کۆمپانیای ئاسیا سیڵ، یەکەمین کۆمپانیای پەیوەندیکردنە بەمۆبایل لە باشووری کوردستان و عێراقدا و ساڵی 2000 دامەزراوە. ساڵی 2003 خزمەتگوزارییەکانی خۆی گەیاندۆتە شاری موسڵ و پاشان سەرجەم عێراقی گرتۆتەوە. ئەم کۆمپانیایە سەربە یەکێتییە.

مەرجەکانی بەشداریکردن لەم پڕۆژەیەدا:
1- هیچ سنوورێک نییە بۆ خەیاڵی هونەرییانەی دیزاینەر یان هونەرمەند و خاوەنی بیرۆکەکان.
2- نابێت بیرۆکەکە هیچ ئاماژە و سومبولێکی دژی مرۆڤایەتی و بەها کۆمەڵایەتیەکانیانی تێدابێت و هەروەها نابێت ئاماژەی توندوتیژیی لەسەر هیچ ئاستێک لەخۆبگرێت.
3- بیرۆکەکە کەسایەتیی سیاسی و کۆمەڵایەتیی مێژووی هاوچەرخی کوردستانی تیانەبێت.
4- بیرۆکەکە خاوەنی ستایلێکی تازەگەرییانە و خاوەن ئاستێکی بەرزی هونەریی بێت و لە ڕووی تەکنیکیەوە جێبەجێکردنەکەی واقعیانە بێت.
5- بیرۆکەکە ئاماژە یان سەرچاوە بگرێتەخۆ لە خستنەڕووی شکۆمەندیی #سلێمانی# و کوردستان، هەروەها دیزاینەکە ئاماژەکردن بە ئاسیاسێڵ لەخۆبگرێت بەشێوەیەکی جوزئی و وەکو سپۆنسەری کارەکە و وەکو بەشێک لە مێژووی شاری سلێمانی لە بوارەکانی ئابوری و کۆمەڵایەتی و شارستانیدا.
6- بیرۆکەکە لە جێبەجێکردندا نەبێتە هۆی شێواندنی بوونی بنچینەیی و شێوەی دیوارەکە.
7- بیرۆکەکە لە جێبەجێکردندا لەڕووی سەلامەتییەوە هیچ کێشەیەک دروست نەکات بۆ ڕێبواران و ئۆتۆمبێل و دەوروبەرەکەی.
8- بیرۆکەکە چارەسەری ڕووناکی بۆ پڕۆژەکە لەخۆگرتبێت.
هەر کەس ولایەنێک ئارەزوومەندە بەشداریی بکات لەم پرۆژەیەدا ئەوا دەبێت:
پێشتر وێنەیەک لە پڕۆژەکەی بە (CD) یان بە (فلاش میمۆری) یان لەسەر (کاغەز) بنێرێت بۆ بینای گروپی کۆمپانیاکانی فاروق– قاتی 7 و پەیوەندیی بە یەکێک لەم دوو ژمارەیەوە بکات: 07701190159 یان 07701195867
دوا وادە بۆ وەرگرتنی وێنەی پرۆژەکان، 15ی مانگی ئەیلول دەبێت.
ڕەنگی_شارەکەم شێرکە بۆ ئەوەی زۆرترین کەس لەم پڕۆژەیەدا بەشداریی بکات.
#06-09-2018#

بەشی ڕاگەیاندن و پەیوەندییەکانی کۆمپانیای #ئاسیاسێڵ#، ڕاگەیێندراوێکی بڵاوکردەوە‌ و لە بەشێکی ئەو ڕاگەیێندراوەدا هاتووە ئاسیاسێڵ تاوەکو ئێستا نزیکەی پێنج تریلیۆن دیناری داوە بە حکومەت، وەکو کرێی مۆڵەت و هەموو جۆرەکانی باج و بڕەپارەی فەرمی دیکە.
لەو ڕاگەیێندراوەدا کە وێنەیەکی بۆ تۆڕی میدیایی ڕووداوی نێردراوە، باس لەوە کراوە، کاری کۆمپانیاکانی مۆبایل بەپێی یاسا لەلایەن کۆمیسیۆنی ڕاگەیاندن و گەیاندنی عێراقی ‌رێکخراوە.
هەر لە ڕاگەیێندراوەکەدا ئاماژە بەوەشدراوە، مۆڵەتی کارکردنیان لەلایەن کۆمیسیۆنی ڕاگەیاندن و گەیاندنی عێراقییەوە پێدراوە و نووسراویشە ئاسیاسێڵ یەکێکە لەو کۆمپانیایانە کە هەڵدەستێت بە دانی باجی داهات بە دەستەی گشتی باجەکان و تاوەکو ئێستاش نزیکەی پێنج تریلیۆن دیناری داوە بە حکومەت، وەکو کرێی مۆڵەت و هەموو جۆرەکانی باج و بڕەپارەی فەرمی دیکە.
ئاسیاسێڵ یەکێکە لەو سێ‌ کۆمپانیایەی مۆبایل کە لەسەر ئاستی عێراق مۆڵەتی کارکردنی هەیە و زیاتر لە 12ملیۆن بەشداربووی لە سەرتاسەری عێراقدا هەیە.
ئەو ڕاگەیێندراوەی کۆمپانیای ئاسیاسێڵ، لەکاتێکدایە کە ڕۆژی دووشەممە 9-10-2017 ئەنجوومەنی ئاسایشی نیشتمانی عێراق بە سەرۆکایەتیی حەیدەر عەبادی سەرۆک وەزیرانی عێراق کۆبووەوەو بەگوێرەی ڕاگەیێندراوێک، بڕیاردراوە سەرجەم تۆڕەکانی مۆبایل بخرێنە ژێر دەسەڵاتی حکومەتی ناوەند و بگوازرێنەوە بۆ بەغدا.[1]
11-10-2017

