[1]

سەرۆکوەزیران #مەسرور بارزانی# بەبۆنەی جەژنی لەدایکبوونی حەزرەتی مەسیح پەیامێکی پیرۆزبایی بڵاوکردەوە، لە بەشێکیدا هاتووە: لەم بۆنە پیرۆزەدا، پابەندبوونی هەرێمی کوردستان بە پەرەپێدانی کولتووری بەیەکەوەژیانی ئاشتییانە و پاراستنی مافی گشت پێکهاتەکان دووپات دەکەینەوە.
=KTML_Bold=دەقی پەیامەکەی مەسرور بارزانی:=KTML_End=

بە بۆنەی جەژنی لەدایکبوونی حەزرەتی مەسیح (دروودی خوای لەسەر بێت)، گەرمترین پیرۆزبایی ئاراستەی سەرجەم کریستیانانی کوردستان و عێراق و جیهان دەکەم. هیوادارم لە خۆشی و شادی و ئارامیدا، ڕۆژانی جەژن و پشوو بەسەر ببەن.
لەم بۆنە پیرۆزەدا، پابەندبوونی هەرێمی کوردستان بە پەرەپێدانی کولتووری بەیەکەوەژیانی ئاشتییانە و پاراستنی مافی گشت پێکهاتەکان دووپات دەکەینەوە.
جەژنتان پیرۆز بێت و هەمیشە لە شادیدا بژین. [1]

مەسروور بارزانی
سەرۆکی #حکومەتی هەرێمی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#سەعدی ئەحمەد پیرە# وتەبێژی #یەکێتیی نیشتمانیی کوردستان#، بەبۆنەی ڕۆژی لەدایکبوونی حەزرەتی مەسیحەوە، پەیامێکی پیرۆزبایی ئاڕاستەی مەسحیەکانی جیهان بەگشتی و هەرێمی کوردستان و عیراق بەتایبەتی دەکات.

=KTML_Bold=دەقی پەیامەکە:=KTML_End=
بەبۆنەی ڕۆژی لەدایکبوونی حەزرەتی مەسیح (سڵاوی خودای لێ بێت) پیرۆزبایی گەرم لە تەواوی خۆشک و برا مەسحیەکانی جیهان بەگشتی و هەرێمی کوردستان و عیراق بەتایبەتی دەکەین، هیواخوازین ئەم جەژنە ببێتە هەوێنی بەرقەراربوونی ئاشتی و ئارامی لەوڵاتەکەمان و قوڵکردنەوەی گیانی برایەتی و پێکەوەژیانی ئاشتیانەی نێوان ئاین و ئاینزا و پێکهاتە جیاجیاکان، هاوکات دەستپێکێک بێت بۆ کۆتایی هێنان بەئاوارەیی و نەهامەتیەکانی هاوڵاتیانی مەسیحی لە کوردستان و عیراق و بگەرێنەوە بۆ زێدی خۆیان، تیرۆریستان و تاریکپەرەستانی داعش-یش بۆ بەیەکجاری لەناوبچن. [1]

‎سەعدی ئەحمەد پیرە
‎وتەبێژی یەکێتیی نیشتمانیی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#مەسعود بارزانی# بەبۆنەی سەری ساڵی تازەی زایینی و جەژنی لەدایکبوونی حەزرەتی عیسا پەیامێکی بڵاوکردەوە و پیرۆزبایی لە کریستییانەکانی عێراق و جیهان دەکات.
=KTML_Bold=دەقی پەیامەکەی سەرۆک بارزانی:=KTML_End=

=KTML_Bold=بەناوی خودای بەخشندە و میهرەبان=KTML_End=
بەبۆنەی سەری ساڵی تازەی زایینی و جەژنی لەدایکبوونی حەزرەتی عیسا مەسیح (دروودی خوای لەسەر بێت)، گەرمترین پیرۆزبایی خۆم ئاراستەی خوشک و برایانی کریستیان لە کوردستان و عێراق و جیهان دەکەم و هیوای شادی و بەختەوەرییان بۆ دەخوازم.
لەم بۆنەیەدا وێڕای دووپاتکردنەوەی پابەندیمان بە فەرهەنگی پێکەوەژیان و برایەتیی نێوان پێکهاتەکانی کوردستان هیواخوازم خوشک و برا کریستیانەکانمان هەموو جەژن و بۆنە و خۆشییەکانیان لە ئارامی و تەباییدا بکەنەوە. [1]

مسعود بارزانی
24ی کانوونی یەکەمی 2023
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

کریسمس، جەژنى لەدایکبوونى حەزرەتى عیسا “سڵاوى خواى لێ بێت” لە تەواوى کریستیانان لە کوردستان، عێراق و جیهان بەگشتى پیرۆز دەکەم. هیواى جەژن و پشوویەکى ئارام و کاتێکى خۆشیان بۆ دەخوازم.
لەم یادەدا، جەخت لە کولتوور و بەها باڵاکانى گەلى کوردستان لە پێکەوەژیان و لێبوردەیى و یەکترقبووڵکردن دەکەینەوە. هاووڵاتیانی کریستیان و هەموو پێکهاتە ئایینى و نەتەوەیییەکان دڵنیا دەکەینەوە کە کوردستان وەک هەمیشە وڵاتى هەموومان پێکەوە دەبێت.
گەلى کوردستان بە هەموو پێکهاتەکانییەوە پێکەوە قوربانییان داوە، خەباتیان کردووە و ڕەنجیان کێشاوە بۆ ئەوەى بە ئازادى‌ بژین. هەموومان تەبا و پێکەوە ئاڵنگارى و قەیرانەکان تێدەپەڕێنین و‌ لەپێناو داهاتوویەکى باشتر بۆ نەوەکانمان، خزمەت بە گەل و وڵات دەکەین.
کریسمس لە هەمووان پیرۆز بێت، هەموو ساڵێک بە خۆشى. [1]

#نێچیرڤان بارزانى#
سەرۆکى هەرێمى کوردستان
#24-12-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=