بڕیارە لە ڕێکەوتی #16-07-2023# دادگای فیدراڵیی ئێراق لەبارەی سکاڵایەک کە دژی ئەنجوومەنی کۆمیسیارانی کۆمیسیۆنی باڵای هەڵبژاردنەکانی هەرێمی تۆمارکراوە کۆببێتەوە.
ئەمڕۆ یەکشەممە ڕێکەوتی 16-07-2023 دادگەی فیدراڵیی ئێراق لەبارەی سکاڵایەک کە لەلایەن #زیاد جەبار#، سەرۆکی فراکیسیۆنی یەکێتی لە خولی پێنجەمی پەڕڵەمانی کوردستان تۆمارکراوە، کۆدەبێتەوە.
زیاد جەبار سکاڵاکەی دژی ئەنجوومەنی کۆمیسیارانی کۆمیسیۆنی باڵای هەڵبژاردنەکانی هەرێمی کوردستان تۆمارکردووە و دەڵێت نایاساییە.
ئەوە لەکاتێکدایە، ڕۆژی 30ی ئایار دادگای باڵای فیدراڵیی ئێراق تاوتوێی ئەو سکاڵایەی کرد کە دژی درێژکردنەوەی تەمەنی خولی پێنجەمی پەڕڵەمانی کوردستان تۆمارکرابوو، دادگاکە بڕیاریدا کە ئەو کارە نادەستوورییە.
دوای بڕیارەکەی دادگای فیدڕاڵی، کۆمیسیۆنی هەڵبژاردنەکانی هەرێمی کوردستان کە لە 22ی ئایار بە دەنگی 58 پەڕڵەمانتاری پارتی و پێکهاتەکان کارا کرایەوە، نایاساییە و هەڵوەشایەوە. [1]

