#عەلی حەمەساڵح#، ڕایدەگەیەنێت، کە 60 ملیۆن دۆلاری پارەی پترۆدۆلاری #کەرکووک# دیارنییە و چووەتە سەر حسابی تایبەتیی #نەجمەدین کەریم#.
ئەمڕۆ لەناو پەڕڵەمانی هەرێمی کوردستان، عەلی حەمەساڵح، ئەندامی لیژنەی دارایی پەلەمان کۆنگرەیەکی ڕۆژنامەنووسیی سازکرد.
عەلی حەمەساڵح، ئاشکرایکرد، کە ئێراق دەیەوێت نەوتی خورمەڵە و کێڵگەکانی کەرکووک بکاتە یەک و ئاستی بەرهەمهێنان بگەیەنێتە ملیۆنێک 500 هەزار بەرمیل نەوتی ڕۆژانە، بەمەش ناوچە کوردستانییەکان بەتەوایی لەڕووی ئابووریی و نەوتەوە دەکەوێتەوە ژێر دەستی حکومەتی ناوەندیی و حکومەتی هەرێم فەرامۆش دەکرێت.
ئەو پەڕڵەمانتارە، وتیشی:حکومەتی هەرێم بەنیازە بەم بابەتە ڕازیی ببێت لەپێناو ئەوەی، کارکردن لە کێڵگەکانی هاڤانا و بای حەسەن و خورمەڵە بدرێت بە کۆمپانیای کار، کە ئەمە زۆر مەترسیدارە و دەستبەرداربوونە لە ناوچە دابریندراوەکان.
عەلی حەمەساڵح، ئاماژەی بە دیارنەمانی پارەی نەوتی پترۆدۆلاری کەرکووک-یش کرد و وتی:لە 2016 و شەش مانگی یەکەمی 2017، واتا 18 مانگ 182 ملیۆن دۆلار لە پارەی پترۆدۆلار چووە بۆ کەرکووک، 60 ملیۆن دۆلاری دیارنییە چی بەسەر هاتووە و چووەتە سەر حسابی تایبەتیی نەجمەدین کەریم، پارێزگاری پێشووی کەرکووک، لە بانکی کوردستان، بۆیە دەبێت ئەم بابەتە ڕوون بکرێتەوە.
جێگای ئاماژەیە کۆتایی مانگی ڕابردوو حەسەن تۆرهان، ئەندامی ئەنجوومەنی نوێنەرانی ئێراق کە تورکمانە، نامەیەکی ئاڕاستەی #حەیدەر عەبادی#، سەرۆک وەزیرانی ئێراق کرد و داوایکرد ڕێوشوێنی دارایی بگرێتە بەر لە دیارنەمانی 46 ملیۆن دۆلار.
ڕۆژنیوز-یش بەدواداچوونی بۆ ئەو بابەتە کرد و دەرکەوت، کە ئەو پارانە چوونەتە سەر حسابی نەجمەدین کەریم، پارێزگاری پێشووی کەرکووک.[1]
#21-02-2018#

#22-02-2018#

#پارتی دیموکراتی کوردستان# بۆ هەڵبژاردنی ئەنجوومەنی پارێزگای #کەرکووک#، کوڕێکی پارێزگاری پێشووی کەرکووک دکتۆر #نەجمەدین کەریم# کاندید دەکات.
سیروان نەجمەدین کەریم، لە دوای کۆچی دوای باوکی وەک سەرۆکی ئینستیوتی کورد لە واشنتۆن دەست بەکار بووە. پارتی پێشنیاری بۆ کردووە یەکێک بێت لە کاندیدەکانی پارتی بۆ هەڵبژاردنی ئەنجوومەنی پارێزگای کەرکووک.
پارتی دەیەوێت لە ڕێگای کاندید کردنی کوڕی نەجمەدین کەریمەوە دەنگی لایەنگرانی پارێزگاری پێشوی کەرکووک بەدەست بهێنێت. [1]

