Kurdipedia.org
🏠  سەر پەڕە
کوردیی ناوەڕاستکوردیی ناوەڕاست
📧تماس
ℹ️دەربارە!
FacebookKurdipedia on Facebook
TwitterKurdipedia on Twitter
 فرەتر(ویشتر)
Kurdipedia
کوردیی ناوەڕاست
🏠|📧|دەربارە!|کتاووخانه|📅
🔀 بەخش بەختەکی!
❓ کمک
📏  إگرەک بینەل استفاده
🔎 مِنِی کردن(گێردین) ترەختی کریا
➕ کِل کِردِن
🔧  أبزار
🏁 زبان
🔑  سامانە مإ
📌 Actual
نەسرین شەفیعی
خانم نەسرین شەفیعی لە داڵگ بو ساڵ 1970 لە شار کرماشانە ؛ سێ ساڵە شێعر وە زووان فارسی ئۆشێدن بەڵام یەێ ساڵە رۆ هاوردێیەسەو شێعر وەتن وە زووان داڵگی خوەێ.
لە سنوور شەو و ڕووژ
ئاگر ئاڵا، زووان وەشنێ
سەروەنەگەم بەسمەو
کەوشەگانم جفت کەم
کەسێ وە تفەنگ
تەمۊرە ژەنێ...
***********
تانەێ پاییز لە من مەێیەن
من
لە چوار وەرز
گڵام رزیەێ...
**************
لە پەنجەێ واێ دڵ پەشێو
له رەوەن ڕێیەگان چووڵ
تەنیا هۊر ت
له هەردەێ خیاڵم
چوپی کیشێ
هەناێ چەتریەم
هناێ چەمارە کەم...
****************
نە پایزە
نە ئەورە
نە واران
نیەزانم
لە ناو من ئڕا
فەسڵەگان هێمان لە شوند
گیرن
*****************
وەهار نات و ،
دڵم گیریاس
لە چوارسۊک دڵم
زمسان بەێداخ سیەێگ کوتاس
نە گڕەێ ئاگر لە کوانگم
نە هڵم زەمین لە داوانم
هەورێگ نەزووک ،
گاجار ژانێ گرێد و نیەوارێ
دڵم ،
پەلوەچ پەل وشک شەوارێگه
های های وەهار
لە کام وڵات ماوا گرتیدە
**********************
چراخ هەرکتاوێگ دەم دم
دەنگ خوەم لە ناوێ تێ
لە دەرۊن من شاڕێگ،
لەباوەڕ من مالێگ
لەئەزرەت من ژنەیلێگ ...
له هۊر خوەێان چینه
لە کاس کەلەم
کەسێ
وه قاچاخ خەنێ...
*****************
جامەک دڵ شکانم
هۊردە هۊردە
تەمێگ هات و شەمێگ مرد
گومد کردم...

