکردن لە بەغداد دێنەوە سلێمانی، لە بنکەی تەندروستی سلێمانی دا دەمەزرێ لە بەشی ژمێریاری وەکو فەرمانبەر. [1]

ڤیدیۆ: #گێلاس موفتی پێنجوێنی# گلەیی هەیە لە پێنجوێنییەکان، ئەڵی موفتی باوکم پەیکەری بەردیشی بۆ نەکراوە!
ساڵ: 2022 [1]

لە یادی نەمراندا-#موفتی پێنجوێنی#
لێکۆڵەر: #ئومید ئاشنا#
گۆڤاری (#کاروان#) ؛ گۆڤارێکی ڕۆشنبیری مانگانە بوو، ئەمیندارێتی گشتی ڕۆشنبیری و لاوان دەریدەکرد.
ژمارە 61؛ لاپەڕە 9-13. [1]
=KTML_Link_External_Begin=https://www.kurdipedia.org/docviewer.aspx?id=573817&document=0001.PDF=KTML_Link_External_Between=کلیک بکە بۆ خوێندنەوەی لە یادی نەمراندا-موفتی پێنجوێنی=KTML_Link_External_End=

ئومێد ئاشنا