ناوەندی ڕاگەیاندنی یەکینەکانی پاراستنی گەل (#یەپەگە#) ڕاگەیەنراوێکی بڵاوکردەوە و ئەنجامی شەڕ و بەرخۆدانی مانگی ئابی #شەڕڤان#انی یەپەگە و #یەپەژە#ی لە ڕۆژاڤا و باکووری سووریا ئاشکرا کرد.
یەپەگە ڕایگەیاند، لە مانگی ڕابردوودا 57 چەتە و سەربازی تورکیا کوژراون و 40 چەتە و سەربازیش بریندار بوون.
دەقی ڕاگەیەنراوی یەپەگە:
(لە مانگی ئابدا، لە سەرانسەری ڕۆژاڤا و باکووری سووریا هێزەکانی یەکینەکانی پاراستنی گەل و یەکینەکانی پاراستنی ژن لە هەموو شوێنێک لە کاتی پێویستدا بە ئەرکی پاراستنی خاک، گەلی هەرێمەکە و دەستکەوتەکانی شۆڕش هەستاون و بەرپرسیارەتیی خۆیان جێبەجێ کردووە. هەروەها هێزەکانی یەپەگە و یەپەژە لە بەرانبەر داگیرکاریی دەوڵەتی تورک لە ئاستێکی چالاک و کاریگەردا بەردەوامییان بە چالاکییەکانی خۆیان داوە. بە گوێرەی ئەمە ئەنجامی شەڕ و بەرخۆدانی مانگی ئاب وەهایە:
لە دژی هێزەکانی داگیرکەر 18 چالاکی ئەنجامدران
هێزەکانمان لە بەرانبەر داگیرکاریی دەوڵەتی تورک و گرووپە چەتەکانی، 18 چالاکیی جۆراوجۆریان ئەنجامداوە. لە ئەنجامی چالاکییەکانی نیشانەشکێنی، هەڵکوتانەسەر، کەمین دانان و هێرشبردندا، 57 چەتە و سەربازی سوپای تورکیای داگیرکەر کوژران (لەنێویاندا 7 سەرباز و 2 سەرچەتە هەن)، هەروەها 40 چەته و‌ سەربازی سوپای تورکیای داگیرکەر بریندار بوون. لەم چالاکییانەدا دەستبەسەر 5 چەکی جۆری AK-47، 2 دەمانچە و چەندین بەڵگەنامەی سەربازیدا گیرا. هەروەها 4 ئۆتۆمبێلی سەربازی و 3 ماتۆڕ تێکشکێنران و گورز لە 2 ئۆتۆمبێلی سەربازیش درا. ئەنجامی چالاکییەک ڕوون نەبوویەوە. سوپای تورکیای داگیرکەر 4 جار لە هەرێمی #عەفرین# ئۆپەراسیۆنی بەرفرەوانی بە بەشداری هەزاران چەتە و فڕۆکەی بێفڕۆکەوان ئەنجام دا. هەموو ئۆپەراسیۆنەکان لە ماوەیەکی کورتدا بەبێ ئەنجام پاشەکشەیان کرد. سوپای تورکیای داگیرکەر 2 جار سنووری ڕۆژاڤای پێشێل کرد و ڕاستەوخۆ لە ناوچەی سەرێکانی هاوڵاتیانی سیڤیلی کردە ئامانج. لە ئەنجامی هەردوو هێرشەکانی سوپای داگیرکەردا 2 هاوڵاتیی سیڤیل بریندار بوون. هێزەکانمان یەکسەر بە هەمان شێوە وەڵامی هێرشەکانیان ‌دایەوە.
6 هاوڕێمان شەهید بوون
لە ماوەی مانگی ئابدا بەگشتی 6 هاوڕێمان شەهید بوون کە 2 هاوڕێمان لە ئەنجامی بەرخۆدان دژی داگیرکاری لە عەفرین، هەروەها 4 هاوڕێمان لە ئەنجامی نەخۆشی و ڕووداوی هاتووچۆدا شەهید بوون. ئێمە وەک هێزەکانی یەپەگە و یەپەژە کە لە دژی داگیرکاری دەوڵەتی تورکی داگیرکەر و لە دژی ئه و کەسانەی لە هێرشدان دژی دەستکەوتەکانی شۆڕش کە بە قوربانیی گەورە بەدەستهێنراون، بە شێوەیەکی کاریگەر بەردەوام دەبین لە تێکۆشان و چالاکییەکانمان.)[1]
#03-09-2018#