ئنگليز و هەوڵ لاوردن شێخ مەحمود
لە ساڵ 1920 ک بریتانیا زاڵ بویە بان میزۆپۆتامیا، باوەڕی ئەوە بوی لەدەسداین میزۆپۆتامیا بوودە هووکار لەدەسداین ئیرانیش، هەر لەوەر ئەوەيش‌ کەفتە هویرەوکردن لە باوەت ئیران و میزۆپۆتامیا، له و وەختیشە میر فەیسەڵ ک فرەنسیەیل لە ساڵ 1920 لە دیمەشق دراودوێنەی، وەل 25 ژن و 175 پاسەوان لە هیزەیل حجاز لە بياوانەيل ئوردن سەرگەردان و ئاوارە بوی.
دویای کۆنفرانس دویەم قاهیرە 12- 24 مارس 1921، بریتانیا ئه و میر فەیسەڵە کردە پاشای بەشیگ لە میزۆپۆتامیا(عیراق ئیسە)و کوردستانیش گرتەو. هەر له و ساڵيشە ئنگلیزەیل پرسیار لە کۆمەڵەیل کوردی کردن ک ئايا چ جوورە حکومەتیگ ئەخوازن؟ وەلی ئه و پرسیارە وه و جوورە دروس کریاوید ئەگەر بتوان و نەتوان هەر بایەسە لە ژیر دەسڵات عیراق بمینن، ک هەرچەنی هەوڵ دان پرس و رای کوردەیل بزانن، وەلی مەرج سەختیگ دانان و کوردەیلیش دژ ئەوە بوین لە ژیر دەسڵات عەرەب بمیننەو.
ئەوە بوی مەلک فەیسەڵ وەبی نوێنەر کەرکووک و سلێمانی شایەتی خوەی ئاشکرا کرد. هەر له و رووژگاریشە تورکەيليش لەولاوە هەوڵ داگیرکردن کوردستان دیان و، لە لایگ تریشەو‌ فەیسەڵ تواستیاد هەر لە ژیر دەسڵات خوەی بمینیدەو.
ئنگلیز لەوەر خاتر سەروەت و سامان کوردستان و روی وەڕوی بوینەوەی پەلامار تورکەیل هوير لە کەسیگ کردن سەرکردایەتی کوردستان بيەنە دەسيەو، دیارە شێخ مەحمود ئەرا ئه و کارە شایستە بوی و مەردم سلێمانییش تواستنەی، ک شێخ له و وەختە تەمەنی 44 ساڵ بوی و کەسایەتی خاسیگ داشت.
شێخ ک لە ساڵ 1921 لە لایەن ئنگلیزەیلەو‌ دەرکریاوێد، لە ساڵ 1922 هاتویده و ئەرا سلێمانی و چەن رووژیگيش دویای هاتنەوەی ئەرا سلێمانی لە 10ی ئوکتۆبەر ساڵ 1922 زایینی کابینەی کوردستان پیکهاورد و (8) وەزیر له و کابینە بەشداری کردن ک پيکهاتن لە: شێخ قادر سەرۆک وەزیر، شێخ مەحمود وەزیر وەرگری، کەریم ئەلکەی مەسیحی وەزیر دارایی، شێخ مەحمود غالب وەزیر ناوخوەیی، حەمەد ئاغا وەزیر کۆمەڵایەتی، شێخ عەلی کلداری وەزیر داد، سەید ئەحمەد سەرۆک پۆلیس و حاجی مستەفا پاشا وەزیر پەروەردە.
لە سەردەم شێخ مەحمود بڕێگ رووژنامه و گووڤار کوردی دەرکريان جوور: گۆڤار (بانگی کوردستان) و (رۆژی کوردستان). ئمجا لە مانگ شووبات ساڵ 1923 گرفت لە کوردستان روی لە زیایبوین کرد، باوەڕ ئنگلیز ئەوە بوی ک گوايا شێخ مەحمود خوازيارە وە هاوکاری رابەرەیل شیعە شووڕش وەرفراوانیگ بەرپا بکا لە دژ ئنگلیز و خوازيارە وەل تورکەیليش پەلامار کەرکووک بیەید و شار کەرکووک بگرێد.
ئنگلیزەیل هاتنە بان ئه و باوەڕە وە هەر شیوەیگ بوود شێخ مەحمود لەناو بووەن، ئمجا ئەرا لەناوبردن دەسڵات شێخ مەحمود لە 21 شووبات ساڵ 1923 زایینی وشداری دانە شێخ وەل گشت ئەندامەیل دەوڵەتەگەی بچوودە بەغدا، ک ئەگەر ئه و کارە نەکا وە زوور لاوەنەی، ئه و داواکاریە وە تەیارە بڵاو کردنە بان شار سلێمانی، لە کاغەزەگەیش نویسیاوێد ئەگەر گووش نەیەیدە فەرمان ئەوان، شار سلێمانييش ويران ئەکەن.
شەريف محێدين

