وەزارەتی بەرگریی ئەمریکا (پێنتاگۆن)، هاوشێوەی ساڵانی ڕابردوو لە بودجەی ساڵی 2019 دا بودجەی تایبەتی بۆ مەشق و پڕچەککردنی هێزەکانی پێشمەرگە تەرخانکرد. بودجەکەش 850 ملیۆن دۆلارە. ئەمە لەکاتێکدایە بۆ هەمان ساڵ بڕی 550 ملیۆن دۆلاری بۆ هەسەدەش تەرخانکردووە.
بەگوتەی بەرپرسانی باڵای ئەمریکا شەڕی دژی داعش نە لە عێراق و نە لە سووریا کۆتایی نەهاتووە، بۆیە دەبێت هاوکارییەکان بۆ هاوپەیمانەکانیان بەردەوامبن.
پێشمەرگە بەو هێزە ناسراوە لە 2014ەوە بەردەوام لەبری جیهان شەڕی دژی تیرۆر دەکات. بۆ ئەم مەبەستە ئەمریکا بە جیاو لە چوارچێوەی هاوپەیمانیی نێودەوڵەتیی دژی داعش پشتگیری لە پێشمەرگە کردووە.
ئەمجارە پشتگیرییەکان زیادیانکردووە و لە ڕاگەیاندنی پلانی بودجەی ساڵی 2019دا پنتاگۆن بڕی 850 ملیۆن دۆلاری بۆ پێشمەرگە تەرخانکردووە.
ئەم بڕە پارەیە لە کۆی ئەو ملیار و 400 ملیۆن دۆلارە دێت کە ئەمریکا بۆ پڕچەککردن و مەشقپێکردن بەو هێزانەی تەرخانکردووە، کە لە عێراق و سووریا شەڕی گرووپە چەکدارە تووندئاژۆکان دەکەن.
بەراورد بە 2018 ئەمریکا بڕی بودجەی بۆ پێشمەرگە زیادکردووە. لە 2018 دا بڕی 365 ملیۆن دۆلار بۆ پێشمەرگە تەرخانکرابوو، ئێستا بڕەکەی بۆ 850 ملیۆن دۆلار زیادکراوە، ئەمەش ئاماژەیەکە بۆ ئەوەی ئەمریکا هێشتا پێیوایە گرووپە چەکدارە تووندئاژۆکان مەترسین لەسەر ئاسایشی ناوچەکە.
جەیمس ماتیس، وەزیری بەرگریی ئەمریکا دەڵێت: یەکەمجار با ئاماژە بە کۆتاییهێنان بە خەلافەتە فیزیکییەکەی داعش بکەین، ئەمە هێشتا بەردەوامە، ئەوانەی لەگەڵ من لەنێو ئەم فڕۆکەیەن ئەمەیان بیرە کە گوتم شەڕی دژی داعش کۆتایی نەهاتووە.
دۆناڵد ترەمپ پێشتر بە قارەمان و جەنگاوەری بەتوانا وەسفی پێشمەرگەی کردووە، هەر لە سەرەتای دەستبەکاربوونییەوە بەباشی زانیوە پشتگیرییەکانیان بۆ پێشمەرگە زیادبکەن.
ترەمپ پێشتر لە وەڵامی پرسیارێکدا ڕایگەیاندبوو: ناوی کوردت هێنا؟ پێویستە لەگەڵ کورد کاربکەین و پێویستە پڕچەکیان بکەین، ئەوان سەلماندوویانە باشترین جەنگاوەرن، بەڕاستی سەلماندوویانە بۆ ئێمە وەفادارن. پێویستە پشتگیرییان بکەین، خاوەنی دڵی گەورەن، جەنگاوەری بەجەرگیشن، پێویستە زیاتر لە هەموو کاتێک هەماهەنگیمان لەگەڵیاندا هەبێت.
ئەم بڕە بودجەیەی پێنتاگۆن دەچێتە کۆنگرێسی ئەمریکا و پێویستە تاوەکو 1ی ئۆکتۆبەری ئەمساڵ پەسەندبکرێت.
هاوکات لەگەڵ پێشمەرگە، ئەمریکا بودجەی پێویستی بۆ هێزەکانی سووریای دیموکرات - هەسەدەش تەرخانکردووە. لە بەڵگەنامە پەیوەندیدارەکان بە بودجەی ئەمریکادا هاتووە، پێنتاگۆن لە بودجەی ساڵی 2018 دا نزیکەی 500 ملیۆن دۆلاری بۆ هاوپەیمانانی خۆی لە سووریا تەرخانکردبوو. ئەم ژمارەیە بۆ ساڵی 2019 بەرزکرایەوە بۆ 550 ملیۆن دۆلار.
