ناو: مەهوەش
ناوناز: سولێمانپوور
رۆژ وەدهاتن: #01-21-1976#
شوون وەدی هاتن: #گیەلان غەرب، کرماشان#
$ژیاننامە$
من مەهوەش سولێمانپوور شاعر و نۊسەر کورد مناڵ کرماشانم وە لە شار گیەڵان قەرب و دونیا هاتمە من لە سیزدە ساڵەگی وارد دونیای شعر بۊم ئەوسا ئوستادی داشتم وە ناو مامۆستا پەرویز بەنەفشی ک من و شعر و نۊسان عەلاقەمەند کرد و کەم کەم شعر مناڵانە نۊسام و بادەن لە ڕشتە ئەدەبیات فارسی وارد دانشگاە بۊم و لە دانشگاە کوردسان دەرس خوەنیم و بۊمە دەبیر و موعەلم دەبیرستان دەرسم کە تمام بۊ ئزدواج کردم و حاسڵ ئەی ژیان موشتەرکە دو کوڕ وە ناویل عەلێ ڕزا و مەهدی و بیست و هەفت سالە لە ئاموزش و پەروەرش دەرس دە م من لە سن 13سالەگی وارد دونیای شعر بۊم و من شعر ئنتخاب نەکردم بەلام شعر من ئینتخاب کرد و ئیحساس خوەم نۊسام ئەوسا من مناڵ بۊم و مناڵ مەدرەسە ئوستاد پەرویزبەنفشی فەرە وە سەرشاعریمن حەق دیری و چۊ باوگ خوەم حمایەتم کرد زەمان جەنگ بۊ و ئاوارەگی و منیش مناڵ بۊم و شیعرەیڵ مناڵانە نۊسام باوگم تەبع شعر داشت وهورە خاس خوەنی باوگم هەم فەرە حمایتم کرد وەت ڕوولە شیعر بنۊس و زوان کوردی خزمەت بکە باوگم وەت ژن و پیای نێری تونیش قەلەمت بایەس ئەڕای فەرهەنگ و زوان کوردی کوشان بکەی باوگم پیای گەورای بۊ و خوەی سوارکارفەرە ماهریگ بۊ هه ئەوسا من زانستم جنسیەت مانی نیری و بایس ئەڕای زوان داڵگی کوشان بکەم و وارد شیعر و چیرؤک و نۊسان بۊم من خوەم دەبیر فارسیم لەئاموزش و پەروەرش و بیست و هێشت سال سابقە ی تەدریس دیرم و زوان فارسی چوارکتاوو نۊسامە و زوان کوردی و داڵگی هەم چوار کتاوو فێشتڕ ئەی ساڵەیل ئەخیرە وە زوان کوردی شعرنۊسامە ئەڕای یەک نەسل جەدید دیرن لە زوان کوردی دۊرەوو بوون ئمجا وەزیفەی ئیمەس کە نیلێم فەرهەنگ و زوان مان لە بەین بچوود و باێەس ئەڕای ماندگاری زوان کوردیکوشان بکەیم
من لە زووان کوردی چوار کتاوو نۊسامە
$1 پەژارەێڵ کاڵ شعر وغەزەڵ کوردی$
$2 هۊرد کەم غەزڵ نئوکڵاسیک کوردی$
$3 مانگ هەڵات ئەوەلین فەراشعر تەغەزوڵی لە ئەدەبیات کوردی جەهان$
$4 ئەوین دڕووکانی مجموعە نامەگان کوردی ڕومانتیک و تەرجومەی فارسی$