شێخەڵڵای هەولێر کييە؟
$شێخەڵڵا$ ناو بازاڕيگ مەردمى #هەولێر#ە، کەفتەسە ناوڕاس شارەگە، ئمجا بنەچەک ناوەگەى ئەچێده و ئەرا مەزاريگ ک قاپيەگەێ رويه و کويچەى حەريق خانەقا و (باغ شار) جاران هەڵکەفتگە.
وشەگە لە(عەبدوڵڵا)ەوە سەرچەوە گرتگە، خوەى شێخ عەبدوڵڵا بويە، کوردەيل فرەيگ ناوچەى کوردستان هەناى ک پيشناويگ ئەکەفێد وەل ناو (عەبدوڵڵا)ەوە، ئەوە هەرچوار پيت (ع، ه، ب، د) قويته و ئەيەن و نايەرنەى بان زووان. ئەرا نموونە:(شێخ عەبدوڵڵا ئەکەن شێخوڵڵا. کاک عەبدوڵڵا ئەکەن کاکەوڵڵا)، وەلێ لەى ناوە ديارە هەولێريەيل پيت(واو)يش قرتاننه و لەجياى(شێخەوڵڵا) وە (شێخەڵڵا)ناوى بردنه و دوياجاريش هەر ئه و ئه و شيوە پەسەن وەپى بويه و بازاڕەگەيش وە ناويه و نرياگە. ک يەيش بنه و بنەچەک ناوەگەيه و هويچ هەوەجەيگ وە ناو خودا و هويچ پەيوەندييگ وە کوفر و بيڕيزييه و نيە، جوور ئەوەگ کەسەيليگ بانگەشەى ئەوە ئەکەن ک ووتن ئى ناوە شرکه و ئويشن: وشەى شێخەڵڵا کوفرە، چوينکە ئەڵڵا شێخ نيه و نادێد وە ئەڵڵا بوشيەێد شێخ.
شێخ (عەبدوڵڵا قوتب ئەلمەدار ئەلقادرى) سۆفيیگ زاهید و زانايگ ناودار ئايينى بويە، یەکيگ له و کەسەيل سەرەتاييە بويە ک (تەریقەت قادری) لەى شارە بڵاو کردسەو. هەر لە شار هەولێريش لەدایگ بويە، وەلێ مێژوو لەدایگبوينی لە هویچ سەرچەوەيگ میژوویی باوەڕوەپيکرياێ نەنويسرياگە, چشتيگيش لەبارەى ماڵ ومناڵ و خانەوادەگەێ لەوەردەس نيە، ئەمما رێککەفت مردنى ئاشکراس، وەلێ وەگوورەى راى جياواز شيەوکەرەيل. ئمجا (زبێر بیلال ئیسماعیل) مێژوونويس لە کتاوه نرخدارەگەی (شیخی چۆلی) ئوشێد: شێخ عەبدوڵڵا کە وە شێخەڵڵا ناودار بويە زانایيگ سووفى بويە و لە لای مەردم هەولێر وە شێخەڵڵای قوتبوئەلمەدار ناسرياگە و ساڵ 999 ک/1590-1591ز کووچ ئاخرين کردگه و مەرقەدەگەی مەزارگەيگ ناودارە لە هەولێرو لە شانيشيه و مزگفتيگ هەس وەناوى.
وەلێ (د. عەبدوڵڵا حەداد) هەولێری، لە کتاو (گەشتێک لە قەڵای هەولێرەوە بۆ سۆربۆنی فەرەنسا) لەبان مێژوو مردن شێخەڵڵاوە، ئەڕاى چوينيگ تر ديرێدو باوەڕێ ئەوەسە لەساڵ 1831 زايينى مردگە.
هەڵبەتە ناو ئى بازاڕيشە لە چەنەها تێکست شعرى و لەناو باوەتەيل ئەدەبى ئاماژە وەپى کرياگه و لە فۆلکلۆريش ناوى هاورياگە.[1]

