حاکم قادر حەمەجان، ئەندامی دەستەی کارگێڕی مەکتەبی سیاسی یەکێتیی نیشتمانی کوردستان بەبۆنەی هاتنەوەی جەژنی پیرۆزی قوربانەوە پەیامێکی پیرۆزبایی ئاڕاستەی خەڵکی کوردستان کرد.
دەقی پەیام :
بەبۆنەی هاتنەوەی جەژنی قوربانی پیرۆزەوە , زۆر بەختەوەر دەبم جوانترین پیرۆزبایی خۆم ومەڵبەندی ڕێکخستنی #سلێمانی# ئاڕاستەی خەڵکی قارەمان وتێکۆشەری گەلەکەمان بەگشتی وشاری سلێمانی ودەوروبەری بەتایبەت بکەم , هەروەک پیرۆزبایی دەگەیەنمە بنەماڵه و کەسوکاری سەربەرز و ڕووسوری شەهیدانی هەرگیز لەیادنەکراوی گەلەکەمان وپیرۆزبایی ئه و جەژنە لەپێشمەرگه و زیندانیانی سیاسی وکەمئەندامانی سەنگەرو تەواوی فەرمانبەران وکارمەندانی دەوڵەت , پۆلیس وپۆلیسی هاتوچۆو ئاسایش وکارمەندانی تەندروستی وئاووکارەباو پیاوانی ئاگرکوژێنەوه و هەموو ئه و کارمەندانەی کەلەڕۆژانی جەژندا بۆپارێزگاری لەگیان وماڵی هاووڵاتیان وکەمکردنەوەی ڕووداوە چاوەڕوانکراوەکان ئێشکگرن وئەندامانی ڕێکخراووکۆمەڵه و سەندیکاکانی کۆمەڵگای مەدەنی و لە ژنان وگەنجانی گەنجینەی دواڕۆژی میلەتەکامان جەژنی قوربان پیرۆزدەکەم.
به و ئومێدەی ئەم جەژنە ببێتە مایەی خێرو خۆشی وفەراهەمکردنی ئارامی وسەقامگیری زیاتر بۆگەلی کوردستان بەگشتی وهاندەربێت بۆ ڕێکخستنەوەی نێوماڵی گەورەی گەلی کوردو هێنانەدی ئاوات وئامانجەکانی گەلەکەمان , هیواخوازم لەپێناو بەرزکردنەوەی ئاستی بژێوی کۆمەڵانی خەڵک وچاکترکردنی گوزەرانی هاووڵاتی بەگشتی باشترلەئێستا , کەلەگەڵ ژیان و خۆشگوزەرانی وپێشکەوتووی سەردەمدا گونجاوبێت , جەژنێکی پڕلەکامەرانی وئاسودەیی وبەختەوەری بەڕێ بکەین.
جەژنتان پیرۆزو هەموو ڕۆژێکتان جەژن وکامەرانی بێت..
شادو سەربەرزو سەرکەوتووبن.

=KTML_Bold=حاکم قادر ‌‌حەمەجان:
هیچ کات کورد هێندەی ئێستا لە بەغدا لاواز نەبووە=KTML_End=

- هیچ پێکهاتەیەک لە بەغدا، هێندەی پێکهاتەی گەلی کوردستان لاواز نەبووە.
- ئێمە و پارتی، دەبێ بگەڕێینەوە سەر مێزی گفتوگۆ و کێشەکان لە ڕێگەی دانووستاندن و لێکتێگەیشتنەوە چارە بکەین.
- بەردەوامیدان بە یەکنەگرتنەوەی هێزی پێشمەرگە، نە لە خزمەتی خاک و نیشتمان و گەلەکەماندایە، نە دەشبێتە هۆی بەرقەراربوونی ئارامی. [1]

