$رۆژهەڵاتی کوردستان$
- هێزەکانی #سوپای پاسداران# مانۆڕێکی بەربڵاویان لە ناوچەی #مەریوان# لە دەورووبەری گوندەکانی “ئەگجە” و “گۆگجە” لە کوێستانی چل چەمە بەڕێوەبرد.[6]
- بە پێی ڕاپۆرتەکان، “شەهرام سەفەری” ڕۆژنامەنووس و بەڕێوەبەری کاناڵی تێلگرامی “ڕاوێژپرێس“، کە پێشتر بە تۆمەتی “بڵاوکردنەوەی زانیاریی ناڕاست و تێکدانی بیروڕای گشتی” لە ڕێگەی بڵاوکردنەوەی ڕێژەی قوربانیانی ویرووسی کۆرۆنا لە تۆڕە کۆمەڵایەتییەکان، دەستبەسەر کرابوو، سزای 91 ڕۆژ زیندانی بەسەر داسەپا.[6]
- #کۆڵبەر#ێکی کورد بە ناوی ئەیووب ڕۆستەمی تەمەن 27 ساڵ و خەڵکی شاری سەلاسی باوەجانی، لە نەوسوود بە تەقەی هێزە نیزامییەکان حکوومەت پێکرا. ئەو کۆڵبەرە کوردە، لەو ڕووداوەدا گوللە وەبەر هەر دوو لاقی کەوتووە.[8]
- لە پادگانی تەکاوەرانی پەسوێ لە گوندی گردکشانەی شاری #پیرانشار#، لە کاتی تاقیکردنەوەی تۆپدا، گوللە تۆپێک دەتەقێتەوە و ژمارەیەک لە پاسدارەکان لەو پادگانە دەکوژرێن و بریندار دەبن. بەپێی قسەی هاووڵاتییانی شاری پیرانشار و بە تایبەتی خەڵکی پەسوێ، لەو ڕووداوەدا، 13 کەس لە هێزە نیزامییەکانی پایگای تەکاوەرانی پەسوێ، کوژراون.[8]
$باشووری کوردستان$
- جەماوەری تووڕەی #شیلادزێ#، دژی داگیرکاری و بۆردوومانەکانی تورک خۆپیشاندانیان ڕێکخست. خۆپیشاندەران بارەگایەکی پارتییان بەردباران کرد و لە ئەنجامدا خۆپیشاندانەکە توندوتیژیی لێکەوتەوە و لە هەردوو بەرەی خۆپیشاندەران و پۆلیس و ئاساییش چەند کەسێک برینداربوون.[3](بڕوانە فایلی پەیوەندیدار)
- فڕۆکە جەنگییەکان و کۆپتەرە جەنگییەکانی جۆری کۆبرای سوپای تورکی داگیرکەر ناوچەی خانتوریان لە حەفتانین بۆردومانکرد.[1](بڕوانە فایلی پەیوەندیدار) =KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383600/0002.JPG=KTML_ImageCaption_Title=فڕۆکە جەنگییەکانی تورک ناوچەی خانتوری حەفتانیان بۆردومانکرد=KTML_ImageCaption_CaptionStyle=000000=KTML_ImageCaption_Caption=فڕۆکە جەنگییەکانی تورک ناوچەی خانتوری حەفتانیان بۆردومانکرد=KTML_ImageCaption_End=
- لە ماوەی 24 کاژێری ڕابردوودا 266 کەس تووشی ڤایرۆسی کۆرۆنا بوون و 9 کەسیش گیانیان لەدەستداوە، کە یەکێکیان لە #هەولێر#ەوە و حەوت کەسیان لە سنووری پارێزگای #سلێمانی#ن و ئەوەی دیکەش لە پارێزگای #هەڵەبجە#یە.[3](بڕوانە بابەتی پەیوەستکراو)
