ب دەستووری خودێ

چەوچە کەفتە قەوما
راستی چۆ دەرەو ما
ئێقین ئاخر زەمان لەوما

***
چەند سەبەقێن پیرۆز ژ قەولێ مشتاقێ سێ بۆرم :-

مشتاقێ سێ بۆرم
غەواسێ بەحرێت کوورم
ژ ئادی یا ئەزی مشوورم

***
مە ئێک دڤێت یی ساخ بێ
یی بێ سوج و بێ گوننەھ و بێ بناس بێ
د ترسێ دا یی خلاس بێ

***
مە ئێک دڤێت یی ب رێز بی
گرانەکی دل پارێز بی
نە ژ وان یێت خەبەر ڤەگوھێز بی

***
مە ئێک دڤێت یی ب سەر بێ
ل عەبادەتێ یی فەر بێ
نە دەڤە رۆیێ دوو خەبەر بێ

***
ژ وان نەبن دوو خەبەرە
دا نەبنە جاسووسێت خەبەرە
رۆژا ئاخرەتێ نە شفات لێ ھەیە و نە مەھدەرە

***
ل خەبەرا نە د جاسووس بن
ل دیوانێ نە وەکی کابووس بن
دا ل دیوانا مێرا نە د بێ نامووس بن

***
مە گەرێن ل پشت دیوارا
گوھێ خۆ مەدەنە پەیڤێت جینارا
دا ل ئاخرەتێ ل گوھێ وە نەقوتن بزمارا

***
ژ ھەموو دلان ب خۆف و ترس بن
ل دیوانێت خاسان ب پسیار و پرس بن
دا ژ گونەھا ل با پەدشێ خۆ د خالس بن

***
دەروێشەک یی قەلەندەرە
وێ دگەرێت دەربدەرە
ئەینەتێ دل قەدا ل سەرە

***
راستی من لوێ گیاندا
عێرفا وا بەیاندا
من گۆت : خودێ وێت دلا دا

***
یێ تەمام خودێ یە.[1]