هووز کەمانگەر (کەوانگەر) و کوشيان مەحمود بەگ
بەشيگ گەورای زەردۆئی سەر وە تیرەی کەمانگەرن، ئى تیرە یەکيگە لە تیرەيل گەوراى جاف، رووڵەيل ئى تيرە جاران لە ناوچەيل ئافريان ژويەر و خوارگ، ماويان، کورەدەرە، تفين، ساتياری، قەرەویس، کۆڵەسارە، ماسان، کەوانە، پاڵنگان، گرگان، عەنەب و دەرەشیش نيشتەجێ بوون، وەلێ شوون وماوى ئيسەيان ئەکەفێدە سنوور هەردوگ پاريزگاى #کرماشان# و #سنە# ناوچەى بيلور.
مەرز باکووريان: کرماشان و #کامیاران#، مەرز باشووريان ميان دەربەند کرماشانە، مەرز خوەرهەڵاتیان ناوچەی بيلورەو، له خوەرئاوايشەو کنار کويەێ شاهۆ و روانسەرە.
بڕيگ لەليان لە تاوسانەيل بار کرديان ئەرا ناوچەيل: ماراب، گرکان، کنار دەرياچەى قەرەسو و سەرچەم گڕکان، نەهار، کويەى شاخ شکن، لە زمسانيش چيانە: زەهاو، نەسر ئاباد.
$ناو کەمانگەر (کەوانگەر):$
=KTML_Bold=یەکەم:=KTML_End= لە (کەمان) کەوان دروستکردنەو هاتگە. ئەيانە لە دروستکردن کەوان (کەمان) ئوسا بووينەو شوورەت وه و پيشەوە دەرکردنە.
=KTML_Bold=دووەم:=KTML_End= لە جەنگ تیر و کەمان (کەوان) وە دقەته و هاوردهنەسە کار و نيشانيان وە غەڵەته و نەچيه.‌
ئى تيرە تا سەردەم ئيمام قولی ميرزا عيمادولدەولە تيرەیگ رەوەنى بوين و جوور هەردوگ تيرەی شەرەفبەیانی و دوورويی، تيرەيگ تاک و خوەيان وەخوەيانن و هويچ لقيگ لەليان ناکەفێدەو.
هەناى ک قەوارەى يەکگرتگى ئێڵ جاف دامەزريا، کەمانگەرەيل پەيوەندى وه و يەکگرتگه و کردن و بوينە تيرەيگ گەورا لە جاف جوانڕۆ. لەسەردەم کويەنيش ئيبراهيم خان کەمانگەر باپيرە گەورايان لە ناوچەی شارەزوور و هەڵەبجە وەتایبەت لە ئاوايى دەرەشيش و عەنەب, وەخوەى و تيرەگەيه و بار کردن و هاتنە شوونەيل ئيسەيان ک وە فەرمان دەسڵاتدارەيل ميرنشينى ئەردەڵانى داوا لەليان کريا شوون خوەيان جواز بکەن ئەرا ناونى کرماشان و سنە، چوينکە بۆشايى ئەمنى له و ناوچە وجوود داشت و هەر وه و خاتريشە داوا لە ئيبراهيم خان کەمانگەر کردن بچێدە ئه و شوونە.
دوياخر دەسڵات ئى تيرە کەفتە دەس مەحمود بەگ کەمانگەر نيزامولمەليک (ئاغا محمود حاجى ئاغا) ک کەسيگ ئازاو خاوەن شانيەت بوێ و مقەيەتى لە يەکپارچەیی و هێزی تيرەگەی بکا لەوەختيگ ک هووزەيل هاوساى وە بوونەى بارودۆخ سياسی و ئابووری و کۆمەڵايەتیی ناهەموار ئەو سەردەمەو تويش لاوازی و سسی هاتوين.
مەحمود بەگ (ماراب) کردە مەڵوەن خۆی و هووزەگەێ و گەشە وەپى داو فريەيش پيشکەفتن داپى، وەلێ دەرئەنجام خوەێ و دووان لە کوڕەيلێ(ئەحمەد خان و محەمەد خان)لەجەنگ ناونى تيرەى کەمانگەر و ئێڵ سنجاوێ وە فەرمان عەلى ئەکبەرخان(سەردار موقتەدر)کوشيان، لەشوون ئەوەيش کوڕەزاگەی سلێمان خان کەمانگەر(سلێمان خان کوڕ عەلی خان شوجاعولمەليک کوڕ ئاغا مەحمود حاجی ئاغا) ناوبانگ و دەسەڵات پەیا کرد. ک يەيش کەسيگ ئازاو بەخشنده و زاناو رووشنهوير و لەخودا ترس و دڵسووز بوێ ئەرا ئەشرەت و قەومەيلى.[1]

✚  بەخش نوو(جەدید)
📝 مەسرور بارزانى لە تورکيا چەوى کەفتە ئەردۆغان
مەسرور بارزانى سەرۆک حکومەت هەرێم کوردستان, ديداريگ وەل رەجەب تەيب ئەردۆغان سەرۆک تورکى لە کوشک سەرۆکايەتى لە ئەنقەرەى پايتەخت ساز کرد لە چوارچيوەى سەردانە فەرميەگەى ئەرا تورکيا.
له و ديدارە هەردوگلا
📝 مەسرور بارزانى لە تورکيا چەوى کەفتە ئەردۆغان

📖 پيشەی هەلاجی لەلای فەيليەيل
هەلاجی پيشەيگە لە پيشەيل باو ک لەزوورم شارەيل عراق ناوداری داشت، ک هەرچەنی ناوچەيل مەردمی زياتر مامڵە وەليا کرديان.
ئی پيشە لەوەردەم پيشکەفتنەيل تەکنۆلۆجی ئامێرەيل تازەيش هەر مقەيەتی لە خوەی کرد و هە
📖 پيشەی هەلاجی لەلای فەيليەيل