سلێمانی، یاریگای سەرچنار - 1976

دەقی داواکارییەکەیحاکم قادر:
بەرێزان / سەرۆک و ئەندامانی ئەنجومەنی شارەوانی #سلێمانی#
بە لەبەرچاوگرتنی باری خراپی ئابوری هاوڵاتیان و هەرچی زیاتری گەیاندنی خزمەتگوزاری گشتی بە خەڵکی شاری سلێمانی و دەوروبەری و پڕکردنەوەی پێداویستی یەکانیان و بێ بەش نەکردنی تەواوی هاوڵاتیان لە هەموو ئه و پڕۆژه و کارە خزمەتگوزارییانە بەبێ جیاوازی , لەبارەی پرسی گرنگی گوڕستانی نوێ ی سلێمانی کە بۆتە جێی باسو خواسی خەڵک بە گشتی و نرخی ناشتنی تەرمی کۆچکردوان , بە پێویستی دەزانم چەند ڕوونکردنەوه و داخوازییەک کە سەرجەمیان بۆ بەرژوەندی هاوڵاتیان بخەمەڕوو , بەتایبەت کە دروستکردنی ئه و گۆڕستانە لەسەردەمی سەرۆکایەتی بەندەدا بەرێوەچووه و ئاگاداری تەواوی ڕێکارە ئەندازەیی و یاسایی یەکانیم...
1- کاروباری ناشتنی تەرم لە گۆرستانی نوێی شاری سلێمانیدا , کە دراوە بۆ کۆمپانیا , موڵکی شارەوانی یه و پێشتر تەواوی موڵکەکە لە خاوەن موڵکەکان کڕاونەتەوه و لەسەر سەرۆکایەتی شارەوانی سلێمانی تۆمارە.
2- بەجیا لە کۆتایی ساڵی 2006 شورای گۆڕستانەکە , لەسەر بودجەی شارەوانی سلێمانی تەواو کراوە.
3- بەپێی یاسای بەرێوەبەرایەتی شارەوانی یەکان.. خودی شارەوانی بەرپرسە و وەک ئەرک لەچوارچێوەی پڕۆسەی گەیاندنی خزمەتگوزاری گشتی دا پێویستە بێ منەتانە هەڵسی بە هاوکاری خەڵکی هەژارو نەدار ناشتن و بە خاک سپاردنی کۆچکردوانیان بەبێ بەرامبەر.
هەر لەبەر ئەم هۆکارانه و بەدەنگەوە چوونی نارەزایی خەڵک بەگشتی و دەزگا جۆراوجۆرەکانی میدیا و تۆڕە کۆمەڵایەتی یەکان و ڕێکخراوەکانی کۆمەڵگای مەدەنی , داواکارم هەرچی زووە بۆ پاراستنی بەرژوەندی باڵای خەڵک , ئه و گرێبەستە هەڵبوەشێتەوه و داواکاری هاوڵاتی بەهەند وەربگیرێت.
لەگەڵ ئه و پەڕی ڕێزم...
حاکم قادر حەمەجان
سەرۆکی پێشووی شارەوانی سلێمانی[1]

