ساڵا 1931 ل تاخێ دەرگەزێن یا باژێڕێ #سلێمانی# ژدایک بوویە. لدویف هندەک چاڤکانیان ل باژێڕێ #هەڵەبجە# ژدایک بوویە وپشترە ماڵباتا وانا ل هەڵەبجە هاتینە سلێمانی.
هەر ل سلێمانی قویناغێن خوەندنا سەرەتایی و ناڤەندیی تمام کرینە و پشترە ل بەعقوبە قویناغا دوماهیکا خوەندنێ تمام کرییە.
ل ناڤەڕاستا ساڵێن چلا کەتییە ناڤا خەباتا کوردایەتی و ساڵا 1948 دەمێ کو ڕاپەڕینا مەزنا ئیراقێ دەست پێکر، ماموستا حیلمی ئێک ژ سەرکردیێن بەرچاڤێ ڤەلڤینا خوەندەکاران بوو، ئەڤ هەڵوێستێ سیاسی ئێ حیلمی کارەک کر کو کاربدەستێن ئیراقێ ڕقێ ژێ هەلبگرن و چەند جارەکان بهێتە دویر ئێخستن بهێتە دەستەسەر کرن.
دەمێ کوو ناڤێ وی ژبوی کۆلێژا ئەندازیاری دەرچوو، ماوێ دوو ساڵان دەستەسەر بوو و ژ خوەندنێ دویر کەت.
دەمێ کو #پارتی دیموکراتی کوردستان# مۆڵەتا فەرمی وەرگرت، ماموستا حیلمی بوویە کادیرەکێ گرنگ ئێ ڕوژنامەیا خەبات و ل ئەڤی بوارەیدە خزمەتەک بەرچاڤ ب حزبا خوە کر، دگەل دەست پێکرنا شوڕەشا ئەیلولێ بوویە پێشمەرگە و ل #گەرمیان# و #هەڵەبجە# و #هەورامان# دا گەلەک بەرپرسیاریەتی ئێن حزبی وەرگرتن.
ناڤەڕاستا ساڵێن شێستا یا سەد ساڵا بوهری، ل ناڤ باڵێ مەکتەبا سیاسی یا پارتی دیموکراتی کوردستاندا بوویە ئەندامێ مەکتەبا سیاسی و ساڵا 1968ێش بوویە خوەدی ئیمتیاز و سەرپەرشتیارێ ڕوژنامەیا (النور) .
ل ناڤەڕاستا ساڵێن حەفتێ(70) کۆلێژا زانستێن سیاسی تمام کر.
ئەڤ ڕووناکبیر و کوردپەروەرە هەمیشە ل سەنگەرێ مللەتیدا بوو و ل بوارێن ڕوژنامەگەریی و نڤیسین و ڕەوشنبیر کرنێ دە خزمەتەک مەزن پێشکەشی گەلێ خوە کر.
ماموستا حیلمی شەڤا 5/4 تەمموزا ساڵا 1998 #05-07-1988# ب نەخوەشییەک کتوپڕ ل بەغدا وەغەرا دوماهیکێ کر و ڕوژا ۆپشترە ل ڕێوڕەسمەکێ مەزن و هەژی ل #گردی سەیوان# یا باژێڕێ سلێمانی هاتە بخاک سپاردن.[1]