📖 ئايا نيشتەجييەيل مەنەلی کوردن!؟
م لەی وتارە ئەرا جوواودانێگ وە ئەی بەشە لە نويسەرەيل، بەشێگ لە کتاو نەتەوەيل عراق (ن: گۆرگيس جبران هومی – عەبدالعەزيز بەرهام) جوور بەڵگەێگ تێرمه و وەر و وەتمە: گومان ئەوە چوود مێژوو ئيڵ تورکمان لە عرا
📖 ئايا نيشتەجييەيل مەنەلی کوردن!؟

📖 نەخش کوردەيل لە دامەزرانن بەغدا
خەليفە مەنسور عەباسی ئەی شارە بنيات نا و کردەی ناوەند دسەڵات حکوومەت عەباسيەيل. کوردەيليش وەل مەنسور لە دامەزانن و سازين بەغدا هاوکاری کردنە.
کوردەيل لە ناوچەی(ئەزەج) بەغدا نيشەجی بوينە و ئيجار ناو ئ
📖 نەخش کوردەيل لە دامەزرانن بەغدا

🏰 گردەکشانە
گردەکشانە یەکێگ لە شارەیل پارێزگەێ ئازەربایجان خوەرئاوا و ناوچەێ موکریان و ناوەند بەش لاجان لە شارستان پیرەن پیرەن . دانیشتووەیل شار گردەکشانە 1.800 کەسن (ئامار ساڵ 1390 کووچی ھەتاوی) وە زوان کە کوردی
🏰 گردەکشانە

📕 من و بەڕۊ
شێعر نەسرین شەفیعی لە لاێەن پەخشانگاێ (دیباچە) ێ شار کرماشان وە لە هەژمار 1000 دەنگ هاتە چاپ کردن .
بڕیارە ئێ بەرهەم تازەێ خانم شەفیعییە لە نەمایشگاێ کتاو کرماشان ک تا چەن رووژترەک دەس وە کار کەێدن ب
📕 من و بەڕۊ

📕 خاک بە خاک بە دەم باوە ئەڕۆم
خاک بە خاک بە دەم باوە ئەڕۆم ” یەکمین پرتووک فەرزاد سەفەرەس ک لە لاێەن پەخشانگاێ ” داستان ” لە شار تەێران هاتێیەسە چاپ کردن.
ئێ کومەڵە شێعرە وە شێوەزارەیل کوردی کەڵهۆڕی و سورانی لە 80 لاپەڕە پێکهاتێی
📕 خاک بە خاک بە دەم باوە ئەڕۆم

📕 تەگرەژیلە
مجموعە شعری کردی سەید وەعید مێرەبەێگی
📕 تەگرەژیلە

📖 کوڕ شێت و کوڕ ئاقڵ
کووکردنەوە : سەجاد جەهانفەرد ( ژیار )
لە رووژگارەیل زۊنە، د برا بۊن ک یەکێ لێیان گەوراتر بۊ. ئێ براێ گەورا فرە زانا و مێر‌ەبان و خوەش زوان بۊ وەلێ زوور نەێاشت و فەقیر و بێشەڕ بۊ؛ ئەمانێ براێ بۊچگ سەر
📖 کوڕ شێت و کوڕ ئاقڵ

📖 دەسڵات کەڵهوڕ لە مایەیشت و دەرەتەنگ
هووز کەڵهوڕ یەکیگە لە هووزەیل گەوراى کورد، لەباوەت ناوەگەیانیش چەن ئەراى چوینیگ وجوود ديرێد، لەوانەيش:
مامۆستا هەژار موکریانى لە لاپەڕەى (594) شەرەفنامە نویساگە: کەڵهوڕ چنەو‌ ئەرا بان کڵاهوڕ ک یەکیگ
📖 دەسڵات کەڵهوڕ لە مایەیشت و دەرەتەنگ

📕 نمایشنامەێگ ئڕا بازی
بابەت: شانۆنامە
نووسینی: نەسرین باباخانی
نووترین بەرهەم نۊسەر کورد نەسرین باباخانی، چاپ کریادن.
ئێ کتاوە بریتییە لە سێ نمایشنامەێ کوردی وە شێوەزار کوردی کەڵهڕی ک لە 70 لاپەڕە لە لاێەن پەخشەنگاێ داس
📕 نمایشنامەێگ ئڕا بازی

