هاوونیشتمانیانی تێکۆشەر!
دامەزراوە نێونەتەوەییەکانی مافی مروڤ!
هەر وەک ئاگادارن، ماوەی چەندین ڕۆژە، #زارا محەمەدی#، چالاکی مەدەنی، ڕاپێچی گرتووخانەیەکی نادیاری ڕژیمی ئێران کراوە و بێ دادپرسییەکی دادپەروەرانە، لە بارودۆخێکی ناڕووندا دەستبەسەرە، هەرچەندە ناوەندی ژنانی ڕۆژهەڵات دەستەبەسەرکردنی ئەو چالاکە مەدەنییە بە نایاسایی و دژی مافەکانی مرۆڤ دەزانێت.
تاوانی زارا محەمەدی، وتنەوەی وانەی کوردی و فێرکردنی زمانی دایکییە.
ڕاپێچیی ئەم مرۆڤە نیشتمانپەروەرە بۆ گرتووخانە و چارەنووسی نادیاری ناوبراو لە کاتێکدایە کە زمانی دایکی و فێربوونەکەی لە چوارچێوەی یاسای نێونەتەوەییدا ئاماژەی پێکراوە و لە جاڕنامەی گەردوونی مافی مرۆڤدا ئەم مافە بۆ هەموو کەس پارێزراو و چەسپێندراوە. بەڵام ڕژیمی ئێران بەبێ ڕەچاوکردنی مافەکانی مرۆڤ و یاسا و ڕێسا نێونەتەوەییەکان، ئەم مافەی لە نەتەوە بند ەستەکانی ئێران زەوت کردووە و ڕێگرە لە بەردەم هەرجۆرە مومارسەیەکی خوێندن و نووسین بێجگە لە زمانی فارسی. تاوانبارکردنی زارا و هەواڵەکانی بە وتنەوەی وانەی کوردی، ئەم ڕاستییە زیاتر دەردەخات کە بنەما و سیستمی دەسەڵات لە ئێراندا، لەسەر ئیدئۆلۆژیکی تایبەت دامەزراوە و تەنیا ئاخوندەکان دەزانن و دەتوانن ئەم پێناسەیە ڕوون بکەنەوە، چونکە لە هیچ ئایدیا و باوەڕێکدا نەهاتووە کە نەتەوە بندەست و جیاوازەکان ناتوانن بە زمانی خۆیان بدوێن و بنووسن.
دەسەڵاتی ئێران، بە گوشار و زەبروزەنگ، سیاسەتی ئاسیمیلەکردن و پاکتاوکردنی ئیتنیکیی بەسەر نەتەوە جیاوازەکاندا سەپاندووە و بە تاوانبارکردنی ناوەندە مەدەنی و سینفیەکان و هەڵبەستنی تۆمەت، ویستوویەتی هیچ دەورێک بۆ ئازادیی زمان و شوناسە نەتەوەییەکان نەکاتەوە و بە بیانووی لەمەترسیکەوتنی ئەمنیی قەومی و هێرشی ڕۆژئاوا، بە ئامانجی پەرەدان بە جیاکاری، تا ئێستا بەردەوامە لە بەربەست دروستکردن. هەر وەک چۆن لە چەند ساڵی ڕابردوودا، بزوتنەوە کۆمەڵایەتی و مەدەنییەکان بە باشترین شێوە لە کوردستان ڕۆڵیان بینیوە، بە هەمان ڕادەش سەرکوت و گوشار بۆ سەر چالاکانی مەدەنی بە بیانووی ئەمنیەتی، بە توندترین شێوە لە لایەن ڕێژیمەوە وڵام دراوەتەوە.
