لە لاپەڕی فەرمی خۆی، عەلی حەمەساڵح ئەندامی لێژنەی نەوت و غاز لە پەرلەمانی هەرێمی کوردستان نووسیویەتی، لە هەر بەرمیلێک نەوت تەنیا 15 دۆلار ماوەتەوه.
لەسەر لاپەرەی فەرمی خۆی، عەلی حەمە ساڵح پەرلەمانتاری هەرێمی کوردستان لەسەر لیستی گۆڕان، ئەمڕۆ وەکو تێڕوانینک بۆ ڕاگەیاندنەکەی وەزارەتی سامانە سرووشتییەکانی حکومەتی هەرێم کە وردەکاری فرۆشتن و داهاتی بڵاو کردوەتەوە، سەرنج و تێبینی خۆی لەسەر ڕاگەیاندنە نووسیوە و بڵاوی کردوەتەوە.
لە بەشێکی نووسینەکەیدا هاتووە: "بەرهەمی نەوتی هەرێمی کوردستان لە مانگی پێشوودا 19 ملیۆن و 552 هەزار بەرمیله و لەم بڕەیە 1ملیۆن 923 هەزار بەرمیلی لە ناوخۆدا پاڵێوراوه و فرۆشراوەتەوە".
هەروەها هاتووە: "هەرچەندە تێکڕای نرخی نەوت 50 دۆلار بووە، بەڵام حکومەتەی هەرێم دەڵێت بە 35 دۆلار فرۆشتوومانه و له و 35 دۆلارەش 20 دۆلاری دیکە ڕۆشتووه "
لە بەشێکی دیکەی سەرنج و تێبینییەکانی ئەو ئەندام پەرلەمانەی هەرێم هاتووە: "567 ملیۆن 768 هەزار دۆلار وەدەستهاتووە، بەڵام
62 ملیۆن دراوە بە کۆمپانیاکانی وەبەرهێنان، بەڵام کۆمپانیاکان دەڵێن: هیچمان وەرنەگرتووه، وەک مانگەکانی دیکە دەڵێن: 158ملیۆن دۆلارمان داوەتەوە بەقەرز بەڵام ناڵێت لەکێ ئەم قەرزە وەرگیراو چۆن سەرف بوو؟ دەڵێت: 22ملیۆن دۆلارمان داوە بەکەرکووک، واتە لە شەش مانگدا 166 ملیۆن دۆلار دراوە بە کەرکووک، بەڵام ئەم پارە لە کەرکووک نییە!!"
هەروەها ئەوەش هاتووە کە: "بەگشتی: 19ملیۆن 552 هەزار بەرمیل نەوت بەرهەمهاتووه و پارەی ماوە 324 ملیۆن و 574 هەزار دۆلاره، واتە هەر بەرمیلێک:16.600 دۆلاری ماوەتەوە ئەم پارەش کە بە دۆلارە بە 117 هەزار بۆ هەر 100 دۆلارێک دەدرێتە بانکی کوردستان وبەمەش 10٪ بۆ بانکی کوردستانە، واتە، هەر بەرمیلێک نەوت تەنیا 15 دۆلار ماوەتەوه".
14-12-2016