$باکووری کوردستان$
- #ئایشە ئاجار باشاران# وەکو وتەبێژی نوێی ئەنجومەنی ژنانی پارتیە گەلانی دیمۆکراتیک-#هەدەپە# هەڵبژێردرا.[1]
$رۆژهەڵاتی کوردستان$
- #سیامەند ڕەحمان#، پاڵەوانی کوردی پارائۆڵیمپی لە تەمەنی 32 ساڵیدا بە جەڵتەی دڵ کۆچی دوایی کرد.[4]
- سەر لە بەیانی ئەمڕۆ، زیندانییەکی کورد بە تۆمەتی کوشتنی بە ئەنقەست بە ناوی ئەمیر محەمەدپوور خەڵکی شاری #بۆکان# لە بەندی لاوانی زیندانی #ورمێ# لە سێدارە درا. ئەو زیندانییە کوردە، پێشتر بە تۆمەتی کوشتنی بە ئەنقەست دەسبەسەر و دواتر لەلایەن دەزگای قەزایی حکوومەتی ئێران، بە ئێعدام مەحکووم کرابوو.[7]
- هێزە ئیتلاعاتییەکان بە هێرش کردنە سەر ماڵی هاووڵاتییەک بە ناوی سەید مستەفا سەبری و کوڕەکەی بە ناوی سەید ئەحمەد سەبری لە شاری دێی پەسوێ سەر بە #پیرانشار#، بەبێ بەڵگەی یاسایی ئەوانیان دەسبەسەر کردووە. بە وتەی سەرچاوەیەکی ئاگادار، هێزە ئیتلاعاتییەکان پشکنینی ماڵی ئەو دوو هاووڵاتییە کوردەیان کردووە و هەندێک کەرەستەی کەسیی ئەوانیان لەگەڵ خۆیان بردووە.[7]
$باشووری کوردستان$
- وەزارەتی تەندرووستی بڵاویکردەوە، 4 هاوڵاتی لە #سلێمانی# تووشبووی کۆرۆنان و تەندرووستیان جێگیرە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/376670/0014.JPG=KTML_ImageCaption_Title=لە تۆڕە کۆمەڵایەتییەکانەوە: 01-03-2020=KTML_ImageCaption_CaptionStyle=000000=KTML_ImageCaption_Caption=لە تۆڕە کۆمەڵایەتییەکانەوە: 01-03-2020=KTML_ImageCaption_End=
- ئەمڕۆ، لەناو بەشێکی زۆری هاوڵاتیانی سنوری پارێزگای #هەڵەبجە# و تۆڕە کۆمەڵاتییەکاندا دەنگۆی توشبوونی هاوڵاتییەکی سنوری پارێزگای هەڵەبجە بە ڤایرۆسی کۆرۆنا بڵاوبووەتەوە، بەڵام بەڕێوەبەرایەتی گشتی تەندروستی هەڵەبجە لە ڕوونکردنەوەیەکدا ئەو دەنگۆیانەی ڕەتکردەوە و هۆشداریش دەداتە هاوڵاتیان.[3]
- تەندروستیی #چۆمان#: 844 کەس لە دەروازەی حاجی ئۆمەرانەوە گەڕاونەتەوە و کەرەنتینە کراون.[4]
- #نیاز عەبدوڵڵا#، ڕۆژنامەنوس و چالاکوانی مافەکانی مرۆڤ لەلایەن دادگای #هەولێر#ەوە داوای لێکرا ئامادەی دادگاییکردنی بێت لەسەر سکاڵایەکی مەتین دلۆڤان ئیدریس بارزانی، برازای #نێچیرڤان بارزانی#، داداگای هەولێر بێتاوانیی نیازی سەلماند و دۆسیەکەش داخرا.[2]
- سەرۆکایەتی شارەوانی و ئەنجومەنی شارەوانی سلێمانی وەک هێمایەک بۆ ڕۆڵی مێژوویی میرنشینی بابان، پێشنیازێکیان کرد کە شەقامی (100)مەتری شاری سلێمانی، ناوبنرێت شاڕێی بابان.[5]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/376670/0003.JPG=KTML_ImageCaption_Title=شەقامی سەد مەتری ناونرا شاڕێی بابان=KTML_ImageCaption_CaptionStyle=000000=KTML_ImageCaption_Caption=شەقامی سەد مەتری ناونرا شاڕێی بابان=KTML_ImageCaption_End=
- پێشەوا هەورامانی، گوتەبێژی فراکسیۆنی پارتی لە پەرلەمانی کوردستان لە ڕاگەیێنراوێکدا ئەوەی خستەڕوو، دووگی ئاژەڵ، خورمای قاچاخ، جگەر و جگەرە دەهێنرێنە هەرێمی کوردستانەوە و کەس ناتوانێت بیانپشکنێت. گوتەبێژی فراکسیۆنی پارتی لە پەرلەمانی کوردستان باسی لەوەش کردووە، هەندێک بارهەڵگر بۆ بارێک 11 هەزار دۆلار دەدەنە قاچاخچی و ملیۆنان دۆلار دەچێتە گیرفانی یەک-دوو کەس و نە ژیان و نە تەندروستیی خەڵکیان بۆ گرنگە.[4]
$رۆژئاوای کوردستان$
- بەرێوەبەرایەتی خۆسەری باکور و ڕۆژهەڵاتی سوریا جارێکی دیکە بانگەوازییەکی بڵاو کردەوە و ڕایگەیاند، ئەوان دەتوانن پێشوازی لە هاوڵاتییە مەدەنییەکانی ئیدلب بکەن کە بە هۆی شەڕ و پێکدادانەکانەوە کۆچبەر بوون.[1]
- لە بەردەوامی هێرشە داگیرکارییەکان، سوپای تورک و چەتەکانی، گوندی هربەل لە کانتۆنی شەهبا تۆپباران دەکەن.[6]
$دەرەوەی کوردستان$
- کورد ئاکاد بە هاوکاری ئینیستیتوی کوردی دۆسەڵدورف، یەکێتی مامۆستایانی کورد و زانکی دۆرتمووند، لەسەر ناوی زمانی دایک، فرەزمانی و فڕەڕەنگی کۆنفڕانسێکی ئەنجامدا.[1]
- بڕیار بوو، کاتژمێر 6:00ی ئێوارەی ئەمڕۆ، کۆبوونەوەی ئەنجومەنی نوێنەرانی عێراق بۆ متمانەدان بە کابینەی حکومەتەکەی محەمەد تۆفیق عەلاوی ئەنجامبدرێت، بەڵام بەهۆی ئامادەنەبووی ڕیژەی یاسایی پەرلەمانتاران کۆبوونەوەکە دواخرا. بەپێی زانیارییەکان، هیچ ئەندامێکی کورد و سونە ئامادەی کۆبوونەوەی ئەنجومەنی نوێنەرانی عێراق نەبوون، هەروەها فراکسیۆنی دەوڵەتی یاسا-ش ڕایانگەیاندبوو، کە ئەوان دەنگ بە کابینەی حکومەتەکەی عەلاوی نادەن.[6]
- میدیاکانی سوریا و ڕووسیا ڕایانگیاند، فڕۆکەیەکی تورک خرایە خوارەوە.[2]
- ئاژانسی سانای سوریا ڕایگەیاند، دوو فڕۆکە جەنگییەکەی سوپای سوریا لە لایەن دەوڵەتی تورکیا و چەتەکانیەوە خراونەتە خوارەوە و ئاماژەی بەوەش کرد، فڕۆکەوانەکان بە پەڕەشووت خۆیان هەڵداوەتە خوارەوە و باری تەندروستیان باشە. وەزارەتی بەرگری تورکیاش لەم بارەیەوە ڕایگەیاند، دوو فڕۆکەی جۆری SU-24-ی ڕژێمی سوریا لە ئیدلب خراونەتە خوارەوە.[1]