هەروەها سیاسەتی پاکتاویی نەتەوەیی لە بواری ئابووری و کۆمەڵایەتیشەوە، کوردستانی ڕۆژهەڵاتی ڕووبەڕووی دۆخێکی نالەبار کردووەتەوە و بووەتە هۆی پەرەسەندنی دەیان دیاردەی نالەبار و داڕمانی کۆمەڵایەتی کە لە هەموو ئەو بارودۆخانەشدا، ژنان واتە نیوە بێبەش و لاوازکراوەکەی کۆمەڵگا، زیاترین قوربانیی دەدات. چونکە ڕێژیمی ئێران هەر لە سەرەتای هاتنە سەرکاری بە کۆنترۆڵیکردنی نیوەی کۆمەڵگا، لە هەوڵی کۆنترۆڵکردنی تەواوی کۆمەڵگادا بووە و بە داڕشتنی یاساکانی لەسەر بنەمایەکی دژەژن و هەڵاواردنی ڕەگەزی لە لایەک و بێبەشکردن و پەراوێزخستنی ژنان لە سیستمەکانی دیکەی کۆمەڵگا لە لایەکی ترەوە، لەمپەڕی لە بەردەم هەموو ڕێگاکانی پێشکەوتنی ژناندا داناوە و بگرە تاکەکانی کۆمەڵگا و ژنانی بە هۆی دەیان پێوەری بەدبەختیی کۆمەڵگاکەی، گیرۆدە و زەبوون کردووە؛ هەر وەک چۆن لە بەردەم دیاردەیەکی وەکوو کوشتن و خوکوژیی ژنان دەنگی لێوە نایەت، بەڵام بە هۆی چالاکیی مەدەنیی چالاکەوانێک، تەواوی ناوەندە ئەمنیەتی و هێزەکانی دەکەونە کار و هەست بە مەترسی دەکەن. لێرەدا سیاسەتی دژەژنی ئەو ڕێژیمە زیاتر دەردەکەوێت کە بەپێی باگراوەندە فیکری و یاساییەکەی، سیستمی دەسەڵات، هۆکاری سەرەکیی پەرەگرتنی دیاردەی ژنکوژی و خۆکوژیی ژنانە. تاوانبارانی ژنکوژ لە نەبوونی یاسایەکی ئینسانیی ئازادانە، لە کۆمەڵگادا دەسووڕێنەوە، ئەو شتەی کە دەسەڵاتی دژەژنی ئێران دەیهەوێت.
کاری ئەو ڕێژیمە، دەمبەستی ژنان و لە قەفەس خستنیانە و لە نوێترین تاوان و هەنگاوی دەمبەستکردنی کۆمەڵگا و هێشتنەوەی هەموو ڕەنگەکان لە چوارچێوەی ڕەنگێکی ڕەشدا، زارا لە بەند دەکات بۆ چاوترسێنکردنی باقی چالاکانی مەدەنی. هێشتنەوەی زارا لە گرتووخانە و دیارنەبوونی چارەنووسی دوای دەیان ڕۆژ، دەری دەخات کە ڕێژیم بۆ سەرکوتی بزووتنەوە مەدەنییەکان لە هەموو زەبروزەنگێک کەڵک وەردەگرێت، بۆیە ئەرکی هەموو ڕێکخراوە بەشەردۆست و دامەزراوە سینفی و مەدەنییەکانە کە ناڕەزایەتی دەرببڕن و دەنگی زارا و دیان چالاکی مەدەنیی دیکە بن.
ئێمە وەک ناوەندی ژنانی ڕۆژهەڵات، داوا لە هەموو لایەک دەکەین ببنە دەنگی زارا و بە وەڕێخستنی کەمپەین و هەرجۆرە جووڵەیەکی ناڕەزایەتی، پشتیوانی لە ئازادبوونی بکەن و نەهێڵن زارا وەک سەدان کەسی بێتاوانی دیکە، تووشی دەیان گرێوگۆڵی دەروونی بکەنەوە و لە زینداندا بەبێ چارەنووس بهێڵرێتەوە.
