$باکووری کوردستان$
- سوپای تورک شەوی ڕابردوو لە چەلێی سەربە #جولەمێرگ#ەوە بەرەو باشووری کوردستان بەڕێکەوت و هێزەکانی لە خارەگۆلی باشووری کوردستان جێگرکرد، پاشان شەڕ لەنێوان گەریلاکانی #هەپەگە# و ئەو هێزانەدا ڕوویدا.[3]
$باشووری کوردستان$
- دوای ئەوەی #حەشدی شەعبی# بە جلوبەرگی پۆلیسی فیدراڵی و لیوای 5ی فیرقەی ئاڵتوونی ئێراق بەرەو سەربازگەی کەیوان و مەکتەب خالید و فڕۆکەخانەی #کەرکووک# بەرێکەوتن لە نزیک پردی ناوچەی پیشەسازی لەلایەن هێزی کۆماندۆی پێشمەرگە ڕووبەڕوویان بوونەوە بەو هۆیەوە شەڕوپێکدادان ڕویدا.[1]=KTML_Photo_Begin=https://www.kurdipedia.org/files/relatedfiles/2017/142481/0070.JPG=KTML_Photo_Alt=16-10-2017=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2017/142481/0070.JPG=KTML_Photo_End=
- درەنگانی شەو، پارێزگاری کەرکووک ڕایگەیاند، پێشمەرگە لە خۆئامادەباشییدایە بۆ بەرگریکردن و داواشیکرد هەرکەس چەکی هەیە لە کەرکووک بێتە دەرەوە بۆ بەرگریکردن.[1]
- بەشێک لەهێزەکانی حەفتا کە پێکدێن لە هێزەکانی، جەعفەر شێخ مستەفا و کۆسرەت ڕەسوڵ، لە نزیک فڕۆکەخانەی سەربازی کەرکووک لەگەڵ حەشدی شەعبی لە شەڕدان.[1]
- سەرکردایەتی کردە سەربازییە هاوبەشەکانی سوپای ئێراق لە بەیاننامەیەکدا ڕایگەیاند هێزە سەربازیی و ئەمنییەکانی ئێراق توانیویانە چەند ناوچەیەکی سنووری کەرکووک لە دەستی پێشمەرگە کۆنتڕۆڵ بکەنەوە.[1]
- سەرچاوەیەک لە نەخۆشخانەی ئازادی کەرکووک بە دواڕۆژی ڕاگەیاند بەهۆی ئاڵۆزیی و ڕووبەڕووبوونەوەکانی نێوان پێشمەرگە و حەشدی شەعبی 36 پێشمەرگە برینداربوون.[2]
- پێشمەرگە بە بێ شەڕ تەلوەردی چۆڵکرد.[1]
- #ئەنجوومەنی ئاساییشی هەرێم#ی کوردستان ڕاگەیێندراوێک لەبارەی ڕەوشی کەرکووک بڵاودەکاتەوە و ڕایدەگەیێنێ: هێزەکانی ئێراق و حەشدی شەعبی سەربە ئێران لە باشووری کەرکووک و تازە#خورماتوو# لە چەندین بەرەوە بە هامەر و چەکی ئەمریکایی هێرشیان کردووەتە سەر پێشمەرگە، ژمارەیەک هامەریش تێکشکێندراون.[1]
- هێزەکانی حەشدی شەعبی بارەگا حکومییەکان و بارەی پارتە کوردییەکانیان لە خورماتوو کۆنتڕۆڵکردووە و پێشمەرگەش لە دەوروبەری شارەکە جێگیربوون.[1]
- وەزارەتی بەرگری ئەمریکا-پنتاگۆن، لەسەر ئاڵۆزییەکانی نێوان سوپای ئێراق و چەکدارانی حەشدی شەعبی لەگەڵ هێزەکانی پێشمەرگە لە سنووری کەرکووک، ڕاگەیەنراوێکی بڵاوکردەوە و تیایدا داوای ڕاگرتنی توندوتیژییەکان دەکات.[1]