دەقی پرسەنامەکەی کەجەکە:
بە داخ و پەژارەیەکی زۆرەوە هەواڵی کۆچی دوایی سیاسەتمەداری نیشتمانپەروەری کورد دکتۆر نەجمەدین کەریم-مان پێی گەیشت. دکتۆر نەجمەدین کەریم لە تێکۆشانی ئازادیخوازی گەلی کورددا لە پێناو یەکێتی نەتەوەیی و بونیادنانی دیپلۆماسییەکی هاوبەشی نەتەوەییدا خاوەن ڕەنج و ئەمەکێکی زۆرە.
دکتۆر نەجمەدین کەریم چەندین ساڵ لە دەرەوەی وڵات لە پێناو ناساندنی دۆزی کورد بە ڕای گشتی جیهان و دەستەبەرکردنی مافە ڕەواکان، خەباتی بێوچانی ئاکادیمی، سیاسی، کۆمەڵایەتی و کەلتووری بە شێوەیەکی کاریگەر بەڕێوەبردووە.
لەم خەباتەدا بەردەوام پەیوەندی لەگەڵ بزووتنەوکەمان هەبووە و پێشەنگایەتی بۆ خەباتی هاوبەش کردووە. دکتۆر نەجمەدین کەریم هەتا کۆتایی تەمەنی بەردەوام هەوڵی داوە لە ڕای گشتی گەلانی جیهاندا دۆستایەتی تازە بۆ گەلی کورد قازانج بکات و بۆ ئەوە تێکۆشاوە کە دەسکەوتەکانی گەلەکەمان لە هەر چوار پارچەی کوردستاندا بە ڕەسمی بناسێنرێن.
دکتۆر نەجمەدین کەریم دۆستێکی هێژای بزووتنەوەکەمان بوو. پێکهێنانی یەکێتی نەتەوەیی و ڕزگارکردنی کوردستان لە داگیرکەران لە بنەڕەتی ترین و گرنگترین خەبات و ئاواتەکانی دکتۆر نەجمەدین کەریم بوو. ئێمە وەکو بزووتنەوەی ئازادی کوردستان هەتا دوایی وابەستەی ئەم ئامانجەی دکتۆر نەجمەدین کەریم دەمێنینەوە.
بەم بۆنەیەوە پرسە و سەرەخۆشی و هاوخەمی خۆمان ئاراستەی هەموو گەلی کوردستان و بە تایبەت بنەماڵەی خوالێخۆشبوو دەکەین و هاوبەشی ئەو کۆستە گەورەیەتانین، هیوادارین ڕۆحی بە بەهەشتی بەرین شاد بێت. ئاواتە خوازی سەبرو ئارامی و دڵنەوایی بۆ هەموو لایەکین.
کۆمیتەی پەیوەندیەکانی کۆما جڤاکێن کوردستان (کەجەکە)[1]

دەقی پرسەنامەکەی کەنەکە:
پرسەنامە، بۆ گەلی کوردستان و بۆ خانەوادەی د. نەجمەدین کەریم
بە داخێکی گرانەوە هەواڵی کۆچی دوایی کاک نەجمەدین کەریم، یەکێک لە دامەزرێنەرانی کۆنگرەی نەتەوەیی کوردستان، بە گوێمان گەیشت. بەڕێز د. نەجمەدین کەریم لە باشووری کوردستان لە دەمی لاوێتیدا لە شۆڕشی ئەیلولدا بەشدار بوو و جێگەی دیار بوو. هەروەها هەمیشە لە ناو خەبات و تێکۆشینی وڵاتپارێزییدا بوو. لە ناو سیاسەتی کوردستانیشدا پێگەیەکی دیاری هەبوو. بەڕێز نەجمەدین کەریم گەلێک کاری شایانباسی بۆ یەکڕیزیی و یەکیەتیی نەتەوەیی کرد و هەروەها یەکێک بوو لە دامەزرێنەرانی ک.ن.ک. هەر لە دامەرزاندنەوە هەتا ساڵانێک وەکوو ئەندامی کۆنگرە مایەوە.
بە کۆچی دوایی نەجمەدین کەریم خەمبارین و لەگەڵ خانەوادە و هاوڕێیانیدا بەشداری ئەو خەم و ئازارە دەبین و لەو بارەوە سەرەخۆشی لە هەموو خەڵکی کوردستان دەکەین.
بە دڵنیاییەوە لە سەر ڕێبازی یەکیەتیی نەتەوەیی، ڕێبازی کاک د نەجمەدین و هاوڕێیانی کوردستانیی، بەردەوام دەبین و بۆ ئازادیی خەڵک و خاکی کوردستان تێ دەکۆشین.[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