هەروەها داوا دەکەین لەب ەردەم پرسی ژن لە کوردستانی ڕۆژهەڵات بێدەنگ نەبن، چونکە ئەو پرسەیە کە ڕێژیمی ئێران دەیان ساڵە کۆمەڵگای ئێرانی پێ کۆنترۆڵ دەکات و بێگومان نیوەی کۆمەڵگا دەتوانێت باشترین کاریگەریی لەسەر بزووتنەوەکاندا هەبێت.
ناوەندی ژنانی ڕۆژهەڵات لە لایەن پێنج ڕێکخراوی ژنانی کوردستانی ڕۆژهەڵات پێکهاتووە کە بریتین لە:
یەکیەتیی ژنانی دێموکراتی کوردستانی ئێران
ڕێکخراوی ئافرەتانی خەباتی کوردستانی ئێران
یەکیەتیی ژنانی دێموکراتی کوردستان
ڕێکخراوی ئاسۆی ژنی کورد
کۆمەڵەی ژنانی ڕۆژهەڵات
#06-06-2019#

شوێن: شاری #سنە#
رۆژ یان ساڵی گیرانی وێنەکە: (نەزانراو)
کەسایەتییەکانی ناو وێنەکە لە ڕاستەوە: (1- #جەلال مەلەکشا#، 2- #زارا محەمەدی#)
ناوی وێنەگر: (نەناسراو)
[1]

خەڵکی دڵسۆز و بەشەرەفی کوردستان!
له لایەن بەڕێوەبەرانی کەمپەینی پاڵپشتی له #زارا محەمەدی#، ئاگادارتان دەکەینەوه که چەند ڕۆژه بەڕێوەبەرانی ئەم کەمپەینه به توندی له ژێر گوشاری لایەنه ئەمنییەکانه، به شێوەیەک کە چەند جار هەڕەشه له هاوڕێیانمان کراوه. بەڵام ئه و گوشارانه نەبووه هۆی دەستڕاگرتنی ئێمه، چونکه ئەم کارەمان پێ ڕەوایه و به مەدەنیانەترین شێوه چالاکیمان کردووه و پەیوەندیمان به هیچ حیزب، لایەن و کەسایەتیی سیاسییەوە نەبووه.
بەڵام سێ ڕۆژه هەندێک کێشه بۆ ئەکاونتی بەڕێوەبەران دروست بووه که نەیانتوانیوه بێنه سەر هێڵ و هەر ئێستا دوو کەس تر له ئەدمینەکان هەک کراون.
زۆر زۆر جێگای شەرمه که وڵاتێک به هەککردنی بەڕێەوبەرانی کەمپەینێکی تەواو مەدەنی و ڕەوا، بیەوێت داوای خەڵکێکی مافخواز سەرکوت بکات. داوای خەڵکی کوردستان، ئازادیی مامۆستایەکی خۆبەخشە که دوور بووه له هەر تاوانێک.
هاوڕێیانی ئازیز، ئاگادارتان دەکەینەوه که تەواوی هێزی خۆمان له هێشتنەوەی کەمپەیندا بەکار دەبەین، بەڵام ئەگەر هەک بووین، دڵنیاتان دەکەینەوه که دەنگی حەق سەرکوت ناکرێت و به هەر شێوەیکی تر بێت، دەبینه دەنگی زارا و پاڵپشتی زارا و زاراکانی نیشتمان دەبین.
چالاکانی مەدەنیی کوردستان
18ی جۆزەردانی 2719ی کوردی
#08-06-2019#

هاوڕێیان، هاوبیران و خەڵکی دڵسۆزی کوردستان!
هەروەها که دەزانن، ساڵانێکه چالاکانی مەدەنی، لەژێر گوشار، دەستبەسەرکرانی نایاسایی و تەنانەت شاهیدی زیندانی کردن بوونه.
هەر له دوادەستبەسەرکرانی نایاسایی چالاکانی مەدەنی، چەند ڕۆژ پێش، سێ کەس له چالاکانی شاری #سنە# دەستبەسەر کران، که دوو کەسیان به شێوەی کاتی ئازاد کراون.
