$باکووری کوردستان$
- لە دەوروبەری دەریاچەی #وان# زیاتر لە 30 پەنابەر کە بە تەنها هێلرابوونەوە، بەرلەوەی لە سەرمادا ڕەقببنەوە دۆزرانەوە. بە پێی زانیاریەکان پەنابەران بە کەشتیەک بەرەو #بەدلیس# دەچوون و لە نزیک ناوچەی وەستان لە دەوروبەری دەریاچەی وان بە تەنها بەجێهێلرابوون.[3]
$رۆژهەڵاتی کوردستان$
- لە ماوەی ڕۆژانی ڕابروودا، #کۆڵبەر#ێکی کورد بە ناوی محەممەد فەقیزادە، خەڵکی #پیرانشار#، بەهۆی تەقەی هێزەکانی سپای پاسداران لە کاتی کۆڵبەریدا پێکرا. ئەو کۆڵبەرە کوردە، بەبێ ئاگادارکردنەوەی پێشوو، بە گومانی هەڵگرتنی شتومەکی قاچاخ لە سنوورەکانی پیرانشار لەلایەن هێزەکانی سپای پاسدارانەوە تەقەی لێکرا. محەممەد فەقیزادە بۆ چارەسەریی پزیشکی ڕەوانەی ناوەندی دەرمانی کراوە و بارودۆخی تەندروستیی ناوبراو نالەبار ڕاگەیەندراوە.[8]
$باشووری کوردستان$
- #سلێمانی# و خاکی، ئەلبومێکی وێنەیی دۆکیۆمێنتاری مێژوییە لەسەر شاری سلێمانی، لە نوسین و ئامادەکردنی هونەرمەند #ئاسۆ عومەر سوارە#یە، سەعات 3:30 دەقیقەی پاش نیوەڕۆ لە ڕێورەسمێکدا لەهۆڵی خاک بڵاو دەکرێتەوە.[1]=KTML_Photo_Begin=https://www.kurdipedia.org/files/relatedfiles/2020/376650/0007.JPG=KTML_Photo_Alt=کەشناسی ساردترین ناوچەی ئەمڕۆی هەرێمی کوردستانی ئاشکرا کرد=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/376650/0007.JPG=KTML_Photo_End=
- وتەبێژی #بزووتنەوەی ئیسلامی#ی کوردستان ڕایدەگەیەنێت: لە دوای ڕاپەڕینەوە تاوەکو ئێستا حەوت کادیر و ئەندامیان لە هەرێمی کوردستان بێ سەروشوێنن، داوا لە حکومەتی هەرێم دەکات دۆسیەی ئه و کادیرانەیان یەکلایی بکاتەوە.[4]
- سەنتەری میدیایی #وەزارەتی پێشمەرگە# ڕایدەگەیێنێت، بۆ نەهێشتنی چەکدارانی #داعش# لە ناوچەکە، هێزەکانی پێشمەرگە و ئاسایش و هاوپەیمانان ئۆپەراسیۆنێکیان دژی داعش لە چەند ناوچەیەکی دەڤەری #گەرمیان# ئەنجامدا و بەهۆیەوە پێشمەرگەیەکیش بەسەختی برینداربووە.[5]
- لەپێناو نەهێشتنی مەترسییەکانی چەتەکانی داعش لەسنووری شارەدێی گوڵاڵە و ڕۆژئاوایی #خانەقین# و شارەدێی کۆکس، سوپای عێراق و هێزی پێشمەرگە کۆبونەوە و بڕیار درا، چەند خاڵێکی سەربازی لەناوچەکە لەلایەن سوپای عێراقەوە بەدرێژایی 5 کیلۆمەتر دابنرێت.[7]
- بەهۆی ئەو شەپۆلەی بەفربارین و سەرمایەی کوردستانی گرتووەتەوە، هاتووچۆ لە چەند ناوچەیەک ئەستەم بووە و ڕێگای #هەولێر# - #دهۆک#یش داخرا.[2]
- بەهۆی شەپۆلی بەفربارین و سەرما، ئاڵوگۆڕی بازرگانی لە دەروازەی سنووری #حاجی ئۆمەران# وەستا و گەشتیارانیش بەشێک لە ڕێگاکە بە پیادەڕۆ دەبڕن.[6]
- بەهۆی نزمبوونەوەی پلەکانی گەرما، زۆرێک لە پەروەدەکان و فەرمانگەکانی باشووری کوردستان، سبەینێیان کردە پشووی فەڕمی.[2]
- بەڕێوەبەری ئاوی دەوروبەری سلێمانی لێدوانی ئەندامێکی ئەنجومەنی پارێزگای سلێمانی بەدرۆ دەخاتەوە کە وتبووی بەشێکی دانیشتوانی سلێمانی ژەهراوی کراون، ڕاشیدەگەیەنێت: ماددەی کلۆر بەسەر ناچێت و بەپێی ئەو پشکنینانەی تائێستا بۆ ئاوی خواردنەوەی ماڵان کراوە ئاوەکە تەندروستە و ڕێژەی کلۆرەکەش دەرچووە.[1]
- ئێوارەی ئەمڕۆ لەهۆڵی بۆنەکان، لەشارۆچکەی #کەلار#ی ناوەندی ئیدارەی گەرمیان، مەراسیمێکی شکۆدار بۆ بەرز ڕاگرتنی چلەی ماتەمینی شەهید زەردەشت گەرمیانی بەڕێوەچوو، کە لە بەرخۆدانی #سەرێکانی# لە ڕۆژئاوای کوردستان، دژ بە دەوڵەتی تورک و چەتەکانی شەهیدبوو.[7]
$رۆژئاوای کوردستان$
- تەقینەوەیەک لە شاری #عەفرین# ڕوویدا، بەهۆیەوە 8 کەس گیانیان لەدەستدا و ژمارەیەک کەسی دیکەش برینداربوون.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/376650/0002.JPG=KTML_ImageCaption_Title=تەرمی ئەبرام منبج شەڕڤانی ئەنجوومەنی سەربازی منبج بەخاکسپێردرا=KTML_ImageCaption_CaptionStyle=000000=KTML_ImageCaption_Caption=تەرمی ئەبرام منبج شەڕڤانی ئەنجوومەنی سەربازی منبج بەخاکسپێردرا=KTML_ImageCaption_End=
- هاوڵاتیانی منبج تەرمی ئەبرام منبج #شەڕڤان#ی ئەنجوومەنی سەربازی منبجیان بە مەراسیمێک لە گۆڕستانی شەهیدانی #منبج# بەخاکسپارد.[3]
$دەرەوەی کوردستان$
- سوپای سووریا لە ئیدلب هێرشێکی کردەسەر هێزەکانی تورک وە بووە هۆی کوژرانی پێنج سەربازی تورک و برینداربوونی پێنجی دیکە.[2]
- تورکیا ڕایگەیاند، هێزەکانیان لە ئدیلب پێگەکانی سوپای سووریا بە چڕی و بێ پچڕان بۆردومان دەکەن، ئەمەش دوای ئەوەی 5 سەربازی تورکیا لە هێرشێکی تۆپخانەکانی سووریا بۆ سەر خاڵێکی چاودێریان لە ناوچەیەکی ئه و پارێزگایە کوژران و 5ی دیکەش بریندار بوون.[6]