ناو: شوکر
ناوی باوک: خەلیفە
نازناو: شوکر ساڵەیی
نووسینی: #خالید عومەر عوسمان#
شوکر ساڵەیی-نووسەر و وەرگێڕ و شانۆکار (شوکر ساڵەیی؛ هونەرمەند و ئەدیب و نووسەر و وەرگێر؛ ئەندامی پێشوی ئەنجومەنی ناوەندی یەکێتی گشتی نووسەرانی ئێراق.)
ناوی تەواوی (شوکر خەلیفە محەمەد) ە، ساڵی 1952 لە شاری #کەرکووک# لەدایک بووە، خوێندنی سەرەتایی و ناوەندی و ئامادەیی لە کەرکووک تەواوکردووە، بڕوانامەی بەکالۆریۆس کۆلیژی ئاداب بەشی زمانی عەرەبی زانکۆی بەغدا بەدەستهێناوە لە ساڵی 1977-1978، ساڵی 1985 بە مامۆستای زمانی عەرەبی دامەزراوە، لێپرسراوی بەشی کارگێڕی و داراییە لە یەکێتی نووسەرانی ئێراق-کەرکووک، ئەندامی یەکێتی نووسەرانی کوردستان-کەرکووک، ئەندامی کۆمەڵەی ڕووناکبیر و کۆمەڵایەتی-کەرکووک، ئەندامی بنکەی ڕووناکبیری گەلاوێژ-کەرکووک، ئەندامی کارای سەندیکای هونەرمەندان و یەکێتی شانۆکارانی ئێراق-ە، ئەندامی کرای سەندیکای هونەرمەندانی کوردستان-ە، بەرهەمە وەرگێڕدراوەکانی: (ئەنتیگۆنە-بۆ سەر زمانی کوردی-لە نووسینی تەها حسێن) (ڕێبازە شانۆییەکان و شانۆ ئەزموونگەری) (هۆنراوەی چەند شاعیرێکی کورد بۆ زمانی عەرەبی)، خاوەنی زیاتر لە (35) خەڵاتی ڕێزلێنان و مەدالیای شانۆیی و ئەدەبییە، یەکێکە لە یاری زانە ناسراوەکانی یاری میللی (دامە) لە شاری کەرکووک و لەگەڵ شێخ ستار و بە هاوکاری یانەی سۆلاڤ پێنج خولی پاڵەوانێتی بۆ یاریزانانی کەرکووک و دەوروبەری کردووەتەوە، بەشداری کردووە لە دوو پاڵەوانێتی یاری دامە لە #هەولێر# و #سلێمانی# بە سەرپەرشتی کاوە مەحمود وەزیری ڕۆشنبیری حکومەتی هەرێمی کوردستان، ساڵی 2008 لە پاڵەوانێتی یاری دامە لە تەلەڤزیۆنی باوە گوڕ گوڕ ڕاستەوخۆ پەخشکرا پلەی یەکەمی بەدەستهێنا، ساڵی 1972 چووەتە جیهانی ئەدەب و نووسین و هونەری شانۆ و دەرهێنان، ساڵی 1997 تیپی شانۆی باوە گوڕ گوڕی لە کەرکووک دامەزراندووە، لە 1999/5/11 -5-9 یەکەم هونەرمەند بووە لەو سەردەمە سەختەدا کە حکومەتی #بەعس# نکوڵی لە کوردی کەرکووک دەکرد ئامادە سازی کرد بۆ ئەنجامدانی یەکەم ڤیستیڤاڵی شانۆی کوردی لە کەرکووک و بەشداری کرد لە شانۆگەری (کەللە سەر) و ئەم تیپە شانۆییانە بەشدارییان تێدا کرد: (تیپی شانۆی باوە گوڕ گوڕ و کەناڵی کوردی بە شانۆگەری کەللە سەر) (تیپی هاوڕێیان بە شانۆگەری چراووک) (تیپی سەندیکای هونەرمەندانی کەرکووک بە شانۆگەری فسفس پاڵوان و یارییەکی ئازاراوی) (تیپی شانۆی کەرکووک و تیپی شانۆی مەخمور بە شانۆگەری شێتەکانی ئەم سەردەمە)، ساڵی 2004 بەشداری کردووە لە کەرنەڤاڵی ئەنفال کە لەنێو شەقامەکانی کەرکووک بەڕێوەچوو، لە هەمان ساڵ پەیمانگای هونەرە جوانەکانی کەرکووکی دامەزراند، هەتا ساڵی 2015 خانەنشین کرا بەڕێوەبەری پەیمانگا بووە، ساڵی 2004 کە لێپرسراوی بەشی شانۆ و ڕاگەیاندن بوو لە یەکێتی هونەرمەندانی کەرکووک کە ڕەوانشاد (#مام