بروسکەی پیرۆزبایی جەژنی ڕەمەزانی پیرۆز
بەبۆنەی هاتنەوەی جەژنی ڕەمەزانی پیرۆز , جەژنی گەردن ئازادی و جەژنی شکاندنی ڕۆژوی مانگی ڕەمەزان , بەناوی خۆم و سەرجەم ئەندام ولایەنگرو کادیرو جەمامەوەری دڵسۆزی یەکێتی نیشتمانی کوردستان , گەرمترین و جوانترین پیرۆزبایی لەتەواوی #موسڵ#مانانی گەلەکەمان بەگشتی و کەسوکاری سەربەرزی شەهیدان و پێشمەرگە قارەمانەکان وزیندانیانی سیاسی وکەمئەندامانی سەنگەروسەرجەم چین وتوێژە جیاجیاکانی نێو کۆمەڵگای کوردەواری دەکەم.
وێڕای ئومێد خواستن بۆ قبوڵبوونی ڕۆژوو تاعەتی موسڵمانانی گەلی کوردی زۆرینەی پەیڕەوانی ئاینی پیرۆزی ئیسلام، هیوادارم ئەم جەژنە ببێتە وێستگەی ئاشتەوایی نێوان لایەنە سیاسیەکان وهێنانە کایەی کەشێکی لەبارو گونجاو بۆ چارەسەری کێشە هەڵواسراوەکان بەتایبەتی ودەستەبەری یەکگوتاری و هاوهەڵوێستی ویەکڕیزی , هەروەک هیوادارم لەم بۆنە پیرۆزەدا گەلەکەمان لەڕووی سیاسی یەوە بەسەر سەرجەم کۆسپ وتەگەرەکاندا سەرکەوێ وقەیرانەکان بە لێک تێگەیشتن تێپەڕێنێت وکۆتایی هێنان بێت بەزوڵم وستەمی نەتەوەیی و بەتایبەت لە#کەرکووک# وناوچە جێناکۆکەکان وخۆشگوزەرانی وباشترکردنی بژێوی وئاشتەوایی بۆخەڵک بڕەخسێت , جەژنی ئەمساڵ کۆتایی بێت بەنەهامەتی یەکان وببێتە سەرەتای دەسپێکردنی دۆناغێکی ئارام وسەقامگیرو ئومێد جێی نائومێدی بگرێتەوە و تیایدا گەشە بە پرسی سیاسی ولێکنزیککردنەوەی بۆچوونە جیاوازەکان بدرێت , لەم ڕۆژە پیرۆزەدا پێکەوە پاراستنی بەرژەوەندییە باڵاکانی گەلەکەمان بکەینە ناونیشانی پرۆژەی گەورەی یەکخستنەوەی نێوماڵی گەورەی گەلی کوردو لەگەڵ سەرجەم نەتەوه و پەیڕەوانی ئاینە ئاسمانییە جیاوازەکانی نیشتمان بەئارامی وپێکەوەیی بێ جیاوازی بیروڕائاینییەکان و دوورکەوتنەوە لەدیاردەی توندوتیژی جەژنێکی ئاسودە بەڕێبکەین.
دووبارە پیرۆزبێت جەژنی ڕەمەزان
هەموو ڕۆژێکتان جەژن و هەموو جەژنێکتان شادی کامەرانی بێت
شادو سەربەرزو سەرکەوتووبن..
حاکم قادر حەمەجان
ئەندامی دەستەی کارگێڕی مەکتەبی سیاسی
یەکێتی نیشتمانی کوردستان
#03-06-2019#

#حاکم قادر#، لە بارەی دۆخی ئێستای هەرێمەوە دەڵێت: ستەم لە گەلی کوردستان دەکرێت، هیچ بیانوویەک نەماوە بەغدا بودجە و مووچە بۆ هەرێم نەنێرێت.
حاکم قادر حەمەجان، ئەندامی ئەنجوومەنی باڵای سیاسیی و بەرژەوەندییەکانی #یەکێتیی نیشتمانیی کوردستان#، دەڵێت: لایەنە کوردستانییەکان ناکۆکییەکانیان لە بەغدا وەلا نەنێن، گەلی کوردستان زەرەر دەکات.
ئاماژە بەوەش دەکات، کاتی ئەوەیە سەرجەم لایەنە کوردستانییەکان بە یەکگرتوویی و یەکڕیزی ڕووبەڕووی ئەو ئاڵەنگاریانە ببنەوە کە لە بەغدا دەرھەق بە گەلی #کوردستان# دەکرێت و پێویستە پێکەوە بەرانبەر ئەو ستەمە بوەستینەوە.

