$رۆژهەڵاتی کوردستان$
- سەرلەبەیانی ئەمڕۆ، هاووڵاتییەکی تەمەن 30 ساڵ، خەڵکی شاری #نەغەدە#، بە تەقەی هێزە ئینتزامییەکان لە نزیک شەقامیسەردار ڕۆحیی نەغەدە گیانی لە دەست دا. بە وتەی شایەتحاڵەکان، ئەو ڕووداوە لە کاتێکدا ڕووی داوە، کە هێزە ئینتزامییەکان لە کاتی ڕاودوونانی قاچاغچییەکان تەقەیان کردووە، کە گوللەیەک وەبەر چاوی ئەو هاووڵاتییەی کەوتووە.[2]
$باشووری کوردستان$
- بەهۆی دەستپێکردنی تاقیکردنەوەکانی پۆلی 9 و 12، هێڵێ ئنتەرنێت بۆ ماوەیەکی کاتی لە باشووری کوردستان وەستێنرا.[1]
- تۆمارکردنی قەوارەسیاسییەکان بۆ هەڵبژاردنی پەرلەمانی کوردستان دەستیپێکرد و تاوەکو 7ی مانگی داهاتوو کات بۆ لایەنە سیاسییەکان هەیە خۆیان بۆ بەشداری لە هەڵبژاردنی 30ی ئەیلوول تۆمارکەن.[4]
- سەرۆکی شارەوانی #هەڵەبجە# ئاماژە بەوەدەکات، ئەمڕۆ ئەو وادەیەی کە دابومان بە لایەنە سیاسییەکان بۆ لێکردنەوەی پۆستەر و ڕیکلامەکانی هەڵبژاردن کۆتایی هات، هەر لایەنێکی سیاسیش پابەندی ڕێنماییەکان نەبێت ڕێکاری یاسایی لەبەرامبەر دەگرینەبەر.[3]
- بەڕێوەبەری گشتیی پۆلیسی هەولێر ڕایگەیاند، بەمزووانە #فەرهاد پیرباڵ# ئازاددەکرێت.[4]
$دەرەوەی کوردستان$
- مانگرتنی شۆفێری ئۆتۆمبێلی بارهەڵگر و تانکەرەکانی گواستنەوەی سووتەمەنی لەدژی خراپیی باری گوزەران و گرانیی نرخی کاڵا و پێداویستیەکان، بۆ ڕۆژی شەشەم لە چەندین شاری گەورەی ئێران بەردەوامە و تادێت فروانتر دەبێت.[3]
- دوویەمین کۆنگرەی بزوتنەوەی ژنانی کوردی فەرەنسا- تەژەکە لە ناوەندی کۆمەڵگەی دیموکراتی کورد لە پاریس بەڕێوە چوو. لە کۆی 13 مەجلیسی ژنان وکۆمینان لە پاریس زیاتر لە 100 ئەندام بەشداری کۆنگرە بوون.[5]

گەریلاکانی #هەپەگە# لە گەڤەر، #شەمزینان#، باگۆک و خارپێت لەدژی سوپای تورک چالاکییان ئەنجامدا و لەو چالاکییانەدا حەوت سەرباز و ئەندامی تیمی تایبەت کوژران.
ئەمڕۆ، ناوەندی ڕاگەیاندنی هێزەکانی پاراستنی گەل- هەپەگە، لەبارەی چەند چالاکییەکی گەریلاکانییان لەچوارچێوەی هەنگاوی شۆڕشگێڕانەی شەهید پیرۆز و شەهید ئاگریی و شەهید دەلال ئامەد و شەهید بەستا، ڕاگەیەندراوێکی بڵاوکردەوە و وردەکارییەکانی ئاشکراکرد.
لە ڕاگەیەندراوەکەدا ئاماژەدرا: هێزەکانمان دوێنێ کاتژمێر 12:10 خولەکی شەو گەریلاکانمان لەدژی بارەگای سوپای تورک لە شەمزینانی سەربە جولەمێرگ چالاکییەکیان ئەنجامدا، ژمارەی کوژراو و بریندارەکانی سوپای تورک لەو چالاکییەدا نەزانرا، سوپای تورک پاش ئەو چالاکییە ئۆپەراسیۆنێکی لە ناوچەکەدا دەستپێکرد و شەڕێک لەنێوان گەریلاکانمان و سوپای تورک ڕوویدا، لە ئەنجامدا سێ ئەندامی تیمە تایبەتەکانی سوپای تورک کوژران و هەشت ئەندامی دیکەیان برینداربوون، لەو شەڕەدا دوو لە هەڤاڵانی ئێمەش کە قارەمانانە شەڕیان کرد شەهدیبوون، دواتر ناسنامەی ئەو شەهیدانە بە ڕای گشتی ڕادەگەیەنین.
لە بەردەوامیدا هەپەگە ڕایگەیاند: نیوەشەوی ڕابردوو کاتژمێر 12:10 خولەک گەریلاکانی یەژاستار لەسەر گردی هارونی سەربە شەمزینان دوو چالاکییان ئەنجامدا، لەو چالاکییانەشدا دوو سەربازی سوپای تورک کوژران.
هەروەها، هاتووە: 25ی ئایار کاتژمێر 02:30 خولەکی پاش نیوەڕۆ لە دەوروبەری گەڤەری سەربە جولەمێرگ چالاکییەکی دیکە ئەنجامدرا، لەو چالاکییەشدا سەربازێکی سوپای تورک کوژرا.
هەپەگە، هەروەها ئاشکرایکرد: 25ی ئایار کاتژمێر 07:10 خولەکی ئێوارە لەسەر ڕێگای چەولیگ بۆ خارپێت چالاکییەک ئەنجامدرا، لەو چالاکییەدا گورزی سەخت لە پێگەکان و ئۆتۆمبێلە سەربازییەکانی سوپای تورک درا، ژمارەی کوژراو و بریندارەکانی سوپای تورک لەو چالاکییەدا نەزانرا.
لەکۆتایی ڕاگەیەندراوەکەی هەپەگەدا هاتووە: لە هەنگاوی شۆڕشگێڕانەی شەهید دەلال ئامەد و شەهید بەستادا، گەریلاکانمان 25ی ئایار کاتژمێر 06:00ی پاشنیوەڕۆ لە دەوروبەری باگۆک چالاکییەکیان لەدژی سوپای تورک ئەنجامدا، لەو چالاکییەشدا سەربازێکی سوپای تورک کوژرا.[1]
#27-05-2018#