رۆژی 23ی ژانویە فڕۆکە جەنگییەکانی تورکیا، لە دوو بۆردوومانی جیاوازادا لە گەلی ڕەشاڤە (کەمەری #ئامێدی#) لە شارەدێی دیرەلوکی سەربە شارۆچکەی ئامێدی شەش هاوڵاتی ناوچەکەیان کردە قوربانی. ئەو شەش هاوڵاتیيە کە بەمەبەستی ڕاوە ماسی چووبونە ئەو ناوچەیە، لەو بۆردومانەدا چواریان گیاننیان بەخت کرد و ە دووانیان برینداربوون.
لەکاتی مەراسیمی ناشتنەکەیاندا ژمارەیەکی زۆری هاوڵاتیانی ناوجەکە، جگە لە کەس وکاری قوربانيان بەشداریانکرد. لەدوای ناشتنی تەرمەکانیان، گەنجانی ناوچەکە بە خۆپیشاندان بەرەو بنکەی سەربازی(سیرێ) کە لە کۆمەڵگەی سیرێیە بەڕێکەوتن.
سەربازانی ناو بنکە سەربازیەکە بەبێ ئەوەی هيج بەهايەک بۆ خەڵکی ناوجەکە دابنێن، تەقە بەسەر خۆپیشاندەراندا دەکەن و لە ئاکامدا حەووت هاووڵاتی بريندار دەبێت و يەکێکيش گيانی بەخت دەکات کە تا ئێستاش هيج کەس لەوانەی کە تەقەيان کردووە بەسەر خۆپيشاندەراندا، لێپرسينەوەيان بەرامبەر نەکراوە ئەمە لەکاتێکدایە ئەرکی سەرەکی دامودەزگای دەوڵەتي پاراستنی هاووڵاتيانی خۆیە بەرامبەر بە هێزێکی دەرەکی, بەلام بەپێجەوانەوە هێزە ئەمنیەکانی حکومەتی هەریمی کوردستان چەندین هاوولاتی لە خۆپيشاندەران دەسبەسەر دەکەن.
ڕۆژی 11ی شوبات دادگای #دهۆک# بڕياری مانەوەی چەند کەس لە دەستبەسەرکراوەکان درێژ دەکاتەوە کە چەندین کەسيان گواسترانەوە بۆ دادگای دیرەلوک بە هۆکاری “تایبەتمەندی شوێن” وە دۆسییەی شەش دەستگیرکراوی تر بە ناوەکانی #شێروان شێروانی#، #تاکور زەردەشتی#، #ڕێکان ڕەشید#، ئەیاز کەرەم وموستەفا بامەڕنی، بە ناوی ئاردال زاخویی لە دادگای دهۆک هێشتراونەتەوە.
بەپێیی زانياريەکان لە ميدياکانی باشووری کوردستانەوە بریار وایە ئەم دەستبەسەرکراوەانە بە ماددەی 156ی سزادانی عێراقی کە “خیانەتی نیشتیمانی و تێکدانی ئاسایشی وڵات”ە و سزاکەی “لەسێدارەدان”ە حوکم بدرێن. لە کاتێکدا ئەو دەستبەسەرکراوەانە دژ بەو سوپای تورکیا لە هەرێمیی کوردوستان ناڕەزایەتییان دەربڕیوە کە بۆتە مەترسی بۆسەر ژيان و ئاسایشی خەڵکی ناوجەکە وە بە پێ ئامارەکان لە ماوەی تەنیا چوارساڵی ڕابردوو 823جار هەرێمی کوردستان لە ڕێگای فڕۆکە و تۆپخانەکانی تورکیاوە بۆردوومان کراوە وە زیاتر لە 20هاووڵاتی گیانیان لەدەست داوە.
بۆیە دۆسیەی ئەو چەند کەسە دەستبەسەرکراوەانە کراونەتە دۆسیەیەکی سیاسی و ڕێچکەی یاسایان نیە، لە ڕاستیدا دەبوو ئەو چەند دەستبەسەرکراوەانە کە لە خۆپیشاندەرەکە بشداریان کەردوە بە پێ یاسای ژمارە 11ی ساڵی 2010ی ڕێکخستنی خۆپیشاندان مامەڵەیان لەگەڵ بکردرايت و ئەو شەش دەستبەسەرکراوەانە دهۆک کە لەو خۆپیشاندانەدا بەشدارنەبوون هەر لە سەرەتاوە دەسبەسەر نەدەبون.
بە پێی یاسای ژمارە دەی ئاسایشی نیشتمانی عیراق و هەریمی کوردستان و یاسا بنەرەتیەکانی مافی مروڤ وەکو بەندەکانی 10، 18، 19، 21، 27 کە بە ڕوونی باس لە مافی بەشدار بوونی هاوونيشتمانيان لە کۆر و کۆمەڵدا دەکات، کۆمیتەی چاودێری مافەکانی مروڤی کونگرەی نەتەوەیی کوردستان داوا لە حکومەت و دەستگای داددی هەریمی کوردستان ئەکات کە بە زووترین کات بەندەکانی مافی مرۆڤ لەبەر چاو بگرێت و ئەو دەسبەسەرکراوانە بە بێ مەرج ئازاد بکات.
هەر وەها کۆمیتەی چاودێری مافەکانی مروڤی ک ن ک داوا لە هاونیشتمانیانی باشوری کوردوستان دەکات کە نەهیڵن مافە بنەرەتیەکانیان لە لایەن هیج دەستگایکی ئەمنی و سیایسەوە پێشێل بکریت، وە بۆ سیستەمیکی شارستانی و دادپەروەرانە کە مافەکانی مرۆڤی تیدا گونجا بێت و شایانی ژیانی هاونیشتمانیانی باشوری کوردستان بێت، تێکوشانی هەمەلایانە بکەن.
کۆمیتەی چاودێری مافەکانی مروڤی کونگرەی نەتەوەەیی کوردستان
#21-02-2019#