[1]

جەماوەری بەهەڵوێستی عیراق و هەرێمی کوردستان
سەرۆکایەتی کۆمار
سەرۆکایەتی ئەنجومەنی نوێنەران
ئەنجومەنی وەزیرانی عیراق
دادگای بالای تاوانەکانی عیراق
سەرۆکایەتی هەرێمی کوردستان
سەرۆکایەتی پەرلەمانی کوردستان
ئەنجومەنی وەزیرانی کوردستان
حزب و لایەنەکانی عێراق و کوردستان
لەکاتێکدا گەورە تاوانباری پرۆسەکانی ئەنفال (سوڵتان هاشم) لە حوزەیرانی ساڵی 2007 دا دادگای باڵای تاوانەکانی عیراق بڕیاری لەسێدارەدانی بۆ دەرکرد، لە ئێستادا هەوڵێک هەیە بۆ ئازادکردنی ئەو گەورە تاوانبارە و جێبەجێ نەکردنی سزاکەی، بۆیە ئێمە وەکو کەسوکاری قوربانییانی ئەنفال داوا لە سەرجەم لایەنە عیراقی و کوردستانییەکان دەکەین، دژی ئەم هەوڵە بوەستنەوە و نەهێڵن ئەو تاوانبارە ئازاد بکرێت، چونکە لەڕووی یاساییەوە پێچەوانەی بڕیاری دادگای باڵای تاوانەکانی عیراقە و هەروەها لەڕووی دەروونییشەوە بۆ کەسوکاری قوربانیانی ئەنفال و خەڵکی کوردستان ئازاردانی ڕوحییە.
هەربۆیە داوا لە نوێنەرانی کورد لە ئەنجومەنی نوێنەرانی عێراق دەکەین بە هەموو شێوەیەک ڕێگری لەم هەوڵە بکەن.
کەسوکاری ئەنفالکراوان و شەهیدان و ڕێکخراوەکانی بواری ئەنفال و ڕۆشنبیرانی سنوری پایتەختی شەهیدان و ئەنفالکراوان (چەمچەماڵ)

سوڵتان هاشم ئەحمەد محەممەد تائی، لە 1945 لە مووسڵ لەدایکبووە.
لە دیارترین بەرپرسە سەربازییە خاوەن تواناکانی سوپای ڕژێمی بەعس بووە و لە 1995ەوە کراوەتە وەزیری بەرگری.
لە 1970 هاوسەرگیری لەگەڵ ئامۆزای خۆی کردووە. 10 منداڵی هەبووە. دوو کچ و هەشت کوڕ. گەورەکەیان ناوی ئەحمەدە و لەدایکبووی 1975ە.
لە شەڕەکانی عێراق و ئێران و شەڕی کوەیتدا بەشدارییەکی کارای کردووە.
دەرچووی کۆلیژی سەربازی بووە لە 1964 و دواتر لە 1976 کۆلیژی ئەرکانی تەواوکردووە.
کاتێک کۆلیژی ئەرکانی تەواوکردووە، کراوەتە فەرماندەی فەوجی لیوای پێنجی فیرقەی چوارەم و دواتر بووەتە فەرماندەی لیوا و پاشان فەرماندەی فیرقە و فەرمانداری هەریەک لە فیرقەکانی 4، 5، 15، 18، و 8ی سوپای عێراقی کردووە.
لە یەکێتی سۆڤیەتی جاران، لە بەریتانیا و ئەمەریکا خولی سەربازی بینیوە و وەک مامۆستاش لە کۆلیژی سەربازی وانەی وتووەتەوە.
لە ساڵی 1980 تا 1988 کراوەتە فەرماندەی لیوای پێنجەمی پیادە لە فیرقەی چوار و دواتر فەرماندەی باڵای فیرقەی چوار و پاشان فەرماندەی فەیلەقی پێنجەم و دواتریش فەرماندەی فەیلەقی یەکی لە کاتی شەڕدا پێ دراوە.
لە شەڕی کوەیت، جێگری سەرۆک ئەرکانی ئۆپراسیۆنەکان بووە و تا 1993 له و پلەیە ماوەتەوە.
سەرۆکایەتی شاندی عێراقی کردووە لە دانووستانەکانی ئاگربەستی شەڕی کوەیت لە 1991 و ئه و دانووستانانە بە خەیمەی سەفوان ناسراون و تێیدا بڕیاری کشانەوە و شکستهێنانی سوپای عێراقی لە شەڕی کوەیت پەسند کرد.
لە 1994 کراوەتە پارێزگاری نەینەوا.
لە 1995 کراوەتە سەرۆکی دەستەی ئەرکانی سوپای عێراق.
لە 1996 کراوەتە وەزیری بەرگری و ئەندامی فەرماندەیی هێزە چەکدارەکانی عێراق و لە شوێنی عەلی حەسەن مەجید دەستبەکار بووە.
لە مانگی سێپتێمبەری 2003 دەستگیرکراوە و ڕووبەڕووی دادگا کراوەتەوە.
لە 24ی حوزەیران/ یۆنیۆی 2007 دادگا بڕیاریدا بە هۆی ئەنجامدانی تاوانی دژ بە مرۆڤایەتی لەسێدارە بدرێت.
سوڵتان هاشم بە هۆی ئەنجامدان و سەرپەرشتیکردنی تاوانی ئەنفال و کۆمەڵکوژی هاووڵاتیانی کورد لە کۆتایی دەیەی هەشتاکاندا لە لایەن دادگاوە سزا درا.
بڕیار بوو لە 11ی ئەیلوول/ سێپتێمبەری 2007 لەسێدارە بدرێت، بەڵام بە هۆی نەیارێتی سەرۆک و جێگری سەرۆک کۆماری عێراق بڕیارەکە جێبەجێ نەکرا.[1]

