سەرەتا سوپاسی پەڕڵەمانی ئەوروپا دەکەین بۆ ڕەخساندنی دەرفەتی بەستنی ئەم کۆنفەڕەنسا، هەروەها سوپاسی کۆنگرەی نەتەوەیی کوردستان و ئینستیتوتی کوردی لە بروکسل دەکەین بۆ هاوکارییان.
سێیەمین کۆنفرانسی کودی فەیلی لە کاتێکدا بەسترا کە ڕۆژهەڵاتی ناوین و ئێراق بە ڕەوشێکی ئاڵۆز وگوڕانکاریی گەورەدا تێپەڕ دەبێت.
لە کاتی بەڕێوەچوونی دووەمین کۆنفرانسدا تا ئێستا لە عراق ڕووداو و گۆڕانکاری گەورە ڕوویان داوە، گرنگترینیان کۆتایی هێنان بە دەوڵەتی ئیسلامی ناسراو بە داعش، پەیوەندییەکانی نێوان حکومەتی مەرکەزی ئێراق و حکومەتی هەرێمی باشووری کورستان، هەروەها ئامادەکاریی بۆ ئەنجامدانی هەڵبژاردنی پەڕڵەمانی ئێراق.
سەرباری ئەوەی کە ئەم گوڕانکاریانە ئەرێنی بوون بە گشتی، بەڵام ڕەوشی ئاساییش بەتەواویی بەر قەرار نەبووە و مەترسییەکی زۆر لەسەر کەمایەتییەکان لە وانە کوردانی فەیلی هەیە، کە تا ئێستا کوردانی بەغدا و شارەکانی دیکە و ناوجەکانی کورردانی فەیلی وەکوو خانەقین، مەنەلی، بەدرە و کوت ڕووبەڕووی هەڕەشە توندوتیژی و کردەوەی تێرورستی دەبنەوە. ئەو ناوچانە لە ڕووی سیاسی وگەشەپێدان پشتگوێ خراون، بە شێوەیەک کە بناخەی مێژویی ئەم ناوچانە ڕووبەڕووی تواندنەوە و لە ناوچوون بوونەتەوە و لە خزمەتگوزاری بێ بەشن و سکاڵایان پشت گوێ دەخرێت. پڕوژەی سیاسی وفکری وگەشپیدان کە لە لایەن خەڵکی ئەم ناوچانە پێشکەش دەکرێن، ناهێڵرێن بگەنە ناوەندەکانی بڕیار لە بەغدا و هەولێر.
لە بەرانبەر ئەم تەحەدیانە ئێمە جەخت لەسەر ئەم خاڵانە دەکەینەوە:
یەک/جەختکردن لەسەر جێ بەجیکردنی ناوەرۆک و داخوازیەکانی هەردوو کۆنفرانسی ڕابردوو. هەروەها پێداگری لەسەر پێداچونەوە و جێبەجێکردنیان.
دوو/ جەختکردن لەسەر پڕۆسەی دیموکراتی، گوڕانی کۆمەڵایەتی، ئابووری، سیاسی و یاسایی، بۆ ئاواکردنی کۆمەڵگەیەکی یەکسان وهاووڵاتیبوون و جەسپاندنی کولتووری پێکەوەژیان ودانپێدانانی سیاسی و کۆمەڵایەتی بە مافی کێمایەتیکان ودابین کردنی پێداویستی گەشەپێدانی لەسەر بنەمای ئاشتی و پێکەوە ژیان و بەشداربوونی ئەکتیف لە هەموو بوارەکاندا.
سێ/ ژن وەکوو گرنگترین پێگەی بناخەی کۆمەڵگە پیویستی بە زەمینەی فەرهەنگی وسیاسی هەیە بۆ دابین کردنی بەشداربوونی یەکسان لە سەرجەم کایەکانی کۆمەڵگە و چالاکییە سیاسی وئابووری و کۆمەڵایەتییەکان.