- هێرش سەلیم، جێگری بەڕێوەبەری گشتی تەندروستی سلێمانی لە ڕونکردنەوەیەکدا تووشبوونی خۆی بەڤایرۆسی کۆرۆنا ڕاگەیاند.[4](بڕوانە فایلی پەیوەندیدار)
- پارێزگای هەولێر ڕایدەگەیەنێت، بەهۆی تووشبوون چەند بەرپرسێکی ئیداریی و فەرمانبەر، بۆ ماوەیەک دەوام لە سەرۆکایەتی شارەوانی و سەرجەم بەڕێوەبەرایەتییەکانی سەر بە سەرۆکایەتی شارەوانی هەولێر ڕادەگیرێت.[5]
- کوڕی تووشبوویەکی کۆرۆنا لە سلێمانی، هێرش دەکاتە سەر کارمەندانی نەخۆشخانەیەکی تایبەت بە تووشبووانی کۆرۆنا، دوای گیانلەدەستدانی باوکیشی هەڕەشە لە بەڕێوەبەری نەخۆشخانەکە دەکرێت، بۆیە بەڕێوەبەری نەخۆشخانەکە داوای جێگیرکردنی مەفرەزەیەکی ئاسایش دەکات لەبەردەم نەخۆشخانەکەی.[5]
- لە #خانەقین# و شارەبان شەڕ لەنێوان #حەشدی شەعبی# و #داعش# ڕوویدا و کوژراوی لێکەوتەوە.[2]
- کەشناسی هەرێم هۆشداری سەبارەت بەو خۆرگیرانە نیمچەییە دەدات کە بڕیارە سبەی یەکشەممە لە هەرێمی کوردستان ڕوبداو زیاتر لە دو سەعاتی پێبچێت و داوا لە هاوڵاتیان دەدات ڕاستەوخۆ سەیری نەکەن چونکە دەبێتە هۆی کوێربونی کاتی یان هەمیشەیی یان دەبێتە هۆی حاڵەتی لەدەستدانی توانای بینینی ڕەنگەکان.[7]
$دەرەوەی کوردستان$
- کۆمپانیای گەنەل ئێنێرجی ڕایگەیاند، لەلایەن حکومەتی هەرێمی کوردستانەوە بڕی هەشت ملیۆن و 500 هەزار دۆلاری وەک حەقدەستی هەناردەکردنی نەوت لە مانگی ئایاری ئەمساڵدا وەرگرتووە.[2]
- ئەندامێکی لیژنەی ئاسایش و بەرگريی لە پەرلە مانی عێراق داوای لە حکومەتی عێراق کرد سکاڵای یاسایی لە #نەتەوە یەکگرتووەکان# لەسەر تورکیا تۆمار بکات.[1]
- وەزارەتی تەندروستیی و ژینگەی عێراق ڕایگەیاند، لە 24 کاژێری ڕابردوودا هەزار و 870 کەس لە عێراق و هەرێمی کوردستان تووشی ڤایرۆسی #کۆرۆنا# بوون و 88 کەسیش گیانیان لەدەستداوە. ئەمەش زۆرترین ژمارەی مردن و تووشبوونە بە کۆرۆنا لە ڕۆژێکدا تۆمارکرابن.[2]
- #نێچیرڤان بارزانی# لەگەڵ بەرپرسانی ئێڕاقی لە بەغداد لەسەر قەیرانەکانی نێوان هەرێم و ئێڕاق کۆبووەوە.[2]
- ئەندامێکی لیژنەی ئاسایش و بەرگريی لە پەرلە مانی عێراق داوای لە حکومەتی عێراق کرد سکاڵای یاسایی لە نەتەوە یەکگرتووەکان لەسەر تورکیا تۆمار بکات.[1]
- کۆمسیۆنی ئەمریکا بۆ ئازادیی ئایینیی نێودەوڵەتی(USCIRF)، ئیدانەی هێرشی تورکیا لەنێو خاکی هەرێمی کوردستان دەکات و داواش لە سەرۆکی تورکیا دەکات هێرشە ئاسمانییەکان و شەڕ لە نزیک ناوچە مەدەنییەکان ڕابگرێت.[7]