📕 چەمێ ئەژ چریکەێ بەرد
رێوار ئاودانان
📕 چەمێ ئەژ چریکەێ بەرد

📕 کۆردی ئەڤەڵ دەبستان - زۆن کۆردی پەڵە
٢٠١٦
📕 کۆردی ئەڤەڵ دەبستان - زۆن کۆردی پەڵە

📕 شازايه بۊچگڵه
ئانتوان دو سه‌نت ئگزۊپری
ئه‌ڵگه‌ردانن له‌ فه‌رانسیه‌وه‌ ئه‌را (كوردى كه‌ڵهوڕی) : موحسن ئه‌مینی
سنندج - دانشگاه كردستان - 2008
📕 شازايه بۊچگڵه

👫  زنی نۆیسە (ژیان ناۆمە)
نەسرین شەفیعی
📖  مەقاڵەل گؤجەر
ئنگليز و هەوڵ لاوردن شێخ مە...
📖  مەقاڵەل گؤجەر
شێخەڵڵای هەولێر کييە؟
👪  هووز - طائفه - دووێمان
هووز کەمانگەر (کەوانگەر) و ...
📖 دەسڵات تەيمورخان ئاجرلويی لە کوردستان | ڕزگ(دەسە):  مەقاڵەل گؤجەر | زبان مقاله: 🏳️ لەکی
⠪ Share
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ ارزیابی مقالە
⭐⭐⭐⭐⭐ نایاب
⭐⭐⭐⭐ عالی
⭐⭐⭐ متوسط
⭐⭐ بد نیست
⭐ بد
☰  فرەتر(ویشتر)
⭐ اضاف کردن أ کووکریال
💬 نظر خود را در مورد این مقاله بنویسید!

✍️ پێشینە(وەرینەل) بەخش
🏷️ Metadata
RSS

📷 به دنبال تصویر رکورد انتخاب شده در گوگل
🔎 به دنبال رکورد انتخاب شده در گوگل
✍️✍️ اێ بەخشە بگؤەڕن(خووتر کە)

دەسڵات تەيمورخان ئاجرلويی لە کوردستان
ئی تەيمورخانە وەل مەردم مەملەکەت هەڵسووکەفتی خاس و رەفتار جوانيگ کردياد، وەل گەوراو بويچگ خەلک مەملەکەتەگە برايانە رەفتار کردياد، شەش ساڵ وەی شيوە لە کوردستان حوکمڕانی کرد، دويای شەش ساڵ و لەساڵ (1099)کووچی دوبارە خان ئەحمەد خان کوڕ کەلبعەلی خان ئەردەڵان کريا حاکم کوردستان و وە فەرمان شا سلێمان سەفەوی رويکردە سنه و شارەزوور.
ئی خان ئەحمەد خانە ک ئەرا جار دويەم لە ولايەت کوردستان سەروەخوەيی کەفتەو، لە جاران زياتر زيادەڕەوی و لە جاران کرد لە کارەيل خوەشگوزرانی، ئمجا وەختيگ ک سلێمان پاشای بابان وە حاڵ خان ئەحمەد خان زانست، مەردم فريەيگ لە تايفەيل کورد و عەرەب وەل خوەی ريکخست و لەساڵ 1103 کووچی پەلامار بان مەرزەيل کوردستان و مەريوان و سەقز و هەورامان گرت و "زۆراب سوڵتان"حاکم سەقز و "ئبراهيم بەگ مير ئەسکەندەر"حاکم مەريوان کوشت.
خان ئەحمەد خان خوەی نەچێ ئەرا روی وەڕوی بوينەوەی و شا سلێمان لە مەسەلەگە رەسانەو، لەلايەن شا سلێمانيشەو"روسەم خان سوپاساڵار" و عەبس خان زياد ئوقڵی وە لەشکريگه و رەوانە کريان ئەرا دەسميەتداين خان ئەحمەد خان، لە دەيشت مەريوان هەردوگلا رەسينە يەک، سوپای پاشا شکياو فيشتر لە 4 هەزار کەس لەليان کوشيان و وەديل گيريان.
دويای ئی سەرکەفتن ديار و گەورا، عەباس خان زياد ئوقڵی وە فەن وفيڵ و هەڵخەڵاتانن لەلايەن قاسم سوڵتان هەوراميەو، تومەت ئی سەرکيشی سلێمان پاشا ئەيادە پاڵ والی و مەردم کوردستان.
ئمجا شمارەيگ لە گەورا پياوەيل کوردستان وەل 1200 کەس لە رەعيەت ئی مەمڵەکەتە گرفتار ناڕەحەتی و شکەنجە ئەکاو دويای تاڵانکردن موڵک و ماڵيان فەرمان کوشتن ئه و بيچارەيلە ئەياد و لە لاشه و سەر ئه و بيچارەيلە تەپەيگ لە دەيشت مەريوان دروس ئەکا، ک ئيسەيش ئه و تەپە هەر مەندگه و ناسرياگە وە تەپەی(کەلەکێو) کەلە کويە. يەيش وه و مانا ئه و تەپە لە کەلەی ئادەميزاد دروس کرياگە.
شا سلێمان لە تەقاس ئی کارەيل دڕندانە، عەباس خان سەردار لە مەيدان ئەسفەهان ئەياد لەسێدارە، لەساڵ 1107 کوچی شا سوڵتان حسێن دەس ئەکادە لاوردن ئەحمەد خان لەبان کار و محەمەد خان کوڕ خەسره و خان لە حکومەت کوردستان دامەزرنێد، ماوەی ئی حوکمڕانی دويەم خان ئەحمەد خانە 9 ساڵ ناتەواو بوی.
عەلی نەقی ئەلحوسەينی
شەفەق نیوز
📚 فایل های مرتبط: 0
🖇 آیتم های مرتبط: 0