چوار/ پێویستە هاوکاری گەنجان و منداڵان بکرێت تا بتوانن ڕوانینی پاشەڕۆژی خۆیان دوور لە توندوتیژی و تاوان گۆشەگیریی مسۆگەر بکەن.
پینج/ داواکاریی لە یەکتی ئەوروپا لە ڕووی مادی و مەعنەوی بۆ بەدەستهێنانی ئەم ئامانجانەی خوارەوە:
1/ ڕێگەپیدان بە کۆمەڵگەی کوردی فەیلی لە بەغدا و شارەکانی دیکە و هەروەها لە جوگرافیای کوردی فەیلی بۆ خۆئاواکردن، بەگەڕخستنی خۆبەڕێوەبەریی لە چوارچێوەی سیستەمی لامەرکەزی بۆ بەرەو پێشبردنی کۆمەڵگە و گەشەپێدانی. هەروەها دابین کردنی هێزی خۆپاراستن.
2/ بەرقەرابوونی ئاشتی بە شێوەیەک کە بتوانێت بوار بدات بە پەرەپێدانی ئەزموونی مێژوویی پێکەوەژیان، تاکوو ڕۆڵێکی مەزن لە درووستکردنی بەربەستێک لەبەر دەم پێکدادانەکان لە باکوور و باشوورو ڕۆژاواو ڕۆژهەڵات پێکبێنێ.
3-داوا لە حکومەتی فیدراڵ و حکومەتی هەرێمی کوردستان بکرێت کە چالاکانە کار بۆ بوژانەوە و ئاوەدانکردنەوەی ناوچەکان بکات. بودجەی تایبەتیی لە لایەن حکومەتی ناوەندی و حکومەتی هەرێمەوە بۆ تەرخان بکرێت.
4-گرنگی دان بە ژێرخانی ناوچەکانی کوردانی فەیلی و ئاواکردنی دامەزراوەی پەروەردەیی وتەندرووستی. هەروەها دابینکردنی ئاوی ئاودێری ودامەزراندی پروژەی بجوک و گەورە بۆ گەشەپێدان.
5-رەخساندنی دەرفەتی پەروەردە وراهێنان بۆ کەرتی فەرمانبەران وپۆلیسی مەحەلی، هەروەها بۆ ژنان و جەوانان و منداڵان بۆ ئەوەی بتوانن پروژەی تایبەتیی خۆیان بەڕێوە ببەن و ڕۆڵیان هەبێت لە بەڕێوەبەریە مەحلییەکان.
ئێمە ئەم داواکاریانە دەکەین لە هەمان کاتدا پێداگری لەسەر پابەندبوون بە پەیمانە ئەخلاقیەکان دەکەین بۆ ئاشتی وژیانی هاوبەش لە گەل سەرجەم پێکهاتە ئایینی وئیتنییەکان، و هێزە سیاسییەکان. لەسەر ئەو بنەمایەداوا لە حکومەتی بەغدا و هەولێر هەروەها سەرجەم هێزە سیاسییەکان دەکەین بۆبەدیهێنانی ئەم دیدە و جێبەجێکردنی وەکوو پروژەیەک بۆ دابین کردنی ئاساییش و ئاشتی لە ناوچەکە، هەروەها ڕەخساندنی زمینەیەک بۆ ژیانی هاوبەشی گەلان لە ئێراق و دەوروبەری. هەروەها داوا لە ڕێکخراوە نێودەوڵەتییەکان دەکەین لە سەروویانەوە نەتەوە یەکگرتووەکان، یەکێیتی ئەوروپا و دەوڵەتە هەرێمییەکان پێشتیوانی ئەم پروژە مرۆڤایەتییە بکەن کە بتوانێت ببێتە هەنگاوێک لە ئاواکردنی ئارامی و ئاساییش لە ڕوژهەڵاتی ناوین.
سێیەمین کۆنفرانسی کوردانی فەیلی لە پەڕڵەمانی ئەوروپا
برۆکسل
#12-04-2018#