سایتی خواکوڕک و پەیجەکەی لەسەر تۆڕی کۆمەڵایەتی فەیسبووک هەواڵێکی ناڕاستیان بڵاو کردۆتەوە کە گوایە ئاسیاسێل پێش هێرشی ئێران بۆ سەر هەردوو حزبی دیموکرات، خەتی مۆبایلی بەرپرسانی دیموکراتی لەکار خستووە.
ئاسیاسێڵ کە باش دەزانێت کێ لە پشت ئەم سایتە هەواڵییە ناڕاستگۆیەوەیە داوا دەکات کە حکومەتی هەرێمی کوردستان و داواکاری گشتی و دەزگا پەیوەندیدارەکان ڕێگری بکەن لە کارکردنی ئەم جۆرە سەرچاوانە کە جگە لە بوختان و هەواڵی ژەهراوی هیچ سوودێکیان نییە.
ئاسیاسێڵ وەک کۆمپانیایەکی خزمەتگوزار و خێرخواز و سیستماتیک، داوای یاسایی لە سەر دەزگای خواکوڕک و هەموو ئەو کەسانەی کە ئەم دەزگایە بەڕێوە دەبەن تۆمار دەکات و دەیانداتە دادگا تا ڕاستییەکان بسەلمێندرێن بۆ هەمووان.
ئاسیاسێڵ کە خاوەنی کەسێتی مەعنەوی و بەهای بەرزی کارکردنە و خاوەنی ئیدارەیەکی هۆشیارە کە پەیڕەوکاری ئاکاری بزنز و پێودانگە یاساییەکانە، هەرگیز بەم بوختانانە ناوو ناوبانگی لەکەدار نابێت.
ڕاگەیاندنی کۆمپانیای ئاسیاسێڵ
#سلێمانی#
#08-09-2018#

ڤیدیۆ: #نەوا موکرجی# بۆ ڕێنووسی نامەکانی کۆمپانیای #ئاسیاسێڵ#
ساڵ: 2023
[1]
=KTML_Link_External_Begin=https://www.kurdipedia.org/docviewer.aspx?id=500650&document=0001.PDF=KTML_Link_External_Between=کلیک بکە بۆ بینینی بەشی دووەمی بۆ ڕێنووسی نامەکانی کۆمپانیای ئاسیاسێڵ=KTML_Link_External_End=

[1]

ئاگادارییەک بۆ سەرجەم بەشداربوونی خزمەتگوزاریی کۆمپانیاکانی پەیوەندیکردن
بەپێویستمان زانی، کە ئاگادارتان بکەینەوە لەوەی دەستەی گەیاندن و ڕاگەیاندنی عێراق (هیئة الاعلام و الاتصالات العراقیة) کە دەزگایەکە بە پێی یاسا، کەرتی پەیوەندییەکانی عێراق ڕێکدەخات، وە ئاماژە به و نوسراوە فەرمییەی کە ئاڕاستەی کۆمپانیاکانی پەیوەندیی مۆبایلی کردوە و تیایدا داوای لێکردوون بەسەری نێوەندی (الربط البیني) نێوان خۆیان و کۆمپانیاکانی پەیوەندیی بوەستێنن، لەوانە کۆمپانیاکانی تەلەفونی بێتەل نۆرماڵ کە مۆڵەتی یاساییان نیە لەلایەن دەستەی نابراو.
هەروەها حەزدەکەین هاوڵاتیانی خۆشەویست ئاگاداربکەینەوە ئه و فەرمانە دەخرێتە بواری جێبەجێکردنەوە، تێبنییەکانیشمان لەسەر بڕیارەکە ڕەوانەی دەستەی ناوبراو دەکەین، وە ئێمە لە کۆمپانیای ئاسیاسێڵ هەمیشە لە خزمەت بەشداربووان و هاوڵاتیاندا دەبین، هەر کە فەرمانی نوێمان پێگەیشت بۆ دووبارە کارکردنەوە لەگەڵ ئه و کۆمپانیایانەی لەسەرەوە باسکراون.
ئاسیاسێڵ
#01-02-2018#