لەگەڵ ئەوەی لە ڕۆژگاری ئەمڕۆدا بەهۆی بڵاوبوونەوەی ئاسانسۆر (مەسعەد) لە زۆربەی تەلار و باڵەخانە بەرزەکاندا خەڵک کەمتر بۆ سەرکەوتن قادرمە بەکاردەهێنن، بەڵام لێکۆڵینەوەکان جەخت لەوەدەکەنەوە، سەرکەوتن بەسەر قادرمەدا زۆر سوود و کەڵکی بۆ تەندرووستیی مرۆڤ هەیە، کە دیارترینیان بریتییە لە:
- کاریگەرییەکی گەورەی هەیە لەسەر سووتاندنی کالۆرییەکان و دابەزینى کێشی جەستە.
- هانی دڵ دەدات بەشێوەیەکی باشتر کاربکات، لەبەرئەوەی لێدانەکانی دڵ زیاتر دەکات.
- بەهۆی فراوانکردنی سییەکان یارمەتیی باشترکردنی پڕۆسەی هەناسەدان دەکات.
- ماسوولکە بەهێزتر دەکات و ڕێگری دەکات لە فشەڵبوونی ئێسک.
- سوڕی خوێن چالاک دەکات و تەندرووستیی لولەکانی خوێن دەپارێزێت.
- ئەگەری تووشبوون بە سەکتەی مێشک کەم دەکاتەوە.
- جەستە هۆڕمۆنی ئەنرۆفین دەردەدات کە دڵەڕاوکێ و شڵەژانی دەروونیی کەم دەکاتەوە.
- بۆ ڕزگاربوون لە بەردی گورچیلە سوودی هەیە.
- بەڵام ئەوکەسانەی کێشەی بڕبڕەکانی پشت و نەخۆشی ئێسکەکانی قاچیان هەیە و تەمەنیان زۆرە، باشتر وایە قادرمە بۆ هاتوچۆیان بەکارنەهێنن. [1]