جەلال#) لەگەڵ ئەندامانی یەکێتی هونەرمەندانی کوردستان لە قەڵاچواڵان کۆبووەوە دوای تەواو بوونی وتارەکەی داوای لە بەڕێزی کرد (سەنتەرێکی ڕۆشنبیری و هونەری) بۆ شاری کەرکووک درووست بکات، ئەوەبوو بەڕێزی بەڵێنیدا و درووستکرا، کە بووە هێمایەکی شارستانی بۆ شاری کەرکووک و جێگەی شانازییە بۆ ئەو و بۆ ئەدیب و ڕۆشنبیر و هونەرمەندان و هەموو خەڵکی شاری کەرکووک، ساڵی 2010 یەکەم کەس بووە کە شانۆی شەقامی لە کەرکووک نمایشکرد لەگەڵ چەند ئەندامێکی تیپی شانۆی باوە گوڕ گوڕ بەناوی (یادەوەرییەکان) لە بەردەم باغچەی قەڵا و شەقامی ئیمام قاسم و ئازادی و شۆرجە و پەنجا عەلی،
بەرهەمەکانی: (شانۆگەری دزی بێ غیرەت-نووسین و دەرهێنان 1972) (شانۆگەری پژمین-نووسین و دەرهێنان 1972) (درامای مەرەزە-ڕۆڵی مام باپیر-نواندن 1973) (شانۆگەری تەقینەوە-نواندن 1974) (شانۆگەری زیانی توتن-دەرهێنان 1984) (ئامادەکردن و نواندن لە چەند کوورتە درامایەک بۆ تەلەڤزیۆنی کەرکووک 1985) (درامای پوولەکی-ئامادەکردن و نواندن 1997) (زنجیرە درامای منداڵی زیرەک-ئامادەکردن و نواندن 1998) (شانۆگەری ئەوەنیت-نواندن 1999) (زنجیرە درامای بێ ئومێدی-نواندن 2001) (پانتۆمایم-ی هونەرمەندێکی ماندوو-ئامادەکردن و دەرهێنان و نواندن 2002) (فیلمی بەرەو لووتکەی ئاوات-نواندن و دەرهێنان 2004) (کوورتە فیلمێک دەربارەی دیموکراسی و هەڵبژاردن-سیناریۆ و دەرهێنان 2005) (زنجیرە درامای کەرکووک 4-نواندن 2011) (درامای الاستاد-بە زمانی عەرەبی-نواندن 2011) (زنجیرە درامای گەردەلوول-نواندن لە ڕۆڵی مەلا محێدین 2011) (زنجیرە درامای لاپەڕەکانی کەرکووک-نواندن 2012)
ئەم شانۆیانەی وەرگێڕاوە بۆ زمانی کوردی: (گلگامێش-مردوانی بێ مێژوو-نووسینی قاسم مەترود) (پیاوێکی ڕووت-نووسینی داریۆفۆ) (کەللە سەر-گۆڕ/ نووسینی محەمەد خدر) (خەونێک توانای خەو بینینی نییە-پاشاو پشیلەکەی-من ماڵی خۆم دزیوە/ نووسینی ئەحمەد مەتەر)
ئەم شانۆگەری و درامانەی نووسیوە: (دزی بێ غیرەت-پژمین-کرێکارێکی بێکار-گۆڕانکاری ژیان-تەرم-پیاوێکی ئەفریقایی-ئۆپەرێتی ڕێوی فێڵباز بۆ منداڵان-عومەر عەبدولعەزیز-
وەرگێڕانی چەند پارچە هۆنراوەی شاعیران بۆ زمانی عەرەبی: (بورهان ئەحمەد محەمەد-تەیب جەبار-قوباد جەلیزادە-د مستەفا زەنگەنە-لەتیف هەڵمەت-ئازاد #گەرمیان#ی-ستار ئەحمەد-عوسمان هۆرمزیاری-سەیران محەمەد-بورهان بەرزنجی-ڕوزار ئەحمەد-عەبدوڵڵا پەشێو-محەمەد سەعید زەنگەنە-فریبا میمی-ڕابەر ڕەشید)
وەرگێڕانی چیرۆکی ئەم چیرۆک نووسە کوردانە بۆ زمانی عەرەبی: (فەیسەڵ هەمەوەندی-قوباد جەلیزادە-خالید مەجید فەتحوڵڵا-ئیسماعیل ڕۆژبیانی-د عەلی حسێن)
وە لە زمانی عەرەبییەوە چەندین پارچە هۆنراوەی عەرەبی وەرگێڕاوە بۆ زمانی کوردی کە لە ڕۆژنامەی هاوکاری و ئاسۆ و ئێراق و هەواڵ و النبأ-شار و گۆڤاری بەیان و ڕۆشنبیری و کەرکووک بڵاوی کردووەتەوە.[1]