1-سالار مەحمود - یەکێتی
2-گەشە دارا - یەکێتی
3-ڕێواز فایەق - یەکێتی
4-زانا عەبدولڕەحمان - یەکێتی
5-قارەمان قادر - گۆڕان
6-عەلی حەمەساڵح - گۆران
7-عومەر عینایەت - گۆران
8-سۆران عومەر - کۆمەڵی ئیسلامی
9-عەبدولڕەحمان عەلی - گۆران
10-ئەنوەر قادر - گۆڕان
#13-02-2018#

ئاژانسە هەواڵییەکانی حکومەتی سووریا بڵاویان کردەوە بەچاودێری هێزەکانی ئەمریکا کاروانێک کە پێک هاتبوو لە 44 تانکەر نەوتی خاو لە دەروازەی مەحموودییەوە بەرەو هەرێمی کوردستان بەڕێکەوتوون.
ڕاگەیاندنەکانی حکومەتی سووریا ئاماژەیان بەوە داوە ئەو کاروانە نزیکەی 10 هەزار بەرمیل نەوتی لە خۆ گرتووە لە کێڵگەکانی جەزیرەی پارێزگای حەسەکەوە بۆ ناوچەی یەعروبیە بەڕێکەوتوون و پەڕیونەتەوە خاکی ئێراق و لە گوندی مەحمودییەوە بەرەو پارێزگای #دهۆک# ڕۆشتوون.

وەزارەتی کانزاکان و سەرچاوە سرووشتییەکانی سووریا هێزەکانی سووریای دیموکرات و ئەمەریکای تۆمەتبار کردووە بە بردنی نەوتی سووریا و فرۆشتنی بەنرخی هەرزان بە پاڵاوگەکانی هەرێم.
جاری یەکەم نییە حکومەتی سووریا باس لە ناردنی نەوتی ڕۆژاوای کوردستان بکات بۆ هەرێم، بەردەوام هێزەکانی ئەمەریکا بەوە تۆمەتبار دەکات کە ڕۆژانە سەرپەرشتی پڕۆسەی بردنی نەوتی وڵاتەکەی دەکات. [1]