- لە سنووری #داقووق# لیواکانی 9 و 16 پێشمەرگە بارەگاکانیان چۆڵکرد و پاشەکشەیان کرد، بەڕێوەبەری ئاساییشی پارتیش لە شارۆچکەکە دەڵێت بەبێ‌ هیچ شەڕێک ئەو دوو لیوایە بارەگاکانیان چۆڵکردوون و ئێستا تەنیا ئاساییش ماوە.[4]
- بەهۆی ڕەوشی نائاسایی کەرکووکەوە، خوێندنی قوبابخانەکان ڕاگیرا.[1]
- ئەیاد عەلاوی، جێگری سەرۆک کۆماری ئێراق لەمیانەی چاوپێکەوتنێکی تەلەڤزیۆنیدا لەگەڵ کەناڵی سومەرییە ڕایگەیاند، #مەسعود بارزانی#، سەرۆکی هەرێمی کوردستان نامەیەکی بۆ نووسیم، منیش لای خۆمەوە ڕەوانەی عەبادی-م کرد کە تیایدا ڕەزامەندی نیشانداوە لەسەر دواخستنی گرتنەبەری هەر بڕیارێک دەربارەی ئەنجامەکانی #ڕیفڕاندۆم#.[2]
- شەڕەکەی کەرکووک نرخی #نەوت#ی گەیاندە بەرزترین ئاست.[1]
- #وەستا ڕەسوڵ#، ڕایدەگەیەنێت، کە شەڕی ئێمە و ئێراق شەڕێکی ئاگریی قورس و دەوڵەتی بوو، پێشمەرگە، شەڕی قارەمانانەی کرد و چەندین شەهید و بریندارمان هەیە، بەڵام بە کڵاشیەکێتیی نیشتمانیی کوردستانۆفەوە ناتوانێت دەبابە و ناقیلە تێکبشکێنێت.[3]
- بورهان ئەحمەد، فەرماندەی سریەی تایبەتیی #حیزبی شیوعی# لە #گەرمیان# ڕایگەیاند، ئەمڕۆ 20 کادر و پۆلیسی حیزبەکەیان لەلایەن چەکدارانی حەشدی شەعبی و سوپای ئێراقەوە لە خورماتوو بەدیلگیراون.[5]
- هێزەکانی حەشدی شەعبی لەدوو ناوچەوە چوونە ناو سنووری شاری کەرکووکەوە و لە چەند شوێنێک ڕووبەڕووبوونەوە دەستی پێ کردووە.[1]
- خەڵکێکی زۆر کەرکووکیان جێهێشت و بەرەو سلێمانی و هەولێر کەوتنەڕێ.[1]
- هەردوو پارتی و یەکێتی یەکتری بە تاوانبار و خائین تۆمەتباردەکەن و کەوتنی کەرکووک و ناوچەکانی دەوروبەری دەخەنە ئەستۆی یەکتری.[1]
- سوپای ئێراق گەیشتە نزیک شارەدێی جەلەولا.[1]
- #وەزارەتی پێشمەرگە# هەواڵێک لەسەر دەرکردن و بێبەریکردنی هێزەکانی 70ی یەکێتی لە وەزارەتەکەیان ڕەتدەکاتەوە.[1]
- #وەزارەتی سامانە سرووشتییەکان#ی حکومەتی هەرێمی کوردستان ڕایدەگەیەنێت لەگەڵ وەزارەتی نەوتی ئێراق ڕێککەوتووین، کە هەناردەکردنی نەوت نەوەستێت، بۆیە وەزارەتی سامانە سرووشتییەکان هەناردەی نەوت ڕاناگرێت.[2]
- حەیدەر عەبادی، سەرۆکوەزیرانی ئێراق ڕایگەیاند ئەرکی سەرشانمە بەپێی دەستوور کاربکەم بۆ خزمەتکردنی هاونیشتمانییان و پاراستنی وڵات، کە تووشی مەترسیی دابەشبوون بووەیەوە بەهۆی سووربوون لەسەر ئەنجامدانی گشتپرسی لەلایەن دەسەڵاتدارانی هەرێمی کوردستان.[4]
