ساڵا 1917 ل گوندێ دەوەشار یێ سەر ب باژێڕێ #مەهاباد# یا ڕوژهەڵاتێ کوردستانێ ژدایک بوویە.
چالاکەکێ سیاسی و زیندانی یێ سیاسی و ڕێڤەبەرێ چاپخانەیا کوردستان ل کۆمارا کوردستانێ و کەسەک نزیک ل ڕێبەر و کاربدەستێن کۆمارا کوردستانێ بوویە.
سەعید ناکام ل ناڤەڕاستا ساڵێن سیها ئێن سەد ساڵا بیستێ ل ڕییا #حسێن حوزنی موکریانی#ی ڤە ل موکریانێ ڕە ژبو ئێکەم جار دهێتە کوردستانا باشوور. پشترە ل باژێڕێ سێمانی ئاکنجی دبیت و دگەل خانما مەلیح ڕەشید ئەمینێ جۆڵا ژیانا هەڤژینیێ پێک دینیت. د ڤێ ژیانا خوەدە دگەل خانما مەلیح دێبنە خوەدیێ 5 زارۆکان ب ناڤێن شێرکۆ و نەرمین و شەرمین و سمکۆ و پشکۆ.[1]
ناکام د دەمێ دامەزراندنا کۆمارا کوردستانێ ل مهاباد و ڕوژهەڵاتێ کوردستانێ ب ڕییا #ئیبراهیم ئەحمەد# کو کەسایەتییەکێ بەرنیاس ل باژێڕێ سلێمانی و باشورێ کوردستانێ یە، ڤەدگەڕێت ژبو مەهاباد و هەیا دوماهیک ڕوژ ئو هەڕفیان و نەمانا کۆمارێ لوێرێ دمینیت.
پشتی تێک چوون و نەمانا کۆمارا کوردستانێ ب ئێکجاری کۆچ دکەت ژبو باشوورێ کوردستان و ل باژێڕێ #سلێمانی# ئاکنجی بوو، ژبو هەیامەکێ زور لوێرێ دمینیت. پشتڕە دهێتە دویرئێخستن ژبو باشوورێ ئیراقێ.
سەعید ناکام خوەدی کۆمەک نڤیسین و بابەتێن وەرگێڕانێن گرنگە.
د ڤێ هەیامێن بوهری ل باژێڕوکێ #شەقڵاوە# یا سەر ب پارێزگەها #هەڤلێر#ێ ل باشورێ کوردستانێ ئاکنجی بوویە و ساڵێن دوماهیکا تەمەنێ خوە ل وێرێ بسەر برینە.
ناڤهاتی پشتی ژییەکێ درێژ و دەربەدەری و نەهامەتی و خەباتەکە دویر و درێژ ل ژیێ 94 ساڵی دە و ل رێککەفتا #02-02-2011# وەغەرا داویێ کر.
سەعید ناکام لدیف ئاخفتنێن پشکۆ یێ کوڕێ وی لسەر وەسییەتا وی بخوە دڤێت ل باژێڕێ سلێمانیێ بهێتە بخاک سپاردن، لێ ب مخابنیڤە یەڤ وەسیەتا وی نەهاتە دی.