هەسەدە دەیان هەزار شەڕڤانی هەیە و لە شەڕی سووریا بەهێزترین هاوپەیمانی ئەمریکایە. شەڕڤانانی یەکینەکانی پاراستنی گەل YPG بڕبڕەی پشتی هێزەکەن و هەم زۆرینەی هێزەکە پێکدێنن، هەم سەرکردایەتیشی دەکەن. هەسەدە و یەپەگە زۆربەی خاکی ڕۆژئاوای کوردستان و بەشێک لە ناوچەکانی سووریا، بەگشی زیاتر لە 25% ی خاکی ئەو وڵاتەیان لەژێر دەستە.
پێنتاگۆن لە بودجەی ساڵی 2018 دا بە کۆی گشتی داوای 606 ملیار دۆلاری کردبوو. بۆ ساڵی 2019 داوای زیادکردنی 80 ملیار دۆلاری دیکەی کرد و بەمەش بۆ ساڵی 2019 حکومەتی ئەمریکا پێویستی بە 686 ملیار دۆلارە.
ئەمریکا لە بودجەی ساڵی 2018 دا نزیکەی 65 ملیار و 800 ملیۆن دۆلاری بۆ بودجەی وەزارەتی بەرگریی دابینکردبوو، ئەم ژمارەیە لە ساڵی 2019 دا بۆ 89 ملیار دۆلار بەرزکراوەتەوە.[1]
#13-02-2018#

بەشی سووریا- ئەمریکا هەمدیسان چەک و چۆڵی سەربازیی بۆ هێزەکانی سووریای دیموکراتیک بەڕێ کرد.
بە پێی هەواڵی کوردپرێس، لە درێژەی پشتیوانییە چەک و چۆڵییەکانی ویلایەتە یەکگرتووەکانی ئەمریکا لە شەڕڤانانی هەسەدە لە شەڕی دژ بە داعش، بە گوێرەی زانیارییە بە دەست گەیشتووەکان لە سەرچاوەگەلی خۆجێی شەوی ڕابردوو 70 ئۆتۆمبیلی بارهەڵگری جیهازاتی سەربازی و چەک و چۆڵی ئەمریکی گەیشتۆتە دەستی هێزەکانی سووریای دیموکراتیک.
ئەمریکا پێشتریش لە بەراوری 5ی جوون 60 ئۆتۆمبیلی بارهەڵگر، 12ی جوون 50 ئۆتۆمبیلی بارهەڵگر، 21 و 26ی ئایپرێڵ 120 ئۆتۆمبیلی بارهەڵگر، 5ی جووڵای 82 ئۆتۆمبیلی بارهەڵگر، 9ی جووڵای 102 ئۆتۆمبیلی بارهەڵگر، 13ی 95 جووڵای ئۆتۆمبیلی بارهەڵگر، 17ی جووڵای 100 ئۆتۆمبیلی بارهەڵگر، 22ی جووڵای 100 ئۆتۆمبیلی بارهەڵگر، 27ی جووڵای 80 ئۆتۆمبیلی بارهەڵگر، 31ی جووڵای 100 ئۆتۆمبیلی بارهەڵگر و 7ی 112 ئۆتۆمبیلی بارهەڵگر جیهازات و چەک و چۆڵی قورس و نیوەقورس ڕەوانەی شەڕڤانانی هەسەدە کراوە. شەوی ڕابردووش 70 ئۆتۆمبیلی بارهەڵگری دیکەش گەیشتۆتە حەسکە کە سەرجەم دەکاتە 1 هەزار و 21 ئۆتۆمبیلی بارهەڵگر چەکی ئەمریکایی دراوەتە هێزەکانی سووریای دیموکرات لە باکووری ئەو وڵاتە.
هەسەدە لە ئێستادا لە 2 بەرەی ڕەقە بە ئۆپەراسیۆنی تووڕەیی فورات و بەرەزور بە ئۆپەراسیۆنی باهۆزی جەزیرە خەریکی شەڕ لە گەڵ تیرۆریستانی داعشن.[1]
14-09-2017

لە 36ەمین ڕۆژی هێرشەکانی سوپای تورکیا و سوپای سووریای ئازاد بۆ سەر #عەفرین#، =KTML_Mark_Begin=سوپای تورکیا ڕایگەیاند هەزار و 1931 چەکداری یەپەگە کوژراون. بەپێی ئامارێکی هەسەدەش 889 سەربازی تورکیا و چەکدارانی سوپای سووریای ئازاد کوژراون=KTML_Mark_End=.