$باشووری کوردستان$
- هاوکات لەگەڵ سەردانەکەی مەولود چاوشئۆغڵو، وەزیری دەرەوەی تورکیا بۆ هەرێمی کوردستان، سوپای تورک بۆردوومان و تۆپبارانی گوندەکانی #برادۆست# دەکات. کاتژمێر 12:00ی نیوەڕۆ، گوندی بێرکم بۆردوومان و گوندی خەلیفان سنووری برادۆست لەلایەن سوپای تورکەوە تۆپباران کرا. بۆردوومان و تۆپبارانەکان زیانی گیانیی بەدواوە نەبووە، بەڵام زیانی سروشتی ناوچەکە گەیاندووە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/286879/0005.JPG=KTML_ImageCaption_Title=رێوڕەسمی سوێندخواردنی نێچیرڤان بارزانی=KTML_ImageCaption_CaptionStyle=000000=KTML_ImageCaption_Caption=رێوڕەسمی سوێندخواردنی نێچیرڤان بارزانی=KTML_ImageCaption_End=
- #بەرهەم ساڵح# بۆ بەشداریکردن لە سوێندخواردنی سەرۆکی هەرێم گەیشتە #هەولێر#.[1]
- وەزیری دەرەوەی تورکیا و شاندێکی باڵای ئێران بۆ بەشداریکردن لە سوێندخواردنی #نێچیرڤان بارزانی# وەک سەرۆکی هەرێم گەیشتنە هەولێر. مەهدی ئەکەر پەرلەمانتاری ئاکەپە، هاکان کاراچای کۆنسوڵی تورکیا لە هەولێر، فاتیح یڵدز باڵێۆزی تورکیا لە بەغدا یاوەرەکانی چاوش ئۆغڵو بوون.[1]
- پاش ئەوەی لە تەمەنی هەشت ساڵیدا منداڵێکی ئێزدی لەگوندی کوچۆ سەر بە شارۆچکەی #شنگال# لەلایەن چەکدارانی #داعش#ەوە ڕفێندرا، دوای پێنج ساڵ لە کەمپی هۆلێ لە سوریا دۆزرایەوە. ئەو منداڵە ئێزدییە ناوی (حازم قاسم عەفدو)یە کە ئێستا تەمەنی 13 ساڵە، لە کەمپی چەکدارانی داعش لە سوریا دۆزراوەتەوە و دراوەتەوە بە ماڵی ئێزدییەکان لە هەرێمی جزیرەی ڕۆژئاوای کوردستان.[3]
- بڕیاربوو ئەمڕۆ کاتژمێر 11:00 کۆمەڵیک لە ڕۆشنبیر، ڕۆژنامەنووس، نووسەر و کەسایەتیی دژ بە داگیرکاریی دەوڵەتی تورک لە کۆنگرەیەکی ڕۆژنامەنووسییدا بەیاننامەیەکی هاوبەش بخوێننەوە، بەڵام ئاسایش ڕێگای پێنەدان. ئاسایشی #سلێمانی# بە بیانووی نەبوونی مۆڵەت ڕیگریی کرد، لەکاتێکدا بەستنی کۆنگرەی ڕۆژنامەنووسیی پێویستیی بە مۆڵەت وەرگرتن نییە.[2]
- بەپێی هەواڵێکی سایتی ژیان، #بافڵ تاڵەبانی# مەراسیمی سوێندخواردنی سەرۆکی هەرێمی کوردستان-ی لە شاری هەولێر جێهێشت. بەپێی هەواڵەکە، بافڵ تاڵەبانی، بەهۆی شوێنی دانیشتنەکەیەوە لەتەنیشت #ئیدریس نێچیرڤان بارزانی# توڕە دەبێت و بەشداری مەراسیمی سوێند خواردنی نێچیرڤان بارزانی ناکات و گەڕایەوە.[2]
- سەرۆکی فراکسیۆنی #نەوەی نوێ# لە پەرلەمانی هەرێمی کوردستان ڕایدەگەێنێت، سوێندخواردنی سەرۆکی هەرێمی کوردستان پێویستی بە کۆشک و تەلار و ئاهەنگ گێرا نەبوو، دەشڵێت پێویستە پەرلەمان کار لەسەر داخوازییەکانی خەڵک بکات، نەک مەراسمی لەو شێوەیە.[2]
- لە ئەنجامی ئاگرکەوتنەوە لە گوندی سفەیەی سەر بە شارۆچکەی خەبات لە سنووری پارێزگەی هەولێر سەدان دۆنم دەغڵودانی جووتیاران سووتا.[4]
$رۆژئاوای کوردستان$
- سەربازانی تورکیا لە ناوچەی سەرێکانی ئاگریان لە دەغڵودانی هاوڵاتییان بەردا. هەروەها بە هۆکاری نادیار لە تربەسپی ئاگرێکی گەورە کەوتەوە.[4]

خەندان ڕەڤەند گوهەرزی
لەماوەی ئەمساڵدا 107 هەزار و 500 ئۆتۆمبێلی نوێ هاتووەتە هەرێمی کوردستانەوه و بەهۆی ڕووداوەکانی هاتوچۆشەوە تەنها لە پارێزگای دهۆک 259 کەس گیانی لەدەستداوە.
بەڕێوەبەرایەتی هاتوچۆی دهۆک ئاماری ڕووداوەکانی ساڵی 2013 لە کۆنگرەیەکی ڕۆژنامەنووسیدا بۆ دەزگاکانی ڕاگەیاندن خستنەڕوو، کەلە ماوەی ئەم ساڵەدا هەزار و 1320 ڕووداوی هاتووچۆ ڕوویانداوە.
ئازاد تاها، بەرپرسی بەشی ڕاگەیاندن لە بەڕێوەبەرایەتی هاتوچۆی دهۆک وتی: "لە ساڵی 2013 دا لە سنووری پارێزگای دهۆک هەزارو 320 ڕووداوی هاتوچۆ ڕوویانداوه و به و هۆیەوە 259 کەس گیانی لە دەست داوە و چوار هەزار و 100 کەسیش بریندار بوون".
ئازاد تاها وتیشی: "23 هەزارو 230 مۆڵەتی شۆفێری بە پیاوان دراوە و هەزار و 949 مۆڵەتیش دراوە بە ژنان".
بەرپرسی بەشی ڕاگەیاندن لە بەڕێوەبەرایەتی هاتوچۆی دهۆک ئەوەشی خستەڕوو: هەر لەم ساڵدا 23 هەزار و 836 ئۆتۆمبێل تۆمارکراون و هەزار و 293 ئۆتۆمبێلیش لەناوبراون، لە بەرامبەردا 107 هەزار و 500 ئۆتۆمبێل هاتوونەتە ناو هەرێمی کوردستانەوە.
- 31-12-2013