#22-02-2018#

دەقی پەیامەکە:
هاونیشتمانیانی ئازیزی کەرکووک کوردستان
کەسوکاری سەربەرزی شەهیدان
پێشمەرگەکانی پاراستنی خاک و نیشتمان
ئەمڕۆ سێ ساڵ تێدەپەڕێت بەسەر تاوانکاری 16 ئۆکتۆبەر و داگیرکاری سەربازی عێراق بۆ شاری کەرکووک و ناوچە جێناکۆکەکان، کە حکومەتی عێراق دوور لە هەموو بنەما یاسایی و دەستووری و بەها مرۆڤایەتیەکان، دەرهەق بە دانیشتووانی ئەم ناوچانە ئەنجامیدا.
هاونیشتمانیانی ئازیز؛ بەپێی دەستور و یاسا خاوەندارێتی ئیداری و یاسایی و ئەمنی و سەربازیی کەرکووک و ئەم ناوچانە دەبێت بە هاوبەشی لە نێوان حکومەتی عێراق و حکومەتی هەرێم بەڕێوەببردرێت، بەڵام مەخابن لە ماوەی 3 ساڵی دوای ڕووداوەکانی 16 ئۆکتۆبەر، نەک حکومەتی ناوەندی تاک لایەنانە حوکمداری ئەم ناوچانەی کردووە، بەڵکو لە پەنای دەسەڵاتدارێتی تاک لایەنانەی سەربازی حکومەتی عێراقی لە کەرکووک و ناوچە جێناکۆکەکان، تاوانکاری تەعریب و ڕاگواستن و هەوڵی سڕینەوەی زمان و شووناسی کورد دەدرێت.
هەر بۆیە کۆتایهێنان بە پرۆسەی حکومی تاک لایەنانەی حکومەتی ناوەندی لە کەرکووک و ئەم ناوچانە زەورەتێکی حەتمیە و لەم ڕووەشەوە گفتوگۆکانی نێوان هەرێم و بەغدا لەسەر ئاسایکردنەوەی دۆخی ئەم ناوچانە هەنگاوەکانیان بەردەوامە و هیوایەک بۆ گەیشتن بە ڕێککەوتنی کۆتایی هەیە، هەروەها دەبێت ڕۆڵی نوێنەری نەتەوە یەکگرتووەکان لە عێراق زیاتر بکرێت، کە کار بکەن بۆ ئاساییکردنەوەی دۆخی کەرکووک سەرجەم ناوچاکانی دەرەوەی هەرێمی کوردستان.
لە کۆتاییدا سوپاسی خۆڕاگری هاونیشتمانیانی کەرکووک و ناوچە جێناکۆکەکان دەکەم و سەری ڕێز و نەوازشی بۆ شەهیدانی پاراستنی کەرکووک و کوردستان دادەنوێنین.
نووسینگەی
د. نەجمەدین کەریم[1]

سەرۆک جاشی فەوجی (35)
بەپێی ڕاپۆرتەکانی ڕێکخراوی کوردۆساید و دادگای باڵای ئێڕاق بەشداریی پڕۆسەی ئەنفالی کردووە.

بڕیاری نابەرپرسانەی پەرلەمانی عیراق به لادانی بەڕێز پارێزگاری #کەرکووک# له پۆستەکەی، لای حکوومەتی هەرێمی کوردستان مایه قبووڵکردن نییه و به هەموو شێوەیەک له هاوکاری و پشتگیریکردنی بەڕێز پارێزگاری کەرکووک که لەلایەن ئەنجومەنی پارێزگاوه هەڵبژێردراوه بەردەوام دەبین و وەک پارێزگاری شەرعیی کەرکووک مامەڵەی لەگەڵدا دەکەین.
بەڕێز پارێزگار که له بەڕێوەبردن و پێشخستن و دابینکردنی ئارامی و سەقامگیری و پتەوکردنی پێکەوژیان و ئاشتەوییی نێوان پێکهاته نەتەوەیی و ئایینییەکانی کەرکووکدا ڕۆڵێکی دیار و بەرچاوی هەیه و پارێزگاری له مافەکانی هەموو پێکهاتەکان کردووە، دەبووایه لەلایەن پەرلەمان و لایەنه بەرپرسەکانی دیکەی عیراقەوه دەستخۆشی و پشتگیری لێ بکرێت، نەک بڕیاری لادان و دوورخستنەوەی بدرێت.
له کاتێکدا عیراق به دۆخێکی ئاڵۆزدا تێدەپەڕێت، له جیاتی ئەوەی هەوڵ بدات گرژییەکان خاو بکاتەوە، کەچی به بڕیارێکی ئاوا، ناکۆکییەکان قووڵتر دەکاتەوە. ئەم بڕیارەی پەرلەمانی عیراق که هەر لەسەر کاغەز دەمێنێتەوە، نیشاندەری ئه و ڕاستییەیه که له عیراق لۆژیکی هێزی زۆرینه کۆتایی نەهاتووه و پێناچێت کۆتایی بێت، ‌هەروەها ئەوەش دەسەلمێنێت که ترس و نیگەرانییەکانی گەلی کوردستان له جێی خۆیدان و مافی ڕەوای خۆیەتی بڕیار لەسەر چارەنووسی خۆی بدات.
15-09-2017

ڤیدیۆ: دکتۆر #نەجمەدین کەریم# چۆن و چی دەوتە #لاهور شێخ جەنگی# و #ئاراس شێخ جەنگی#
ساڵ: 2018
[1]