ئەمڕۆ شەممە 24-2-2018، سەرۆکایەتیی ئەرکانی گشتیی سوپای تورکیا لە 36ەمین ڕۆژی ئۆپەراسیۆنی چڵە زەیتووندا ڕایگەیاند، پێشڕەوییەکان لە پێنج میحوەرەوە بەردەوامن بەتایبەتی لە هەردوو میحوەری جندرێس و ڕەجۆ. یەکەکانی تۆپهاوێژ و فڕۆکە جەنگییەکان بەشێوەیەکی چڕ پێگەکانی یەپەگە تۆپباران و بۆردوومان کردووە و بەهۆیەوە 58 چەکداری یەپەگە کوژراون.
هەر بەپێی ڕاگەیێندراوەکەی سوپای تورکیا، لە ماوەی 36 ڕۆژی ئۆپەراسیۆنەکەدا ژمارەی ئه و #شەڕڤان#انەی یەپەگە کە لە عەفرین کوژراون، گەیشتووەتە هەزار و 931 شەڕڤان.
بەپێی ئاماری فەرماندەیی هەسەدە، 98 شەڕڤان، 889 سەرباز و چەکداری ئۆپۆزیسیۆن لە ئۆپەراسیۆنی عەفرین کوژراون. لە بەرامبەردا تورکیا کوژرانی 32 سەرباز و 69 چەکداری ئۆپۆزیسیۆن و برینداربوونی 170 سەرباز و 214 سەربازی ڕاگەیاندووە.
بەڕێوەبەرایەتیی تەندروستیی عەفرین ڕایگەیاندووە، لە 28 ڕۆژی ئۆپەراسیۆنەکەدا 170 کەسی سڤیل گیانیان لەدەستدا و 460 کەسی دیکەش برینداربوون. نزیکەی 140 کەس لە قوربانییەکان ژن و منداڵن. بەپێی ئاماری ئەنجوومەنی بەڕێوەبردنی هەرێمی عەفرین، 60 هەزار کەس لە عەفرین ئاوارەبوون.[1]
#24-02-2018#

هەسەدە ڕایگەیاند ؛شەڕڤانانمان هلیکۆپتەرێکی سوپای تورکیایان خستووەتە خوارەوە وژمارێکی بەرچاو سەربازی سوپای تورکیا کوژراون.
$(ڕاجۆ)$
لە گوندی قودێ،شەڕڤانان هیلیکۆپتەرێکی سوپای تورکیایان خستە خوارەوە.
فڕۆکەکانی سوپای تورکیا ناوچەی ڕاجۆیان بۆردمان کرد کە لەم بۆردمانە فڕنی گەورەی نانی ڕاجۆ کرایە ئامانج و زیانی گەورەی پێکەیشتووە،بەجۆرێک کە فڕنەکە بەتەواوی لەکار کەوت.
لە کاتژمێر2ی دوانیوەرؤ لە نزیک گوندی قودێ شەڕڤانان بۆڵدەزێرێکی سوپای تورکیایان کردە ئامانج وبەتەواوی تێکیان شکاند.
دوێنێ ئێوارە لە کاتژمێر 4دا گوندی جێکا بە خەستی تۆپ باران کرا،هاوکات گوندی قودێ-ش بەفرؤکە کرایە ئامانج.
ئەمڕۆ لە گوندی قودی لە کاتژمێر 9ی بەیانیەوە شەڕێکی دژوار لەنێوان شەڕڤانانی ئێمە و سوپای تورکیا هاتە ئاراوە کە لە ئەنجامی ئەو شەڕەدا ژمارێکی زۆر سەرباز وچەتەی تورکیا کوژران.
لە کاتژمێر 1ی دوانیوەرؤ لە گوندی قودێ هێلیکۆپتەرەکانی سەپای تورکیا ناوچەکەیان تۆپ باران کرد.
$(شێی)$
دوێنێ لە کاتژمیر 3ی پاس نیوەڕۆ لە گوندی حاج بیلال لە نێوان شەڕڤانان و سوپای تورکیادا شەڕهاتە ئاراوە کە لە ئەنجامدا ژمارێکی زۆر سەرباز وچەتەی سوپای تورکیا کوژران.
کوژرانی 25 چەتە پشت ڕاس کراوەتەوە.
