لە بەرانبەر سازشکردن بە #شاناز ئیبراهیم ئەحمەد#، #بافڵ تاڵەبانی# سەرۆکی #یەکێتیی نیشتمانیی کوردستان# لە هەوڵدایە بۆ ئەوەی #بەرهەم ئەحمەد ساڵح# سەرۆک کۆماری پێشووی ئێراق دووبارە بگەڕێندرێتەوە و بکرێتەوە بە سەرۆک کۆمار.
ماوەیەکە بافڵ تاڵەبانی لە گفتوگۆ و هەوڵدایە، بۆ ئەوەی بەرهەم ساڵح بگەڕێنێتەوە بۆ گۆڕەپانی سیاسی و لە شوێنى #لەتیف ڕەشید#، سەرۆک کۆمارى ئێستاى ئێراق بیکات بە سەرۆک کۆمار.
بافڵ تاڵەبانی بەم هەنگاوەی دەیەوێت لە داهاتوودا وابکات بەرهەم ساڵح دوورنەکەوێتەوە، هەروەها لە هەمان کاتدا بەهۆى ناکۆکییەکانى لەگەڵ شاناز ئیبراهیم ئەحمەد، ئەندامى دەستەى کارگێڕى یەکێتیى ئەو کارتە بەکاربهێنێت.
بافڵ تاڵەبانی دەیەوێت بە پێدانی پۆستى سەرۆک کۆمار، کە لە داهاتوودا لەسەری ڕێکدەکەون، بەرهەم ساڵح بگەڕێنێتەوە بۆ گۆڕەپانی سیاسی، کە لە دوای دەستبەرداربوونی لە پۆستی سەرۆک کۆماری ئێراق گۆڕەپانەکەی چۆڵکردووە.
دەستبردن بۆ گۆڕانکارى لە پۆستى سەرۆک کۆمار لەلایەن بافڵ تاڵەبانى لە کاتێکدا، کە بەشێک لەلایەنە ئێراقییەکانیش ناکۆییان لەگەڵ سەرۆک کۆمارى ئێستا هەیە و لێى ڕازى نین و دەیانەوێ بیگۆڕن. [1]

پیرۆزە یادی 28 هەمین ساڵەی دەرچوونی یەکەم ژمارەی ڕۆژنامەی #کوردستانی نوێ#، بەڕێزان سەرنوسەرو دەستەی نوسەران و تەواوی ستافی ئازیزی ڕۆژنامەی کوردستانی نوێ، لە قوڵای ناخمەوە پیرۆزبای یادی 28 هەمین ساڵڕۆژی دەرچوونی یەکەم ژمارەی ڕۆژنامەکەتان لێدەکەم، هیوادارم تەمەنی کاری ئەم ڕۆژنامە بەپێزە درێژبێ و بەردەوام بێت لە خزمەتکردنی کۆمەڵانی خەڵک و ڕێباز بەرزو پیرۆزەکەی یەکێتییەکەی مامی کوردایەتی.
رۆژنامەکەی کوردستانی نوێ لە ماوەی تەمەنی خۆیدا، سەرباری ئەوەی زمان حاڵی یەکێتی نیشتمانی کوردستانە، بەڵام سەکۆیەکی گرنگی هەڵخستنی دەرفەتی ڕەخنەو ڕەخنەلەخۆگرتن بووە، تەنانەت پانتای ئازادی لەم ڕۆژنامەیەدا هێندە فراوان بووە کە دەرفەتی خولقاندووە بۆ ئەو قەڵەمانەی ڕەخنەیان لە یەکێتیش گرتووە، ئەمەش ئەوە دەسەلمێنێت کە ڕۆژنامەی کوردستانی نوێ دوور لە دۆگمای سیاسی درێژەی بەخەباتی کاری ڕۆژنامەگەری خۆیداوە و ڕۆڵی بونیادنەری هەبووە لە زیادکردنی پانتای ئازادی بۆ ڕۆژنامەنوسانی کوردستان.
ئەمڕۆش کە ڕۆژنامە ئازیزەکەتان مۆمی 28 هەمین ساڵەی تەمەنی خۆی دادەگیرسێنێت، بەهیوام هەردەم بەردەوام بن لەکارو خەباتی بێوچانتان و بەمۆراڵ بەرزی ڕۆژنامەنوسی نموونەبن بۆ ئەم سەردەمی کاری ڕۆژنامەگەری لە کوردستاندا و مێژوو وەک : ڕابردووی تەمەنتان بخولقێنن، دووبارە بەرزو پیرۆزبێت.
یادی ڕۆژنامە سەوزەکەی کوردستانی نوێی ئازیز.
#شاناز ئیبراهیم ئەحمەد#
#11-01-2019#

