$باکووری کوردستان$
- پۆلیسی تورکیا ئەمڕۆ لە ناوچەی پرسوسی ڕحا هەڵیکوتایە سەر ماڵی هاووڵاتییەک بە ناوی باران کاراک و لە دوای پشکنینی ماڵەکە کاراک-یان دەستگیرکرد و لەگەڵ خۆیان بردیان بۆ بەڕێوەبەرایەتیی ئاسایشی ئەو ناوچەیە.[4]
لە گەڕەکی ئەلبەنگەدی لە ناوچەی وێرانشار بە پاساوی بڵاوکردنەوەی بابەت لە تۆڕە کۆمەڵایەتییەکان 2 هاووڵاتی بە ناوەیکانی حەسەن کاباک و عەبدولقادر چالاگان دەستگیرکران و ئەو 2 هاووڵاتییەیان گواستەوە بۆ فەرماندەیی جەندرمەکانی ئەو ناوچەیە.[4]
- دانیشتنێکی دیکەی دادگەیی کردنی پەرلەمانتاری هەدەپە سەلچووک مزراکلی بەڕێوەچوو.[4]
- پاسێک کە لە هێڵی گواستنەوەی ڕێگەی #ئامەد# - ئەدەنە کار دەکات، لە کلیۆمەتری 65ی ڕێگەی ئۆتۆبانی نێوان ڕوحا - بیرەجیک لە لایەن پۆلیسەوە وەستێنرا. لە کاتی پشکنینی ناسنامەی سەرنشینانی پاسەکە، لە دووری 50 مەترەوە لەنێو ئۆتۆمبێلێکی زرێپۆشەوە گولەبارانی پاسەکە کرا و لە ئەنجامدا سەرنشینێکی پاسەکە بە ناوی سەدات پۆڵات (32 ساڵان) بریندار بوو. پاش ئەوەی ناوبراو ڕەوانەی نەخۆشخانەی پەروەردە و لێکۆڵینەوەی محەمەد عاکیف ئینان کرا، گیانی لەدەست دا. دواتر لە فەرمانگەی پزیشکی دادوەری تەرمی ئه و هاوڵاتییە ڕادەستی خانەوادەکەی کرایەوە.[4]
$رۆژهەڵاتی کوردستان$
- چالاکێکی مەدەنی بە ناوی #کەریم ئەسغەری# بە هۆکاری نادیار لە لایەن هێزە ئیتلاعاتییەکانی سپای پاسدارانەوە لە شاری سنە دەسبەسەر کرا.[7]
- #کۆڵبەر#ێکی لاو بە ناوی زەینەدین شێخە خەڵکی شاری #سەردەشت# لە سنووری کانی خوایی شاری #پیرانشار# لە لایەن هێزە ئینتزامییەکانی حکوومەتی ئێرانەوە دەسبەسەر کرا.[7]
$باشووری کوردستان$
- بەبۆنەی ڕۆژی شەهیدانی #یەکێتیی نیشتمانیی کوردستان#-ەوە، لە هۆڵی گەلەری ئەمنەسورەکەی شاری سلێمانی، مەڵبەندی ڕێکخستنی #پێشمەرگە# ی-ن-ک، پێشەنگایەکی بۆ وێنەی شەهیدانی شەڕی دژی #داعش# کردەوە.[5]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156690/0009.JPG=KTML_ImageCaption_Title=لە پێشانگایەکدا وێنەی 700 شەهیدی شەڕی دژی داعش نمایشکرا=KTML_ImageCaption_CaptionStyle=000000=KTML_ImageCaption_Caption=لە پێشانگایەکدا وێنەی 700 شەهیدی شەڕی دژی داعش نمایشکرا=KTML_ImageCaption_End=
- لە بارەگای نوێنەرایەتی پارتی دیموکراتی گەلان-#هەدەپە# لە شاری #هەولێر#، ئەندامانی نوێنەرایەتییەکە دژ بە بەردەوامیی گۆشە گیرکردنی #عەبدوڵڵا ئۆجەلان#، ڕێبەری پارتی کرێکارانی کوردستان-#پەکەکە# مانگرتنیان لە خواردن دەستپێکرد و ڕایانگەیاند.[5]
- ڕیزبەندی زانکۆکانی هەرێمی کوردستان ڕاگەیەنرا.[1]
- لە شاری سلێمانی، #هەڵەبجە# و #کۆیە# و چەندین ناوچەی تر ڕێورەسمی تایبەت بۆ ڕۆژی شەهیدانی یەکێتی بەڕێوەچوو.[3]
- فەرماندەی پاسەوانی سنووری عێراق لە هەرێمی کوردستان و فەرماندەی پاسەوانی سنووری #سنە# لە #سلێمانی# کۆبوونەوە، دوای کۆبوونەوەکە لە کۆنگرەیەکی ڕۆژنامەڤانی هاوبەشدا، لیوا شێرکۆ عەبدوڵڵا، فەرماندەی پاسەوانی سنووری عێراق لە هەرێمی کوردستان ڕایگەیاند: بەپێی ئەو ڕێککەوتنەی لەنێوان کۆماری عێراق و کۆماری ئیسلامی ئێراندا کراوە، پێویستە شەش مانگ جارێک کۆبوونەوەیەک لەنێوان فەرماندەکانی پارێزگاکانی سنوور ئەنجام بدرێت، جارێک لە ئێران و جارێکیش لە عێراق.[2]
- پزیشکی دادوەری بەغدا ئەنجامی پکشنینەکانی (دی ئێن ئەی) بۆ ئێسکپروسکەکانی حەویجە و کەسوکاری ژمارەیەک پێشمەرگە ئاشکراکرد، بەپێی پشکنینەکان هیچ پارچەیەک لەئێسکوپروسکەکان هی ئەو پێشمەرگانە نین کە ناسنامەکانیان لە حەویجە دۆزرابوویەوە.[6]
- ڕێکخراوی ژنانی ئازادی کوردستان، سیمینارێکی لە قوتابخانەی ڕەوشتی کچان لە شارۆچکەی #کەلار#، بۆ ڕابیعە عەباس ڕێکخست، سەبارەت بە بەرەنگاربوونەوەی توندوتیژی دژی ژنان و تێیدا ئاماژە بەوەکرا، کە پێویستە ژنان بە توانا و بە خۆبەڕێکخستنکردن ڕووبەڕووی توندوتیژی ببنەوە.[5]
- ناوی 273 تۆمەتباری هەڵهاتوو لەلایەن بەڕێوەبەرایەتی پۆلیسی پارێزگاکانی هەرێمی کوردستانەوە ڕادەستی #وەزارەتی ناوخۆ# کران و بڕیارە لە یەکشەممەی داهاتوو ئه و لیژنە باڵایەی بۆ دەستیگرکردنیان پێکهێندراوە، شوێنی نیشتەجێبوونیان ئاشکرا بکات.[6]
$دەرەوەی کوردستان$
- پەرلەمانی عێراق بڕیاریدا خاڵە گومرگییەکانی نێوان عێراق و هەرێمی کوردستان لاببرێن.[1]