تا ئێستا چارەنووسی یەکێک له و ئازیزانه به ناوی خاتوو #زارا محەمەدی# نادیار و ناڕوونه.
ئێمه وەکوو چالاکانی مەدەنیی ڕۆژهەڵاتی کوردستان، به ڕێخستنی کەمپەینێک بۆ پشتیوانی له چالاکانی مەدەنی و بەتایبەت خاتوو زارا محەمەدی، دەستمان به کۆکرنەوەی واژۆ کردووە.
خەڵکی خاوەن هەڵوێست و هە ڕوەها دەزگا پێوەندیدارەکان ئاگادار دەکەینەوه که کۆکردنەوەی واژۆ تەنیا هەڵمەتی یەکەمه و له ئەگەری ئازادنەکردنی زووبەزوویی خاتوو زارا، هەڵوێست و کردەوەکانیشمان ڕادەگەیەنین.
چالاکانی مەدەنیی ڕۆژهەڵاتی کوردستان
7ی جۆزەردانی 2719ی کوردی
#28-05-2019#

ڤیدیۆ: دوو کچە خوێندکاری #زارا محەمەدی# بە کوردییەکی پاڕاو جوان ئەدوێن و شیعرەکانیان پێشکەش ئەکەن، ئەمانە خوێندکاری ئەنجوومەنی ئەدەبین کە پڕۆژەیەکی چالاکی فەرهەنگی و ئەدەبی ڕۆژهەڵاتە و زۆر لاویان پێگەیاندووە. زاراش هەر ئەو خزمەتەی دەکرد کە منداڵی کورد زمانی دایکی فێربێ.
ساڵ: 2022
[1]

#زارا محەمەدی#
لە ڕۆژمێری ڕۆژهەڵاتی کۆماری سێدارەدا
لە یادداشتنامەی ئەوینی ئەم خاکەدا
یەک وشەی تۆ، یەک دێڕی تۆ
لە فەرمانی هەرچی ئاخوند و ولایەتی فەقێیە
پیرۆزترە!
لە یادنامەی شاخ و
لە بیرەوەریی لوتکەیشدا
دەنگ و ڕەنگ و زەنگی دەستی تۆ
لە کەڕەنای هەرچی کۆشکی سوڵتانە
نەمرترە![1]

#هەڵۆ شێرکۆ بێکەس#

ناڤ: زارا محەمەدی
ناسناڤ: دەیکا زمانێ کوردی
ساڵا ژ دایکبوونێ: 1990
جهێ ژ دایکبوونێ: #دێوڵانی#
$ژیاننامە$
زارا محەمەدی یا بەرنیاس ب (دەیکا زمانێ کوردی) ، ل ساڵا 1990 ل گوندێ سەراوڵەیێ سەر ب باژێڕوکێ دێولانی یێ سەر ب پارێزگەها #سنە# یا #روژهەڵاتێ کورستان#ێ ژدایک بوویە. باوەڕناما ماستەرێ ل جوگرافیایا سیاسی ل زانینگەها سنە وەرگرتییە و وەکە مامۆستایەکە خوبەخشا زمانێ کوردی، زاروکێن سنە و تەڤایا دەڤەرێ فێری خوەندنێ و نڤیسینا #زمانێ کوردی# کرینە و وەکە سەمبولا خوەندنا زمانێ کوردی تێ ناسین. زارا محەمەدی ژیانا ھەڤژینیێ تەڤی سەیوان ئیبراھیمی پێکئانییە کو ئەو ژیک ئەندامێ ئەنجوومەنا نۆژینە.