کاتژمێر 4ی دونیوەڕۆ فڕۆکەکانی سوپای تورکیا گوندەکانی ئەشکەفتا وتورموش-یان بۆردمان کرد کە لە ئەنجامی ئەو بۆردمانەدا دەرکەوت کە لە گوندی ئەشکەفتا کۆمەڵکوژی ڕویداوە و یەک بنەماڵە بونەتە ئامانجی فڕۆکە،دواتر تەرمەکانیان لەلایەن هاوڵاتیانەوە دەرهێنراون.
لە کاتژمێر 1و45 دەقەی پاش نیوەڕو فڕۆکەکانی تورکیا ناوچەی شێی-یان بۆردمان کرد.
شەڕڤانان لە نزیک گوندی حاجی بیلال چالاکیێکیان ئەنجام دا ولە ئەنجامدا پانزێڕێکی سوپای تورکیایان تێکشکامد.
$(جندرێس)$
لە کاتژمێر 4ی دوانیوەڕۆدا گوندی ئاخ چلێ چەندین جار بەفڕۆکە بۆردمان کرا،هەروەها گوندی کانی گەوەرکێ بەچەکی گران تۆپ باران کرا،
چەندین شوێنی چیای بریقەدار-ی گوندی حەمامێ بە چەکی قورس تۆپ باران کرا.
لە دیمەنەکاندا دەرکەوت کە تانکەکانی تورکیا لە ناوکەمپی پەنابەرانی ئاتمی، گوندەکانی دێربەلوت،ئاخچەلێ ەنزیک گەندی خەلیل تۆپ باران ئەکەن و سوپای تورکیا دانیشتوانی ئەو کەمپەی وەک قەڵگانی مرۆیی بەکار هاوردووە.
لە گوندی حاجی ئەسکەندەر لە نێوان شەڕڤانان وسەربازانی سوپای تورکیا شەڕێکی دژوار ڕویدا.
$(شێرا)$
سوپای تورکیا بە خەستی گوندە ئیزەدییەکانی بافلۆنێ و عەرەب وێرانیان تۆپ باران کرد.
لە کاتژمێر 1ی دوا نیوەڕۆدا سوپای تورکیا هێڵی باڵاوکردنەوەی ئاوی خواردنەوەی گوندی 'متینا-یان تۆپ باران کرد لە لەئانجامدا زیانێکی زۆر گەێشتە ئەو شوێنە.
کاتژمێر 1 فڕۆکەکانی سوپای تورکیا ماڵێکیان کردە ئامانج ولە ئەنجامدا یەک کەس شەهید و2 کەسی دیکە بریندار بوون.
$(بلبلێ)$
لە کاتژمێر 1ی پاش نیوەڕۆ فڕۆکەکانی سوپای تورکیا گوندی قستێل خدریا-یان کردە ئامانج.
لە کاتژمێر 9ی بەیانییەوە تاکو ئیستا شەڕێکی دژوار لەنێوان شەڕڤانان و سوپای تورکیا لەئارادایە.
لە کاتژمێر 11 فڕۆکەشەڕکەرەکان بەسەر ئاسمانی عەفریندا ئەگەڕان.
4 گولە تۆپ بەرگوندی موسانکێ-ی عەفرین کەوت.
#10-02-2018#

سەنتەری ڕاگەیاندنی هێزەکانی سووریای دیموکرات، ئاماری یەک هەفتەی شەڕی شەڕڤانان لەگەڵ سوپای تورکیا و چەکدارە هاوپەیمانەکانی لە #عەفرین# ڕاگەیاند. ئامارەکە لەگەڵ دوایین ئاماری سوپای تورکیا جیاوازە و هەر هەمان ئامارەکەی هەسەدە لەبارەی ئەو سڤیلانەی گیانیان لەدەستداوە جیاوازە لەگەڵ ئاماری تەندروستیی عەفرین.
سەنتەری ڕاگەیاندنی هێزەکانی سووریای دیموکرات (هەسەدە) لە بەیاننامەیەکدا ڕایگەیاند: ئۆپەراسیۆنی سەربازیی تورکیا و چەکدارە هاوپەیمانەکانی بۆ سەر کانتۆنی عەفرین بەردەوامەو لە 26ی کانوونی دووەمی2018 تاوەکو 1 ی شوباتی 2018 هێزەکانی هەسەدە زیانێکی زۆریان بە هێزەکانی تورکیا گەیاندووەو چەندین هێرشیشیان تێکشکاندوون.
ئامارەکەی هەسەدە بەمشێوەیە:
هێزەکانی تورکیا بە هەزار و 893 مووشەک و چەکی قورسی جۆراوجۆر قۆڵەکانی جەنگ لە عەفرین و کۆمەڵگە نیشتەجێکانی دیکەی کردوونەتە ئامانج.