ناونیشانی پەڕتووک: سوڵتان هاشم و ئەنفال
ناوی نووسەر: #لەتیف فاتیح فەرەج#
ساڵی چاپ: 2022
ژمارەی چاپ: یەکەم[1]

سەرچاوەیەکی ئەمنی عێراق ڕایگەیاند، وەزیری پێشووی بەرگری عێراق لە سەردەمی ڕژێمی بەعس، سوڵتان هاشم ئەحمەد لە نەخۆشخانەیەکی زیقاربە تووشبوونی بە نۆرەی دڵ گیانی لەدەستداوە.[1]

[1]

سەدامی دیکتاتۆری ڕژێمی ئێراق بەناردنی کوڕەکەیی و سوڵتان هاشم و ژمارەیەکی زۆر لە فەرماندە بەعسییەکان وەڵامی داواکەی #مەسعود بارزانی# سەرۆکی پارتی بۆ داگیرکردنی هەولێر دەداتەوە.
سایتی ڕەسمیی یەکێتیی نیشتمانیی کوردستان PUKMEDIA ناوی ئەو فەرماندە و هێزانە بڵاودەکاتەوە کە بەشداربوون لە خیانەتی 31ی ئابی پارتی و داگیرکردنی هەولێر، کە زیاتر لە 40 فەرماندە و هێزی تایبەتیی سەربازی بوون.
ناوی فەرماندە و هێزەکان:
فەریقی یەکەمی ڕوکن سوڵتان هاشم ئەحمەد، وەزیری بەرگری
قوسەی سەدام حسێن، سەرپەرشتیاری هێزەکانی گاردی کۆماری لە شەڕی (آب المتوکل على الله) .
فەریقی یەکەمی ڕوکن عەبدولواحید شنان ئال ڕبات، سەرۆکی ئەرکانی سوپای ئێراق
فەریق ڕوکن سەیفەدین فلەیح حەسەن، فەرماندەی فەیلەقی یەک
لیوای فڕۆکەوانی سەفا شەمسەدین خالس ئیسماعیل، فەرماندەی فڕۆکەوانی سوپا
لیوا ڕوکن مەحمود دهام بدوی، فەرماندەی فەیلەقی پێنج
لیوا ڕوکن حەمید ڕەمەزان عەبدوڵڵا، فەرماندەی فیرقەی هەشت
لیوا ڕوکن ساڵح یوسف حمود، فەرماندەی فیرقەی حەوتی پیادە
لیوا ڕوکن تاڵیب مەسرور نەجم حەسەن، فەرماندەی فیرقەی پیادەی ئالی/ یەک
فەریقی یەکەمی ڕوکن ئیبراهیم عەبدولستار محەمەد، سەرۆک ئەرکانی گاردی کۆماری
لیوا ڕوکن کەمال مستەفا عەبدوڵڵا ساڵح، فەرماندەی پڕۆسەکانی (اللە أکبر) لە شەڕی (آب المتوکل على الله)
لیوا ڕوکنی تۆپخانە عەبدوڵڵا حەسەن عەلی نسەیف، فەرماندەی تۆپخانەی فەرماندەی پڕۆسەکان
عەمید ڕوکن خەمیس مەعن حسێن نیعمە، فەرماندەی هێزەکانی بەغدا لە گاردی کۆماری
عەمید ڕوکنی پیادەی ئالی مەجید حسێن عەلی ئیبراهیم، فەرماندەی هێزی عەدنانی گاردی کۆماری
عەمید ڕوکنی پیادەی ئالی سوفیان ماهیر حەسەن، فەرماندەی لیوای پیادەی 29ی گاردی کۆماری
عەقید ڕوکن (قوات خاسە) عەباس جاسم محەمەد عەلی، فەرماندەی قوات خاسەی سێی گاردی کۆماری
عەقید ڕوکنی زرێپۆش باسم یونس سەعدوڵڵا، فەرماندەی لیوای پیادەی ئالی 38ی گاردی کۆماری
عەقید ڕوکنی زریپۆش حزێری تەلال سلێمان، فەرماندەی لیوا و ڕاهێنراوی 40ی گاردی کۆماری
عەقید ڕوکن عەلی عەبدوڵڵا عیسا شنان، فەرماندەی تۆپخانەکانی هێزی عەدنانی گاردی کۆماری
عەقید ڕوکنی پیادە عەلی عەتشان جادر، فەرماندەی لیوای پیادەی چواری گاردی کۆماری
عەقید ڕوکنی پیادە سەباح عوبێد نەجم شبیب، فەرماندەی لیوای پیادەی پێنجی گاردی کۆماری
عەقید ڕوکنی پیادە جاسم محەمەد سالم فەرحان، فەرماندەی لیوای پیادەی شەشی گاردی کۆماری
عەقید ڕوکنی تۆپخانە حەسەن سڵێمان حەسەن سەعید، فەرماندەی تۆپخانەی هێزەکانی بەغدا لە گاردی کۆماری.[1]