بۆ ئێکەم جار زارا ل مەها ئایارا ساڵا 2019 هاتە دەستەسەرکرن و پشتی هەیامەک ل دەستەسەرکرنێ بە دەینانا بارمتە و بە شێوەکێ دەمکی هاتە ئازاد کرن، پشتڕە ل ساڵا 2020 ژ ئالێ لقا یەکێ یا دادگەها شۆڕەشا سنە و ب سەروکایەتیا (دادوەر سەعیدی) ب تومەتا پێکئانینا گرووپ و دەستەیان ل دژی ئاساییشا نیشتمانییا ئێرانێ، سزایا 10 ساڵ بەندکرنێ بسەردا سەپاند. د هەمان ساڵدا ژ ئالێ دەزگەها دادوەرییا کۆمارا ئیسلامییا ئێرانێ و لقا چارێ یا دادگەها پارێزگەها سنەیێ، ب سەروکاتییا (دادوەر مستەفا تەیاری) سزایا بەندکرنێ ل 10 ساڵان ژبو 5 ساڵان هاتە کێم کرن. سەرباری ڤێ چەندێ پشتی ساڵەک و مەهەکێ هاتە ئازاد کرن ئەو ژی پشتی لێبوورینا گشتی یا ڕێبەڕێ کومارا ئیسلامییا ئیرانێ ل ساڵا 2022ئان دەبوو.
ل ڕۆژا 10 شوباتا ساڵا 2023 زارا محەمەدی ل پەیجا فەڕمییا خۆە ل ئینستاگرامێ گرتەیەکە ڤیدیۆیی بەلاڤ کر و تێدا ڕاگەهاند: ❞ئیرو ڕوژا ئینێ ئێڤارەکە درەنگ بێی ئاگەهداریا من و ماڵباتا من، دوست و ئەندامانێن ئەنجوومەنا نۆژین و پارێزەرێ من، ب شێوازەکێ لەزگین ل بەندینخانێ ئەز هاتمە دەر ب بێێ هندێ کو داخوازا لێبوورینێ ژ ئالێ من ئانکو پارێزەرێ من هاتبیتە پێشکەش کرن و پێشتریش من بخۆە ب بەندینخانێ ڕاگهاندبوو و ب ڕییا پارێزەرێ خوە ژی ب دەزگەهێ دادوەریێ ڕاگهاندبوو کوو ب توو ئالییەک ئەز داخوازییا لێبوورینی پێشکەش ناکەم و ب توو شێوازەک ڤێ داخوازیێ ژی ئەز قبوول ناکەم. ھەروەسا پێشتیریش، دەستەسەرکرنا من و سزادانا من ب شێوازەکە ب تمامی نەدروست، ب بێێ بڕیاڕا من ل دەستهەڵاتا من نەبوویە، ئیروش دەرکرنا من ل بەندیخانێ ب توو شێوازەکێ ل دەستهەڵاتا من نەبوویە، چونکی من باوەڕ ب بیروباوەڕ و ڕێبازا خوە ھەیە و هەیا مرنێ ژی لسەر ڤێ بیر و باوەڕ و ڕێبازێ دێ ڕاوەستم.

هەروەسا ب دوو کۆپلەیا ل دیوانا #قانیع#ێ شاعیرڤیدیۆیا خوە خلاس دکەت.
گەر چی دوژمن وا ئەزانێ من بە دیلی لاڵ ئەبم
باش بزانێ کونجی زیندانم قوتابیخانەیە
بیری ئازادیم لە زیندانا فراوانتر ئەبێ
قوڕ بەسەر ئەو دوژمنەی ھیوای بە بەندیخانەیە[1]

ناو: زارا محەمەدی
نازناو: دایکی زمانی کوردی-زارای نیشتمان
ساڵی لەدایکبوون: 1990
شوێنی لەدایکبوون: #سنە#
ساڵی دەستبەسەرکردن: 2019
ڕۆژی ئازادکردن: #10-02-2023#
$ژیاننامە$
زارا محەمەدی ناسراو بە (=KTML_Bold=دایکی زمانی کوردی=KTML_End=) ، لە ساڵی 1990 لە گوندی سەراوڵەی، شارۆچکەی #دێولان#ی سەر بە پارێزگای سنە لەدایکبووە. بڕوانامەی ماستەری لە جوگرافیای سیاسی زانکۆی سنە وەرگرتووە، و وەکوو مامۆستایەکی خۆبەخشی زمانی کوردی، منداڵانی کوردی شاری سنە و شارۆچکە و گوندەکانی دەوروبەری شاری سنەی فێری خوێندن و نووسینی زمانی کوردی کردووە، و وەکوو هێمای خوێندنی زمانی کوردی ناسراوە. زارا محەمەدی ژیانی ھاوژینی لەگەڵ سەیوان ئیبراھیمی پێکھێناوە کە ئەویش ئەندامی ئەنجوومەنی نۆژینە.