فڕۆکە جەنگییەکانی تورکیا 460 هێرشی ئاسمانییان بۆ سەر کانتۆنی عەفرین و کۆمەڵگە نیشتەجێکانی دیکە ئەنجامداوە.
هەلیکۆپتەری جۆری کۆبرا 15 هێرشیان کردووەتە سەر قۆڵەکانی جەنگ و کۆمەڵگە نیشتەجێکان.
فڕۆکە بێفڕۆکەوانەکان بەردەوام لە ئاسمانی عەفرین سووڕاونەتەوە.
- تاوەکو ئێستا هێزەکانی تورکیا و هەسەدە 250 جار ڕووبەڕووی یەکدی بوونەتەوە.
473 سەربازی تورکیا و چەکدارە هاوپەیمانەکانی کوژراون.
32 تەرمی سەربازانی تورکیا و چەکدارانی هاوپەیمانی لە هێڵەکانی جەنگ جێماون.
هێزەکانی هەسەدە، فڕۆکەیەکی چاودێرییان خستووەتەخوارەوە، سەرەڕای تێکشکاندنی 25 تانک و زرێپۆش.
زیانگەیاندن بە11 تانک و زرێپۆش.
دەستگرتن بەسەر زرێپۆشێکی جۆری عەقرەب و زرێپۆشێکی گواستنەوەی سەربازان و بڕێک چەک و تەقەمەنی.
لەو شەڕوپێکدادانانەدا 34 شەڕڤان گیانیان لەدەستداوە.
30 کەسی سڤیل کوژراون، کە ژمارەیەکیان ژن و منداڵن، سەرەڕای دەیان بریندار.
دەستگیرکردنی شەڕڤانێک لەلایەن سوپای تورکیا، سەرەڕای ڕفاندنی 6 کەسی دیکە لە
گوندەکانی نزیک سنووری تورکیا لەلایەن سوپای تورکیا و هاوپەیمانانی.
ئامارەکانی تورکیا، کە ڕۆژی 1ی شوبات بڵاوکراوەتەوە:
-800 شەڕڤان ناچالاککراون.
- 480 پێگە و حەشارگە کراونەتە ئامانج.
- دەستگیراوە بەسەر 24 پێگە،21 گوند، 6 ناوچەی نیشتەجێبوون،26 خاڵ کە شەشیان شاخ و بەرزایی ستراتیژین و دوو شاخ گەمارۆدراون.
-بەهۆی مووشەکبارانی یەپەگە بۆ کلیس و هاتای 5 کەس گیانیان لەدەستداوە و 19 کەس برینداربوون و 41 خانووبەرە و باڵەخانە و مزگەوت و دووکان زیانیان بەرکەوتووە
لە کۆنفرانسێکی ڕۆژنامەڤانیدا بەڕێوەبەرایەتیی تەندروستیی عەفرین ڕایگەیاند، لەماوەی 13 ڕۆژی ئۆپەراسیۆنی تورکیا بۆ سەر عەفرین 104 کەسی سڤیل گیانیان لەدەستداوە و165 کەسی دیکەش برینداربوون. گوتیشی: لە 20ی کانوونی دووەمی 2018 تاوەکو یەکی شوبات، 104 کەسی سڤیل گیانیان لەدەستداوە و 165 دیکەش برینداربوون، کە لەنێویاندا منداڵ و ژن و کەسانی بەساڵاچوو هەن.[1]
#01-02-2018#

ماوەی 22 ڕۆژە هێرشی سوپای تورکیا و بەشێک لە هێزەکانی ئۆپۆزیسیۆنی سووریا، کە لەلایەن تورکیاوە پاڵپشتی دەکرێن بۆ سەر هەرێمی #عەفرین# لە ڕۆژئاوای کوردستان بەردەوامە.
لە ئەنجامی بۆردوومانی فڕۆکە جەنگییەکانی سوپای تورکیا بۆ سەر گوندی شکاتایا ماڵێک ڕووخا. خەڵکی گوندەکە تەرمی نەسرەت عوسمان، هاونیشتمانییەکی گوندەکە کە بەهۆی بۆردوومانەکە گیانی لەدەستدا لەژێر دار و پەردووی خانووەکەیدا هێنایەدەرەوە. بەگوتەی خەڵکی گوندەکە هێشتا تەرمی سێ بۆ چوار هاونیشتمانی دیکە لەژێر دار و پەردووی خانووەکەدا ماونەتەوە.
