Lîloz hisên
piştî şoreşa 19 tîrmehê de jinê roleke giring û bi bandor li ser civaka Rojava lîst ji bo azadiya xwe pêk bîne û ji bin zihniyeta mêr û ji nezaniya civakê derkeve, di vê şoreşê de jin rabûn ji bo azadiya xwe pêk bîne , kete rewşeke ku pêşketinek pir mezin pêre çêbû, gava yekemîn avête pêş ji bo rewşa xwe biguherîne û bighêje rewşeke baştir, weke ku me dît jinê di vê şoreşê de cihê xwe girt di gelek cihan de,tevî karên xweyî malê û xwedîkirin zarokên xwe .
Lê ku ne bi hesanî karîbû bighêje vê asta giring, gelek astengî û pirsgirêk di riya wê derket û di gelek zehmetiyan de derbas bû lê ku hêdî hêdî bi îradeya xwe karîbû van pirsgirêkan çareser bike,her wiha jî cihê xwe girt di nava qadên tekoşîn û berxwedanê .
Jin weke ku em dibêjin ew dibistana yekeme di civakê de, ji hundirê mala xwe dest bi karê xwe dike bi xwedîkirin û fêrbûna van zarokên xwe ser heskirinê û tişta herî giring ku dikeve ser milê jinê ku ji aliyê exlaqî zarokên xwe fêr bike ji ber ku dema ku jin zarokên fêrî jiyanek bi exlaqî bike wê civakek saxlem çêbibe û em Karin bêjin ku ew kesê ku bi exlaqekî baş were xwedîkirin wê kesek bi rûmet be wê karibe parestina axa xwe bike.
Di vê şoreşê de gelek Sazî hatin avakirin ji bo parastina mafên jinê , mala jinê hat avakirin ji bo jin fêrî mafên xwe bike berxwebide û çawa zanibe pirsgirêkên xwe çareser bike û parastina mafê xwe bike û ji jiyana koletiyiê derkeve , ji bo ku bighêjin hemo jinan ji pêkhateyan Ereb , Suriyan û Kurd,Ermen hwd…. kongira star hat avakirin gelek jin ji tevlî vê kongrê bûn gelek civîn û çalakî hatin lidarxistin ji bo pêşketina fikrê jinê ku derkeve holê bi rengekî pir pêşketî , li aliyekî din jî komînên li taxan jî hatin avakirin ji bo ku bêhtir nêzîkî jinan be bi vî awayî em dikarin bêjin ku jin gihiştin encama ku dixwazin bigênê, hîn jî gelek jin di bin zihniyeta mêr de ne û bi fikrekî ne zanî dijî .
lê ku karên xwe berdewam dikin bêyî sekinandin ji bo ku bighêjin ew encama ku dixwaze.
Li aliyekî din Yekîniyê Parestina Jin hat avakirin gelek jin derketin holê bi fikrekî azad tevilî refên Yekîniyên Parestina Jinan bûn ev hêz ji bo parastina jinan bi taybetî.
Di vê şorêşê jina kurd derket qadên şer û di vê demê de xwe isbat kir ku ew jî dikare weke mêr li dijî dijmin bisekine û parastina axa xwe bike , ji bo vê yekê jî li dijî êrîşên çeteyn DAIŞ’ ê sekinîn û cihê xwe girt di rêza yekemîm di nava şer de û karîbû van êrîşan bisekinîne û wan derxîne derveyî bajarê xwe , gelek hevalên meyî jin canê xwe feda kirin ji bo azadiya axa xwe ji bo gelê xwe ji bin şidet û deshilatdariya DAIŞ’ ê derxîne û welat ber bi aştiyê ve biçe, ev jin bûn mîna azadiyê ,bûn sembol ji heman jinên cîhan.
Esayişa jinê jî hat avakirin ev hêz bi giştî ji jinan pêk tê erkê wan mafê jinê biparêze ji windakirinê, weke ku me dît ku jin rolek giring lîst û encama rola wê pir bi baş bû lê ku dîsa jî divê jin karê xwe berdewa bike heta bighêje astek pir bilind.
Li rex karên leşkeî jî jinan karîbûn cihê xwe nava karên siyasî bigre ,rolea wê di vê karî de pir xwirt bû j bo azadiya welat
Li aliyekî din jî jina kurd di şoreşa Rojava de bi karîbû ziman ê kurdî pêş bixe , weke ku em dizanin ku bingeha avakirina her welatekî ji ziman dest pê dike ,divê zimanê vî welatî pêşketî be heta ku bikare azadiya xwe pêkbîne , ji ziman bikeve gelek peymangeh û zanîngehên yê taybetî zimanê kurdî hat avakirin , di hundirê van peymangehan bi riya semîneran xwendekar pêşketin zêdetirîn mamosteyên zimanê kurdî ji jinan pêk tên, hemû hêza xwe xist bin xizmeta pêşketina zimanê kurdî ji bo azadiyê.
Di vê demê de yan jî di şoreşa Rojava de van jinan karîbûn xwe isbat bikin tevî astengî û zehmetiyan karîbû karê xwe berdewa bike bi îradeyek xurt .[1]