بۆ یەکەم جار زارا لە مانگی ئایاری ساڵی 2019 دەستبەسەرکرا، و پاش ماوەیەک لە دەستبەسەرکردنی بە پێدانی بارمتە و بە شێوەیەکی کاتی، و تا کاتی ڕاگەیاندنی دانشتنی دادگاکەی ئازاد کرا، پاشان لە ساڵی 2020 لەلایەن لقی یەکەمی دادگای شۆڕشی سنە، و بە سەرۆکایەتی (دادوەر سەعیدی) بە تۆمەتی پێکهێنانی گرووپ و دەستە دژی ئاساییش و نیشتمانی ئێران، سزای 10 ساڵ بەندکردنی بەسەردا سەپێنرا. بەڵام لە هەمان ساڵدا لەلایەن دەزگای دادوەری کۆماری ئیسلامی ئێران و لقی چوارەمی دادگای پارێزگای سنە، بە سەرۆکایەتی (دادوەر مستەفا تەیاری) سزای بەندکردنی لە 10 ساڵ بۆ 5 ساڵ کەم کرایەوە. لەگەڵ ئەوەی زارا محەمەدی، سزای پێنج ساڵ بەندکردنی بەسەردا سەپێنرابوو، دوای ساڵ و مانگێک لە دەستبەسەرکردنی ئازاد کرا، کە ھەفتەیەک بەر لە ئازادکردنی، ڕێبەری باڵای ئێران، (عەلی خامنەیی) فەرمانی لێبووردنی بۆ ھەزاران کەسی خۆپێشاندانەکانی ساڵی 2022ی ئێران دەرکرد.
لە ڕۆژی 10 شوباتی ساڵی 2023 زارا محەمەدی لە پەڕەی فەرمی خۆی لە ئینستاگرام گرتەیەکی ڤیدیۆیی بڵاوکردەوە و تێیدا ڕایگەیاند: ❞=KTML_Bold=ئەمڕۆ ھەینی درەنگانی ئێوارە بەبێ ئاگاداریی خۆم، بنەماڵەم، ھاوڕێیان و ئەندامانی ئەنجوومەنی نۆژین و پارێزەری بەڕێزم، بە شێوازێکی بەتەواوەتی بەپەلە لە بەندینخانە دەرکرام بەبێ ئەوەی کە داخوازیی لێبووردن لەلایەن خۆم یان پارێزەرەکەمەوە پێشکەش کرابێ. و پێشتر من خۆم بە بەندینخانەم ڕاگەیاندبوو، و لە ڕێگەی پارێزەرەکەشم بە دەزگای دادوەری ڕام گەیاندبوو کە بە ھیچ شێوازێک داخوازیی لێبووردن پێشکەش ناکەم. بە ھیچ شێوازێ ئەم داخوازیشمە قەبووڵ نییە. ھەروەھا پێشتر، دەستبەسەرکردنم و سزادانم بە شێوازێکی بەتەواوەتی ناڕەوا، بەبێ بڕیاری خۆم و بەدەستی خۆم نەبوو، ئەمڕۆیش دەرکرانم لە بەندینخانە بە ھیچ شێوازێ بەدەستی خۆم نەبوو چونکە من باوەڕم بە بیروباوەڕ و بە ڕێگاکەی خۆم ھەیە، و تا کۆتایی ژیانم لەسەر بیروڕاکەم ھەم، و تا کۆتاییی ژیانم درێژەدەری بیروڕاکەمم=KTML_End=.❝

هەروەها بە دوو کۆپلە لە دیوانی #قانع# کۆتایی بە قسە کانی هێنا:
گەر چی دوژمن وا ئەزانێ من بەدیلی لاڵ ئەبم
باش بزانێ کونجی زیندانم قوتابیخانەیە
بیری ئازادیم لە زیندانا فراوانتر ئەبێ
قوڕ بەسەر ئەو دوژمنەی ھیوای بە بەندیخانەیە
[1] [2]

ڤیدیۆ: زارا محەمەدی: کوردبوون ئینسانبوونە
شوێن: ڕۆژهەڵاتی کوردستان
ساڵ: 2022
[1]

هاووڵاتیانی بەڕێز!