هە ئەی کارەیلە لە سەرزوان و ئەدەب کوردی فەرە تۊەنی و بانان کومەک بکەی من و ئفتخار سەرای زوان کوردی کوشان کەم زوان کوردی فەرهەنگ و ئسالەت مڵەت کورده شیرینی زوان کوردی لە شیر داڵگە من خوەم کوردم و دۊنم ک چۊ دیری زوان وفەرهەنگ و دەڵنگ کوردی لە بین چوود نەسل جەدید وە گەرد زووان کوردی بیگانە ان و خاس نیەزانن ئەی زوانەپەس خەسپەن ئیمەس کە نەیلیم زوان داڵگی مان لە هۊر بچوود و باێەس ئەڕای ماندگاری زوان کوردی کووشان بکەیم من خوەم داڵگم و یە وەزیفەی داڵگەیل وڵات کوردە واریە کە وەڵ مناڵ خوەیان کوردی قسیە بکەن من ئۊشم خانوادە ئەوەڵین جایگە کە زوان لە تی فیر بوون پەس خانوادە باێەس فیشتر وەریا بوون و نەیلن مناڵ خوەیان زوان کوردی لە هۊر بوەن من ئەوەڵ وە شعر فارسی شرو کردم وەختی دیم کە زوان کوردی مەزڵومە وەتم کتاویلم وە کوردی بنۊسم تا بتۊەنم و زوان داڵگیم خزمەت بکەم لە تەقسیمات زوان شناسی زوان کوردی سی و مین زوان زندە دونیاس وەلی فارسی چهل و دومین زوان وشەیل کوردی قدمەتی فێشترە و هەر کەس زوان داڵگی خوەی نەزانی بخوەنی وبنۊسی بی سەوادە
ژیان من و دو دوره تەقسیم بوود
$1 دورەی ئەوەڵ کە مناڵی خوەنین و دەبیرستان و دانشگاە و ئزدەواج و داڵگ بۊن$
$2 دورە دوم کە لە چهل ساڵگی وارد مەکتەب ئسالەت کەلەمە بۊم و ژیانم لە باوەت فکری و جۊر ترە ک بۊ
کەلەمە ئەساس و داڵگ تەمام ژانرەیڵ جەهانە$
و من وە کومەک ئوستاد ئارش ئازەرپیک تۊنسم لە کنار قالبەیل شعری کلاسیک یەی ژانر نەو چۊ فەراشعر فەرامتن و غەزڵ گوفتار تەجروبە بکەم کە کاریگ مودرن تازە و نەو لە ئەدەبیاتە چە کوردی و چە فارسی ئەلبەت من لە زوان کوردی با تەوجە و کاریگ جەدید و تازە دەس و یەی سەبک جەدید دام فەراشعر تغزلی ک کەسیگ تا ئەڵان ئەی کارە نەکردیە مەکتب ئساڵەت کەلەمە جەدید ترین مەکتەب لە جەهانە و من فەرە خوەشاڵم کە ڕیگ تازە پیا کردمە و لە زوان کوردیهەم تۊنم ڕی تازەگ بچم تاوە کەماڵ برەسم
ده خیلدم باله و مه گر
دەخێلدم باله و مەگڕ دی لەی وڵاته ڕەوومەکە
بمێنیه وڕووژیڵ مەپڕلەتیە ڕیکێ شەو مەکە
ئەگەر بچێ پەڵپد گرم بێ تو له تنیایێ مڕم
زام دلم مەکۆ لنەوبێمارلەرزو تەومەکە
ئاگر کەفیده گیان م وەختی که دیۊنم دی نێید
گشتێ وه پیم ئۊشن بنیش دی هەر وه شونێ دەوو مەکە
چێ و لە شاڕ خاتڕد دۊرەو بکە خیالەگەێ
دلم ئۊشی بنێشە پای ئەمشەو خیاڵ خەو مەکە
تا ڕووژ مردن دی بپووش شەۊ سیێە لە داخ دڵ
هەر چی کەراسە ڵابوو،هەرگز شەویڵ کەو مەکە
دەخیلدم باڵە و مەگڕ دی لەی وڵاتە ڕەوو مەکە
بمینە و ڕووژەیڵ مە پڕ لە تیەریکی شەو مەکە
#مهوش_سلیمانپور(م.سوزان)#[1]