⁉️  ویژگیەل بەخش
🏷️ ڕزگ(دەسە): 📖  مەقاڵەل گؤجەر
🏳️ زبان مقاله: 🏳️ لەکی
🌐 لهجە: 🏳️ ک. لری
📄 نوع سند: ⊶ زبان اصلی
📙 کتاب: ⚔ تاریخ

⁉️ Technical Metadata
✨  کیفیت بەخش : 68% ✔️
68%
✖️
 30%-39%
بد👎
✖️
 40%-49%
بد
✖️
 50%-59%
بد نیست
✔️
 60%-69%
متوسط
✔️
 70%-79%
عالی
✔️
 80%-89%
عالی👍
✔️
 90%-99%
نایاب👏
68%
✔️
اێ ڕکؤردە إژ لآ Jan 20 2017 9:42PM أڕا(مانو بەرزنجی)
✍️ اێ بەخشە گل دؤمائن(آخرین گل) إژ لآ(مانو بەرزنجی): أڕاJan 20 2017 9:42PM نووآ بی(بروز بی)
☁️ نیشانی مەقاڵە
🔗
🔗
⚠️ اێ بەخشە إڕؤی(طبق) 📏 إستانداردەل كوردی پدیا هەنی(هالی) ناتەمامە ؤ بازنگری متن إگرەکەسێ(نیازە)
👁 اێ بەخشە 5,098 گل سئرکریائە(دێینە)

📚 Attached files - Version
نوع Version 💾📖🕒📅 👫 نام ویرایشگر
📷  پەروەندە عەسگ 1.0.189 KB Jan 20 2017 9:42PMمانو بەرزنجی
📚 کتاووخانه
  🕮 تەگرەژیلە
  🕮 چەمێ ئەژ چریکەێ بەرد
  🕮 کۆردی ئەڤەڵ دەبستان - ...
  🕮 شازايه بۊچگڵه
  🕮  فرەتر(ویشتر)...


📅 کرونولوژیا از وقایع
  🗓️ 15-08-2020
  🗓️ 14-08-2020
  🗓️ 13-08-2020
  🗓️ 12-08-2020
  🗓️ 11-08-2020
  🗓️ 10-08-2020
  🗓️ 09-08-2020


💳 بخشیدن
👫 همکاران کوردیپیدیا
💬 قسەل(گەپەل) هۆمە
⭐ کووکریائەل(گردآکریائەل)کاربەری

Kurdipedia.org (2008 - 2020) version: 12.08
| 📩 contact@kurdipedia.org | ✔️CSS3 | ✔️HTML5
| زمان دؤرسکردن وەڵگە(پەڕە): 0,359 ثانیه(اێس)
☎ +9647701579153 +9647503268282
| ☎ +31654710293 +31619975574