- بەپێی ڕاگەیەنراوێکی وەزیری ناوخۆی ئێراق ئەمڕۆ، داوای لە سەرجەم هێزەکانی پۆلیسی ناو شاری کەرکووک کردووە کە پارێزگاری لە بەرپرسە سیاسییەکان و بارەگای پارتە سیاسییە کوردییەکان بکەن.[2]
- #لاهور شێخ جەنگی# ڕایدەگەیەنێت، ئەوەی بەسەر میللەتەکەماندا هاتووە و کەرکووک لەمەترسیدایە، لە بارزانی دەخوازێت دەست لەکار بکێشێتەوەو دەشڵێت: بەداخەوە #31ی ئاب#ێکی تر بەسەر کەرکووک-دا هێنرا.[3]
- #مەحمود سەنگاوی#، ئەندامی سەرکرایەتی یەکێتی ڕایدەگەیەنێت: لەگەڵ سوپای ئێراق ڕێککەوتین و بڕیارماندا بگەڕێینەوە بۆ پێش 10-06-2014 واتا پێش هێرشی #داعش#.[3]
- ڕاکان سەعید جبوری ڕایدەگەیەنێت ئەو خێزانانەی کەرکووکیان جێهێشتووە دەتوانن بگەڕێنەوە سەر ماڵ و حاڵی خۆیان بێئەوەی هیچ زیانێکیان پێبگات.[1]
- بە ئامادەبوونی هادی عامری و ئەبو مەهدی موهەندیس، سەرکردە باڵاکانی حەشدی شەعبی، ئاڵای ئێراق لە باڵەخانەی پارێزگای کەرکووک هەڵکرا و #ئاڵای کوردستان# داگیرا.[1]
- ترێنت فرانکس کۆنگرێسمانی ئەمریکایی لە چاوپێکەوتنێکیدا ڕایگەیاند پێویستە ئەمریکا بەشێوەیەکی جیاواز بیر لە کوردەکان بکاتەوە، لەبەر ئەوەی کوردەکان هاوپەیمانێکی زۆر باشی ئەمریکا بوون لە شەڕی دژی داعشدا و هەوڵی زۆریاندا بۆ لەناوبردنی داعش لە کاتێکدا هیچ کەسێک یارمەتیی نەدان، بۆیە من بڕوام وایە پێویستە ئێمە بیانپارێزین و هەر شتێک لەتواناماندابێت بۆیان بکەین.[2]
- دۆناڵد ترەمپ ڕایگەیاند ئێمە ئاگاداری ڕووبەڕووبوونەوەکانین و پشتگیری هیچ لایەنێکیشیان ناکەین.[1]
- داعش گوندێک لە دوبز کۆنتڕۆڵدەکات.[1]
- ئێران و ئێراق و هێزێکی زۆریان لە نزیک مەرزی نێودەوڵەتی حاجی ئۆمەران کۆکردووەتەوە، لە بەرانبەردا پارتی و حکومەتی هەرێمیش هێزێکی زۆری لەو سنوورە بڵاوەپێکردوو.[2]
- نووری مالیکی، جێگری سەرۆککۆماری ئێراق پیرۆزبایی کۆنترۆڵکردنی کەرکووک لە ئێراقییەکان دەکات و دەشڵێت سوپاس و ڕێزم بۆ ئەو لایەنە کوردییانە هەیە کە سەلماندیان دژی دابەشبوونی وڵاتن.[2]

ڕۆژنیوز - قەرەچوغ ئەنوەر
ئەمینداری گشتیی #وەزارەتی پێشمەرگە#ی هەرێمی کوردستان ڕایگەیاند، لە شەڕەکانی ئەم دواییەی پێشمەرگە و هێزە عێراقییەکان لە سنووری ناوچە دابڕێنراوەکان، 60 پێشمەرگە شەهید بوون و 150 پێشمەرگەیش بریندرار بوون، ڕاشیگەیاند:داوامان لە عێراق کردووە شەڕەکان ڕابگیرێن و میکانیزمی هاوبەشی بەر لە ساڵی 2014 جێبەجێ بکرێت.