بەبڕوای حاکم قادر، لە ئێستادا کە هەرێم ناتوانێت سەربەخۆ نەوت بفرۆشێت، هیچ بیانوویەک بۆ ئەوە نەماوە بەغدا بودجە و مووچە بۆ هەرێم نەنێرێت.
ئاماژە بە ئەوەش دەکات، ئەوەی ڕوو دەدات ستەمێکی گەورەیە لە گەلی کوردستان، بە تایبەت لە مووچەخۆران و فەرمانبەران و خانەنشینان دەکرێت، دەبێت فشارەکان چڕتر بکرێنەوە و سەرجەم لایەنە سیاسییە کوردستانییەکان بە یەکگرتوویی هەوڵبدەن شایستە داراییەکانی خەڵکی کوردستان بەدەستبهێنن. [1]

#حاکم قادر# حەمە جان، ئەندامی ئەنجوومەنی باڵای بەرژەوەندییەکانی #یەکێتیی نیشتمانیی کوردستان# ڕایدەگەیەنێت (لە ئێستادا #18-04-2023# هەرێم بە دۆخێکی سەختی داراییدا تێدەپەڕێت و پێش ئەوەی قەیرانی مووچە سەرھەڵبدات پێویستە بەخێرایی دەرچەیەک بدۆزرێتەوە. ئەگەر نا مانگی داهاتوو حکومەت ناتوانێت مووچە بۆ فەرمانبەران دابین بکات، بۆیە دەبێت فشار لە #بەغدا# بکرێت و لایەنە سیاسییەکانی کوردستان پێکەوە بە یەک دەنگ بەرگری لە ماف و شایستە داراییەکانی هەرێم بکەن). [1]

#حاکم قادر# حەمەجان ئەندامی ئەنجوومەنی باڵای سیاسیی و بەرژەوەندییەکانی یەکێتی سەردانی کۆمەڵەی ڕۆشنبیری موختارەکانی کوردستانی کرد و لەلایەن سەرۆک و جێگر و ستافی کۆمەڵەکەوە بە گەرمی پێشوازی لێکرا، لای خۆیەوە حاکم قادر حەمەجان ڕۆڵی کۆمەڵەکەی لە خزمەتگەیاندن بە هاووڵاتییان بەرز نرخاند و هیواشی خواست موختارەکان زیاتر لە خزمەتی یاسا و مافەکانی هاووڵاتییاندا کاربکەن،

لەو دیدارەدا ئەندامی ئەنجوومەنی باڵای سیاسیی و بەرژەوەندییەکانی یەکێتی باسی لە پەیوەندییەکانی یەکێتی و پارتی کرد و وتی: مامەڵەکردن بە تۆڵەکردنەوە و لۆژیکی کار و کاردانەوە لەنێوان هەردوو حزبدا بێجگە لە زیان بە دۆزی کورد و قازانج بە دوژمنانی گەلی کوردستان هیچ بەرهەمێکی تری نابێت.

تەئکیدی لەوە شکردەوە کە بە پێویستی دەزانن لە کەرکووک و ناوچە کوردستانییەکانی دەرەوەی هەرێم گەلی کوردستان بە یەک لیست بچنە هەڵبژاردنەوە.
لە بەشێکیتری قسەکانییدا حاکم قادر حەمەجان ڕایگەیاند دوژمنانی گەلی کوردستان بە بەرنامەیەکی ستراتیژی و ئەمنی داڕێژراو پلانیان داناوە بۆ بچووکردنەوەی هەرێمی کوردستان و بزووتنەوە ڕەواکەی و دەشڵێت: دەبێت پەند لە ڕابردوو وەربگرن چونکە گەلی کورد لەناوناچێت. [1]