180 کۆمپانیاى بازرگانى ئەمەریکى لە هەرێمى کوردستان کاردەکەن و بەشێک لە کۆمپانیاکانیش ماوەى چەندین ساڵە حکوومەتى هەرێمى کوردستان قەرزاریانە.
لە ئێستادا ڕێکەوتی #16-06-2023# 180 کۆمپانیاى ئەمەریکى کە لە بوارى جیاواز لە هەرێمى کوردستان وەبەرهێنان دەکەن زۆرترین ڕێژەى ئاستى وەبەرهێنانى کۆمپانیا ئەمەریکییەکان لە بوارى نەوت و وزەیە کە بە ملیۆنەها دۆلار دەخەمڵێندرێت.
ترسى کۆمپانیا ئەمەریکییەکان لە هەرێمى کوردستان پەیوەندى بەوەوە هەیە کە بەشێک لە کۆمپانیاکانى، لە ماوەى 8 ساڵى ڕابردوودا، ڕووبەرى گرفتى وەرگرتنى پارە بوون لەلایەن حکوومەتى هەرێمى کوردستانەوە و تاوەکوو ئێستاش ئەو کێشەیە چارەسەر نەکراوە.
بەشێک لەو کۆمپانیایانەى کە لەگەڵ حکوومەتى هەرێمى کوردستان کاریانکردووە لەگەڵ ئەوەى فەرمانى ئەنجوومەنى وەزیران و وەزارەتى دارایى حکوومەتى هەرێمى کوردستانیان هەیە، بەڵام بەهۆى نەبوونى پارەى نەختینەى بانکى، ماوەى چەند ساڵێکە پارەکانیان بۆ خەرج ناکرێت، لەگەڵ ئەوەى چەندین جار بەپرسانى کونسڵخانەى ئەمەریکا لە #هەولێر# لەگەڵ بەرپرسانى حکوومەتى هەرێم لەو بارەیەوە قسەیان کردووە. [1]

دوای ئەوەی وەزارەتی پلاندانانی عێراقی ئاماری کەمئەندامانی ئاشکراکرد کە لە 5%ی دانیشتوانی عێراق پێکدەهێنن، وەزارەتی کاروکاروباری کۆمەڵایەتی #هەرێم#یش، ئاماژەبەوەدەکات ڕێژەی کەمئەندامان لە 2%ی دانیشتوانی هەرێم پێکدێنن.
بە پێی ڕاپۆڕتێکی وەزارەتی پلاندانانی عیراق کە بڵاوکراوەتەوە، ژمارەی کەمئەندامان لە عیراقدا گەیشتۆتە زیاتر لە یەک ملیۆن و 357 هەزار کەس لە 13 پارێزگادا جگە لە #هەرێمی کوردستان# و هەردوو پارێزگای نەینەوا و ئەنبار کە دەکاتە 5%ی دانیشتووانی عیراق.
لە ڕاپۆرتەکەی وەزارەتی پلاندانانی عێراقدا، ڕێژەی کەمئەندامان لە بەغدای پایتەخت بەرزترین ئاستی تۆمارکردووە، پاشان پارێزگای بەسرە، دواتر پارێزگاکانی واست، نەجەف، میسان و موسەننا.
هەر بەپێی ڕاپۆرتەکە، ژمارەی کەمئەندامان لە ڕەگەزی نێر دەگاتە 770 هەزار کەس بە ڕێژەی 57%، ڕەگەزی مێ 580 هەزار کەس بە ڕێژەی 43% لە کۆی گشتی، هەروەها ڕێژەی 75% لە شارەکان و 25% یش لە گوندەکان تۆمارکراون.
بەپێی ئامارەکانی وەزارەتی کارو کاروباری کۆمەڵایەتی #حکومەتی هەرێم#یش، ژمارەی کەمئەندامان، لە 2%ی دانیشتوانی هەرێمی کوردستان پێکدەهێنن و ڕێژەکەشی لەسەرووی 100 هەزار کەس دەبێت.
محەمەد هاودیانی، وەزیری کاروکاروباری کۆمەڵایەتی لەوبارەیەوە بە دواڕۆژی ڕاگەیاند ساڵانە دەبێت وەزارەتی کار پشکنین ئەنجامبدات و لە هەموو وڵاتانی دونیا وایە، بۆ ئەوەی وەزارەت ئاگاداری تەواوی کەمئەندامان بێت و بزانین کێن و چین‌ و ئاستی کەمئەندامییەکەیان چەندە و لەبەر چی و چۆن کەمئەندام بوون.
وەزیری کار، وتیشی پێشتر 111 هەزار کەس بووە و لای ئێمە ماوەتەوە 92 هەزار کەس، ئەوانەی هەندێکی تر دووبارە نێردراونەتەوە بۆ پشکنین تائێستا کارەکانی لیژنەی پشکینی کەمئەندامان لە چەند شوێنێک تەواونەبووە، بەڵام بەتەواوبوونی کاری لیژنەکان چاوەڕواندەکرێت ژمارەی زیاتر لە 21 هەزار کەمئەندام بە یەکجاری موچەکانیان ببڕدرێت.[1]
ماڵپەڕی دواڕۆژ: 16-08-2017