ئەمڕۆ، جەبار یاوەر ئەمینداری گشتیی وەزارەتی پێشمەرگەی هەرێمی کوردستان، لە دوای کۆبوونەوەی وەزارەتی پێشمەرگە لەگەڵ کونسوڵخانەی وڵاتانی بیانی لە هەرێمی کوردستان لە شاری هەولێر، کۆنگرەیەکی ڕۆژنامەنووسی ئەنجامدا.
جەبار یاوەر، وتی:لە کۆبوونەوەی ئەمڕۆی نێوان ئێمە و کونسوڵخانەکان، هەلومەرجەکانمان بۆ ڕوونکردوونەتەوە، داوامان لێکردوون کە لەڕێگەی وڵاتەکانیانەوە ڕۆڵ بگێڕن لە دوورخستنەوەی شەڕ لەناوچەکەدا، ئێمەش ئامادەین کێشەکان بە دیالۆگ چارەسەر بکەن.
لە کۆنگرە ڕۆژنامەنووسییەکەدا، جەبار یاوەر وتی:لە ماددەی نۆ-ی دەستووری عێراق-دا هاتووە، کە بەکارهێنانی هێز دژی هەرێمی کوردستان نا دەستوورییە، ئێمەش وەک هێزی پێشمەرگە، ئامادەین بە گفتوگۆ کێشەکانی نێوان هەرێمی کوردستان و عێراق چارەسەر بکەین، ئەوەیشی پەیوەندیدارە بە کێشەکانی نێوانمان، کە دە ساڵ زیاترە و نەتوانراوە چارەسەر بکرێت، بریتییە لە پرسی بودجە، پێشمەرگە، نەوتیشەوە.
وتیشی: ئێمە وەک پێشمەرگە، هێزەکانی عێراق و هێزەکانی دیکە بە برای خۆمان دەزانین و بەیەکەوە شەڕ دەکەین، تەنها تیرۆرستانی داعش دوژمنن، تیرۆرستانی داعش ڕاستە لە شارەکان نەماون، بەڵام وەک ڕێکخراو و کاری تیرۆرستی ماون.
لە بەشێکی دیکەی قسەکانیدا جەبار یاوەر، ئەمینداری گشتیی وەزارەتی پێشمەرگە ئەوەشی خستەڕوو، کە بەهۆی ئاڵۆزییەکانی نێوان هێزەکانی پێشمەرگە و چەکدارانی حەشدی شەعبی و هێزە عێراقییەکانی، تاوەکو ئێستا 60 پێشمەرگە شەهید بووە و 150 پێشمەرگەی دیکەش بریندار بوون، ئەو شەهیدانەش لەناوچەکانی خورماتوو، پردێ، کەرکووک، مەخمور و دوبز دراون.
جەبار یاوەر، ئاشکراشی کرد:لەدوای ئاڵۆزییەکان، وڵاتانی دۆست لەگەڵ هەرێم و بەغدا کەوتنە نێوەندگیری، سێ کۆبوونەوە لەنێوان وەزارەتی پێشمەرگە و هێزە عێراقییەکان کراوە، وەزارەتی بەرگری عێراقیش بۆ ڕێککەوتن لەگەڵ پێشمەرگە چەند مەرجێکی داناوە، کە هێزەکانی عێراق لە خاڵە سنوورییەکان بڵاوببنەوە، هەروەها پێشمەرگە بەشداری پێناکات لە پاراستنی ناوچە دابڕێنراوەکان.
وتیشی:داوامان لە عێراق کردووە کە شەڕەکان ڕابگیرێن، میکانیزمی هاوبەشی بەر لە ساڵی2014 جێبەجێ بکرێت، تاوەکو ئێستا هیچ ڕێککەوتنێک نەکراوە، تەنها هەوڵمانداوە کە کۆبوونەوەکان بەردەوام بن.[1]
05-11-2017

[1]