لەو کۆبوونەوەیەدا کە #قوباد تاڵەبانی# لە ڕێی ڤیدیۆ کۆنفرانسەوە ئامادەی بوو، تاوتوێی ئەرکەکانی ئەم قۆناغە کرا لە چوارچێوەی نوێترین گۆڕانکارییەکانی سەر گۆڕەپانی سیاسی هەرێمی کوردستان و ئێراق و ناوچەکە.
هەر لە کۆبوونەوەکەدا هەڵسەنگاندن و بەدواداچون کرا بۆ ئەدای کارەکانی سەرکردایەتی #سلێمانی# لە ڕووی ڕێکخراوەیی و ئیداریی و بوارە جیاکانەوە.
بە گفتوگۆی چڕ و پڕ و پەرۆشی بۆ خۆرێکخستنەوە و بوژاندنەوەی ڕیزەکانی یەکێتی لە سلێمانی، کۆبوونەوەی ئەنجوومەنی سەرکردایەتی سلێمانی کۆتایی هات. [1]

پرسە نامەی خاتوو (شاناز ئیبراهیم ئەحمەد) لێپرسراوی ناوەندی دەرەوەی یەکێتی نیشتمانی کوردستان بۆ کۆچی دوايی نوسەر و ڕۆژنامەنووس و ڕوناکبیری گەورەی گەلەکەمان مامۆستا (مستەفا ساڵح کەریم)

دەقی پرسە نامەکە..

یادت بەخێرو ڕۆحت شاد...

بەداخ و پەژارەیەکی زۆرەوە هەواڵی کۆچی دوایی، نوسەر و ڕۆژنامەنووس و ڕوناکبیری گەورەی گەلەکەمان مامۆستا (مستەفا ساڵح کەریم) م پێگەیشت زۆر نیگەران و دڵتەنگی کردم، ‌ خەمگینم بۆ لەدەست دانی ئەم نوسەرە گەورەیە، بۆیە لەناخی دڵەوە هاوخەمی خۆم بۆ کەسووکاری مامۆستا (مستەفا ساڵح کەریم) و هە‌ڤاڵانی ڕاگەیاندنی یەکێتی و ڕۆژنامەنووسان و ڕوناکبیرابی کورد ڕادەگەیەنم.

مامۆستا (مستەفا ساڵح کەریم) یەک لەو کەسایەتییە مێژووییانەی گەلەکەمان بوو، کە کاریگەری نەک هەر لەسەر ئاستی کوردستان بەڵکو لەسەر ئاستی عێراقیش وەک نوسەر و ڕۆژنامەنوس و ڕەخنەگرێکی ئەدەبی کاریگەری خۆی هەبووە، هاوکات مامۆستای کۆچکردوو لە بواری میدیای کوردی خەرمانێککاری بەپێزی بۆ جێهێشتین و لەو بوارەش گەلێک خزمەتی کرد کە بۆ مێژووی ڕاگەیاندنی کوردی هەمیشە جێ پەنجەی بەدیاری کراوی دەمێنێتەوە.

جێگەی ئاماژە بۆکردنە سەرباری ئەرکە پیشەییەکەی لە بواری حزبیش مامۆستا مستەفا یاریدە دەری لێپرسراوی مەکتەبی ڕاگەیاندنی یەکێتی نیشتمانی کوردستان بوو، ڕۆڵی گرنگی لە پێشکەوتنی بواری ڕاگەیاندنی یەکێتی نیشتمانی کوردستان گێڕاوە، ئەمڕۆش بەداخەوە بوینە گەواهیدەری کۆچی مامۆستا و هەڤاڵێکی دڵسۆزی یەکێتییەکەی مام کە هاوڕێ و هەڤاڵێکی ئازیزی مامی گەورەش بوو.
دووبارە هاوخەمی خۆم ڕادەگەیەنم و ئومێدەوارم دواین ناخۆشی خانەوادەی بەرێزی مامۆستا مستەفا ساڵح کەریم و ڕاگەیاندنی کوردی و یەکێتی بێت.
داواکارم لە کردگاری مەزن ڕۆحی مامۆستای نەمر، بەبەهەشتی هەمیشەیی خۆی بسپێرێت.

لەکۆتاییدا داوای لێبوردن ئەکەم لەخانەوادەی بەڕێزی مامۆستا، کەبەهۆی کارێکی تایبەت لەدەرەوەی ووڵاتم نەمتوانی لەمەراسیمی بەخاکسپاردن و پرسەکەیدا لەگەڵتان بەشداربم.