بەرێز سەرۆکایەتی پەرلەمانی هەرێمی کوردستان
بەڕێزان سەرجەم فراکسیۆنەکانی پەرلەمان

ئازادکردنی ڕێبەر عەبدوڵڵا ئۆجەلان داواکاریی سەرجەم گەلی کوردە

بەڕێزان ماوەی پانزە ساڵە ڕێزدار عەبدوڵڵا ئۆجەلان بە هۆی پیلانگێڕییەکی نێودەوڵەتی و هەماهەنگی دەزگا هەواڵگرییەکانەوە ڕفێنراو و ڕادەستی حکومەتی تورکیا کرا و تا ئێستا لە ژوورێکی تاکە کەسی لە زیندانی ئیمراڵی دەستبەسەرە.
مرۆڤێکی تێکۆشەر، کە هەموو ژیانی تەرخانکردبێت بۆ خەباتی ڕزگاریخوازی میللەتەکەی بە ڕفاندنی تێکڕای ڕێکەوتننامە نێودەوڵەتییەکان و کۆنڤانسیۆنەکانی جنێڤ و یاسا پەسەند کراوە نێونەتەوەییەکان پێشێلکراوە.
ئەم شێوازە لە پیلانگێڕی و ڕفاندنی سەرکردەیەکی بزوتنەوەی ڕزگاریخوازیی گەلێکی ژێردەستە تەنها لە لایەن ئەو هێزانەوە ئەنجام دەدرێت، کە سەروەریی یاسا و ئازادی مرۆڤەکان و ئاشتی و مافی گەلانیان لاپەسەند نییە.
لەماوەکانی ڕابردوودا خەڵکی باکووری کوردستان و بزوتنەوەی ڕزگاریخوانەی گەلی کورد لەو بەشەی کوردستان بە پێشەنگایەتیی پەکەکە بەردەوام داکۆکی لە مافەکانی گەلی کورد و ئازادیی تێکڕای زیندانیانی سیاسی و بەرقەرارکردنی ئاشتییەکی سەرتاسەری و بە شکۆ کردوە.
هەڵمەتەکانی ئازادکردنی بەڕێز عەبدوڵڵا ئۆجەلان چەندین قۆناغی دژواری بڕیوە و لە ئێستادا داوای ئازادکردنی یەکجارەکیی بەڕێزیان بەتەنها داخوازی گەلی کورد و تێکۆشەرەکانی نییە، بەڵکو بووەتە داخوازییەکی جیهانی و بەشێک لە وەرگرانی خەڵاتی نۆبڵی ئاشتی و ژمارەیەکی زۆر پەرلەمانتار لەفراکسیۆنە جۆراوجۆرەکانی ناو پەرلەمانی وڵاتە پێشکەوتوەکاندا چەندین کەمپین و پرۆژە یاسایان بۆ ئازادکردنی ئەو ڕابەرە تێکۆشەرە پێشکەشکردوە و جەختیان لە پشتیوانیکردنی خەباتی ڕەوای گەلەکەمان و ئازادیی هەمیشەیی بۆ کورد و ئۆجەلان و تێکڕای زیندانیانی سیاسی کردوەتەوە.
روونە زیندانیکردنی هەر مرۆڤێک لەبەر بیربۆچوون و تێکۆشانی بۆ ئازادی پێشێلکردنێکی گەورەی مافەکانی مرۆڤە، چونکە تا ئەو کاتەی مرۆڤەکان ئازاد نەبن و مافی دەربڕێنی بیروبۆچونیان پارێزراو نەبێت دیموکراسی و ئاشتی بەرقەرار نابێت.
بۆ ئێمەی کورد داکۆکیکردن لە ئازادکردنی بەڕێز عەبدوڵڵا ئۆجەلان، جگە لە جەختکردنەوە لە مافەکانی مرۆڤ و داکۆکیکردن لە ئازادیی ڕادەربڕین ڕەهەندێکی نەتەوەیی و نیشتیمانی و سیاسی هەیە و ئەوەش وادەکات ئێمە بە پێداگریی زیاترەوە داکۆکی لە ئازادی ڕۆڵە تێکۆشەرەکان و بەڕێز عەبدوڵڵا ئۆجەلان لە زیندان بکەین.
ئێستا ئەوە سەلمێنراوە ئۆجەلان کارەکتەرێکی سەرەکیی گۆڕەپانی کوردستان و ناوچەکەیە و وەک کەسایەتی ساڵی گۆڤاری تایمزیش لەئاستی جیهان هەڵبژێردراوە و تەنانەت دەوڵەتێکی وەک تورکیا ناچار بووە دانوستانی لەگەڵدا ئەنجام بدات، کە ئەوەش بەهۆی خۆڕاگری و پاشەکشەنەکردن لە ماف و ئازادییەکانی گەلی کورد و داکۆکیکردن لە مافی گەلێکی بەشخوراو بووە لە لایەن ئەو سەرکردەوە.