لە ئەنجامی تۆپبارانی سوپای تورکیا بۆ سەر گوندی بەرکاشی لە ناحیەی بلبل لە عەفرین، سێ کەسی سڤیل بە ناوەکانی: ئەیوب ئیبراهیم، ڕەشید سیدۆ و ئەحمەد ئیبراهیم برینداربوون.
لە هەمان کاتدا بە دەیان سەر مەڕ و ئامێری کشتوکاڵی و موەلیدەی کارەبا لەو گوندە لە ئەنجامی تۆپبارانەکەدا تێکشکان.
لەلایەکی دیکەوە تۆپخانەکانی سوپای تورکیا هەردوو گوندی بافلۆنا و عەرەب وێرانەی سەر بە شرایای عەفرینیان بەچڕی تۆپباران کردووە و بەرەبەیانی ئەمڕۆش فڕۆکە جەنگییەکان چەند ناوچەیەکی دەوروبەری ناحیەی بلبل و گوندی جلایای سەر بە شارۆچکەی ڕاجۆ و قەستەلی خدریان بۆردوومانکرد.
لە ئەنجامی بۆردوومانی فڕۆکە جەنگییەکان و تۆپبارانی سوپای تورکیا و شەڕ و پێکدادانەکان، دەیان کەسی سڤیل بوونەتە قوربانی و لە کۆی 400 خانووی گەڕەکی ژێرینا لە شارۆچکەی جندرێس، 200 خانوو وێران بوون.
بەیانی ئەمڕۆ شەممە سەرۆکایەتیی ئەرکانی گشتیی سوپای تورکیا ڕایگەیاند پێشڕەوییەکان لە عەفرین بەردەوامن و لە ماوەی 22 ڕۆژیئۆپەراسیۆنەکەدا ژمارەی ئه و شەڕڤانانەی یەپەگە کە لە عەفرین گیانیان لەدەستداوە، گەیشتووەتە هەزار و 141 شەڕڤان. هەروەها 17 سەرباز و 26 چەکداری سوپای سووریای ئازاد کوژراون. 74 سەرباز و 141 چەکداری سوپای سووریای ئازاد برینداربوون.
بەپێی ئاماری هەسەدەش، 488 سەربازی تورکیا و چەکدارانی سوپای سووریای ئازاد کوژراون، 32 تەرمیان جێماون، فڕۆکەیەکی چاودێری خراوەتە خوارەوە، 13 تانک تێکشکێنراون، 36 شەڕڤان گیانیان لەدەستداوە و شەڕڤانێک بەدیل گیراوە.
بەپێی ئاماری ئەنجوومەنی بەڕێوەبردنی هەرێمی عەفرین؛ 160 کەسی سڤیل گیانیان لەدەستداوە، لەنێویاندا 26 منداڵ و 17 ژن هەن، 395 کەسیش برینداربوون و 60 هەزار کەس لە عەفرین ئاوارەبوون.
بەگوێرەی سەرچاوە خۆجێیی و پەیوەندیدارەکان، لە سەرەتای هێرشی تورکیا بۆ سەر عەفرین لە ڕۆژئاوای کوردستان 60%ی ئابووری عەفرین زیانی بەرکەوتووە. بەگوتەی چاودێران ئەگەر هێرشی تورکیا بۆ سەر عەفرین بەمشێوەیە بەردەوام بێت، ئەوا هەزاران کرێکار و کاسب و خاوەنکار کارەکانیان لەدەستدەدەن. [1]
#10-02-2018#

هێزەکانی سووریای دیموکرات(هەسەدە) ڕزگارکردنی 1200 خەڵکی مەدەنی لە شارۆچکەی هەجینی سووریا لەدەست #داعش# ڕاگەیاند.
ناوەندی ڕاگەیاندنی هێزەکانی سووریای دیموکرات(هەسەدە)، ڕایگەیاند لە شارۆچکەی هەجینی باشووری ڕۆژهەڵاتی دێرەزوور، پێکدادان لەنێوان #شەڕڤان#انی هەسەدە و چەکدارانی داعش ڕوویداوە. لەماوەی 24 کاژێری ڕابردوودا شەڕڤانان توانیویانە 1200 کەسی مەدەنی لەدەست داعش ڕزگار بکەن، کە بەشی زۆریان لە ژن و منداڵ پێکهاتوون.
