[1]

ماڵاوایی ئیدریس بارزانی خەمێکی گران و لەدەستدانێکی گەورە بوو بۆ گەلی کورد

37سال بە سەر ماڵاوایی سەرکردەی گەورە و لێهاتووی کورد و ئەندازیاری ئاشتی و یەکڕیزی و پێکەوە ژیان، #ئیدریس بارزانی# نەمر تێدەپەڕن .
ئیدریسی نەمر هەموو ژیانی خۆی لەگەڵ شۆڕشەکانی کوردی بە گشتی و #پارتی دیموکراتی کوردستان# بە تایبەتی دەرباز کرد و توانی وەکە سەرکردەیەکی مەیدانی و خاوەن بڕیار بێتە ناو خەبات و شۆڕشی گەلەکەی دا و ئەرکی سەر شانی خۆی بە باشترین شێوە و سەرکەوتووانە ئەنجام بدات و ئەو هەروەها توانی بووی زۆر بەوردی لە ژیانی شۆڕشگێری و پارتایەتی و کۆمەڵگەی کوردستانی تێبگات و لە لوتکەی ڕێزگرتن و سادەیی دا بوو ، ئیدریس بارزانی هەموو خسڵەتەکانی مرۆڤایەتی و کۆمەڵناسی، شۆڕشگیڕی و نەتەوە دۆستی لە ناخی بارزانی نەمر و ئەو مرۆڤە گەورەیە وەرگرتبوون.
ئیدریس بارزانی لەلایەنی سیاسیشەوە کەسایەتییەکی شارەزا و لێزان و لێهاتوو بوو و بە ئەزموونی دور و درێژی خۆی لەگەڵ شۆڕشدا خاوەن بیر هزر و تێڕامانی دوربین و تایبەت بە خۆی بوو و هەڵگری کلیلی کردنەوەی دەرگاکانی بەختەوەری و ئاشتەوایی بوو ، جێگەی شانازی و بڕواوی خەڵکی کوردستان بوو بۆیە ماڵاوایی ئیدریس بارزانی خەمێکی گران و لەدەستدانێکی گەورە بوو بۆ گەلی کورد.
یادی ئەو سەرکردەیە شۆڕشگێر و گەورەیە لە بیری سەرجەم ئازادیخوازەکانی گەلی کورد بەزیندوویی دەمێنێتەوە، سڵاو لە خەبات و فیداکاری و بەرخودان و خۆڕاگریی و گەورەیی شەهیدی سەرکردە و ئەندازیاری ئاشتی شەهیدی جوانەمەرگ ئیدریس بارزانی .
سەرێ ڕێز و نەوازش دادەنوێنین بۆ گیانی پاکی شەهیدانی ڕێگای ئازادی و ڕزگاری خوازی کوردستان و سەروەری شەهیدان، بارزانی نەمر و کاکە ئیدریسی هەمیشە زیندوو. [1][2]

دلڤین شەمال
30ی کانوونی دووەمی ساڵی 2024

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=ناوەندی بەڕێوەبەریی حیزبی دێموکرات: مانگرتنی خەڵکی کوردستان دژ بە لەسێدارەدانی ڕۆڵەکانیان جێگای ڕێز و پێزانینە=KTML_End=
ئەمڕۆ سێشەممە، 10ی ڕێبەندانی 1402ی هەتاوی، بەشێک لە شارەکانی کوردستان بە بەڕێوەبردنی مانگرتن و داخستنی دووکان و بازاڕەکان، ناڕەزایەتیی خۆیان دژ بە لەسێدارەدانی 4 کەس لە ڕۆڵەکانی خۆیان؛ #پژمان فاتیحی#، #موحسین مەزڵووم#، #وەفا ئازەربار# و #محەمەد فەرامەرزی#، دەربڕی.
ناڕەزایەتیی خەڵک دژ بە لەسێدارەدانی ئەم چوار بەندکراوە سیاسییە کە درێژەی هەڵوێست و ڕەفتاری مافخوازانەی خەڵکی کوردستان دژ بە دیکتاتۆری و سەرکوتکاریی ڕێژیمی کۆماری ئیسلامیی ئێرانە، لە جێی خۆیدا نیشانەی خاوەندارێتیی کۆمەڵگەیەکی زیندوو لە خەباتی مافخوازانەی لەمێژینەی خۆیەتی.
کۆماری ئیسلامیی ئێران کە بە لەسێدارەدانی چوارکەس لە ڕۆڵەکانی کورد و بە دوای ئەودا داسەپاندنی حوکمی ئێعدام بە سەر چەند کەس لە چالاکانی سیاسیی دیکەی گەلەکەمان پێی وایە دەتوانێ کۆمەڵگەی کوردستان ناچار بە پاشەکشە و بێدەنگی بکات، ئەمڕۆ بۆ جارێکی دیکە ئەو پەیامە لێبڕاوانەی کۆمەڵانی خەڵکی کوردستانی وەرگرتەوە کە هەر وەک خەڵک لە خۆپیشاندانەکانی ڕابردوودا وتوویانەتەوە؛ هەتا کوردێک بمێنێ، کوردستانیش دەمێنێ.
حیزبی دێموکراتی کوردستانی ئێران وێڕای مەحکوومکردنەوەی کردەوەی جینایەتکارانەی لەسێدارەدانی خەباتکارانی کوردستان، بە چاوی ڕێز و پێزانینەوە دەڕوانێتە مانگرتنەکانی ئەمڕۆی شارەکانی کوردستان و لەوە دڵنیایە کە سیاسەتی سەرکوتی کۆماری ئیسلامیی ئێران کار لە ئیرادەی مافخوازانەی تێکۆشەرانی کورد و ڕۆڵە خەباتکارەکانی ناکات. [1]

#حیزبی دێموکراتی کوردستانی ئێران#
ناوەندی بەڕێوەبەریی گشتی
10ی ڕێبەندانی 1402
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=