هاوکات پشتیوانی بەردەوامی بزوتنەوەی ڕزگاریخوازیی گەلی کورد لە باکوور و داکۆکی خەڵک و شەقام ئەوەی سەلماندوە بە بێ ئازادیی سەرکردەیەکی وەک ڕێبەر عەبدوڵڵا ئۆجەلان و سەرجەم زیندانیانی سیاسی قۆناغەکانی هاتنەدیی ئاشتی و دیموکراسی و بەدەستهێنانی مافەکانی گەلی کورد ڕووبەڕووی قەیران و گرفت دەبێتەوە.
بۆیە لێرەوە داوا لە تێکڕای پەرلەمانتاران و فراکسیۆنەکان وسەرۆکایەتی پەرلەمان دەکەین داوای ئازادکردنی ئەو ڕابەرە بەند کراوە و سەرجەم زیندانیانی سیاسی بکەن و فشاریش بخەنە سەر حکومەتی هەرێمی کوردستان و سەرۆکایەتی هەرێم، کە داوا لە حکومەتی تورکیا بکەن بۆ ئازادکردنی ئەو ڕابەرە و سەرجەم زیندانیانی سیاسی کورد لەو وڵاتەدا. هەروەها لە کۆڕ و کۆمەڵە نێودەوڵەتییەکاندا بیکەنە ئەجیندای گفتوگۆکانیانەوە، چونکە مافەکانی مرۆڤ پێشێلکراوە و ڕابەرێک بەهۆی بیروبۆچوونەکانییەوە ڕاپێچی گرتوخانەیەکی بەدەر لە ستاندەرە جیهانییەکان لە دورگەی ئیمراڵی کراوە.
ناکرێت داخوازیی ئەو هەمو تێکۆشەر و ئازادیخوازە بە هەند وەرنەگیرێت و هیچ دەسەڵات و دەوڵەتێکیش ناتوانێت هێزی لە ئیرادەی گەلێکی ژێر دەستە بەرزتر بێت.
ئەمەش بە هیچ شێوەیەک ئەستەم نییە و لە نەورۆزی ڕابردودا لە گۆڕەپانی ئامەد بە خوێندنەوەی پەیامی ئەو ڕابەرە بۆ هاتنەدیی ئازادی و مافەکانی گەلی کورد و چەسپاندنی ئاشتی، ئەوە بۆ دۆست و ناحەز ڕوون بووەوە، کە هێزی لە بن نەهاتوی گەل لەگەڵ خواست و بۆچوون و نوسراوەکانی ئەو ڕێبەرەدایە.
لەماوەی زیندانیکردنیشدا حکومەت و بەرپرسانی تورکیا درێغیان نەکردوە لە فشار و هەوڵی لەناوبردن و ژەهرخواردکردن و بێبەشکردنی لە چاوپێکەوتنی پارێزەرەکانی و چەندینجار سزای ژووری تاکە کەسی لە ناو زیندانی تاکەکەسیدا بەرامبەری ئەنجامدراوە.
لەبەرامبەردا ئۆجەلان بە توانایەکی بێ هاوتا تێکڕای ئەو هەوڵانەی پەکخستوە و بە نووسراوە بە نرخەکانی چەندین ڕێگا چارەی ئاشتیانە و دەستپێشخەریی بۆ هەموان خستوەتەڕوو.
زیندانی دورگەی ئیمراڵی لە مێژووی عوسمانیەکان و تورکیای نوێشدا شوێنی لەناوبردن و دورخستنەوە و تەنانەت لە سێدارەدانی ڕکابەرەکانی حکومەت بووە، دۆخێکی ئەمنی و سەربازیی توندی بەسەردا سەپێنراوە و ڕاستەوخۆ لە لایەن سەرۆک وەزیرانەوە بەڕێوە دەبرێت و بەدەر لە یاسای زیندانەکانی تورکیاش مامەڵە لەگەڵ ئەو ڕێبەرە کوردەدا دەکرێت.
تێکڕای ئەو دۆخە و ئەرکە مرۆیی و ئەخلاقی و نیشتیمانی و نەتەوەیەکان پاڵی پێوەناوین بۆ پێشکەشکردنی ئەم یاداشتە و داواش لە ئێوەی پەرلەمانتاری بەڕێز دەکەین، کە ڕاستەوخۆ بە دەنگی خەڵک هەڵبژێردراون و متمانەی شەقامی کوردستانتان بەدەستهێناوە دەنگی خۆتان بخەنە پاڵ دەنگە ئازادیخوازەکانی دیکە تاوەکو کۆتایی بە زیندانیکردنی ئەو ڕێبەرە کوردە بهێنرێت و ئاشتی و ئارامی و مافە زەوتکراوەکان بۆ گەلی کوردی ستەمدیدەیە بگەڕێتەوە.