هەسەدە لە ڕاگەیێندراوەکەیدا، باسیشی لەوەکردووە، چەکدارانی داعش لە هەجین و باخۆز تەنگەتاو بوون و گوشار لە خەڵکی دەکەن بۆ ئەوەی چەک لە دژی شەڕڤانان بەکاربێنن و شەڕ بکەن.
دواین قۆناخی ئۆپەراسیۆنی دژی داعش لە 10-9-2018 لەلایەن شەڕڤانانی هەسەدە دەستیپێکردبوو، لە ئۆپەراسیۆنەکەدا تاوەکو نزیک شارۆچکەی هەجین شەڕڤانان پێشڕەویانکردووە، کە بە قەڵای داعش ناسراوە. لە میحوەری باخۆزیش بەهەمان شێوە داعش گورزی بەرکەوتووە.[1]
#04-12-2018#

هەسەدە ئاماری شەهید و بریندارانی شەڕەکانی عەفرینی بڵاوکردەوە و ڕایگەیاند، تا ئێستا 43 شەڕڤانیان شەهیدبوون و لە بەرامبەردا 308 چەکداری هێرشبەر لە سوپای تورکیا و گروپەکانی تر کوژراون.
هێزەکانی سوریای دیموکرات هەسەدە ئەمڕۆ هەینی بەیاننامەیەکی لەسەر شەڕ و پێکدادانەکانی چەند ڕۆژی ڕابردووی عەفرین بڵاوکردەوە و ڕایگەیاندووە، لە ماوەی حەوت ڕۆژی هێرشەکانی تورکیا بۆ سەر عەفرین لەسەرجەم بەرەکان زیاتر لە 699 گوللە هاوەن ئاراستەی هێزەکانیان کراوە و 191 هێرشی ئاسمانی لە دژیان ئەنجامدراوە و 136 شەڕو پێکدادان ڕویداوە.
ئاماژە بەوەشکراوە، لە شەڕەکاندا، 308 چەکداری هێرشبەر لە سوپای تورکیا و گروپەکانی تر کوژراون کە دوانیان ئەفسەری پلەبەرزبوون.
ئەوەشی تیادا هاتووە، لە ئەنجامی بۆردومانەکان تا ئێستا 59 هاوڵاتی مەدەنیش شەهیدبوون و زیاتر لە 134 هاوڵاتیش برینداربوون و لە هێزەکانی هەسەدەش تا ئێستا 43 شەڕڤانیان شەهیدبوون و کە 8 شەڕڤانیان ئافرەتن.
ئەوەش هاتووە، لە شەڕەکاندا بڕێکی زۆر چەک و تەقەمەنی دەستیبەسەردا گیراوە و 4 ئۆتۆمبێلی سەربازی جۆری دوپشک و 4 زرێپۆشی گوێزەرەوەی سەرباز و 3 تانکی گەورە و هەمەرێک تێکشێندراون.
رۆژی شەممە 20ی کانوونی دووەمی 2018، سوپای تورکیا بە بەکارهێنانی هێزی ئاسمانی، زەمینی لەژێر ناوی ئۆپەراسیۆنی چلی زەیتون هێرشی بۆ سەر شاری عەفرین لە ڕۆژئاوای کوردستان دەستپێکرد و ژمارەیەک هاوڵاتی و شەڕڤان شەهید و برینداربوون و ژمارەیەک سەربازی سوپای تورکیا و چەکدارانی ئۆپۆزسیۆنی سوریا کوژراون و برینداربوون.[1]
#26-01-2018#

هێزەکانی سووریای دیموکرات - #هەسەدە# لە ڕۆژئاوای کوردستان ڕایگەیاند، پابەندن بە هەموو ڕێککەوتنەکان لەگەڵ هاوبەشەکانیان لە ناوچەکە، بەڵام تورکیا و هاوپەیمانە بەکرێگیراوەکانی ڕێککەوتنەکان پێشێل دەکەن.
کینو گابرێل، گوتەبێژی هەسەدە، ئەمڕۆ دووشەممە 27ی نیسان ڕایگەیاند بەمدواییە چەندین هەواڵ و لێدوانی هەڵبەستراو لەلایەن چەندین هەژماری فەرمیی وەزارەتی بەرگریی تورکیا لە ئینتەرنێت بڵاوبوونەوە، کە یەکێکیان هەژماری فەرمیی ئەنجوومەنی ئاسایشی نەتەوەیی تورکیایە، هەواڵ و زانیاریی درۆی بڵاوکردەوە سەبارەت بە ڕەوش و پێشهاتە سەربازییەکان لە ناوچەکانی #سەرێکانی# و گرێسپیی داگیرکراو و ناوچەی تەلڕەفعەت.