وەک ئاگادارن، کەمپەینی زاگرۆس چاوەڕێمانە، بە مەبەستی گەیاندنی یارمەتی بە لێقەوماوانی #لوڕستان# و #ئیلام#، بە دوور لە هەر چەشنە هەڵاواردن یان لایەنگریی سیاسی و ئیدیۆلۆژیانە، بە بەشداریی هەموو شاران ڕاگەیەندرا و بە پشتیوانیی جەماوەری کوردستانەوە، هیوا بۆ زاگرۆس گەڕایەوە. لێرەوە وێڕای سپاس و پێزانین بۆ ئەمەگناسیتان، بۆ ئاگاداریتان یارمەتییەکانتان بە دەستی ڕۆڵەکانی خۆتان گەیشتە دەست لێقەوماوان و تا هێزێک لە کەمپەینەکەدا مابێت، هەڵمەتی فریاکەوتن درێژەی دەبێت و کار و ئەرکەکان بە پێی دەسەڵاتی شارەکان لە باری ماڵی و شتومەک و هێزی مرۆڤییەوە، دابەش کراوە.
خاڵی گرنگ ئەوەیە کە لەم ڕۆژانەی دواییدا، سێ کەس لە هاوڕێیانی چالاکی کەمپەین بە هۆکاری نادیار لە لایەن هێزە ئەمنییەکانی ئێرانەوە دەستبەسەر کران، کە دوو کەسیان ئازاد بوونە و خاتوو زارا هێشتا دەستبەسەرە. ئەمەش بۆ چالاکییەکانی کەمپەین بەربەستی دروست کردووە. لەم کاتە هەستیارەدا و لە باری نالەباری ژیاندا، ڕێکخراوە مەدەنییەکان خۆبەخشانە و لەخۆبوردووانە قۆڵی بە هاناوەچوونیان بۆ لێقەوماوان هەڵماڵیوە، کەچی بە هۆکاری نادیار، چەند کەس لە چالاکان بەدەر لە پڕەنسیپە یاساییەکان قۆڵبەس دەکرێن و کەمپەین پەک دەخرێت. ئەو هاوڕێیەیشمان هێشتا چارەنووسی نادیارە. بە ناو شۆرای ڕێکخراوە مەدەنییەکانی کوردستانەوە، دەنگمان دەخەینە پاڵ ناوەندی کەلتووری- کۆمەڵایەتیی نۆژینەوە و خوازیاری ڕوونکردنەوە لە لایەن هێزە ئەمنییەکان و دەزگای دادوەری و ئازادیی بێ مەرجی ئەم چالاکە مەدنییەین.
شۆرای ڕێکخراوە مەدەنییەکانی کوردستان
کەمپەینی زاگرۆس چەوەڕێمانە
دووشەممە، 6ی جۆزەردانی 2719ی کوردی
#27-05-2019#