ناوی پشتیوانان و پاڵپشتیکارانی ئەم یاداشتە

1 - یەکێتیی نیشتیمانی کوردستان (YNK)
2 – بزوتنەوەی گۆڕان
3 – پارتی چارەسەری دیموکراتی کوردستان (PCDK)
4 – حیزبی ئایندەی کوردستان
5 - حیزبی زەحمەتکێشانی کوردستان
6 – پارتی پارێزگارانی کوردستان
8 – حزبی شیوعی کوردستان
9 – کۆنگرەی نەتەوەیی کوردستان (KNK)
10 – کۆمەڵەی مافی مرۆڤی کوردستان (KMMK)
11 - مەلا نادر کەسایەتیی ئایینی
12 – ڕێکخراوی دەستپێشخەریی کۆمەڵی مەدەنی (CSI)
13 – یەکگرتوی ئیسلامی کوردستان
14 – کۆمەڵی ئیسلامی کوردستان
15 – بزوتنەوەی ڕزگاریی دیموکراتی کوردستان
16 – بزوتنەوەی ئاشتیخوازانی کوردستان
17 – ناوەندی سلێمانیی بزوتنەوەی دیموکراتی گەلی کوردستان
18 – حزبی پێشکەوتنخوازی دیموکراتی کوردستان
19 – ڕێکخراوی ژنانی ئازادیخوازی کوردستان (RJAK)
20 – بزوتنەوەی هاوڵاتیی ئازاد و یەکسانی کوردستان
21 – کۆمەڵەی گەنجانی وڵاتپالارێزی کوردستان

کۆمیتەی ئامادەکاریی شەرمەزارکردنی پیلانگێڕیی (15)ی شوبات
14-02-2014 - سلێمانی

لە ماوەی یەک ساڵی ڕابردوو 21 هاوڵاتی هەرێمی کوردستان بەهۆی تەقینەوەی مینەوە گیانیان لەدەستداوە و 14ی دیکەش بریندابوون.
ئەمڕۆ لە کۆنگرەیەکی ڕۆژنامەنووسییدا، سیراچ بارزانی سەرۆکی دەزگای کاروباری مین لە هەرێمی کوردستان ئاماری ساڵی ڕابردووی دەزگاکەیانی خستەڕوو.
بەپێی ئامارەکە لە ماوەی یەک ساڵی ڕابردوو، 35 هاوڵاتی هەرێمی کوردستان بەر مین کەوتوون، کە لەو ژمارەیە 21-یان گیانیان لەدەستداوە و 14 کەسیش برینداربوو، لەناو قوربانییەکانیشدا هاوڵاتیانی مەدەنیی و کارمەندی دەزگا ئەمنییەکان هەبوون.
هەر بەپێی ئەو ئامارە، لەو ساڵەدا 65 کێڵگەی مین، کە ڕووبەرەکەی دەکاتە شەش ملیۆن و 425 هەزار و 146 مەتر دووجا لە مین پاککراوەتەوە و ژمارەی مینەلەناوبراوەکانیش سێ هەزار و 891 مین بووە.
ئاماژە بەوەش کرابوو، کە بەهۆی شەڕی ئێران-عێراق زۆرترین کێڵگەی مین کەوتووەتە سنووری پارێزگای #سلێمانی#، بە گشتییش لە هەرێمی کوردستان 200 میلۆن مەتر چوار گۆشە زەوی مینڕێژکراو ماون و کارکردن بۆ پاککردنەوەیان بەردەمە.[1]
#14-01-2019#