زینەتێکی هەیە #سلێمانی# وەسفی ناکا زوبان بە ئاسانی
هەموو تاکێکی کورد بەگشتی وخەڵکی سلێمانی بەتایبەت لە هەر شوێنێکی جیهان بن پیرۆزبایتان لێدەکەم، بەهۆی یادی (234) ساڵەی بنیاتنانی پایتەختی میرنیشنی بابان، شاری هەڵمەت وقوربانی, شاری شاعیران، پایتەختی ڕۆشنبیری، شارە حیاتەکە، شاری سلێمانی، لە ڕۆژی (14)ی تشرینی دووەمی ساڵی (1784)زایینی لەلایەن ئیبراهیم پاشای بابانەوە.
ئاشکراشە سلێمانی یەکێکە لە شارە هەرە دڵگیر وئارام وخاوێن وڕۆشنبیری ناوچەکە کە خاوەنی هەڵکەوتەیەکی سروشتی جوانە ولانکەی چەندین کەڵە شاعیر ونوسەر بووە، وە ڕۆڵێکی بەرچاو ومێژوویی هەبووە لە بواری کوردایەتی وشۆڕشگێڕی وقوربانی وسیاسی و ئازادی ژنان وئەدەبی وڕۆشنبیری وهونەری وشارستانی ومرۆڤ دۆستی و ڕێزگرتن لە کەلتورو ئاینی جیا ,
بۆیە لێرەوە جەخت دەکەمەوە کە سلێمانی شایەنی ئاوەڕدانەوەیەکی زیاترە لەڕووی ئاوەدانی وخزمەتگوزاری وچەسپاندنی ئاسایش وئارامی وسەروەری یاسا وبوژاندنەوەی کەرتی ئابوری وبازرگانی. وەداواکاریشین بەهەموو ڕەنگ ودەنگە جیاوازەکانەوە وە بەکردار خەمی زیاتر لەم شارە
وخەڵکەکەی بخۆین وڕێگە نەدەین لە ڕەوڕەوەی شارستانی وجیهانگیری بەجێبمێنێت وبەپێچەوانەوە بیگەینینە ئاستی دەستە خوشکەکانی لە سەر ئاستی جیهان لەڕووی ئاوەدانی وسیستەم وپێشکەوتن وگەشتیاریەوە.
حاکم #قادر حەمەجان#
کارگێڕی مەکتەبی سیاسی (ی.ن.ک)
#14-11-2018#

=KTML_Bold=حاکم قاد حەمەجان، ئەندامی ئەنجوومەنی باڵای بەرژەوەندییەکانی یەکێتی:=KTML_End=

- پێویستە یەکێتی و پارتی لەسەر خاڵە ناکۆکەکانی نێوانیان لە بارەی ئەنجامدانی ھەڵبژاردنەوە ڕێکبکەون.
- بەهۆی خراپی پەیوەندی نێوان لایەنە سیاسییەکانەوە هەر ڕۆژەو لە #بەغدا# بەشێک لە دەستکەوتەکانی ڕابردوومان لە دەستدەدەین.
- دەبوایە هەڵبژاردن لە کاتی خۆیدا ئەنجامبدرایە و تەمەنی پەڕڵەمان درێژنەکرایەتەوە.
- وەک یەکێتی هەمیشە پێداگریمان کردووە دەبێت ڕەچاوی ئازادی بیروڕا و ئازادی ڕۆژنامەوانی بکرێت و لە چوارچێوەی یاسا بەرکارەکان مامەڵە لەگەڵ ڕۆژنامەنووسان بکرێت.
- پێویستە زەمینە بڕەخسێنرێت بۆ بیروڕای ئازاد کە یەکێکە لە بنەماکانی جاڕنامەی جیھانی مافەکانی مرۆڤ و دیموکراسی.
- پێویستە پێداچوونەوە بکرێت‌ لە یاسای ڕۆژنامەگەری و یاسایەکی دیکە بۆ میدیای ئەلیکترۆنی و سۆشیال میدیا دەربکرێت.
- دوژمنانی گەلی کورد هەوڵی بچووکردنەوە و لە قاڵبدانی هەرێمی کوردستان دەدەن. [1]