شاناز ئیبراهیم ئەحمەد
16-12-2018

دەقی پرسەنامەکەی شاناز ئیبراهیم ئەحمەد:
بەرێزان کەسوکاری فەرماندە ئاکام عومەر
بەرێزان هێزەکانی کۆماندۆی کوردستان
بە داخ و پەژارەیەکی زۆرەوە، هەواڵی ماڵئاوایی (ئاکام عومەر) فەرماندەی ھێزەکانی کۆماندۆی کوردستان-م پێگەیشت، بۆ ئەو غەمە پرسە و ماتەمینیی خۆم ئاڕاستەی کەسوکار و خانەوادە و فەرماندە و پێشمەرگەکانی ھێزەکانی کۆماندۆی کوردستان دەکەم و لەناخەوە هاوبەشی غەم و پەژارەتانم.
خوای گەورە ئارامیی و دڵنەوایی بە ئێوە و خانەوادەکەتان و هەموولایەکمان ببەخشێت، ئەوە دوایین کۆست و دڵتەنگیتان بێت، کۆچکردووش بخاتە بەر سۆزی فراوانی خۆی و بەبەهەشتی بەرینی شاد بکات.
شاناز ئیبراهیم ئەحمەد[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی شاناز ئیبراهیم ئەحمەد:
برای بەڕێزم کاک کۆسرەت سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان
بەداخ و پەژارەیەکی زۆرەوە، هەواڵی ماڵئاوایی یەکجارەکیی خاتوو(زوبێدە سەعید ئۆمەر)ی دایکی ئازیزتانم پێگەیشت، بۆ ئه و غەمەتان پرسە و ماتەمینیی قوڵی خۆمتان پێڕادەگەیەنم و لەناخەوە هاوبەشی غەم و پەژارەتانم، لەڕێی ئێوەشەوە هاوخەمیم ئاڕاستەی خانەوادە و بنەماڵە تێکۆشەرەکەتان دەکەم.
لەدەستدانی خاتوو زوبێدە کە وەک ژنێکی نموونەیی و ئازا لە بەرامبەر نارەحەتی و ئازار و ئالەنگارییەکانی ڕۆژگار، سەربەرزانە ژیا و کۆڵی نەدا، هەمووانی نیگەران کرد.
خوای گەورە ئارامیی و دڵنەوایی بە ئێوە و خانەوادە تێکۆشەرەکەتان ببەخشێت، ئەوە دوایین غەم و دڵتەنگیتان بێت، کۆچکردوش بەبەهەشتی بەرین شاد بکات.
ٳنا لله وٳنا ٳلیه ڕاجعون
شاناز ئیبراهیم ئەحمەد
کارگێڕی مەکتەبی سیاسی و سەرپەرشتیاری مەڵبەندی 1ی ڕێکخستنی #سلێمانی#(ی.ن.ک)[1]


⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

بەڕێزان خێزان و خانەوادەی کۆچکردوو سەبیحەخان
بە داخ و پەژارەیەکی زۆرەوە هەواڵى کۆچی دوایی خاتوو (سەبیحە شێر محەمەد) ژنە تێکۆشەری شاخ و هاوسەر و هاوخەباتی فەرماندەی تێکۆشەر کاک جەبار فەرمان و دایکی هەڤاڵ بڵێسە و دەریا و کڵپەم بیست.
بۆ ئەم خەمە پرسەو سەرەخۆشیتان لێ دەکەم و هاوبەشی غەمتانم، خوای گەورە لە کۆچکردوو خۆش بێت، سەبوری و دڵنەواییش بە هەموو لایەک ببەخشێت. [1]