گوتەبێژەکەی هەسەدە دەڵێ هەموو ئەو هەواڵانە بێ بنەمان و هەوڵێکی نەزۆکن بۆ بەلاڕێدابردنی ئەو ڕاستییەی ڕوودەدات لەڕووی پابەندبوونی هێزەکانمان بە ئەرکی خۆیان بەرامبەر ئەو ڕێککەوتنانەی کە لەمبارەیەوە واژۆ کراون، لەکاتێکدا هیچ هێزێکمان لەو ناوچانە نییە و پابەندین بە هەموو ڕێککەوتنەکان لەگەڵ هاوبەشەکانمان لە ناوچەکە.
گوتەبێژی هەسەدە ئاشکراشی کرد بە پێچەوانەوە، هێزەکانی تورکیا و هاوپەیمانە بەکرێگیراوەکانیان بەردەوامن لە بۆردومانکردنی گوندەکانی دەوروبەری ئەو ناوچانە، کە بوونەتە هۆی بریندارکردنی خەڵکی سڤیل و تێکدانی ژێرخان.[1]
#27-04-2020#

ناوەندی میدیایی هێزەکانی سووریای دیموکرات (هەسەدە) دوایین زانیاریی لەبارەی پێکدادانەکانی 2ی شوباتی #عەفرین# بڵاوکردەوە. بەپێی ڕاگەیێندراوێکی هەسەدە، لە سەرجەم میحوەرەکانی شەڕ لە عەفرین هێزەکانیان زیانیان بە سوپای تورکیا و چەکدارە هاوپەیمانەکانیان گەیاندووە.
ناوەندی میدیایی هێزەکانی سووریای دیموکرات ڕاگەیێندراوێکی بۆ ڕای گشتیی بڵاوکردووەتەوە و تێیدا کۆی قوربانییانی پێکدادانە چەکدارییەکانی ڕۆژی 2ی ئەم مانگەی لە عەفرین بڵاوکردووەتەوە.
لە ڕاگەیێندراوەکەدا هاتووە، کە سوپای تورکیا، جندرێس و گوندی حەمامی بە چەکی قورس بۆردوومانکردووە. بەڵام لە شەرا هەسەدە بە چەکی قورس هێرشی کردووەتە سەر سوپای تورکیا. هەروەها لە بلبلێ سوپای تورکیا و چەکدارانی سوپای سووریای ئازاد هێرشێکیان بە چەکی قورس و بە پشتگیریی هێزی ئاسمانیی ئەنجامداوە و شەڕ و پێکدادانی ڕاستەوخۆ ڕوویداوە.
راگەیێندراوەکەی هەسەدە ئاماژەی بە شەڕ و پێکدادانەکان لە ناوچەکانی شییە، ماباتا، ڕەجۆ و ناوچەکانی دیکە کردووە. بەپێی هەسەدە، لەو ناوچانەش زیانیان بە سوپای تورکیا و چەکدارە هاوپەیمانەکانیان گەیاندووە.
سەبارەت بە شەڕ و پێکدادانەکانی ناوچەی شەهبا، لە ڕاگەیێندراوەکەی هەسەدەدا هاتووە، کە هێزەکانیان 3 ناوچەی چڕبوونی سوپای تورکیا لە ناوچەی دەورووبەری شاری مارع و، 4 ناوچەی دیکەی دەوروبەری گوندی گولچبرینیان بە چەکی قورس بۆمباران کردووە.
ناوەندی میدیایی هێزەکانی سووریای دیموکرات (هەسەدە) لە ڕاگەیێندراوەکەیدا جگە لە ئاماژەدان بەوەی زیانیان بە سوپای تورکیا و چەکدارانی سوپای ئازادی سووریا گەیاندووە، هیچ ئامارێکی لەبارەی کوژراو و برینداران نەداوە، چ لە هێزەکانی هەسەدە چ لە سوپای تورکیا و چەکدارە هاوپەیمانەکانی.
رۆژی 2ی شوبات ئاژانسی فەرمیی تورکیا کۆنترۆڵکردنی چیای دارمکی ڕاگەیاند. چیاکە گرنگییەکی ستراتیژیی هەیە، دەکەوێتە باکووری خۆرئاوای عەفرین و بەشێکیشی لە خاکی تورکیادایە. لە ڕاگەیێندراوەکەی هەسەدەدا هیچ شتێک لەبارەی کۆنترۆڵکردنی چیاکە لەلایەن سوپای تورکیاوە نەهاتووە.[1]
#02-02-2018#