انا لله و انا الیه ڕاجعون
#شاناز ئیبراهیم ئەحمەد#
خانمی یەکەمی عيراق
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دەقی پرسەنامەکەی شاناز ئیبراهیم ئەحمەد:
بەڕێزان خانەوادەی کۆچکردو دکتۆر عەزیز گەردی
بە داخ و پەژارەیەکی زۆرەوە، هەواڵی ماڵئاوایی دکتۆر(عەزیز گەردی)، نووسەرو ڕوناکبیرو مامۆستای زانکۆ و وەرگێڕی ناسراوی کورد-مان پێگەیشت، بۆ ئەو غەمەتان پرسە و ماتەمینیی خۆمتان پێڕادەگەیەنم و لەناخەوە هاوبەشی غەم و پەژارەتانم.
لە کاتێکدا لەدەستدانی مامۆستا عەزیز گەردی بەخەسارەتێکی گەورە دەزانین، بەڵام بەشانازیشەوە دەڕوانینە کاروانە پڕ بەخششەکەی لەبواری فەرهەنگی کوردی و وەرگێڕانی شاکارە ئەدەبییە جیهانییەکان، بۆیە لە ناو و بیرەوەری لە مێژوو و ویژدانی گەلەکەماندا هەمیشە بەزیندوویی دەمێنێتەوە.
خوای گەورە ئارامیی و دڵنەوایی بە ئێوە و خانەوادەکەتان و هەموو لایەک ببەخشێت، ئەوە دوایین کۆست و دڵتەنگیتان بێت، کۆچکردوش بخاتە بەر سۆزی فراوانی خۆی و بەبەهەشتی بەرین شاد بکات.
ٳنا لله وٳنا ٳلیه ڕاجعون
شاناز ئیبراهیم ئەحمەد
کارگێڕی مەکتەبی سیاسی و
سەرپەرشتیاری مەڵبەندی 1ی ڕێکخستنی #سلێمانی#(ی.ن.ک.) [1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پرسەنامەکەی شاناز ئیبراهیم ئەحمەد:
بەرێزان خانەوادە و بنەماڵەی کۆچکردوو
بەرێزان نوسەر و شاعیر و ئەدیبانی کوردستان
بەداخ و پەژارەیەکی زۆرەوە هەواڵی کۆچی دوایی تێکۆشەری دێرین و شاعیر و نوسەرو ئەکادیمیست، پرۆفیسۆر دکتۆر مارف عومەر گوڵ-م پێگەیشت، بەم بۆنە غەمناکەوە پرسەو سەرەخۆشیتان ئاڕاستە دەکەم و خۆم بەهاوبەشی خەمتان دەزانم.
دکتۆر مارف عومەر گوڵ خاوەنی گەنجینەیەکی دەوڵەمەندبوو لەبابەتی ئەدەبی و زانستیدا، سەرباری لێکۆڵینەوەی لەسەر جینۆسایدی کورد و ڕۆڵی بەرچاوی وەک ئەکادیمیستێکی شارەزای کورد لەپێگەیاندنی نەوەی جۆشکراو بەزانست و زانیاری، بەکۆچکردنی ئەم پرۆفیسۆرە خەمێکی قوڵ بەرۆکی هەمووانی گرتەوە.
خوای گەورە سەبوریی و دڵنەوایی بەهەموو لایەکمان ببەخشێت و ئەمەش دوا کۆستی خانەوادەکەتان بێت و کۆچکردووش بەبەهەشتی بەرین شاد بکات.
شاناز ئیبراهیم ئەحمەد
کارگێری مەکتەبی سیاسی (ی.ن.ک) و سەرپەرشتیاری مەڵبەندی 1ی ڕێکخستنی #سلێمانی#[1]

دەقی پرسەنامەکەی شاناز ئیبراهیم ئەحمەد:
بەڕێزان خانەوادەی کۆچکردوو محەمەد ئەحمەد ئەربیلی
بەڕێزان هونەرمەندان و هونەردۆستان و هەوادارانی دەنگی ئەربیلی
بە داخ و پەژارەیەکی زۆرەوە، هەواڵی ماڵئاوایی(محەمەد ئەحمەد ئەربیلی) هونەرمەندی دیاری شاری #هەولێر# و کوردمان-مان پێگەیشت، بۆ ئەو غەمەتان لەدڵەوە پرسە و ماتەمینیی خۆمتان پێڕادەگەیەنم و هاوبەشی غەم و پەژارەتانم.
لەگەڵ ئەوەی لەدەستدانی ئەم سیمبولە جوانەی بواری هونەری کوردی جێگەی داخە، بەڵام بەرهەم و خزمەت و کارە هونەرییەکانی ئەربیلی جێگەی شانازین و بۆ هەمیشە ناوی بەزیندوویی دەمێنێتەوە.
یەزدانی مەزن ئارامیی و دڵنەوایی بە خانەوادەکەتان و هەموو لایەک ببەخشێت، ئەوە دوایین کۆست و دڵتەنگیتان بێت، هونەرمەندی کۆچکردووش بخاتەبەر سۆزی فراوانی خۆی و بەبەهەشتی بەرین شادی بکات.
ٳنا لله وٳنا ٳلیه ڕاجعون
شاناز ئیبراهیم ئەحمەد
کارگێڕی مەکتەبی سیاسی و
سەرپەرشتیاری مەڵبەندەکانی #سلێمانی#، #چەمچەماڵ#، #شارەزوور#، #گەرمیان#، ڕاپەڕینی(ی.ن.ک)[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!